السبت، 18 سبتمبر 2010

وصفة النسيان

كنا أصدقاء
وسألتنى يوما : كيف أنسى من عشقت وتركنى للموت عشقا
فكتبت إليها ولم تكن حالة السطورتعبر عنى فى ذلك اليوم بل كانت بلسان حالها هى
ولا تعبر عنى الآن ولكننى وجدتها فى أرشيف المدونة
****
كيف أنسى عشقى الأول والأخير
حلم حياتى
كل كلماتنا معا تتردد فى أعماقى
كل أحلامنا معا لا تفارق مخيلتى
كل شىء ما عاد إلا ليصرخ طالبا الرجوع لها
حددت خطوات لأنساها
وكانت كالتالى :
أولا :
لا تذكرها فى حديثك
ولا تسأل نفسك لماذا لازالت تذكرها او تحبها
ولا تسأل نفسك هل كانت حبا حقيقيا أو نزوة فى زمانك
تانيا :
لا تتذكر ما كانت تعشق وتكره فى الحياة
ثالثا :
لا تردد كلماتها
رابعا :
لا تفكر فى أراءها فى الحياة والناس
وعد إلى ما كنت عليه
أو
ربما عليك أن تكون شخصا آخر يجب أن تكونه
خامسا :
لا تفكر فى عينيها
وسر فى كل طريق كنتم فيه معا
وتذكر أنك سرت فيه وحيدا
وتذكر أن دوما المستقبل بين يديك
لتسير فيه مع حبك الحقيقى
سادسا :
بعد قليل ستنمحى وكأنها لم تكن هنا

شاب فقرى

هناك 23 تعليقًا:

حبات التوت يقول...

:)
فكرتنى بحاجة زمان

بس ماعتقدتش ان الواحد لو مشى فى الخطوات دى هينجح اصلا ماكنش حد غلب
بس اهى تبقى محاولة

غير معرف يقول...

هههههههه

دي روشته بقا

بس في الاول اي شيء بيبقى صعب تنساه... وبعد فتره بيبقى صعب تفتكره

تحياتي

sweet angel يقول...

الزمن كفيل انه يدوب كل حاجه

والروشته بتاعتك مفيده

بصراحه بتفكر

Kiara يقول...

لا والله

والحاجات دي اصلا هتعرف تعملها ولا لو عملتها هتنساها

شمس النهار يقول...

ياسلااااام
ماكنش حد غلب

ده في ناس بتطلع باللحم والدم

وكمان مابتطلعش

تحياااااتي

ديالا يقول...

عشان الواحد ينسي بجد لازم انه يقرر انه مينساش

لانه لو نسي مش بعيد يرجعلها تاني

ومش بعيد ينسي نفسه ولو نساهامش هيفتكر انها وجعته وهيحبها تاني

فالاحسن انه مينساش يفضل مقرر انه مش هينسي عشان يعرف ينسي

رحاب صالح يقول...

اممممممممم
انا بالنسبة لي من خلال تجربتي الشخصية
حسيت ان الدنيا انتهت واني استحالة هقوم تاني من وقعتي ومن عدم ثقتي في اي رجل تاني من خلال عشقي المجنون له هو فقط....وحاولت اكره كل شيء وكل مكان عشقناه سويا وكل كلمة حلوة وكل اغنية وكل فيلم وكل شيء حتي الايس كريم كرهته بسبه ....سنين كتيرة ولقتني انا زي اللي خسرت وهو ولا شيء ....بصيت لنفسي لقتني مش انا ....فضلت ادور علي نفسي لغاية ما لقتها وبقيت انا واحسن مما كنت وكان هو وغيره يتخيلوا .....شاف رحاب تانية غيري ....شاف النجمة اللي كانت قريبة منه في ايده وبعديييييييييييدة ...
تعرف انت بالبوست ده حسستني باستمتاع غريب بالانتصار ....مش عليه ...لاء علي نفسي ....بجد روووعة

خواطر شابة يقول...

ام كلثوم قالتها زمان
"هجرتك يمكن انسى جفاك
واودع قلبك القاسي
لقتني في عز جفاك
بأفكر فيك وانا ناسي"

جايدا العزيزي يقول...

الله الله

ايه الروعه دى

تفكير حكيم

بس دوا النسيان هى الايام

والحمد الله ان الله وهبنا تلك النعمه

نعمة النسيان


تحياتى

be pleased يقول...

أتفق معك فى كل الخطوات .. فيما عدا خطوة السير مجدداً فى كل طريق سرتما فيه معاً ..

أظن أنه من الأنسب أن تبتعد عن كل مكان يذكرك بها ..

و خطوة أخرى أحببت إضافتها .. امح رفم هاتفها من تليفونك و امح عنوان بيتها من ذاكرتك ..

شاب فقرى يقول...

ويلا
الانسان بطبعه نساى
امال اسمه انسان ليه؟

شاب فقرى يقول...

فتاة من الصعيد
والله دا يبقى نصيب بقى

شاب فقرى يقول...

sweet angel
تسلمى يارب :)
نورتى

شاب فقرى يقول...

كيارا
أنسى مين
مش فاكر :)

شاب فقرى يقول...

شمس النهار

على قد الجرح بيكون الألم
وعلى قد القرب بيكون الوجع
والزمن كفيل بكل حاجة
نورتى يا امى المدونة من جديد
:)

شاب فقرى يقول...

ديالا
دى غيبيات
الواحد يعمل اللى عليه وينسى وخلاص
هوا الواحد اساسا فى اى موقف مينفعش يفكر فى رجوع الطرف التانى او لاء
لانه مادام غاب وقدر يبعد
فهوا لا يستحق

شاب فقرى يقول...

رحاب صالح
تجربتك رائعة
وفيها ألم رهيب
لكن الحمد لله إنك إنتصرتى على نفسك فى النهاية :)
نورتى
ودمتى بكل ود
فقرى

شاب فقرى يقول...

خواطر شابه
رومانسيات ام كلثوم لا تصلح لحب هذى الأيام
والنسيان هوا الحل لكل ألم بعيد فى حياتنا
فقرى

شاب فقرى يقول...

جايدا
الحمد لله على نعمة النسيان وربنا يصبر الجميع على مرور الوقت والأيام

شاب فقرى يقول...

be pleased

للاسف مش تجربة شخصية
ولكنها فكرة جت فى بالى
من اللى شفته قدامى مرة
وانا شرحت دا فى البداية
بس كلامك منطقى وسليم
نورتى
دمتى بكل ود
فقرى

Story pain يقول...

انا كنت نسيت لحد ما قرات الوصفة بتاعتك دى :)

متهيألى احنا مش بنتعمد نفتكر علشان كده ماعندناش القدرة اننا نتعمد النسيان...بس برده نجرب.. يجعل سره فى وصفة كريم :)

شاب فقرى يقول...

قصة الألم
أنا عبد فقير
وكله على الله
هى وصفة بسيطة خالص والله
بس متعبة ومؤلمة
والنسيان مش زرار
بس كدا :)
بتنورى المدونة
فقرى

غير معرف يقول...

الكلام ده كدب ولا هعرف انساه ابدا مهما عملت لنا الله يا كريم
معلش يا زهر