الخميس، 21 أكتوبر 2010

الآن عرفتُ الفرحة !

أتاها فى الظلمة التامة
يشكوها جحيم الحياة
فباعدت بين ذراعيها ... ليشع نور
وقالت : إدخل الجنة

لم أكن أظن أن مجرد عرض مسرحى سيعيد فرحتى للحياة من جديد ويحرك إحساسى المقتول كما حدث بعد مشاهدتى للعرض المسرحى حياة
كل شىء قد إقترب من حد الكمال تقريبا ..فالكاتب والمخرج أحمد صبرى غباشى قد إستطاع أن يوصل إلى جمهوره إما من خلال كلماته أو الأداء المسرحى أو الإستعراض العديد والعديد من المشاعر والأفكار والأحاسيس فالعرض لم يكن مجرد فكرة مستهلكة عن الحب كما سيخطر فى بال البعض بعد قراءة تلك الكلمات ولكنه إستطاع أن يصور حياة للعاشقين والمحبين ويجعلك تفتح عينيك لترى ما أغفلته فى تلك الحياة من معانى وما أغفلته فى الحب من معانى وكلمات .
كنت قد وصل بى الحال قبل ذلك العرض المسرحى إلى إعتقادى بأن الحب هوا أحد الأساطير الإغريقية الغير موجودة والتى ليس لها معنى والتى إستطعت أن أثبت أنها لا معنى لها فى هذا الزمان وأن الكثير من الناس إما قد ضاع منهم المعنى أو أنهم أصبحوا يهابون الحب لدرجة أن يقتلونه إما فى طفولته أو فى شبابه قبل أن يتحول إلى شىء ما يغير حياتهم ويريهم الطريق .. كنت مؤمنا بأن الكثير قد فاتنى من الحياة ومن الحب وأن ذلك الإحساس المسمى بالحب ما هوا إلا وهما قديما إعتقدته البشرية كإعتقادهم فى آلهة الطبيعة وعبوديتهم للنار والشمس والكواكب والنيل والقطط وكل ما توصل إليه بنو البشر من أشياء يعبدونها .. ولكن .. هنالك دوما ما يدفعك إلى ان تدقق كثير وتمعن النظر .. ربما نحن من أخطأنا فى الإختيار فى كل المرات السابقة وربما قدمنا الكثير لمن لا يستحق ..لا يحضرنى الآن سوى جملة لأحد أصدقائى قد وصف فيها بأنك حين تفقد شخصا أحببته بشدة فكأنما تخسر بئرا أو مستودعا للحبوب الذى أودعت فيه كل الحب والثقة وأسمى معانى العشق وأن برغم خسارتك فهنالك شىء لم تخسره بعد وهوا قلبك النابض ..رأس مالك مازال موجودا ويمكنك أن تعشق من جديد وتشعر بالدماء تسرى فى عروقك ...
حاول ولو حتى على سبيل المحاولة ...
نعود للعرض المسرحى من جديد ..
العرض المسرحى كان على مسروح روابط بوسط البلد فى شارع حسين المعمار المتفرع من شارع شمبليون
الأداء التمثيلى : ممتاز
الموسيقى : جيدة جدا
التنظيم والإخراج : كان واضح جدا إنه مميز جدا
الصحبة ممن حضروا معى العرض : دعنى أقول أننى لم أحظى بمثل هذه الرفقة منذ سنين ..حقا شكرا لكى :)

عصفور بجناحين من حرير سيحلق عاليا فى سعادة ..
كى يقص ما لم أعرفه من الأساطير
الكون سيضحك من جديد والنور فى إنتظارى
فلتضحك يا زمنى أخيرا
فالآن عرفت الفرحة ...
الآن عرفت الفرحة !

