السبت، 13 مارس 2010

الكتاب المفتوح



الآن أتخذ قرارا لا رجعة فيه
سأغلق صفحات كتابى
ستزداد الطلاسم أمامك
وتكسر الألغاز والتصرفات المبهمة
لن تستطيعى فهمى بعد الآن
لقد كنت جوارك وبين أحضانك كتابا مفتوحا
حاولت كثيرا أن أقترب منك
أن أشعرك بقيمة كيف أن اكون كتابا مفتوحا معك
أن أفتح لكى أبواب مدينتى
أن أزيل كل الحواجز من بيننا
أن أظهر لكى عقدى وطيشى وجنونى بعيدا لترين من أنا
ولكن اليوم ينتهى كل شىء
تعودين إلى نقطة البداية
وكما كنت أقول للناس دوما حين يخطئون (( نقطة ومن أول السطر ))
سأغلق صفحات كتابى
فلتذوقين بعضا مما أذقنتينى
فقلبى لا يعصى لى أمرا
ومشاعرى تتنحى جانبا بجوار صوت عقلى
وليكن فى علمك أنى حين اغلق صفحات كتابى فى وجهك يوما
لن تقتربى منى بعد اليوم
سأظل شغلك الشاغل
وحبك الأول و الأبدى الذى لا ينسى
سأظل نجما تبحثين عنه كل ليلة
حتى تفقدى عقلك
فتجديه
يظهر لحظات فى أعالى السماء
سأزور أحلامك دوما
لأظل دوما لغزا
لتظلين دوما تندمين على تلك اللحظة
التى تركتينى فيها أغلق صفحات كتابى فى وجهك
تحياتى
شاب فقرى

هناك 31 تعليقًا:

غير معرف يقول...

معك ان اكثر ما يحزننا عدم فهم الاخرين وتقديرهم لنا

ولكن ربما كان غباءا منهم وليس تجاهلا ....أو ربما فتحنا لهم الكتب ولم نعلمهم لغته :)


تحياتي

KEBLAWYAT يقول...

"وكما كنت أقول للناس دوما حين يخطئون (( نقطة ومن أول السطر ))"

بالظبط كده

سمع هوص (Abo 3li) يقول...

:)

ريمان يقول...

ايه الجمال ده؟

بجد اسلوبك جميل اوى ومعبر جدا

تحياتى لقلمك

صمت المشاعر يقول...

ولكن اليوم ينتهى كل شىء
تعودين إلى نقطة البداية
وكما كنت أقول للناس دوما حين يخطئون (( نقطة ومن أول السطر ))
سأغلق صفحات كتابى
فلتذوقين بعضا مما أذقنتينى
فقلبى لا يعصى لى أمرا
ومشاعرى تتنحى جانبا بجوار صوت عقلى
وليكن فى علمك أنى حين اغلق صفحات كتابى فى وجهك يوما
لن تقتربى منى بعد اليوم


المعني العام بتاعها جميل جدا

وفعلا اد ايه ممكن الواحد يخسر حد كان بيحبه
ومش هيحس بقيمته اوي الا بعد ما يخسره

دمت بكل خير


جدتك اخبارها ايه دلوقت يارب تكون بخير

إيمان يقول...

سأغلق صفحات كتابى
فلتذوقين بعضا مما أذقنتينى
فقلبى لا يعصى لى أمرا
ومشاعرى تتنحى جانبا بجوار صوت عقلى

اعجبنى جدا حديثك وعتابك الملوم اليها
مجتمعا بقسوة عليها
وانك تقول لها اشربى من نفس الكأس الذى جعلتينى اشربه منه
احسى بما احسسته انا منكى
قاسى شويه
الحب تسامح تضحيه
انما الانطواء دا هيوجد الصعوبات
تسلم على كلماتك
تقبل مرورى
تحياتى

R-H-S يقول...

معامله بالمثل
ممكن يكون انتقام
انا لو جتلي الفرصه اني انتقم هنتقم شر انتقام

SHAPE YOUR LIFE (ABOALI) يقول...

