الاثنين، 22 فبراير 2010

قول لاء

هوا الواحد بيعاند مين ومين يوميا
بتعاند مين فى حياتك
بتقول لمين لاء كل يوم ؟؟
بتقول لمين طز فيك وفى رأيك وفى رغباتك كل يوم الصبح ؟
بتعاند أهلك ؟
بتعاند زمايلك فى الشغل ؟
بتعاند حبيبتك ؟
بتعاند مراتك ؟
بتعاند عقلك أحيانا وتمشى بهواك ؟
بتعاند قلبك ؟
والنتيجة من كل العناد دا إنك مش بتوصل لأى حاجة
عامل زى الى ماشى فى طريق ومش بيكمله
بترفض الجميع بكل الوسائل والأشكال وبترضى عن اللى بيطاوع هواك بس
عامل زى واحد مش مدخن أول مرة يشرب سيجار فى حياته وماسك السيجار ومقتنع إنها لازم تخلص للآخر
لا هيقدر يخلصها ولا هى هتخلص فى إيده
طريق ومستحيل يكمل
لأن العناد لا يورث إلا العناد
طيب ليه مفكرتش تعاند نفسك ؟
تعاند رغباتك اللى بتسبب لك مشاكل فى الحياة
يعنى لو كنت طالب مثلا فأنته مش عايز تذاكر
ولو متجوز فأنته مش طايق مراتك والعيال
ولو بتحب بقالك كتير بييجى عليك وقت تبقى زهقت ومش حاسس ومش طايقها فى حياتك ولا حاسس انك حاسس بيها ولا بحبك ليها
ولو مش بتصلى هتلاقى نفسك بتقولك مش لازم تصلى ما إنته حلو أهوه وزى الفل
تعاند كل الرغبات دى لحد ما تقتلها
تعاند أى رغبة ممكن تدمرك فى سبيل إنك تنجح
ببساطة لو حسيت إن نفسك هتوديك وتوصلك لحقيقة إنته مش عايزها
ساعتها لازم تقولها لاءه بعلو الصوت

