كل حاجة فى حياتنا بقت صفقة
بقى كل شىء بمقابل
وكل شىء مدفوع
مش بتكلم على أساس الناس تنزل توزع فول نابت فى الشوارع
أو قرص فى الترب والمقابر
طبيعى إن كل حاجة فى الحياة ليها تمن
لكن المشاعر والإحساس
الحب
بمقابل ؟؟؟؟
مبقتش حاسس إن فى حب من غير مقابل أيا يكن
صحيح بنضحى فى الحب ودا منطقى جدا بل هوا جزء من الحب
لكن الغريب بقى
هوا اللى بيتدفع للحبيب
بتحب حد يبقى لازم يكون فى مقابل مهم تحققه
لازم إثباتات وبراهين وخلافه
مليون حاجة تثبت إنك بتحب قبل ما تدفع التمن الأكبر
دايما شايف إن التمن الأمثل للحب هوا الوحدة
صحيح هما ملهمش علاقة ببعض
لكن بتدفع كل مشاعرك ومليون حاجة تانية زى ما بتصرف فلوسك بالظبط
فإنته بتحرق نفسك من أجل حد قد يكون مش مقدرك
زى الشمعة
مش عارف ليه كل حاجة بقت صفقة ؟
يمكن إحنا اللى رخصنا تمننا ؟
ولا إحنا اللى خدنا بالنا من حد مش يستاهل ؟
ولا يمكن إتخدعنا ؟
اللى أعرفه فى حياتى
إن الحب الغير مشروط بأى مقابل
حتى الآن مش شوفته غير مرة واحدة بس
وساعتها إضطريت إنى أودع الشخصية دى وأقرالها الفاتحه كل ما إفتكرها
فعلا
مقدرش أقول غير يا خسارة
إلى كل حد وهبنا فى يوم حب بلا شروط
بجد شكرا
بجد شكرا
تحياتى
شاب فقرى
هناك 5 تعليقات:
كل حاجهطول عمرها صفقه
مش دلوقتى بس
بس يمكن احنا اللى اخدنا بالنا متاخر
نماذج بتبقي موجوده فالكجتمع
واذا لقتها مره تانيه
متسبهاش ولا تهملها:)
انا جاية
عشان اقول
تلات حاجات يا كريم
اولااااااااا
------------
ارجوك
متقولش
يا خسارة
ما اصابك لم يكن ليخطئك
و ما اخطئك لم يكن ليصيبك
فمتزعلش
و احييك لأنى بحب
عبارة الحب الغير مشروط دى قوى
و بحسها اصدق تعبير عن المشاعر الانسانية بين أى اتنين
لا تربطهم مصلحة
يفترض ف الحب
الا يكون بشروط
ثانياااااااا
--------------
قريت تعليقك عند هند
يعنى الحمد لله نجحت
و مبسوطة بالنتيجة ؟!
يا ريت تقولى
كى يطمئن قلبى بس
و افرح اللى قلقان عليها زيى
ثالثاااااااا
------------
يا رب دايما تكون بخير
و يفرح قلبك
مش صفقات بس ده كمان قيم فاسده ومفاهيم مغلوطه وعدم اخلاص وكذب واستعراض ونفاق ....لا تحزن هذه هو زمننا ,,,,يعوض ربنا
فاتيما
اولا
انا خسرت بما يخلينى أقول حاجات أكتر من خسارة وأقول إنى مش شايف أى سبب لكل اللى خسرته حتى الآن
ثانيا
الحب الغير مشروط جواكى انتى يا فاتيما وجوا أى أم وأب فى الدنيا لأولادهم وبس
بس عن نفسى مش شايف إنه ممكن أقابله تانى فى الحياة :((
ثالثا :
بالنسبة لهند
انا والله ما اعرف نتيجتها ولا عمرى تواصلت معاها
انا قريت البوست بتاعك وروحت اسأل وأطمن عليها
ويارب يوفقها يارب
رابعا
نورتى جدا وربنا يسعدك ويفرح قلبك يارب وماتشوفى أبدا اللى بشوفه
تحياتى وإحترامى الكامل
شاب فقرى
إرسال تعليق