الكلمات باللون الأحمر للكاتب أحمد صبرى غباشى
والبقية من إحساس كاتبها صاحب المدونة
شاب فقرى

ملحوظة :الحمد لله عملت العملية فى عينى بعد ما كنت مش قادر أفتحها ولا بشوف بيها أصلا وعماله تعيط لوحدها طول الليل والنهار ... الحمد لله بشوف تمام دلوقتى يمكن فى شوية وجع وإلتهاب ولكن ...أهوه ممكن التحمل لحد ما أتعافى تماما بعون الله ..دعواتكم ... ومازلت بكره الدكاترة ...
وشكرا لكل الناس اللى مسألتش عليه :) حتى اللى معاهم رقمى وعارفين من الفيس بوك ومعلقين
بجد عرفونى قيمتى عندهم قد إيه ..
والحمد لله على نعمة الصحة والصداقة والحب وعلى كل النعم فى هذى الحياة

هناك 13 تعليقًا:

Antika يقول...

شكلك قضيت وقت جميل الحمد لله .. شديتنى اعرف المسرحية كانت بتحكى ف ايه

وحمد الله على سلامتك .. ان شاء الله عينك تبقى كويسة وتكون مسألة وقت :)

غير معرف يقول...

السلام عليكم
شاب فقرى انا معرفتش بالعملية الا حالا وانا بقرأ البوست ومشفتش تعليقات فى الفيس لانى انشغلت الفترة اللى فاتت فعلا فى فرح اختى وامتحانات بنتى
الف سلامة عليك
ربنا يطمنا عليك يارب
ربنا يكرمك كل الخير
اعذرنى ولو كنت عرفت اكيد كنت سألت عليك
الف لا بأس عليك
خد بالك على نفسك
ربنا معاك
اختك ايمان

eng_semsem يقول...

اولا الف شلامه عليك وربنا يعافيك من كل سوء معلش لو اتاخرت في السؤال بس انا اصلا ما كنتش اعرف انك عيان وربنا يقومك بالسلامه
ثانيا كويس انك لاقيت الفرحه والاحسن انك بتحاول تدلنا عليها وياريت كان ينفع اشوفها بس كفايه اللي سمعناه منك عليه ويارب الفرحه تعرف طريقها لينا

غير معرف يقول...

شكرا يا باشا

غير معرف يقول...

حمد لله على سلامتك يارب تكون فى احسن حال ممكن اعلق على البويت اللى فات بدون زعل بوست سئ جدا وكلامة سئ مش ممكن تكون انتة اللى كاتبة ولو انت اللى كاتبة يبقى انا معرفكش فعلا ..زى ترمادول كدة مكنتش عارفة اصلا يعنى اية وعملت بحث على الكلمة وعرفت الحاجات دى لها ناسها والنوع دة من الكتابة لة ناسة مش انتة لو مش عاجبك كلامى تقدر تمحية وتمسح التعليق بس انتة تكتب واحنا من حقنا نقول رائينا مش كدة مبروك عليك البداية الجديدة من حقك بس المود دة بيخصها هى ..

غير معرف يقول...

حمد لله على سلامتك يارب تكون فى احسن حال ممكن اعلق على البويت اللى فات بدون زعل بوست سئ جدا وكلامة سئ مش ممكن تكون انتة اللى كاتبة ولو انت اللى كاتبة يبقى انا معرفكش فعلا ..زى ترمادول كدة مكنتش عارفة اصلا يعنى اية وعملت بحث على الكلمة وعرفت الحاجات دى لها ناسها والنوع دة من الكتابة لة ناسة مش انتة لو مش عاجبك كلامى تقدر تمحية وتمسح التعليق بس انتة تكتب واحنا من حقنا نقول رائينا مش كدة مبروك عليك البداية الجديدة من حقك بس المود دة بيخصها هى ..

غير معرف يقول...

حمد لله على سلامتك يارب تكون فى احسن حال ممكن اعلق على البويت اللى فات بدون زعل بوست سئ جدا وكلامة سئ مش ممكن تكون انتة اللى كاتبة ولو انت اللى كاتبة يبقى انا معرفكش فعلا ..زى ترمادول كدة مكنتش عارفة اصلا يعنى اية وعملت بحث على الكلمة وعرفت الحاجات دى لها ناسها والنوع دة من الكتابة لة ناسة مش انتة لو مش عاجبك كلامى تقدر تمحية وتمسح التعليق بس انتة تكتب واحنا من حقنا نقول رائينا مش كدة مبروك عليك البداية الجديدة من حقك بس المود دة بيخصها هى ..

شاب فقرى يقول...

