الاثنين، 22 مارس، 2010

يااااااااااه



السلام عليكم جميعا

ياااااااااااااااااه

بقالى كتير اوى مكتبتش

حاسس إنى عمرى ما مسكت كيبورد وكتبت بوست ونشرته

إحساسى بالتدوين كأنه شىء جديد فى حد ذاته تغيير أحسن

الفترة اللى فاتت الحمد لله كانت فترة ربنا لوحده اللى يعلم بيها

الحمد لله على كل حال جدتى عملت العملية

وطلعت من المستشفى وبقت بخير وتمام التمام

وإن شاء الله ربنا يتم شفاءها على خير والجرح مكان العمليه يخف وتبقى بخير يارب

وللأسف أخت جدتى اللى هى جدتى برده ماتت

الله يرحمها ويسكنها فسيح جناته يارب

ولسه مش قلنا لها عشان مش تتعب أكتر وأكتر

-----

عالصعيد الشخصى

الحمد لله ربنا كرمنى جدا جدا جدا

وفشلت فشل لم أفشل مثله لا من قبل ولا من قبل برده

مش هقول من بعد

ياعالم القدر فيه إيه للواحد

والحمد لله

حققت نجاح فى مجالات تانية بشكل غير مسبوق :D

يعنى ربنا سبحانه وتعالى مش بينسى عبيده

----

من الفترة اللى فاتت خرجت إنسان جديد

لا أنا شاب ولا أنا فقرى ولا أنا ناجح ولا أنا فاشل

ولا أنا اللى بمشى منفض وبسمع راب فى الهيدفون

ولا انا اللى بقضى اليوم كله فى أودتى لوحدى

ولا أنا اللى بسافر وبروح هنا وهناك

ولا أنا الحساس الطيب اللى ممكن أى حاجة بسيطة تجرحه

ولا أنا الإنسان القاسى اللى مش بيهمه حاجة وعمر ما عينه بتدمع


الحمد لله على كل حال

الازمات تصنع الرجال

وأنا لما بمر بفشل أو بمرحلة صعبة

بحاول أخليها على قد ما أقدر تبنى فيه أوى

تبقى دافع قوى لبكره

تبقى دافع قوى إنى أكمل

تبقى نقطة تحول فى حياتى للاحسن

مش هحكى عن الفشل والنجاح

ولكن

هقول إنى يارب راضى

والحمد لله على كل حال

وأى حاجة تحصل

يارب مش هقول غير إنى بحبك

اللهم إرزقنا حبك وحب عمل يقربنا إليك

----
رسائل وملاحظات عالجمب كدا :
-سمسم : مبروك مبروك مبروك مبروك ...آسف لعدم الرد بس الظروف زى ما قريتى فى البوست
ملعبكة تماما ... وبرده هقول مبروك مبروك مبروك مبروك ... مش عارف أقول إيه تانى :)
بس عايز نسخة وهدية كبيرة أوى بالمناسبة الحلوة دا (( أنا بلطجى هدايا ))
كان نفسى أقول يا خسارة بس مش وقته
أحبك فى الله .
- عم فشكول : والله الظروف واضحة وأنا مكنتش عارف أدخل عند أى حد تقريبا كنت مقاطع التدوين لإهتمامى بحاجات تانية فى الحياة
- كل اللى سأل عليه ودعى لجدتى ... ربنا يرضى عليكم وشكرا جدا ليكم :)
-شكرا ل (( سارة )) اللى نشرت بوست من المدونة فى مجلة بحلقه :)... شكرا يا سارة ويارب توصلينى للعالمية :D ودا رابط البوست اللى إتنشر فى المجلة هناااااااااا رغم إنها أخدت بوست قديم من البوستات الفلسفية المعقدة اللى مكانش حد بيفهمها بس إشطة نو بروبلم
- فى سبب منعنى من الكتابة إن كل اللى بكتبه هنا أو أى حد بيكتبه هيتخلد أو يمكن فى ناس تستخدمه فى حياتها كمبدأ أو دافع أو فكرة تحتفظ بيها وتعلمها لأولادها مين عارف :)
يعنى كل كتاباتك هتتحفظ
زى ما الفراعنه كانوا بيكتبوا ومش داريين إننا ممكن نقرا وتوصل لحد كام ألف سنة
فإنا هنا بكتب وكنت لازم أخد وقت أنا بكتب ليه ولمين وعشان إيه ؟؟؟
عشان مش ييجى وقت وأبطل أكتب لأن غايتى من الكتابة خلاص إنتهت
لكن أنا مكمل برغم كل شىء :) وهفضل أفكر فى كل حرف قبل ما اكتبه
لأنى بجد إستغربت من الناس الكتير اللى بتقولى إنها بتقرا المدونة سواء عالفيس أو فى عالميل
ولا أطلب منهم سوى إنهم يقولوا رأيهم فى كل حاجة لأنى فاتح الرد للغير معرف عشان خاطرهم بس :)
----
إنتهى البيان الفقرى الأول

كريم الفقرى

هناك 18 تعليقًا:

وزراء في البلاك ليست يقول...

مشكور وربنا يزيح فقرك

Sad Angel يقول...

مممممممممممممممم

حمد لله على العوده من جديد
يارب نسمع الخير عنك دايما

انسان عادي يقول...

اولا ربنا يرحم جدتك
ويشفي باذنه جدتك برضو
وربنا يوفقك في اللي فشلت فيه وتعوضه ان شاء الله
ويزيد من نجاحك ويكرمك
بس المهم
مهما حصل ما تقوفش عند حاجة وتكمل

شكرا ليك

حنين الذكريات يقول...

