الأحد، 25 يوليو، 2010

الكومبارس


الحياة
فيلم السينما الرائع اللى بنعيشه
بنلتقط كل لقطة بكاميرا رصد قوية جدا
مش بتفوتنا لقطة من حياتنا
إنته بطل الفيلم بتاعك
لو عايز أى حاجة بتعملها
مفيش مخرج ولا منتج ولا حتى بتاع إضاءة يخنق عليك
إنته الكل فى الكل
إنته قادر على لعب المخرج وإنته البطل
ياترى يا بطل الأبطال هتقدر تميز فى الفيلم مين الكومبارس اللى بيؤدى دور ووظيفة فى الفيلم وبيطير ؟
ولا هتقدر تعرف إيه المحطة اللى لازم تفوت عليها عشان الأيام تفوت ؟؟؟
لازم تبقى بالقوة الكافية اللى تؤهلك لدا
بالتفكير والعقل الكافى إنك تقول لأى كومبارس بيحاول يلعب دور البطولة فى حياتك وهوا مش يستحقه :
(( إطلع برا يا معفن ))
بالرغم من أهمية الكومبارس فى الفيلم
ودوره فى إنه بيسبب أحداث مهما كانت تافهة ويمكن يسبب حادثة عظيمة تفيد كل الأبطال
لكن برده لازم تبقى عارف إنه فى الأول وفى الآخر هوا مجرد كومبارس

تحياتى
شاب فقرى

هناك 8 تعليقات:

الجواز و سنينه يقول...

اهم نقطه من وجهه نظرى فى البوست ده
و اللى كتير مش بياخدوا بالهم منها
ايه هى المحطه اللى لازم نقف عندها
و ايه المحطه اللى ما نقفش عندها

بس متهيألى اننا ساعات بنقف على المحطه الغلط
ممكن قله خبره و ممكن سوء تقدير
بس زى ما قلت ساعات الكومبارس بيكونوا مهمين فى مجرى الاحداث
ثق و تأكد ان كل كومبارس قابلته فى الحياه هايكون ليه تأثير فى تشكيل مجرى الاحداث القادمه
بعد كتير يمكن تقول الحمد لله انى قابلته علشان ما اقعش فى اللى شبهه
و يخليك تقف فى المحطه الصح بثبات
دون ادنى شك و بثقه انه هو البطل الحقيقى و ليس كومبارس فقد عرفتهم

VOltaa يقول...

برنس الاخراج السينمائى فى مصر

خواطر شابة يقول...

في حياة كل منا ابطال حقيقيون وكومبارس والشاطر هو من يستطيع التمييز بينهم
دمت بكل ود

طالبة مقهورة يقول...

احتجججججج

لتاني مرة ف المكان ده..بعدت كل الغضب ع جنب وهفسر الكلام..

اولا مينفعش تقلل من دور اي حد بيعدي ف حياتك..ولو حتى كان دور مؤلم
ده بيتناقض مع مبدأ كل شيء بيحصل لسبب ووجود اي حد ليه سبب ممكن نعرفه بعدها مش في لحظتها..

مش مقتنعة بوجود بني ادم بيمشي بدماغه 100% بدون ما يعمل حساب لحجات حواليه..فديه ممكن تكون كسرت القاعدة ع حد معرفتي بيك مش اكتر

الغاردينيا يقول...

وجع !

عشان الكومبارس دا اللى حاطط صورته

يمني !

واليمني دا ..شاء ام أبى ..فهو كومبارس

لفيلم الفقر إخراج وتأليف الحكومة !

بوست في الصميم

الغاردينيا يقول...

نسيت شئ ,

ومع ذلك حتى الكومبارس له قيمته

لولاه مكنش البطل بقى بطل ,

يمكن بيأدي دور صغير بس ربك يضع سره بأضعف خلقه , تحية

د.آيه يقول...

أكيد طبعا لازم كل واحد فينا يحدد مين من اللى حواليه و قريب منه في المكان الصح .. يعنى منكونش مديين دور البطولة للناس كلها عالفاضي


بعتذر عن الغياب الفترة اللى فاتت

غير معرف يقول...

لازم تبقى بالقوة الكافية اللى تؤهلك لدا
بالتفكير والعقل الكافى إنك تقول لأى كومبارس بيحاول يلعب دور البطولة فى حياتك وهوا مش يستحقه :
(( إطلع برا يا معفن ))
!!!


:(

:(

:(