الحب سيجعلك تتراجع عن قرارك وتفتح صفحات كتابك من جديد بل ستفتح باب مدينتك على مصراعيه مره اخرى لمن تحب هذا ان كنت حقا تحب ....اما اذا كان قرارك بلا رجعه فاعتقد انك كنت فى مرحله صناعه الحب ومحاوله ايجاده ولكنه لم يتكون بعد ...فالانسان لا يستطيع ان يظل كتاب مغلق على مدى حياته ويعيش ويبحث عن الشخص الذى يستحق ان يدخل مدينته بل ويحتلها عن تراضى وبسمه منه واذا كنا اغلقنا الباب فى وجه من لا يستحق حتما سنفتحه لمن يستحق ..واعتقد ان قلب الانسان اغلى ما يملك لابد ان يحافظ عليه الى ان ياتى من سنعطيه هذا القلب ولا ننتظر عودته لنا .

تحياتى لك على كلماتك المليئه بالتحدى والاصرار .

غير معرف يقول...

ده انتقام ولا ايه

هراء لا داعى له ..... يقول...

إنتقام شديد

بس عادة معادش حد بيهتم بقراية الكتب المغلق منها و المفتوح

يبقى شيء مبهج لو أعطى الإنتقام نتاجه

riri يقول...

عارف احلى حاجه ياكرملله
انك واثق من اللى جواك اوووى
بش عارفه انا لما قريت حسيت بكده فحبيت ااقولك واكيد انت تعرف نفسك اكتر منى
((فقلبى لا يعصى لى أمرا))) حلوه اوووى

мαησηα يقول...

انا جه .. ميرسى يا كرملة عارفة انى نورت هههههههه

يارب تكون بخير وف احسن حال

على فكرة بجد بجد بجد بقيت هايل يا كريم وبقيت بتكتب وتجسد المشاعر بشكل رائع

عجبنى البوست كله على بعضه كده

وفكرته كمان جميلة دايما بتعجبنى افكارك عارف بحس انها جوه الواحد بس مش عارف يسميها انت بقه بتسميها وتوصفها وتكتبها باحساس كمان

ربنا يوفقك ويكرمك ويبارك فيك يا كريم يارب اللهم اميييييييييين

Sam Sh يقول...

سأغلق صفحات كتابى
فلتذوقين بعضا مما أذقنتينى
فقلبى لا يعصى لى أمرا
ومشاعرى تتنحى جانبا بجوار صوت عقلى

جمل قوية .. و أكيد سبب كتابتها كان أقوى بكتير ..
جميل أن تقرر و تنفذ قرارك .. لكن يا صديقي .. أحيانا يكون التنفيذ مؤلما لك أنت أيضا ......

تحياتي القلبية

just waiting يقول...

انت ترفض ان تعود في حياتك من جديد
لدي سؤال لو عاد بك الزمن مرة اخرى هل ستقبل بها في حياتك ام ستمنعها من دخولها من الاساس
كلماتك معبرة توحي انها نابعه من القلب
تحياتي ليك

sony2000 يقول...

بجد بوست حلو وكلماااااات رائعه
بس ربنا ادانا نعمه النسيان
هي افضل حاجه

هناء محمود يقول...

قرار صعب وأكيد مش سهل .. وأكيد اسبابه قوية

غير إن التعبير عنه أكثر من رائع

Sarah Sobhi يقول...

تمام كده...

و البدء فى كشكول جديد فاضى ليه متعته و أحلامه و أمنياته برضه
فمتنساش تجيب كشكول جديد -و طبعا الكتابة هتبقى بالقواعد الجديدة- كده تضمن لنفسك انك متنساش الكتابة ;)

سلمى يقول...

احيانا هناك من يستحق اسؤ من ذالك

قلم رصاص يقول...

"فقلبي لايعصي لي أمرا
ومشاعري تنحني جانبا بجوار صوت عقلي
"

ايه الكلام الجميل دا ياكريم

أبدعت يافتى

تقبل مروري

شمس النهار يقول...

عارف طول عمري عندي ايمان ان لازم الانسان يكون كتاب مفتوح لحبيبه

اتنين في واحد

لكن الزمن قال لي لا
من كتر اللي بشوفه قلت انا كمان لأ لكل اللي شارني

بجد انت كاتبها جميلة جدا

يارب تكون بخير

سلامي

أحمد عاطف يقول...

