الاثنين، 14 يونيو 2010

لأن كل شىء بعيد


لأن كل شىء بعيد
الواحد بيختار أنه يستمر فى البعد دا كمان وكمان
الواحد بيختار البعد لما بيكون كل ما بيتمناه فى حياته بعيد ومستحيل التلاقى
لما تكون الحقيقة مستحيلة وغايبة وبتجرح
ولما يكون الحق هوا الغلط
ولما يبقى كل شىء بعيد
لازم نختار البعد
لازم عن نفسى
أبقى لوحدى
بعيد
شاب فقرى

هناك 20 تعليقًا:

أنا - الريس يقول...

ارجو استني
انت مش لوحدك
لازم تاخد حد معاك
يكون
ونيس

شاب فقرى يقول...

مش هتبقى ساعتها وحدة ساعتها
ونيسك نفسك
دى الحقيقة فى حياتى عالاقل
:(
نورت يا سيادة الريس
شاب فقرى

راء يقول...

غباء انك تختار تعيش لوحدك..

حتى لو بتجد الراحة في الوحدة..فديه راحة مؤقتة..هتتقلب بمشاكل كتير والعقل هيبقى مزحوم بالافكار..

والمستحيل ده مش موجود غير في خيال العاجز..متقولش ان فيه مستحيل عشان متصدقش وتخسر كتير..

______
ممكن يكون الرد جامد بس ده اللي مؤمنة بيه وده الصح اللي لازم ادافع عنه لأسباب داخلية كارهة للوحدة

hend anwar يقول...

بس لازم يكون فى ايجابية شوية

شاب فقرى يقول...

طالبة مقهورة
أقولك إيه ؟؟؟؟
ممكن حلم بنى آدم يكون لبنى آدم تانى كابوس
ممكن رغباتنا وأهمية حاجات فى الحياة بالنسبة لنا مهمة جدا وتبقى لغيرنا ولا حاجة
كل واحد ووجهة نظره ونظرته للأشياء
وإحساسه بأهمية أشياء فى حياته وإحساسه بإن حاجات تانية ملهاش قيمة
أظن كدا رديت ووفيت وكلام بقى منطقى أكتر
شكرا على حكاية (( غباء ))
القسوة فى الرد والنقد مقبولة
بس مش معنى كدا تهميش الآخر أو إتهام أفكاره بصفة قد تكون من وجهة نظرك سليمة
زعلتينى ....
برغم كل شىء
نورتى وشرفنى ردك
تحياتى
شاب فقرى

شاب فقرى يقول...

sun of freedom

أنا شايف إن مفيش أى سلبيه ولا أى تشاؤم فى الموضوع
حاول تقرا وتفهم تانى
هتلاقى إن قصدى مليان إيجابية
حلم
بيحمل فى طياته أشياء لم يدرك الآخرين بوجودها حتى
نورت جدا :)
تحياتى
شاب فقرى

قلم رصاص يقول...

ساعات ياكريم البعد بيريح جدااااااا
لكن مش ضروري لما تبعد تكون وحيد او لوحدك

فاهم قصدي؟

انا مش ضد البعد
بس انا ضد الوحده

واحشني ياكريم
ربنا يوفقك ويكون في عونك وعون الجميع

olivetree يقول...

انا بحب الوحده جدا

على الرغم انها بتوجع بس بتريح من وجع الناس والامهم اللى بيسببوا للواحد

يمكن يكون تحدى انك تعيش لوحدك بس انا عن نفسى ساعات بتمناها اووووووووووى :)

riri يقول...

انا بش هعلق
بس عايزه اقولك مفيش مره بجى هنا اللى لما احس ان فى حد بيرد عليا
بش هتفهمنى انا عارفه
بس خليها عليك
بس عايزه اقولك حاجه ياكرملله
اللى متعود على وجود الكل حواليه بش بيقدر يبعد عشان بيحس ان فى حاجه جوه بترجعوا تانى
علقت برضو اعمل ايه بقى

غير معرف يقول...