حمدلله على سلامتك جدتك شفاها الله وعافها
قليل جدا فى الزمن ده اللى بيفكر مثل تفكيرك
ربنا يكرمك وييسر لك أمورك

سلمى يقول...

السلام عليكم
حمدلله على سلامه جدتك
وربنا يرحم جدتك التانيه
ومتزعلش على حاجه ابدا ربنا بيشيل من هنا وبيحط هنا وانت احسن حاجه انك راضى
ربنا يرضيك ويرضى عنك
(مفيش الا الامهات اللى بيدعوا الدعوه دى عشان تعرف بس)
تحياتى

sony2000 يقول...

الحمد لله علي سلامه تيتا اولا
والحمد لله ان رنا استجاب لدعواتنا:)
بجد فرحانه بالخبر ده
وربنا يارب يجعلها اخر الاحزان والبقاء لله في وفاه اخت جدتك
اما علصعيد الشخصي فياااااااارب كدا تكون موقف بأذن الله الفتره اللي جايه
يلاااااااا ياااااااااعم دعوتين ببلااش اهو
ههههههههههههه
تقبل مروري وتحياتي

روح بلا فرح يقول...

سلام الله عليكم و رحمته و بركاته
فرج الله كل همومك و أحزانك
ربنا يسعدك و يوفقك و ينجحك فى حياتك كلها

كيكى عوووووو يقول...

الف سلامه على جدتك
والله يرحم اختها
وربنا يكرمك ويعدلها معاك
وتتخرج من لقب فقرى دة
عوووووووووو

sa3ed يقول...

اولا يعم مبروك اك رجعت تكتب تاني
كمان علي فكره اللي هي ثانيا يعني مدونتك حلوه اوي

صيدلانيه طالعه نازله يقول...

حمد الله على سلامتك يا كيمو

ايا كان ماعدت به من نتائج
المهم انك رجعت و فى وسطنا ان شاء الله حتبقى احسن و اقوى و انجح

مستنيه بقى بوست من بوستاتك الجباره اللى لابسه نضااااااااره:))))))

Wanda يقول...

ربنا يكرم عليتك كلها
بالصحة و الرضا و السعادة

و بعدين انت بتحسب حياتك الحساب الختامى ليه ؟؟ هى خلصت؟؟:-)

star in the sky يقول...

الاول وعليكم السلام ورحمة الله وبركاته

حمد لله على السلااااااامة
بقالى كتير كل اما ادخل الاقى نفس البوست
الحمد لله ان ربنا طمنك على جدتك ويارب يتم شفاها على خير
الحمد لله ع فشلك بجد الاعتراف بالفشل وهو الواحد حاسس انه حاجة ممتعة ومفيدة وجميلة وتجربة مش ممكن تتكرر تانى احلى من النجاح نفسه
وربنا يزيدك فشل هع هع هع هع هع
فهمت من كلامك انك اتغيرت بس يارب يكون للاحسن وللشكل اللى انت تتمناه

فكرتنى بيقولك ليه الفراعنة كانوا عيال عشان كانوا بيكتبوا على الحيطة ههههههههههههههههههههههههه
عندك حق المفروض الواحد يكتب حاجة تفيده وتفيد الناس وتتحسب له مش ضده

SHAPE YOUR LIFE (ABOALI) يقول...

اهم شىء انك تسعى دااااااااائما للنجاح وتتعلم من اخطاء وتجارب الماضى وتنظر للمستقبل بعين الامل ...واهم من كل اللى فات انك تعرف من انت وفين موقعك بالظبط ويكون ليك عنوان وااااااااضح فى حياتك وانا اثق ان هذا العنوان لن يكون ابدا (شاب فقرى)

تحياتى لك واتمنى ان تظل بخير دائما.

Ms Venus يقول...

الف سلامة على جدتك

ربنا يديلها الصحة والعمر

سمع هوص (Abo 3li) يقول...

حمدالله علي السلامة.. ليك ولجدتك...
يبقي طمنا اكتر عليك ياصديقي...

تحياتي

خواطر شابة يقول...

عود احمد ويارب يتمم شفاء جدتك على خير

Silver Eyes يقول...

مساء الخير

حمدلله ع سلامتك يا كريم انت وجدتك
وربنا يرحم جدتك التانية

ساعات كتير الفشل بيبقى بداية لنجاح اكبر
والحمد لله ربنا كرمك ف مجالات تانية ونجحت فيها .. ربنا فعلا مش بينسى عبيده

_من الفترة اللى فاتت خرجت إنسان جديد _
حالة الانسان الجديد دى والتغيير جميلة ف حد ذاتها ويارب تكون للاحسن دايما
بيعجبنى التفاؤل اللى ف وسط كلامك حتى ف وسط يأسك :)

ربنا يكرمك ويرضى عنك ويوفقك يااااااارب ف حياتك كلها
يارب مش هقول غير إنى بحبك
اللهم إرزقنا حبك وحب عمل يقربنا إليك
ااااااااامين

يارب ترجع تكتب بانتظام زى الاول تانى
ايام ما كنت بتكتب 3 بوستات ف اليوم :)
تحياتى يا كريم

ghada mOhsen يقول...

هلا بكريم والله ...

اول شى البقاء لله

والحمدلله على سلامه جدتك ...

وربنا يوفقك فى كل شى بتعمله ...

والبوست بتاعك اللى اتنشر فى " بحلقه " انا فعلا قريته هناك ..
انا من متابعيين بحلقه وبقعد مع بعض من القائمين عليها فى صالونات ادبيه ..

ويارب توصل للعالميه زى ماقولت :)

تسلم
... ;) ,,, ;) ...