الخميس، 25 فبراير 2010

الناجحون فى الحياة



لأننا نعيش فى هذا العالم الذى لا يمنحنا جميعا فرصا متكافئة
فكان لابد لنا من خلق الفرض الخاصة بنا
شاب فقرى
***
الناجحون فى الحياة أناس..
إن لم يجدوا الظروف ملائمة...
صنعوها

راجل صعيدى جد صديقى

هناك 43 تعليقًا:

أحمد عبد الحميد يقول...

صح الصح

ماينفعش كل حاجة نقول الظروف
تحياتى لك يا باشا

Pink Dreams يقول...

فعلا هو دا النجاح

بس فى ناس بتستنى لحد ما الفرص دى تيجى لحد عندها عشان تنتهز الفرصه دى بس دول هيستنوا كتييييييييير جدا

اما الناس اللى بتخلق الفرص لنفسها عشان تنجح فى حياتها فهم دول الناس اللى بينجحوا بجد مع انهم للاسف مش كتير

بوست جميل

تحياتى

صيدلانيه طالعه نازله يقول...

كلام جمييييييييل

كلام معقووووول

مقدرش اقول حاجه عنه

احبك انا و انت رايق يا كيمو

مش بمزاجى يقول...

فعلا احنا الى بنخلق ظروفنا لان الى بيترفض علينا بنفشل فيه فيه اساس النجاح انك تصنع ظروفك وتصنع فرصتك

ستيتة يقول...

ايوة
كلام فل
السعادة إرادة
توفيق من ربنا ثم إرادة

iHibo يقول...

الناجون من الحياة اعلم انهم اموات :::!!!!


سلام

غير معرف يقول...

صحححححححح اوووووى

الناجحون فى الحياة أناس..
إن لم يجدوا الظروف ملائمة...
صنعوها

وعشان كده انا فاشلة جدااااااااااا لان بستسلم كل مرة ومش بتعلم مع ان كل المواقف شبه بعضها بس فى كل مرة بستسلم والنتيجة فى النهاية بطلع انا الغلطانة اللى لو كنت صبرت شوية ومستسلمتش كنت هوصل

الناجحين ناس بتدور هى عاوزة ايه وتدور عليه

Ana keda يقول...

الناجحون فى الحياة أناس..
إن لم يجدوا الظروف ملائمة...
صنعوها

الكلام حلو جدا وعندك حق فيه بس ده عاوز ارادة جامدة جدا عشان تحارب كل الظروف الى ممكن تحبطك والناس الى ممكن تحبطك زيادة

promise is promise يقول...

جميل جميل جميل

ومن المحنه تاتى المنحه

sony2000 يقول...

بجد بوست رائع وكل سنه وكل الامه الاسلاميه بخير اعاده الله علي الجميع باليمن والبركات

غير معرف يقول...

صح اووووووووى

واحد بيحب يشخبط يقول...

فعلا لازم الواحد يخلق الفرصه انه يبقى ناحج و يبقى عنده الاراده ان يختار الصح مهما كانت العقبات ...

فى مقوله جميله كانت بتتقال فى فيلم الرجل العنكبوت بتقول (Whatever comes in our ways, whatever battles ranging inside us, we always have a choice. It is our choices that make us who we are and we can always choose to do what is right)

فعلا احنا دايما عندنا الفرصه اننا نغير حياتنا للافضل بس هنستخدم الفرص دى و لا لاه ؟؟ هو ده السؤال

سمع هوص (Abo 3li) يقول...

الناجح اليعتبر كل فرصة هيا اخر فرصة.. حتي لو مفيش فرصة تبقي دي الفرصة لخلق الفرص...


تحياتي

ghorBty يقول...

كلامـ صح جدا جدا

بس محتاج صبر وعزيمه واراده وتعب

ربنا يصلح الاحوال للجميع ويجعلنا ناجحين دنيا واخره

دعاء عويضه يقول...

صح جدا
و اللي ما يصنعش فرصه او ظروفه مالوش الحق انه يشتكي حظه

تمنياتي ليك ديما بالتوفيق

أحمد زاهر يقول...

جزاك الله خيرا
نفعنا الله وإيا كم

riri يقول...

بش فى زمانه ده
احنا عايزين كل حاجه تيجى لحد عندنا من غير مانتعب ويوم ماحد يقولنا انتوا بش بتتحركوا
بنتقمص الدور ونرسم الحادشر ولا اتمنتاشر على وشنا
ونقول فين هو احنا لاقنا الفرص وبش استغلنها
زى كده اللى بيكدب كدبه ويصدقها
....
وعلى فكره انا بحب نصايح وكلام الناس الكبره اوووى الكبار فى السن عشان كل كلامهم بيبقى صح وكمان بحس انهم فى زمن غير زمانه ده

بحر الالوان يقول...

