الخميس، 29 يوليو 2010

صورة جميلة جوا صالون


جيت لك وانا مش قادرة اعيش
متسيبنيش
متكسرش حبيبتك ابدا ومترضاش
إن الماضى مبينكوا يموت
فاكر إن الجرح خلاص
ييجى يوم ويموت .... هيفوت؟؟؟
متضحيش
متضحيش بالماضى عشان
حبه أحلام أو أوهام
خليك فاكر كل كلام الحب ما بينا
متفكرش فى يوم تتنازل
عنى وعن قلبى المجنون
إيه هتكون بعد حبيبتك
ذكرى لطيفة لكل الكون
صورة جميلة جوا صالون
مع إنسانة مبتحبكش
وما تفرقش معاها فى يوم
تبقى حبيبتك أو متكونش
متفكرش فى يوم تنسانى
أصل حضنك هوا مكانى
مهما هتبعد او هتغيب
برده راجعلى وهتبقالى
كل حياتى يا أغلى ماليه
وعد حبيبى هتبقى فى قلبى
وطول عمرى جوا عنيه
شاب فقرى

هناك 13 تعليقًا:

أنا - الريس يقول...

ربنا يجمع بين المحبين بالزواج
والرحمة قادر يا كريم .

همسات وبحــ الحياه ــر يقول...

اعتبر نفسى اول تعليق
على رغم انى زهلانة من كريم :)

همسات وبحــ الحياه ــر يقول...

انا جاوبت على التاج :)

همسات وبحــ الحياه ــر يقول...

ياسيدى ياسيدى دا انت غلبتنى
احنا هنتنافس ولا اييييه

إيه هتكون بعد حبيبتك
ذكرى لطيفة لكل الكون
صورة جميلة جوا صالون
مع إنسانة مبتحبكش
وما تفرقش معاها فى يوم
تبقى حبيبتك أو متكونش

ربنا يسعد كل حبيبن
ويسعد قلبك ويخليك تكون مع اللى بتحبها طول العمر مش مع انسانه متفقش تكون معاها اولا

خواطر شابة يقول...

وأنا أقرأ عشت مع الكلمات لكن لا أعرف لما احسست ان الجواب عنها قد يكون هو الموجود في اغنية "قول رجعت ليه" لحسين الجسمي
دمت بكل ود

شاب فقرى يقول...

منورين
ليه مذهولة يا دموع
تحياتى للجميع

sony2000 يقول...

احم احممممممممممممم
هو في حاجه ولا اييه؟

غير معرف يقول...

are you Freak?!

!!!

شاب فقرى يقول...

اه يا سونى فى حاجات مش حاجة واحدة
دمتى فى فرح
نورتى :)
شاب فقرى

شاب فقرى يقول...

غير معرف
yes i'm a Freak
دور فى البوستات على بوست بنفس الاسم
freak
وهتفهمى المووضوع
بس ليه بتقول كدا ؟؟؟
نورت
شاب فقرى

رحلتنا في الحياة يقول...

عارف البوست دا فاكرنى بايه بشوية قصص مرور كده قدامى عن اللى كانوا بيحبوا قبل ما يتجوزوا وحبهم مكملش واتجوزوا جواز عادى اى نعم مش سعداء طول الوقت
بس السبب مش اللى اتجوزوهم السبب هما نفسهم
سمحوا لنفسهم بتعلقوا بانسان ياعالم هيكمل معاهم للاخر ولالا
وكملوا الغلط انهم ارتبطوا بناس ظلموهم ومعرفوش يدوهم حقهم علشان الحب اللى جواهم لسه ممتش
بصراحة خيانة صعبة لانها خيانة فى كل لحظة خيانة مشاعر وتفكير دايما فى انسان كان ماضى
اسفة لو تعليقى كان شديد
بس بحس ان المجروحين كتير اوى الايام دى بسبب فشل قصص حبهم
ولو هى كانت صح من البداية كان ربنا كرمهم بنهاية سعيدة

Tarkieb يقول...

سامحنى بجد مش لاقى علاقة بين الجمل وبعدها وأكيد في طريقة انا مش عارفها عشان الناس كلها فاهمة وانا لا مع انهم اكتر من حكاية داخلين في بعض بس مش عارف وربنا ايه علاقة
جيت لك وانا مش قادرة اعيش
وبعدها متسيبنيش؟

شاب فقرى يقول...

بص
رايك يحترم
بس فى علاقة فى انها مش عارفة تعيش من غيره
وراجعه له بتقوله متسيبنيش
يبقى هى اللى بعدت فى الاول
وراجعة تعتذر وتفكره بكل حاجة
فهمت ؟؟؟
نورت
وعلى فكرة دا لا شعر ولا زجل ولا نثر ولا اى حاجة
دا عك صريح
مشاعر وخواطر بدون اى قافية او وزن
بس فى وحدة فى الموضوع :)

:D
نورت اكيد
خالص التحية والاحترم والتقدير ليك ولرأيك
:)
شاب فقرى