الأحد، 31 أكتوبر 2010

ناولنى فرشة ..هرسم وطن

السلام عليكم ورحمة الله وبركاته
فى يوم من الأيام ظهرت الفكرة على إيد (( صوت من مصر )) وكان الفكرة أساسها إن كل واحد يحلم بوطنه ويكتب اللى بيحلم بيه ويقول ياترى هوا نفسه يشوف وطنه إزاى .. وإستمرت الفكرة فترة من الزمان ولكن كان عدم التنظيم هوا السبب الرئيسى فى إنها تقف ومش تكمل على خير زى ما كنا بنحلم ساعتها
ودلوقتى عدنا من جديد بنفس الفكرة ولكن ...
مش هنرسم وطن الأحلام الوطن المثالى اللى مفيهوش عيوب
مش هنرسم ورود فى كل مكان وناس ماشية بتبتسم وعيشة هنيه ومستحيلة
مش هنرسم وطن تانى غير مصر
هنرسم مصر زى ما بنحلم بيها
هنرسم مصر
مصر وبس زى ما بنحلم بيها وزى ما بنتمنى تكون
لا أحنا إخوان ولا يساريين ولا تبع أى إتجاه أو أى تيار ولا أى فئة سياسية إحنا بنحلم وبس
محدش يسألنى ويقولى الحلم إمتى هيبقى حقيقة ...اكيد لما يخرج للنور هيبقى له شكله وهيبقى له معناه
إلى كل المشاركين فى الحلم :
أرسل البوست على الإيميل التالى :harsem.watan@gmail.com
وسيتم الرد عليك قبل النشر ب 48 ساعة
ودا رابط المدونة ...هنرجع إن شاء الله نكتب تفاضيل أكتر عن عودة الحلم عالمدونة
ودا رابط صفحة المدونة عالفيس بوك
ودا جروب المدونة عالفيس بوك
وأى إستفسار أنا حاضر لكم فى التعليقات
على وعد بإكمال الحلم ...
شاب فقرى

هناك 9 تعليقات:

غير معرف يقول...

بصراحة فكرة روعة

Kiara يقول...

مبسوطة انها هترجع تاني :)

شاب فقرى يقول...

والله وانا اكتر يا كيارا
:)

Tears يقول...

فكرة كويسة بس عايزة حد لسه عنده أمل

شاب فقرى يقول...

المهم نحلم يا Tears
المهم نحلم
:)

well يقول...

تحياتى للفكرة
وتحياتى لمصر المضغوطة فى فرشاتكم




..
تحياتى

رحاب صالح يقول...

حلوة اووي بجد يا كريم
انا دخلت وقريت حاجات
بس انا كمان مبعرفش ارسم بس هحاول اقول وارسم اللي جوايا
وهي فكرة حلوة اووي وهحاول يما انها هترجع تاني اني اشترك معاكم

غير معرف يقول...

ناولنى فرشة ارسم الانسان اللى جوة الوطن الاول البشر النى ادام اللى اتغير الوطن ثابت مش بيتغير الانسان هو اللى بيتغير وهو اللى بيخرب فى الارض ويدمرها ارشم بنى ادم الاول انسان نرجع فية الشهامة وكل المعانى الحلوة اللى راحت واختفت وبقت موضة قديمة زى الطربوش كدة وغيرة .....

فارسة بلا جواد يقول...

أنا عندي حلم ما اكتمل وبصراحه خايفه أرسمه ع الورق متل ما بدي يقوم القلم يخذلني والورق يخلص وكمان الوقت

ما يسعفني لانه بصراحه رسمي للحلم بده مني وقت كتييير بس هل انتم حتعطوني الوقت الكافي لأرسمه ؟؟ ولا حتقولولي مش من حقك ؟

ع العموم بدي وطني يكون اسمه فلسطين دوله عربيه مستقله خاليه من اي شوائب يهوديه ...

واله حدود واسعه واسعه واكيد ما بتتعدى حدود فلسطين وعلم واحد بس فيه اربع الوان وباقي الالوان يتلغوا من حياته


دي الهواء تبعه هواء مليان عروبه والحرس الحدودي اله حمامات بيضاء

وكمان الشجر بتاعه ممنوع ولا ورقه ولا غصن ينقص من عليه

بدي ما أسمع صوت صواريخ ولا مسيرات ولا قصف

هدوء هدوء يعم المكان

اللي بيرأس فلسطين ما انه من البشر بدي اياه ملاك ملاك

ااااااااااه اللوحه لسه ما اكتملت

وعندي كتير لأقوله

المهم

فكرة مووووووووووووت حلوة

أحييك عليها

وانت مو شاب فقري

بالعكس انت غني بأفكارك

مرسي ع الطرح الجميل