الخميس، 11 مارس، 2010

خط أحمر


يجب عليك أحيانا أن تضع خطا أحمر .. لتشعر من ليس قريبا منك ومن كان قريبا منك فيما مضى بأنه لاشىء فى حياتك
وأنه برغم أنك محوت كل الخطوط والحواجز التى بينك وبينه فى أحد الأيام ...فإن هذا الخط الأحمر سيبقى موجودا على حدود مدينتك ... ويبقى هو خارجها لا يستطيع أن يطأها ... يجب أن يشعر بالندم لأنه طرد منها ...لأنه لم يقدر كم قد إقترب من أسرارك ...
ولم يدرى كم كان قريبا لك ..
لأنه لم يدرك أنه كان أملك الأخير فى تحقيق ما تتمناه
كان الأمل الأخير فى حل مشاكلك ومشاكلكما معا
كان الأمل الأخير فى رسم مستقبل سعيد وأسرة سعيدة
يجب أن يتذكر أنه حتى وإن كان الأمل الأخير لك
و أن الله لن يتركك وسيخلق لك أملا أخيرا آخرا لتعيش له
.يجب أن يتذكر فقط كلمة واحدة حين تدور بخلده ويتذكر أيامكما ..
( خط أحمر )
شاب فقرى

هناك 26 تعليقًا:

Sarah Sobhi يقول...

لخصت الموقف ببراعة..

يارب جدتك تكون بخير و تقوم بالسلامة ان شاء الله

جارة القمر يقول...

مممممممممممم
مش قادرة اقولك غير فى الجوووووووون بجد

sony2000 يقول...

بجد روعه اوي كلامك
ومليش غير كلمه وحده
سبها علي ربنا
تقبل مروري وتحياتي

شمس النهار يقول...

جميلة جدا
بس تفتكر حد بيفتكر حد بعد الفراق

:(

سلامي

Just waiting يقول...

صح يا كيمو
الي بيموت مابيرجعش
وبالأخص الحب
ماينفعش حد باعنا نستناه يرجع ولو رجع ماينفعش ندخله حياتنا من تاني
على الاقل بنكون شوفناه على حقيقته وعرفنا عيوبه لازم نتعلم من اخطأنا
عجبني قوي قوي البوست دا
جامد جدا
تحياتي ليك

احاسيس آيوشه يقول...

اللى يضيع حب صادق من ايديه يبقى يستاهل بعد كده ندم العمر كله

star in the sky يقول...

الكلام ده كنت عاوزة اقوله واحسسه لناس كتير قربت منى بصفة عامة سواء من صحابى او ناس اعرفهم

بس فى ناس بنحس اننا عاوزين زى ما قلت نحسسهم بالندم لخروجهم من حياتنا او مدينتنا ونحسسهم انهم خلاص بقوا بعيد عننا ومش يهمونا فى حاجة

سمع هوص (Abo 3li) يقول...

ساعات ياكيمة خط احمر واحد مبيكونش كفاية... لان الناس دي بتنسي.. او بتتناسي عودة الخط ده ... وبيكون العشم واكلهم اوي... وساعتها لازم تتعدد الخطوط الحمراء...

تحياتي.. ويرب تكون جدتك قامت بالسلامة

فتاه من الصعيد يقول...

و أن الله لن يتركك وسيخلق لك أملا أخيرا آخرا لتعيش له


عاجبني الامل رغم قسوه الظروف التي توحي بها الكلمات

وفعلا انا احب دوما وضع الخطوط الحمراء ... لأنها تريحني كثيرا

تحياتي

promise is promise يقول...

خط احمر

الواحد بيضر فى اوقات كتير انه يستخدمه مع من كان الاقرب اليه
ليس لى شيا الا لحبه وخوفه عليه

فلابد من الخط الاحمر

promise is promise يقول...

خط احمر

الواحد بيضر فى اوقات كتير انه يستخدمه مع من كان الاقرب اليه
ليس لى شيا الا لحبه وخوفه عليه

فلابد من الخط الاحمر

قهوة بالفانيليا - شيماء علي يقول...

صدقني ..
محدش بيموت من الحب ..
و اكبر دليل على دة ..
اني عايشة اهو لحد دلوقتي .
و كله زي الفل .
الحمدلله من قبل و من بعد .. فعلا

riri يقول...