اولي خطوات النجاح ..... هي الاصرار علي رفض الفشل .

كل عام وانتم بخير

غير معرف يقول...

فعلاً...


:)

الغاردينيا يقول...

بالفعل مفيش شئ اسمه مستحيل


بس يمكن ابن آدم بييأس بسرعة !

تحية

فراشة يقول...

كريييييم
ازيك .. كلام جميل طبعا

بس اعتقد انى مش من النوع دا وحتى مش بستنى الفرصة


بصنع فرص ايوة لكن لما الظروف بتعاند بقف ومش بكمل

المهم ... كل سنة وانت طيب وفرحان

The illusionist يقول...

واحشنى يا شاب
بقالى كتير مش علقت
بس انا متابعك بوست بوست
ونقح عليا انى اكلمك
اسال عليك بس مش اكتر
واقول كلمه فيها فايده يعنى
اولا انت واحشنى
وكان نفسى اشوفك اتكلم معاك فى المعرض
بس محصلش نصيب
ثانيا
بسال عليك فى الميل شكلك قافله
ثالثا
البوست اللى قبل اللى فات
انت جيبت فيه اعلى درجات الحزن والاكتئاب
بس انت اكيد
لو مش هتقدر تكمل
مكنتش كتبت
انت راجل محترموعجبنى قوى شخصيتك وشغلك واجتهادك من يوم ما كملتك
ربنا يصبرك
بس حبيت اطمن على سيادتكم مش اكتر
ويا رب تكون لسه بخير

سواحة يقول...

مش بوست عن الناجحون
يبقى
انا مليش
دعوة :-))
المخم

اخبار جده حضرتك ايه ؟؟

Ana keda يقول...

والله انا جيت هنا وكتبت كومنت ومجاش وكتبت تانى ومجاش انا الجهاز بيعمل الدنيشة معايا
وعشان خاطرك يا كريم كلاكيت تالت مرة

الكلام مفيش احلى من كده
بس يا ترى الكلام ينفع يتقال دلوقتى فى وسط كم الاحباطات الى حوالين الواحد وبتخليه حتى لو حلمه موجود من كتر التعب الى بيشوفه يقول والله ما انا عاوزه

هو الموضوع محتاج ارادة حبتين تلاتة ويا سلام لو حد جنبك كده بيروق مزاجك ويحتويك ساعة الاحباط ويقولك انت ادها والله ساعتها الواحد يتحدى اى حاجة لو وجدت الحاجتين دول

انما منى للهوا كده هأأأأو ولا مليون سنة يا سيدى :)

المجاهد الصغير يقول...

السلام عليكم
كل سنه وانتم طيبين
ندعوكم لمشاركه مسابقه المولد النبوى
فى مدونتى المتواضعه
وفى جوائزززززززز وهدايا ...
فى انتظاركم
وفقكم الله

Lady E يقول...

تسلم دماغك

كلام سليم طبعا

Eman يقول...

صنع ـوهآ
كلآم ج ـميل (:
للأمآم دومآ يآ سيدي الكريم (:

ليس فقيرا من يحب يقول...

ايه يا عم كريم

اديلى مده حسه انك مدايق وحالك

مش هو

بس احلى حاجه انك قوووى

كلماتك جميله ومنطقيه بص الواحد بيلاقى

صعوبه فى تنفيذها

ربنا يسعدك يارب

still-searching يقول...

والله كلام زي الفل
بس ياريت نعمل بيه

راء يقول...

بالنسبة لمقولة الاستاذ شاب فقري..

لا اؤيدها جزئيا..لأن احيانا الفرص بتكون موجودة ومبنشوفهاش وبنعتبر ده عدم تكافؤ فرص بس بيكون عمى مننا فقط لا غير او كسل..

أؤمن بتكافؤ الفرص لأن فيه ارادة اعلى من اي حد بتوزع الفرص والرزق على الناس..بس برضه اؤمن بالسعي

* * * *
اما المقولة التانية وانا بقراها افتكرت فجأة احمد زويل وافتكرت سونيا سانشيز(ديه كاتبه عانت من التفرقة العنصرية وبرغم كده ميئستش)

عجبتني جدا ديه

تحياتي..
رضوى

غير معرف يقول...