اغلق كتابك ما عاد يجدي ان تقرأه

قد ذابت حروف الحب في بحر الدموع

اغلق كتابك ولا تحاول أن تفتحه

لا يزيد فتح الكتاب القلب الا خنوع

كريم

انت يابني والله بتتعب لي اعصابي باللي بتكتبه

صيدلانيه طالعه نازله يقول...

خساره فعلا اما الانسان يبقى قدام االلى بيحبه كتاب مفتوح وواضح قوى و مع كده يلاقيه مش فاهمه و كمان بيجرحه

حاسه بيك قوى اليومين دول و حاسه انك فى حاله نفسيه صعبه
بس مش معقول ان حياتك تقف قدام موقف او حاله
و نسيب نفسنا ننجرف وسط احزاننا لانها للاسف ممكن تغرقنا معاها

فك بقى يا كيمو و اركب الطياره بتاعتك وروح على هاواى

وش بيغمز

hend anwar يقول...

كلام جميل ومعبر
بالتوفيق

موناليزا يقول...

عجبنى التحدى والثقة بالنفس الذى يحتويه هذا الكلام

Eman يقول...

لم يقدروا معنى أن تفتح لهم كتبك
يستحقوا أن تقفل الكتب في وجوههم
وان يصبح كل شيء يصدر منك
لغزا محيرا بالنسبة لهم
يستحقوا الا تسمح لهم
بدخول عالمك من جديد

ج ـميل الع ـزف هنآ (:
دمت رآئـ ع

أسماء حسين يقول...

قلبى لا يعصى لى أمرا
ومشاعرى تتنحى جانبا بجوار صوت عقلى

عجبنى الجزء دة أوى لأن فيه سيطرة جميلة على المشاعر
بس البوست كله من أول كلمة فيه أصلا جامد وبيعبر عن حالة بتبقى جوا ناس كتير مننا أوقات عارف بالذات بعد ما بتكون وصلت لمرحلة عطاء عالية جدا وتلاقى فتور رهيب
تحياتى لأسلوبك بجد
بتعرف توصل اللى جوا أوى :)

Ms Venus يقول...

كلماتك جميلة اوى

والمعنى قوى ومؤثر

تحية ليك

د.آيه يقول...

جميـــــل جدا ..
إحساس الظلاسم و الألغاز دائما إحساس الفتاة التى لا تعرف كثيرا عن محبوبة .. و يكون في البداية أيضا .. و الآن حزنك منها يكتب عليها أن تكون هذه نهايتها أيضا ..
بس مادامت مضايقاك .. تستاهل هى ..
تحياتى

شاب فقرى يقول...

سمسم
إزيك
متعرفيش أنا مبسوط بيكى إزاى أوى أوى أوى أوى
انا عامل زى اللى بيتابع زرع جميل وانتى الزرع دا
نفس الاحساس كدا
((نورتى والله وانا سعيد جدا بالتواصل ))
طبعا الجملة دى حاجة بسيطة بس دى الحقيقة فعلا
بتختفى كتير
بس بتيجى بتنورى المدونة والله

انا حاليا بحسب حساباتى تانى
بظبط حاجات كتير اوى فى حياتى عشان اقدر اعيش

الف مبروك على كل الحاجات الحلوة دى
ربنا يسعدك يارب
:)
وابقى افتكرينا
فقرى

TWEETY يقول...

ازيك ياعمو انا جيت
اسلم على حضرتك
هو انا حاولت اقرا شوية بس مفهمتش
حلوة صورة اللى انت حاططتها بتاعه الولد ضحكتنى
كمان حضرتك مبتزرنيش ليه
انا همشى
مع السلامة

فشكووول يقول...

ازيك يا فقرى
احسن برضه .. ما هو اللى ما يسألش عنك ما تسألش عنه .. وكل واحد يتعامل بمعاملته .. بس بلاش التحدى .. الله يسهل لكل واحد وخلاص ورزقك على الله
تحياتى