السبت، 4 سبتمبر 2010

الرصاص الحى


قد قصصت عليها يوما قصة تحكى موقفا شجاعا لى وتصفنى بطلا شجاعا لا يهاب الموت ولا يخاف من أى مخلوق خلقه الله
بل قلت أننى أمتلك سلاحا لا يتحرك من مكانه إلا لأخطر الأمور
خافت جميلتى من كلماتى وأخدت الحيطة والحذر ...
لم أشأ أن أتركها كذلك ولا أن أتركها فى نار الخوف منى وخاصة واننى لم أصرح لها من قبل أن كلماتى قد تتفوق على الرصاص الحى فى قتل الآخرين كمدا وهما وغيظا
فأخفيت عنها كل الحقائق التى قد تخيفها يوما
وقد صرحت لها من بين كلماتى أنى بين جنبات نفسى يوجد كل ما تحلم به أى فتاة خلقها الله يوما
يوجد ذلك الطفل الصغير العابث الذى يداعب أمه ويقبلها كل دقيقة وأيضا ذلك الشاب الوحيد والشاب الهادىء الرزين والشاب العاقل والطاش والعاشق والمجنون وذلك الرجل القوى الواثق من نفسه وذلك العجوز الحكيم
كلهم يختفون تحت قناعا واحدا من الوحدة والإنزواء بعيدا عن صخب الحياة تطفل المتطفلين
لم تلحظ يوما أنها كانت زوجتى ولم تلحظ يوما أننى أحببتها حتى النخاع
خفت عليها من سلاحى الوحيد وحتى رصاصى الحي
إلى كل من تشدقوا برجولتنا ليأمنوا إنتقامنا وخانونا
إلى كل من طلبوا منا الرحمة فى وقت كنا نستطيع كسرهم وسحقهم سحقا
إلى كل من أدركنا أنهم لا يستحقون رحمتنا
لو أردت يوما إنتقاما ... فلن يوقفنى الكون كله
ولو أردت يوما عشقا ... فسأحطم الدنيا كلها حجرا حجرا وأبنيها من جديد لأجل من أحببت
ولكنى ادركت بعد طول إنتظار أن البعض قد يحيا بالمبادىء الزائفة والخادعة وقد يتشدق بكلمات الشرف والعزة ولا يعنى منها شيئا بل لا يدركها ولا يستطيع أن يميز فيها شيئا أو يحقق منها شيئا لنفسه أو يحافظ عليها
إلى كل من ظلمنى
إلى كل من إعتدى على بالكلمات
إلى كل من جرحنى
يعلم المولى تبارك وتعالى أننى أستطيع أن أدمر عالمكم بكامله... لكنى لن أهبط يوما لمستواكم
لن أستعمل سلاحى فى الرد عليكم
لن أقول كلمات غاضبة حمقاء وبلا معنى فى الرد عليكم
لن أنشر شيئا ولن أكتب شيئا لأننى لست من أمثالكم
سأترفع عنكم وستظلون فى الإنحدار إلى يوم يبعثون وسأظل أتقدم فى حياتى إلى أن ألقى رب كريم راضى عنى وغير غضبان
وستظل رصاصاتى الحية فى خزانة سلاحى وكلماتى وحقائقى التى لم أقلها علنا لأنى لم أشأ بأن أهين نفسى بالتحدث عما لا قيمة له وكل ما امتلك ضدكم يلمع فى ذكرياتكم لتذكركم من أنا
خالص التحية
شاب فقرى

ملاحظات :
* صحيح الواحد ميعرفش قيمة امه غير لما يشوف مرات أبوه
* يعنى متعرفش قيمة حب حياتك توتة من نزوة عابرة إلا لما تشوف النزوة دى وتمر بيها
* اللى فوق دى رصاصة بجد :D
1- أول إمبارح إتخلصت من أكبر العقبات وخلصت من أكتر الناس قلة قيمة وإنبهرت من كمية الأرايل المرفوعة قدامى
2- مكنتش أعرف بجد إن فى ناس لا تعرف للشرف والكرامة معنى
3- أحب أطمنكم عالأخبار الحلوة ..... جامدة جدا وجاية فى الطريق ... مش عايزأقاطع بس
بس نويت أنشر كتاب عما قريب
و إن شاء الله مزيد من الشهادات الدولية المعتمدة فى الطريق ( بنذاكر كويس أوى :P )
وإن شاء الله فى أخبار أكثر إسعادا لكم قريبا
إدعولى بالتوفيق وبس
كريم

هناك 12 تعليقًا:

Story pain يقول...

ربنا يوفقك يا كريم

وأخبارك كلها تباه سعيدة

منتظريين الكتاب

دموع القمر يقول...

بجددددددددد
الف الف الف مليون مبروك فرحتلك اوى
ربنا يوفقك ياكريم يارب
بس انا عايزة كتاب مليش دعوة :)

دموع القمر يقول...

البوست طبعا تحفه
اكيد كل واحد فينا جواه قدرة على الانتقام
بس القوى هو اللى يمتلك نفسه عند الغضب
تحياااااااااتى
من هنا ورايح مفيش فقرى
فيه شاب ناجح

الوردة السوداء يقول...

جميلة جدا الكلمات...
فيها معاني كبيرة وتعبير عن حاجة بتبقه جوانا كلنا لما نعرف في حياتنا ناس لا يستحقوا غير أن نحقرهم...
مبروك ع الكتاب وان شاء الله بالتوفيق...
تقبل مروري :)

حـــلـــم كــــان يقول...

كريم

فين كتابى

مليش دعوه

قلم رصاص يقول...

كلمات رائعه ياصديقي

ورائع جدا فكرة الكتاب يارب تتم على خير

وبالتوفيق دايما ياكريم

شاب فقرى يقول...

ألم القصة وقصة الألم
إن شاء الله الخير يأتى قريبا دوما
:)
نورتى
بالنسبة للجزء اللى فوق
دى استاتس
بتتكتب فى موقع تويتر
الواحد بيكتب هناك ما يجول بخاطره
بس كدا :)
اللى شابفاه قدامك هوا كل حاجة
بتبقى جملة واحدة بس
شاب فقرى

شاب فقرى يقول...

دموع القمر
الله يبارك فيكى
لسسسسسه بدرى اوى
دعواتك معانا بس :)
احنا ناجحين من زمان اوى يا دموع
بس محدش واخد باله :)
دعواتك يا دموع
شاب فقرى

شاب فقرى يقول...

الوردة السودا
الله يبارك فيكى
كفاية إن شخص يدرك حجمه الحقيقى لا يرى إلا تحت المجهر
نورتى
شاب فقرى

شاب فقرى يقول...

حلم كان
صبرك بالله :)
عن قريب إن شاء الله
وانا مش ناسيكى والله :D
نورتى
شاب فقرى

شاب فقرى يقول...

قلم رصاص
:)
توقع الأحسن دوما يا اخى الجميل :)

فقرى

wella يقول...

مش عارفة رصاصك الحى دة كنت تقصد بية مين حبيتك ولا واحد صاحب ولا مجموعة الناس اللى متخاصم معاهم
بس تقريبا كلهم مع بعضهم

صحيح الكلام احيانا كتير بيوجع وبيبقى اقوى من الرصاص

ان شاء الله موضوع كتابك يمشى على خير ربنا يوفقك يارب
وتبقى تطلع مع منى الشاذلى وابقى اتصل انا ارخم عليك فى البرنامج