الثلاثاء، 9 مارس 2010

خيط ضعيف

نتمسك بالأشخاص الذين نحبهم تحت شعار الحب
نقربهم منا
نجعلهم جزء لا يتجزأ منا
نمنحهم الحب والحنان حتى الحياة التى نحياها
نضحى ونبذل الكثير
ولا ننتظر مقابلا لكل هذا
المشكلة فى الحقيقة ليست فى إنتظارنا للمقابل أم لا
ففى كل الأحوال لن نقبل بأى شىء نهائيا منهم
فنحن نحبهم
فقط لا نشعر بالوجود إلا بقربهم
لكن المشكلة فى أن البعض ينسى أن يعطينا حق رفض منحتهم لنا
لا يفكر فى كيف سيكون شعورنا إذا تناسى الجميع كيف يمنحنا ما نحب
لا يفكرون كيف أحببناهم وكيف ضحينا لأجلهم
يستمتعون بجوارنا
لا يفرق معهم وجودنا
لا يستطيعون الشعور بمعاناتنا فى كيف نحرق أنفسنا طلبا للحب منهم
والبعض الآخر نتمسك به جدا
لدرجة تنسينا
أن حياتنا هى مجرد خيط ضعيف
قد ينتهى فى أى لحظة
قد يتحول مسارها بنسمة هواء
قد تحرقها النيران ونختفى
لا أحد يعلم
ولكن للعلم فقط
فجميع من نحبهم ويحبوننا
ومن نحبهم ولا يكترثون بحبنا
هم فقط مربوطون بنا
بخيوط ضعيفه

هناك 17 تعليقًا:

فراشة يقول...

جميل قوي وحسيته قوي ولمس جوايا حاجات كتير

" ومن نحبهم ولا يكترثون بحبنا
هم فقط مربوطون بنا
بخيوط ضعيفه "

دا اكتر جزء عجبني
فعلا خيوط ضعيفة جدا ومحدش عارف الدنيا بتاخده فين وبعيد عن مين

جميل مرة تانية ...سلام

Baskouta يقول...

امممم
والخيط الضعيف اللى رابط بينا وبين حبايبنا ده ..مين المسئول عنه
احنا وهما ...طيب ولو طرف بيحاول يقوى الخيط ويخليه اقوى رابط في حياته وطرف تاني مش بيبذل اي مجهود...المسالة بتبقا مؤلمة بس مركب العلاقة ماشية
ولو الطرفين كل من بيحاول بس بطريقة مختلفة ...ماشية برضه
اما لو ولا اي طرف بيحاول هنا بيبقا حتى الخيط الضعيف ده مجرد وهم
اي حاجة ضعيفة ممكن تقوى لو حبينا بس الفكرة امتى نحس اننا لازم نعمل حاجة وامتى بنستنى غيرنا يعمل نفس الحاجة
امتى بنلوم غيرنا على انقطاع الخيط رغم ان اوقات بنكون احنا اللى معملناش اي حاجة تنقذه
انا عجبني البوست اوي
ممكن يكون تعليقي ملخبط
اعذرني البرد مبهدلني
تحياتي البسكوتية الشوكولاتية البندقية الصباحية

فتاه من الصعيد يقول...

من لم يقدر حبنا وتضحياتنا لا يستحقها

تحياتي

adel يقول...

مشكلتنا اننا ممكن نقابل ناس و نديهم كتير و مساحات في حياتهم بس في المقابل هما مبيعملوش كده
بس مبتبقاش شايف ده
بتشوفه بعيدا و بيوجعك و الخيط ضعيف من عندك لان من ناحية الطرف التاني اصلا مفيش اي خيوط ولا اي حاجة تربطه بيك

Ana keda يقول...