لاءه
شاب فقرى

نبدأ بقى الكلام فى المواضيع الشخصية
البوست اللى فات والقضية بتاعته والتعليقات والحكاية دى كلها
أنا مقلتش فى البوست دا إنى مازلت بحبها
عارفين الحب دا من وجهة نظرى عامل زى إيه ؟
عامل زى إنك تحب حد فى فترة معينه وبصفات معينه
يعنى بتحب خطيبتك لما بتكون صادقة معاك وطيبة وهادية وبتحافظ عليك وبتحبك وبتحاول تراضيك
إنما لو بقت العكس ؟؟؟
تفتكر هتحبها ؟
هتقع عنها صفة الحب
هتسقط عنها صفة الملاك اللى مخلياك عايش غرقان فى حبها ؟
اكيد حد هيقولى اللى بيحب حد بيحب كل عيوبه
الموضوع دا حقيقة فعلا
وساعتها فعلا مش بيحس إنها عيوب
لكن أنا هنا بتكلم عن التغيير الشامل
إن إنته سافرت مثلا برا وسيبت خطيبتك تلات سنين وجيت كمان تلات سنين لقيتها حاجة تانية خالص
ياترى هتبقى بتحبها
أينعم إنته كمان إتغيرت
بس خلاص
معادش ينفع تكونوا سوا
يمكن أنا كان سهل عليه أوى لما عرفت إنها لسه بتحبنى إنى أكمل المشوار وأفض الخطوبة اللى هى فيها
بس على إيه ؟
أنا من وجهة نظرى إن اللى يفرط فيه دايما هوا الخسران وإن عشان حد يبقى معايه
إنه يبيع عمره فدى أبسط حاجة ممكن يقدمها لأنى بلا شك لو فى مكانها هتصرف بنفس الشكل
وكمان اللى يقدر جرحنى مرة يبقى قادر يجرحنى فى أى وقت
بقى الجرح بالنسبة له سهل وعادى
وانا من وجهة نظرى شايف إنى إستحملت كتير أوى أوى أوى
فخلاص
الحمد لله إنها رحلت فى صمت وبعيد عنى
أنا اللى زعلت عليه بجد هى العشرة اللى كانت بينى وبين الأسرة دى كلها
اللى مقصرتش معاهم فى أى حاجة نهائى
وقفت جمبهم وحافظت على بنتهم وعاملتهم بما يرضى الله
بس خلاص
لحد كدا وبنسحب وبقول برا
------------
بقالى يومين لا كتبت ولا رديت على تعليقات ولا أى حاجة
الجهاز الجديد بتاعى ربنا كرمه والهارد الجديد باظ
ووديته الضمان وعلى ما ظبطت الجهاز تانى الحال إختلف
وكمان كان فى ميت حاجة حصلت
يعنى جدتى دخلت المستشفى عشان جالها جلطة فى رجلها ولسه مقابلتش الدكتور ولا إستفهمت منه
بالاضافه للجهاز اللى عطل وأنا دافع فيه دم قلبى ولسه لا اشتغلت عليه ولا حتى استفدت بالكورسات اللى بدرسها
ويوم تانى إضطريت أخرج مع واحد صحبى
ويوم كمان نايم تماما مصحيتش ولا حتى ساعتين على بعض
بالاضافة للخبر الرهيب دا
وفى اخر يوم جدتى فى المستشفى
إن شاء الله خير
وللأسف معرفتش أحضر حفل توزيع الجوايز فى مسابقة فاز فيها الأستاذ كنج توت
مع إنى وعدت إنى هروح
بس كوكتيل الأخبار الرهيب دا كان مكتفنى
وبقوله : أنا آسف لعدم تمكنى من الحضور إن شاء الله المرة الجايه هحضر
وأكيد فى مرات جايه كتير لأن أكيد هيبقى فى جوايز تانية كتير إن شاء الله
-------------
تحت شعار : أنا جدع
مش لازم حد يقلق لأنى متعودتش الضعف وإتعودت متفرقش معايه حد نهائى بحيث البنت اللى حكيت عنها دى إتعلمت منها الموضوع دا لما كنا سوا
كانت بتتعامل كدا مع الناس
بالرغم من الطيبة اللى كانت فيها كانت قاسية
وأخيرا مش عارف ليه حسيت إن التلميذ تفوق على أستاذه
وبالإضافة لأنى إتعودت القسوة دى من يوم ما والدى توفى من كام سنة
على رأى البت خيخة
يمكن ربنا بيبعت لنا موقف يموت قلبنا ويجمده ويخليه أقوى عشان الكوارث اللى هتحصل لنا بعد كدا
عشان نكون أقوى لما يحصل لنا أى مشاكل
وتمر علينا بالساهل ونكون فى كامل قوتنا
فأنا مش زعلاااااااااااااااااااااااااااااااااااااااااااااااان
ومبحبهااااااااااااااااااااااااااااااااااااااااااااااااااااش
ومكنتش مستنى منها أى حاجة من اليوم اللى قررت أبعدها فيه
من يوم ما إتخطبت ووافقت وباعتنى
فخلاص
الموضوع بالنسبة لى كان منتهى
وكان قدامى أرجع واحارب عشان حبى داة لما عرفت إنها بتحبنى فى يوم من الأيام
بس هسأل لكم سؤال
لو التأثير اللى أهلها عملوه دا
كانوا عملوه مثلا فى المستقبل وإحنا متجوزين
فأنا كدا كان زمان بيتى إتخرب
ولو قدرت تقسى دلوقتى فمعنى كدا إنها تقدر تقسى وتبيعنى قدام
والصراحة هنا بقى متلزمنيش
على رأي الشاعر الشعبى الشهير اللى هوا أنا :
اللى ميقدرنيش ميلزمنيش
بس خلاص كدا
دعواتكم
وبالتوفيق فى الدراسة للى بيدرسوا
واللى مبيدرسوش ربنا يكرمهم بعلاوة ومكافأة
واللى حالهم واقف زى حالاتى
نقولهم شد اللحاااااااااااااف
ونام
تصبحوا على رز بلبن
شاب فقرى

إليكم الأغنية الرائعة دى بتفكرنى بأحلى بلد سكنت فيها من تقريبا 12 سنة كنت عايش هناك
وبتفكرنى بذكريات حلوة أوى
---------------------

----------------------
الكلمات
لاموني الي غارو مني وقالولي اش عجبك فيها

لاموني الي غارو مني وقالولي اش عجبك فيها
جاوبت الي جهلو فني خدوا عيني شوفو بيها

هاد الطفلة الي غرتو منها وحبيتوني باش ننساها مانقدرشي نبعد عنها وانا كالحوتة في ماها
هاد الطفلة الي غرتو منها وحبيتوني باش ننساها مانقدرشي نبعد عنها وانا كالحوتة في ماها
عاشق ومغروم في فنها حياتي كله وهبتو ليها

لاموني الي غارو مني وقالولي اش عجبك فيها
لاموني الي غارو مني وقالولي اش عجبك فيها
جاوبت الي جهلو فني خدوا عيني شوفو بيها

انا في عينيها ادم وهي في عينيا حواء
قالولي علاش تعشق خادم قولتلهم افديه من جوا
سمرا وغنا عليها العالم والعالم كله شاهد

لاموني الي غارو مني وقالولي اش عجبك فيها
لاموني الي غارو مني وقالولي اش عجبك فيها
جاوبت الي جهلو فني خدوا عيني شوفو بيها

يا ناس اش تحبو مني وغرته من السر الرباني فنية وعشقت في فني وانا الي عاششقها اني
يا ناس اش تحبو مني وغرته من السر الرباني فنية وعشقت في فني وانا الي عاششقها اني
طول حياتي عليها نغني وشعري وفني كله ليها

هناك 13 تعليقًا:

سواحة يقول...

so you know now WHY:-)
paniful answer to painful question

Hope you grandma is much better now

VÖltaa يقول...