Antika
المسرحية موجودة فى الصفحة بتاعتهم عالفيس بوك :)
متصورة
وان شاء الله صديق من اللى حضروا هينزلها لنا برده :)
دمتى بكل ود
والله يسلمك يارب
فقرى

شاب فقرى يقول...

الحب الجميل :)
ربنا يخليكى يارب ويسلمك
إن شاء الله خيرا يارب
:)
وربنا يعينك فى الامتحانات والف مبروك لاختك :)
نورتى يا ايمان
فقرى:)

شاب فقرى يقول...

eng_semsem
الله يسلمك يارب
هوا المهم إن إحنا اللى نعرف طريقنا ليها
هوا انا فرحت
بس اتمنى ان كل فرحة بنوصلها تدوم :)
دمت بكل ود
فقرى

شاب فقرى يقول...

غير معرف
أولا : الله يسلمك
ثانيا :البوست اللى فات انا فعلا اللى كاتبه
ثالثا :
مش فاهم نهاية التعليق
بس اوكى
هحاول افهم
بالنسبة للبوست اللى فات
انا كتبته بعد ما لقيت فى ناس بتتكلم وبتقول كلام مش حلو فى حقى انا وصحابى من تعليقاتنا لبعض
فبالتالى اتفقنا نكتب اللى يريحنا
لو كنت تعبت نفسك ووصلت لاخر البوست وقريت هوا مكتوب ليه
دا لو
وكمان بعيدا عن المكتوب
مش من حقك تحكم عليه من خلاله كدا ببساطة كأنك بتقول حكم على حد إنته متعرفوش
المفروض إن كل واحد من حقه يكتب اللى يريحه واللى شايفه واللى يخدم القضية اللى بيقدمها بالشكل اللى يناسب افكاره
يعنى مش ينفع حد ييجى يشتكى ويقولى والله امسح كذا عشان شكله مش عاجبنى
مينفعش
ولا ينفع حد يقول إنته إزاى كتبت دا ؟
هوا من حقه يقول رايه بس
يمكن انته او انتى لما شفت البوست حسيت بالقرف وحسيت انه شىء مقزز ولا يصلح للنشر وعايز الحرق بجاز
طيب ما انا كمان حسيت دا وانا بكتبه
بس هل دا يمنع ان دا واقع ؟
دا فعلا واقع
ويمكن عشان انا شاب وفى وسط الشباب شفته مش مرة ولا اتنين مليون مرة
فى ناس بتزعل لما بتكلم عن المخدرات او عن اى حاجة تانية
لكن اللى المفروض يفهموه ان بقى فى ثقافة بين المصريين ان المخدرات بقت زى مستلزمات البيت كدا
وبقى فى ثقافة واشخاص بيدعموها
مش قصدى طبعا انها صح
ولكن قصدى انها بقت عادى جداااااااااا جدااااااااااا جداااااااااااا يعنى الغلط ببساطة بقى منتشر بشكل أوفر زى ما بيقولوا وزاد وغظى
المفروض بقى انى احكى عنه
ولا اسكت
يمكن اللى يقرا ميبقاش عاجبه المكتوب ويحس بالقرف
لكن هيتوعى عالاقل لو ليه اخ هياخد باله منه
او لو ليه ابن هيحاول يتواصل معاه ويبقى جمبه بدل ما يشرب او يستمر فى الشرب او التعاطى
الموضوع بالنسبة لك كان مجرد تفرقه بين اذا كنت انا كويس ولا وحش وهل تعرفنى تانى ولا لاء
والموضوع بالنسبة لى كان جرس إنذار
وبرده بوجه طلبى ليك تقرا الجزء المكتوب بالاسود فى اخر البوست
عشان منزلهوش فى بوست لوحده مخصوص ليك عشان تقرا
ويارب تكون الفكرة وصلت
ويارب تقول مين حضرتك فى ردك القادم
تحياتى
شاب فقرى

شاب فقرى يقول...

يوميات شحات
نورت فى زيارتك الاولى
:)
نورت
اخوك فقرى :)

Tears يقول...

الف سلامة عليك

الحمدلله انك بخير

حاول لا تجهد نفسك فى الكمبيوتر الان حتى تتعافى تماما