مع ان الخط فعلا صغير بس يمكن ليك وجهة نظر فى كده :)
عارف كل كلمة قولتها حقيقية جدا جدا وفى مواقف فى حياتنا احنا تبين ان اننا عملنا ايه لناس بنحبهم وكنا بجد بنعمل كل الى نقدر عليه عشان نخليهم سعدا ومبسوطين وفعلا من غير اى مقابل لمجرد اننا نلمح الابتسامة دى على وشهم بس ..
حصلت معايا كتير وكنت بدى كتير اوى منى ومن وقتى ومن كل حاجة فيا بس عارف الخحيط الضعيف ده يا كريم بييجى وقت ومش بيبقى متحمل كل الضغط ده انك علطول بتدى بتدى ومفيش حد حتى بيقولك شكرا لانهم اعتبره ده حق مكتسب ولما بيتقطع الخيط ده بتتقطع حبالك مع الناس دى تدريجى وبتبدى تحس انك كنت ساذج فى افكارك وعطائك وحجات تانية كتير ولما بتيجى اللحظة الى بتبدى تعيد فيها حساباتك تانى بتلاقى نفسك طالع خسران كتير اوى بس هتفوق وتفهم برضه ومحدش بيتعلم بالساهل عشان كده ناو شعارى
ادى للىيستحق والى يستحق ده الى افعاله مش مجرد كلام وبس وبتفرق

طولت المرة دى برضه ...يا رب تكون كويس وتمام خلى بالك من نفسك

مستخلص افندى. يقول...

فى خيط ضعيف هتسيب هسيب :(

ستيته حسب الله الحمش يقول...

الكلمة اللي اثرت فيا جدا
كن المشكلة فى أن البعض ينسى أن يعطينا حق رفض منحتهم لنا

ليه اثرت فيا
علشان لو حد بيحب حد قوي وبيعطيه قوي طبيعي ان الطرف التاني عاوز يعطي برضه
وها يجرحه رفض العطاء او الإستغناء عنه

ايوه واحنا بنحب مش بنبقى مستنين رد
لكن لما بيجي رد للمشاعر
بيكون حلو قوي
بيقوي الخيط الضعيف مع مرور الأيام

تحياتي على الفلسفة الراقية

غير معرف يقول...

امممم فكرنى البوست ده ب اغنيه جنات بس مش ده اللى عايزه اقولو
على فكره لما بنحب بنستنى مقابل لان الحب حاله من الانانيه رغم ان كل الناس بتقول انو عطاء بس ....الدليل على ده اننا لما بنحب بنحب حاجه جميله ومش ينفع نحب حاجه وحشه لاننا بيكون عندنا رغبه اننا نربط بينا شخص جميل حتى اوقات بنشوفهم ملايكه حتى لو كان الرابط ده مجرد احساس من طرف واحد بس يعنى خيط ضعيف... الواحد صعب اوى يشوف نفسو بيميل انو يختار حد يشوف نفسو فيه

Just waiting يقول...

الحب مش ينفع نطلبه
الحب احساس متبادل
صعب قوي انك تحب حد وفي المقابل حتى ميهتمش
ناس بالمواصفات دي مينفعش حتى نفكر فيها مش نحبها
تحياتي ليك

فكرة من الزمن ده يقول...

للاسف كلامك
كله صح يافقري

لا يستطيعون الشعور بمعاناتنا فى كيف نحرق أنفسنا طلبا للحب منهم


لكن دي الجملة اللي موش صحيحة
وخاطئة شكلا وموضوعا
تحياتي ليك

كيكى عوووووو يقول...

صح
صح اوى

هراء لا داعى له ..... يقول...

ممكن دائما أن نلتمس الأعذار

sony2000 يقول...

انا معاك فكدا وفالراي دا
بوست رائع وحلو
فعلا:خيط ضعيف
مابيننا وبين من نحب
تقبل مروري وتحياتي

طالبة مقهورة ..درجة أولى يقول...