اهم حاجة فى النجاح انك تتحدى الواقع
والظروف متستسلمش بسهولة
وان يكون لك خطة وهدف وعلى اساسه تنحت فى الصخر
انك تحلم حلم بس تكون قده وتحققه
انك تكون اكفأ واحد فى مكان عملك مهما كان
انك تدير وقتك صح ويكون عندك ارادة قوية
الناجحون هم من يصنعون الاحداث
الناجح هو الى يستطيع انه يغير حياته بنفسه وميستناش حد يغيرها
الناجح ميبسص للمحبطين ولاالفاشلين ويقول انا احسن منهم
لا يبص للاعلى منه ويقول انا هبقى زييهم
واهم من كل دا انك تكون واثق من نفسك
وانك تكون حاطط احتمال الفشل لانه هو الخطوة الاولى للنجاح

لا يصل الناس إلى حديقة النجاح دون أن يمروا بمحطات التعب والفشل واليأس، وصاحب الإرادة القوية لا يطيل الوقوف في هذه المحطات.


يلوم الناس ظروفهم على ما هم فيه من حال.. ولكني لا أؤمن بالظروف فالناجحون في هذه الدنيا أناس بحثوا عن الظروف التي يريدونها فإذا لم يجدوها وضعوها بأنفسهم. (برنارد شو)

موضوع جميل
سمسم

صمت المشاعر يقول...

فعلا احنا اللي بنخلق الفرص علشان ننجح و الفشل في حد ذاته يعتبر نجاح لانه بيدفعنا اكتر وبيجعلنا نصمم اكتر اننا نحقق اللي احنا عاوزينه تاني

دمت بكل خير

hend mossallam يقول...

بجد صح موووت
بس خلق الفرص ده مش سهل للاسف و محتاج عزيمه جامده اوي...

Baskouta يقول...

:)

شاب فقرى يقول...

نورتوا جميعا :)
أسعدنى مروركم وتعليقاتكم
كل منا له وجهة نظره فى النجاح والحياة :)
أفادتنى كلماتكم
جزاكم الله كل خير
شاب فقرى

شاب فقرى يقول...

سمسم
والله الهارد لسه راجع من الضمان
معلش كنت واقع فى الف مشكلة
اتنشروا
واسعدنى نشرهم واسعدنى انك تكتبيهم وتبعتيهم
انا نشرتهم لسبب واحد بس :)
وهوا انى خفت يضيعوا او يتمسحوا من غير قصد
مش عارف ليه حاسس انى مش عارف اتكلم اليومين دول
ولا حتى ارد عالتعليقات
للاسف :(
نفسى اتكلم معاكى مش عارف ازاى
رغبة لا تحمل أى طلب ولا فكرة والله
على فكرة
انا نشرتهم لانهم لما يتنشروا مش هيضيعوا ابدا
نورتى
وهستنى تعليقاتك
ولو ينفع امسحهم همسحهم واسيفهم عندى
جزاكم الله كل خير :)
نورتى
وايه احوال الكلية والحياة ؟؟؟
عايز اعرف اخبار
طمنينى
كريم

Bent Men ElZman Da !! يقول...

معاك حق
اللى عايز ينجح هينجح مهما واجهته حاجات بتضايقه
ومش هيعمل شماعه على كلمه الظروف

مجهوله يقول...

صح لازم نخلق فرص لنفسنا ومنستناش لحد ما تيجى عشا لو استنينا حنفضل طول حيتنا منتظرنها

Haytham Alsayes يقول...

ياسلام عليك
كلام مظبوط
مدونتك عجباني
تقبل مرورى وارجو التواصل

z!zOoOo يقول...

ازيك يا عم كريم

يارب تكون بخير

الفرص المتكافئه ديه ماتنفعش

فكر فيها شويه ماهو لو فيه فرصه متكافئه كان كله هيتواكل وهيستني فرصته

ومش هيبقي فيه فروق ولا إجتهاد ولا تفوق وتميز

ولا انا غلطان

تحياتي

ghada mOhsen يقول...

تسلم كريم على العبارات التى تحمل كلمات قليله ولكت تحمل فى طياتها معانى ضخمه ...

احيانا الواحد بيعمل بالكلام ده .. بس فى فترات بننسى كل ده ...

بس يارب دايما نكون ايجابيين ...

تسلم

... ;) ,,, ;) ...

z!zOoOo يقول...

صحيح نسيت اقول حاجه

مش الي قالك الجمله صعيدي

ماهو لازم يكون صعيدي

ماهو كل الصعايده عظماء زيي كده

D :D:
تحياتي

شاب فقرى يقول...

سمسم
لما تيجى كملى كلام :)
فى الانتظار