يجب أن يشعر بالندم لأنه طرد منها !!!

قولى ازاى ياكرملله !!؟؟
سؤال اهبل انا عارفه بس بجد نفسى احس بكده يعنى انا استاذه ان انا اخلى اللى قدامى يندم:d بس ازاى احس انا انوا فعلا ندمان ((تخليص حق بقى ))
ويارب تكون جدتك قمت بسلامه

واحد بيحب يشخبط يقول...

تحفه يا فقرى ...
و دى فعلا مشكله معظمنا بيواجهها لما اللى قدامنا مش بيحس اننا شلنا كل الحواجز بينا و بينه او اننا احنا نفسنا ما نحسش ان اللى قدامنا فتح لنا كل الابواب و شال كل الحطوط الحمرا ...
لازم يبقى عندنا الحس اننا نعرف امتى نفتح ابوابنا و هل اللى قدامنا فتح لنا ابوابه و مستنينا و لا ايه ؟!!

طالبة مقهورة ..درجة أولى يقول...

خط احمر...

ديه اللي طول عمري بسميها دفاعاتي..مينفعش حد يقرب اوي
اللي هيقرب ده يبقى عاوز يتحرق ويعاني

كنت فاكرة انها عقدة عندي او كلكيعة ..خلتني ببعد اللي حواليا يقربوا اوي

بس ده ف الحقيقة شيء طبيعي لأن لو حد قرب اوي..هيحل محل جزء ..هيحل محل نفسي

ومينفعش نجازف بإننا ناخد ربع سنتي حتى من مساحة نفسنا ونديها لحد

ومن هنا كل اللي بيقرب بنرجع نحط قدامه الخط الاحمر..ونخليه يتراجع احسن له


مقهورة..

emymony يقول...

جميله اوى مدونتك واسلوبك جميل اوى فى التعبير
اتمنى الشفاء لجدتك وتقوم بالسلامه يارب
حاسه ان كلامك وقفه مع نفسك
وان الامل مش بيموت بوجود ربنا
زى مااسمع من جدتى بتقولى ربنا بياخد من هنا ويوصل من هنا
مااعرفش ازاى
بس حسيت ان عندها حق وان الامل فى ربنا كبير

تقبل مرورى
تحياتى

هراء لا داعى له ..... يقول...

دا كلام جميل فعلا


متبانش عيوب المحب غير بعد زوال الحب



و إللى يتخلى عن الحب مهما كانت المبررات


يستاهل

سلمى يقول...

بجد شابوه ليك

أبو العريف يقول...

خط احمر

خط يفصل بين الماضي وبين الان

خط مالوش ف الكون الوان

خط فاصل

خط قاتل



ايه الهبل اللي انا بكتبه ده


كلامك رائع بيعبر عن حاجات كتير قوي جوايا

صمت المشاعر يقول...

كلمات جت في وقتها

بارع في اسلوبك كالعاده

دمت بالف خير

ستيتة حسب الله الحمش يقول...

ازيك يا كريم
اخبارك ايه
ارجو ان تكون بخير
انا بطمن على جدتك
ياريت تطمنا وربنا يشفيها ويخليها لكم يارب

تحياتي

Sam Sh يقول...

رائعة جدااااااااااااااااا
خط أحمر ...

غير معرف يقول...

ازى جدتك يارب تكون بخير ...الكدب بيفقد الانسان مصداقيتة ويفقد الثقة فى الانسان اللى قدامك اما الخطوط الحمراء لازم تكون موجودة مش فوضى هيامش كدة برضة ...

Timo.. يقول...

شاب فقري..
بافكارك ومبادئك وخطوطك الحمرادي..
انت..
مش..
فقري..
(';')

صيدلانيه طالعه نازله يقول...

كلامك جميل
و ان كان فيه حده شويه
شكلك متعصب كتير
بس انا عند رأيى دايما
اضحك و سيبها على ربنا
مفيش حاجه مستاهله

Boky يقول...

حقيقى جميلة
انت عارف أنا مريت بالموقف دة أوووى
ومع اقرب الناس ليا وفعلا وصلت للمرحلة اللى انت وصفتها بروعة دى
كان لازم احط خط احمر ومش خط عادى
بجد تحياتى ليك
ولو كل الشباب الفقريين كدة
يا ريت نكون كلنا فقر :)