انا بقول لأ من غير ماتقول ياكبير
/
الف سلامة لجدتك وبإذن الله تقوم بالسلامة
/
بالنوسبة لباقى البوست فأعتقد انت عملت الصح بما انك مش تعبان دلوقتى يبقى عملت الصح
/ المهم فى كل ده ان ربنا يقوم الجهاز بالسلامة وتخلص الكورسات على خير ياكيمو


يلا بيج بيس فور يو

Eman يقول...

أتمنى لكَ السع ـآدة
(:
وكفى ..

غير معرف يقول...

صباح الفل
ليه تسميه عناد ماتسميه تحدى
انك تتحدى نفسك انا هوصل انا هنجح
ماشى ياسيدى نقول لاااااااااااااا ههه

(..........)ههه انا مش لاقية تعليق
انت بتقول لو اتغرت خلاص انا مش هحبها
ازاى يبقى انت كدا محبتهاش هى شخصيا انت حبيت طيبتها حنيتها لكن ذاتها لا
بس انا مش فاهمة يعنى فى 3 سنين دول مش هتكلمها ولا هتشوفها حتى على النت
وبعدين هى لو حبتك هتضل فاكراك وعمر ماهيتولد فى قلبها الجفا او تتخلى عن اشتياقها ليك
وخليك عارف تأتى الرياح بما لا تشتهى السفن

الف مليون سلامة على جهازك اتحسد :):)
الف سلامة على جدتك ربنا يقومها بالسلامة
ويشفيها

اللى يحب حد يحارب عشانة وهى معملتش كدا يبقى متستهلكش
ومن حبنا حبناه ولا ايييه :)

الله انا بحب الرز بلبن
لما تعمل عينلى طبق

اسكت مش انا كتبت لك شعر
امازلت تهواها
و
ارحل عنها فى صمت
بس فى لقاء اخر
ولما تركز مستنية ردك على التعليق اللى فات
سماسم
لك منى كل احترام وتقدير
لا اله الا الله

فراشة يقول...

كريم

أولا ألف سلامه على جدتك وربنا يشفيها يارب ويديها الصحة آمين يارب

ثانيا ..تعرف فعلا ان اللى بيقول لاء عند وخلاص بيخسر كتير لكن اللى بيعاند الظروف عشان يبقى افضل بيكسب

ثالثا .. انا عارفه انك جدع وجامد ومش زعلان عليها بس صح العشره مش بتهون ..و كله نصيب ربنا

رابعا .. الف سلامه على الجهاز الجديد وان شاء الله يتصلح تمام وتستفيد من الكورسات واللى جاي أحلى يارب

خامسا .. انا باجي هنا والله وبقرأ كل البوستات بس ساعات مببقاش عارفه اعلق اقول ايه :)

ف حفظ الله

بنت قلبى يقول...

برتاح اوى هنا يا كريم والله
بحس ان احساسك هوا احساسى بنفسيتك بارداتك
ويارب تفهمها
حتته العناد دى ليك حق فيها
وانا اكبر عناديه بس بلين كتير لما بكون عاوزه اعيش
لان الدنيا كده مش هتبقالى على طول
وبالنسبه للبوست الا فات
انا والله كنت متوقعه انك هتكتب بوست هتقل فيه ان الا يعنى بالرخيص انا بالتراب ابيعه
وانا الا لااتوقعته لقيته ويمكن دا خير ليك
وانا مبسوطه انك اخت القرار الا هيرحك
والف سلامه على جدتك يارب كده تقوم بالف سلامه
وانت يا كري خلى بالك من نفسك وسيبك امرىك للخلقك
ويارب يعوضك بانسانه تريحك وتعوضك عن كل الا حصل ليك

غير معرف يقول...

لأ
ولا تزعل نفسك

ليس فقيرا من يحب يقول...

الف سلامه لجدتك يارب يشفيها

والف سلامه للكمبيوتر

وان شاء الله ربنا ييسرلك امورك

الحمدلله انك بخير

ريمان يقول...

