بوست يوم أربعة رمضان
بعد مكالمة توتة إمبارح
النهارده يوم عادى بشكل مش عادى
يوم عادى بالقياس إلى ما كان من سنة ونص أو سنتين
الواحد بيصحى الصبح رايق وفايق وهوا مبسوط من كل كلمة سمعها إمبارح
مش محتاج حد يصحينى عشان أبقى مبسوط زى ما إتعودت الشهور اللى فاتت
النهارده حسيت إنى رجعت بالزمن سنتين مش عشر شهور بس
سنتين كاملين
مكالمة واحدة تقدر تمسح من عمرك سنتين وتصحى حب عمره سنين وسنين
تعرفك قد إيه قيمة كل لحظة فاتت
تعرفك إنته قيمتك إيه
تعرفك كويس أوى المكان اللى المفروض تبقى فيه
تريح قلبك
أنا كنت إتعودت على إن كل يوم فى حد يصحينى
طبعا لأنى شغال من البيت وشغلى كله عالنت الفترة الحاليه لحد ما أستلم شغلى إن شاء الله فى إسكندرية
فكنت متعود على كدا
لكن النهارده بالذات حسيت بتغيير وإختلاف جميل قوى
إن حد يصحيك من فترة نوم سنتين ويعرفك إن قلبك مكانش صحي بالكامل
وإن طاقة حبك قادرة تغير أى حاجة مهما كانت
أنا بجد النهارده سعيد
وعايز أنام من تانى .. محدش بيصحينى صحيح
بس عارف إنى قلبى صاحى على طول :)
شاب فقرى
هناك 10 تعليقات:
واول تعليق
ياابنى براحه علينا
دا الواحد مابيلحقش يقرا البوست يلاقى التانى نزل
ياعينى ياعينى
انا هحسدك ولا ايه
ربنا يفرح قلبك كمان وكمان وكمان وكمان
بس برضو انا مش فاهمة حاجة ههههه
بس برضو اللى بيحب بيسامح
بس تفتكر كل الناس كدا
:))))))))))))))))
خبر حلو
:)
مبروووووووووووووووووووووووووووووك
:)
تمام ... وكويس
كرييييييم
بجد بجد بجد مبسوطه وفرحانه ليك جدا
ربنا يسعدك ويفرح قلبك ويارب السعاده والفرحة دي تدوم على طول ان شاء الله
شكلك دعيت اول رمضان وربنااستجاب
ربنا يفرحك دايما انت وكل المسلمين قادر يا كريم
مكالمة واحدة تقدر تمسح من عمرك سنتين وتصحى حب عمره سنين وسنين
تعرفك قد إيه قيمة كل لحظة فاتت
تعرفك إنته قيمتك إيه
تعرفك كويس أوى المكان اللى المفروض تبقى فيه
تريح قلبك
>>>>
ن الآخر أى حد يوصل لحد تانى الاحساس ده كفاية عليه كده..من احسن الحاجات أنك تدخل السعادة على قلب حد تانى..
يارب بأذن الله تكونفرحان علطوووووول
اللهم امين:)
وانا بقرا البوست كنت فرحانه ليك اوي ومستغربة اوي التليفون اللي بعد سنتين ده اللي بيرجع قصة الحب القديم ويريح القلب..أصل العادي دلوقتي انه مايجيش غير بعد فوات الاوان ...الحمد لله انه فرحك وريح قلبك
طاقة حبك قادرة تغير أى حاجة مهما كانت
فعلا طاقة الحب الحقيقي ممكن تغير أي حاجه
يارب قلبك يفضل صاحي علطول من فرحته ويوفقك في الشغل الجديد
اسكندرية هتنور:)
إرسال تعليق