بتفكرنى بكل لحظات الإنهيار والألم والتعب والعذاب والخسارة والندم اللى عشتها فى حياتى
زى ما بيحصلى دلوقتى بالظبط
دايما الإيد اللى بتتمد للمساعدة بتكون أبعد إيد ولا عمرنا بنطولها ولا بتطولنا عشان تحن علينا
ومش بيلاحظ أى حد أى حاجة غير لما بنضيع خالص وبنخسر نفسنا وبنتعب ونتألم
ونحس بحاجات مش حقيقية
ونحس إننا مش عارفين بنعمل إيه فى الدنيا
آلام لا تنتهى
شاب فقرى
هناك 18 تعليقًا:
مش عارفة اكتب صدقنى بادخل اقرا كتاباتك بس مش عارفة اكتب حاجة اغنية هانى شاكر جميلة اوى
دايما لحظات الالم صعبه
خاصه لما تحس انك وحيد
وان محدش يقدر يساعدك
بيبقى الالم اصعب واصعب
بس الاجمل ان تكون قادر تسيطر على الالم ده
بارداتك وتقتنع ان محدش هيساعدك
غير ربنا ثم نفسك
اتمنى ان احساسك يكون وهمى
وربنا يبعد عنك كل الم
او لحظه حزن تكبر جواك
تحياتى
اولا اللي هاقوله ده مش كلام نظري
بس انا حاسس بنظرة تشاؤمية زيادة عن اللزوم
اكيد معاك حق في حاجات كتير
بس اللي بصبر نفسي بيه هو ( اننا في الدنيا) يعني مش في الجنمة
يعني لازم يحصلنا حاجات صعبة و حاجات وحشة و حاجات حلوة
طولت عليك
تقبل مروري
ايه الناس دى
هو احنا لحقنا نقرأ البوست اللى فات عشان تحط واحد جديد
برااااااااحة شوية :):)
لالالالا
مهما كانت عندنا لحظة انهيار وضعف
المفروض ناخد فترة قصيرة من وقتنا
ونستعيد فيها قوتنا تانى
لكن نقول الام لا تنتهى
نونونونونو
بجد عندك حق
غير معرف
مين ؟؟؟
بقالي كام يوم بقول للناس
انا زهقت ولاني عاوزة اعمل حاجه مختلفه حابه اموت
بس طبعا ده غباء
لان كل ده بيروح وبيحل محله سعاده وامل
الصورة صعبة جدا
بس فعلا لازم نطلب المساعدة من ربنا ونحاول نساعد نفسنا لان لازم يكون عندنا ارادة قوية نقدر نحقق بيها اللى نقدر عليه من احلامنا
ممممممممممممم
عاجباني الصورة قوي
والكلام كمان
اسمحلي اقول انك عندك اكتر من حق
توصيفك سليم ياكريم للحقيقه
وميحسش بدا الا اللي عايشه
ازيك ياصديقي واحشني جدا والله
انا ظروفي متلخبطه شويه عشان كدا مبشوفكش اون لاين
المهم ابقى طمني على اخبارك
في امان الله
ثرااااااااء تدوينى
:)
رغم كل الانهيار دا , عندى احساس انه هيقوم ف يوم يقف على رجله
:)
ازيك يا كريم وازى اخبارك
ليه يا كريم باحس انك عندك 100 سنه
ليه الاحاسيس القاسيه اللى باقراها من
بوست للتانى كده وليه الالم والاحباط ده
عارف يا كريم انا باحس انك بتحط
عدسه مكبرة على الجرح او الهم بيخليه
ضخم اوى وقاسى اوى اوى
على فكرة كلنا عندنا هموم تهد الجبال
ناس كتير جدا والله يا كريم عندهم حاجات
اشبه بالمأسى الاغريقيه
وبتلاقيهم راضيين اوى وبيضحكو
وبيتغلبو على مشاكلهم وهمومهم اللى
بتفضل زى ماهى لا بتتحل ولا همابيبطلو
يعيشو حياتهم ويتعشمو فى خير ربنا
ويهونو من شأن الحاجات دى وصدقنى من
غير ادنى مساعده نفسيه او ماديه من حد
يا كريم انت قوى ومش لازم اى حاجه تحبطك او تكسرك
ربنا يسعدك ويفرج كربك ويريح بالك
اللهم امين
جيت على الجرح
:
انتة بتضحك عليا انا حاسة انى محبطة وتايهة ...انتة بتتسلا بياعامل زى المنايفة ...انا بكره كدة اوى التجاهل و...مش عارفة حاجة بجد
غير معرف
متنسيش
أنا خمسين فى الميه منوفى :P
بس إنت مين ؟
مفتقدك...تحتها طز ؟؟؟؟؟ازاى ربنا مايحكم عليك بالمنايفة......خمسين فى المائة طول النهار بضحك عليها طب والخمسين الباقيين اية؟؟؟؟؟
غير معرف
طووووويب
أنا فعلا خمسين فى الميه منوفى حتى الان
عشت فى المنوفية نص عمرى
واهل الوالد من المنوفية
واهل الوالدة من القاهرة
بالاضافة لان البلد اللى والدى منها اساسا كانت غربية
يعنى فيه جزء غرباوى ومنوفى وقاهرى
خلطة كدا
------
هقولك
طز ليه ؟
لان مينفعش نستنى الرد من حد
المهم ان قلنا حاجة حلوة وقصدناها بجد
اللى مفهمهاش بقى ييقى مبيشوفش من الغربال
وانا بالنسبة لطز فهى معناها ان الحياة مش بتوقف عند حد
على فكرة ناس كتير اوى افتكرت ان ال مفتقدك دى مكتوبة ليهم
لكن للأسف الجملة موجهة لانسانه واحدة بس
بس كدا :D
مستنى ردك عالتعليق اللى فى البوست اللى فات
ومتنسيش تقولى مين
فقرى
إرسال تعليق