الحب علاقة تبادل منفعة زي الكيميا

اي حب بقى كده

بقى زي كفتين الميزان..فيه اللي بيدي كتير واللي بيدي قليل

لو الطرف اللي بيدي كتير وافق على الكمية القليلة اللي بياخدها..هتنجح العلاقة

ولو موافقش ..وحس انه مش بياخد بما يكفي حاجته ..هيبطل يدي..وف الاخر هيتقطع الخيط

الحب زي البشر اكتر احساس معقد ف الكون..ولسه بخاول اجمع وافهمه ومش قادرة


اتمنى تكون بخير
رضوى

star in the sky يقول...

الاول اسلم ازييييييييييك يا كرييييييييييييييييييم ؟؟؟؟؟؟؟؟؟؟
يارب تكون بخير وامورك تمام

تانى حاجة البوست ده مفهمتش منه حاجة غير ان فى ناس بنحبها وبنضحى عشانها ومبنفتكرش حاجة الا هما ومبنحسش بحد الا هما ومبنحتاجش حد الا هما يعنى من الاخر كده حياتنا بتبقى من غيرهم مش حياة بس هما مش بيهتموا بكل الحاجات دى ولا بنفرق معاهم

هو اللى بيحب حد بيحبه عشان هو بيحسسه بالحياة
بيحبه عشان هو اللى قلبه اتحرك له
بيحبه عشان هو كل حاجة
بيحبه عشان بيحبه وخلاص ومن غير اى سبب

يعنى بيحبه ومش بيبقى مستنى منه كلمة وانا كمان بحبك ولا حتى بيبقى مستنى منه انه يموت عشانه اويهتم بيه

فى الاخر كده
احبب من شئت فانك مفارقه
بيتيهالى دى كفاية تخلى الواحد ميتعلقش بحد ولا يحب حد لدرجة الموت بس الحب مش اختيارنا ولا بمزاجنا بنختار اللى نحبه واللى نكرهه

اقولك سيبك من كل اللى فات
وتصبح على خير

سمع هوص (Abo 3li) يقول...

كريم باشا...

بص يسيدي انا شايف ان لو الحب مكنش من الطرفين بنفس الدرجة .. ميتسماش حب... يتسمي "تعلق"....

بس خلاص...

تحياتي ياصديقي

riri يقول...

انا جيت على فكره الاول وكنت هبقى اول تعليق بس النت بقى الله لا يسامحوا وزهقت وقفلت
انا كنت بشوف بالمكبره كلام صغنون جدااا بس شدنى اوووى
بص ياكرملله انا كنت بقول كده ومعرفش صح ولا لاء
***اللى بيحب حد اوووى ديما هو اللى بيشحت الحب من اللى قداموا****
ونتيجه لهذا لمفروض الواحد لما يحب حد يحبوه بعقل
عشان كتر الزياده فى الحب بيخلى اللى قدامك مستكفى حب وبيجى فى وقت من الاوقات لما يحس انك بقيت مدمن حبك ليه
يجى عليك اووى واحتمال كمان يحسسك ان حبك ده ولا حاجه لى
ودى بتبقى حاجه اصعب من الفراق والبعد بجد عشان بتحس ان حبك بيروح على الفاضى وانت كل ذنبك انك زود فى حبك للانسان ده
كلامى كتير بس عن تجربه
لما نحب بش نزيد فيها ولا نعشق اوى اللى قدامك عشان ميجيش يوم وتبقى كلك معه
همثلهلك اكتر بما انا شايفه اخر بوست عن الحشيش انا لسه بش قريتوه بس بص
الانسان المدمن اللى بيدمن صنف من اى الاصناف دى بيبقى مدمن وعارف انوا مدمن وانوا بقى ذليل للادمان عشان بش بيقدر يستغنى عنوا
بش عارفه وصلتك الفكره ولا لاء
معلش اسمحلى اعلق على سمع هوص
على فكره مفيش فرق بين الحب والتعلق الاتنين واحد وبش ينفع حاجه تيجى من غير حاجه
طولت عليك ياكرملله وكان هيبقى اول تعليق بس بقى ..... الله لايسمحوا