وساعات احنا بنبعد عن اقرب الناس لينا..
و احيانا بيكون البُعد وفاء مننا ليهم..
و احيانا أخرى ناس بنحبهم اوي بيبعدوا عننا و بيبعدونا عنهم و بيمنعونا حتى اننا نسأل عن اخبارهم..
العجيب في الموضوع ده ان احنا مش بنقدر ننسى..
ولا حتى بنعرف نتناسى وجودهم في مكان تاني في الدنيا و بعاد مع ناس تانيه!
عشان كده الذكريات بتاعتنا اغلبها محزنه و الذكرى في عقلنا تملي بتجرحنا..
احنا كبشر بنعرف نتعايش مع موت من نُحب, بس مش بنقدر نتقبل الفُراق و البُعد.. مهما حاولنا!

كان نفسي أفهم انت بعدت ليه, بس دلوقتي عرفت.
:(

راء يقول...

كريم..

اولا بعتذر اني زعلتك..كنت راجعة من الامتحان متنرفزة

وانا بنتقد انك تلجأ للوحدة..مش حل ابدا..ومينفعش تعيش لوحدك ممكن تبقى انانية منك اكتر من انها راحة ليك
قرب وجرب متخفش عشان هتندم لو معملتش حجات..اكتر من كونك عملتها..


تعديل بسيط ..الوحدة بالنسبالي مش كابوس بس انك تختار حد صح يكون واقف جمبك بتكون احسن بكتير من الوحدة ولو معاك نفسك ممكن تزهق منها في لحظة..مش عارفة لو كنت فاهم اللي اقصده

حاجة اخيرة الاحساس ده بيسبب خلل نفسي وجسدي وبيضعف المناعة..يبقى بيكسر قوانين الطبيعة البشرية

يبقى اكيد مش حاجة حلوة

زى الهوا يقول...

طالما امنياتك واحلامك بعيد

يبقى فعلا انسب حل البعد

معاك جدا ف البعد طالما هنا مافيش حق ولا حقيقه وفى كل سيىء

بس الغلط الحقيقى انك عايز تبقى وحيد , حاول تخلى ليك سنيد ف وحدتك , شوف حد قريب منك ومحتاج البعد زيك , وقوى الفكره عنده وابقوا سند لبعض

:)

العلم نور يقول...

الوحدة تؤدي إلى الإنجاز .. ولا مانع من أخذ فترة نقاهة كل فترة وأخرى .. لكن عند الأكثرية العكس صحيح لذلك لا ينجزون.



أرجوا المساهمة في دعم الحملة لو تكرمتم

(حملة الجسد الواحد)

أرجوا من المدونين الموقرين أن يضعوا شعار الحملة في الشريط الجانبي لمدوناتهم تضامنا مع أمة محمد !!

صورة الشعار .. في مدونتي أعقل مجنونة في الوجود .. ويكتبون فوقها ..

(حملة الجـسد الواحـد)

رابط المدونة

http://dndanh111.blogspot.com/2010/06/blog-post_14.html

جعله الله في ميزان حسانتكم .. آمين

Eman يقول...

الوحدة مش حل
لا تستحق ان تعيش وحيداً :)
لا احد يستحق أن يعيش وحيداً

قول يارب يا kـريم (:

على الأرضِ ما يستحِقَ النضال والحياة

(:

نEma
D:

غير معرف يقول...

السلبية فى انك لما يأست من حاجة قررت انك تفضل وحيد او انك خسرت حد قررت انك تكون وحيد
ليه الحقيقة مستحيله كريم الطموح اللى ميعرفش المستحيل ميقولش كدا ولا ايييييه هههههههه
هو انت ممكن تبعد شوية ترتاح لكن تبقى وحيد للابد لا
سمسم

غير معرف يقول...

البعد والوحده ساعات بيكون مطلوب للراحه واعاده ترتيب الاوراق

لكن احذر ان تعتاد الوحده فتعتادك ..

تحياتي

حزينه يقول...

البعد راحه

البعد هو انا

Lady E يقول...

يمكن البعد والوحدة حل مؤقت بس مينفعش تعيش لواحدك على طول

دي جنة من غير ناس ما تنداس يا شاب

حبات التوت يقول...

البعد بيريح صحيح
بس لو زاد عن حدة بيبقى عذب

ghada mOhsen يقول...

عارف أحيانا الواحد بيقدر يبعد وهو موجود وسط الناس برضو
في ناس بيبقى عندها قدرات تفصل بشكل رهيب وين ماكانت ...

هي الوحده مطلوبه من حين لأخر بس مش على طول ...

ربنا يكرمك ويريح بالك ...

تحياتي الملونه لك أخي
... ;) ,,, ;) ...