السلام عليكم


ماتزعلش نفسك على حاجه راحت يلا معلش
ربنا يرزقك ان شاء الله باللى تقدرك


سلامه جدتك الف الف سلامه
ربنا يشفيها يا رب

خلى بالك منها

ومش تنسى تطمنا عليها

اوعى تنسى

ربنا يشفيها يا رب

حبات التوت يقول...

مساء اللوليتا يامعلم
اول حاجة الف سلامة على جدتك ربنا يشفيها يارب

ندخل باه فى لا بتاعتنك دى شكللك كنت بتسمع روبى فخطر فى دماغك البوست اللذيذ ده
ببساطة لو حسيت إن نفسك هتوديك وتوصلك لحقيقة إنته مش عايزها
ساعتها لازم تقولها لاءه بعلو الصوت
عجبتنى الحملة اللى قولتها اخر البوست

احنا مشكلتنا انو بنعاند روحنا
ومش بنقول لروحنا لا لا دة احنا بنقول لا كنوع من انواع التحدى واثبات النفس للناس
اما لنفسنا مش بنقولها الا من رحم ربى ويقدر يتحكم بنفسة وعقلة بيحكمة

ياريت الواحد يقول لنفسة لا لما يلاقى نفسة بتهبل شوية وماشية بهواها مش بعلقها تبقى الحياه مية مية

بالنسبة لباقى البوست

فاعتبرها حكاية وتجربة انتة اتعلمت منها استفدت منها
اكيد قوتك وانتة استفدت منها ربنا اكيد خلاك تمر بيها عشان تتعلم حاجة

عارفة انو مش بقت الحكاية فارقة معاك بس بيعز عليك الحب او العشرة اللى كانت بينك وبنها وبين اهللها
بس هية الدنيا كدة

انا فى البوست اللى فات رديت عليك بنقطة .
يعنى مافيش كلامة اقوله انا مابحبش بعد مانتهى قصة حب اعد اقول نصائح وانسى وبكرة هتعدى كلام كلة طبطبة مش هياثر فيك ولا يقدر يخفف عنك وى يواسيك لانو اللى يقدر يواسيك فى الوقت دة هوة نفسك بس انتة اللى تقدر تريح نفسك من نفسك

اسيبك وهمشى وانا بغنى
اللى نساك انساه واللى هواك اهواه
واييييييييه

واعد ذاكر وذاكر الكورسات اللى اخدتها وماتشدتش اللحاف وتنام الشتا خلص خلاص

شاب فقرى يقول...

wanda
i hope so
thank you
تحياتى
فقرى
--------------
Mo7ammed
نورت يا معلم
الله يسلمك وان شاء الله خير
دمت بكل خير
فقرى
-------------
وحبى لك لن يموت
صباح الإبتسامة :)
دمتى بكل ود
فقرى
--------------
غير معرف سمسم
أنا بسميه عناد
لأن الواحد هنا بيعاند النفس الأمارة بالسوء
بيعاند الرغبات اللى ممكن تضيعه
اللى ممكن تخليه يبتعد عن الطريق السليم
بصى يا سمسم
انتى مش فهمتى قصدى اوى
حاولى تقرى تانى
وانا هحاول افهمك هنا
البنى ادم اما بيحب واحدة بيحب مجموعة من الحاجات اللى بتخليه يقرب منها ويتعب عشانها
بيحب شكلها وصوتها وهدوءها وادبها وأخلاقها وتدينها و مستواها ومستوى اهلها
لو الحاجة اللى بتخليه يحبها
اللى بتأثر عليه راحت خلاص
يبقى الحب فين بقى ؟
لانه مثلا لو بحب واحدة متدينة وطلعت مش تمام
ساعتها بقى الصفة التدين هتبقى وقعت منها
هتبقى ساعتها هى ولا حاجة
هتبقى زيها زى اى واحدة معرفهاش
وألوم نفسى لانى معرفتهاش
مش هتكلم فى نقطة انى لو سافرت ورجعت لقيتها اتغيرت
لأنى بجد مش ينفع اتكلم فيها
مستنى الشعر اللى كتبتيه
هرد عليكى اكيد فى الاخر
ننورتى
هرد عليكى تانى
------------
غير معرف
مالك ؟
حالتك وحشة ليه ؟
احكى لى مالك ؟

بقالك كتير اوى مش بتحكى
مش عارف ليه ؟
بس احكى وعرفينى فى ايه ومالك
طمنينى
فقرى :)

شاب فقرى يقول...

فراشة
الله يسلمك
يارب تبقى بخير
لو ملقتيش حاجة تتقال
قولى سلامو عليكم
وتحياتى :)
نورتى جدا
فقرى
------------
بنت قلبى
ان شاء الله
تشابه الحالات هوا اللى بيخليكى تحسى بكدا
دا سبب عقلى
يمكن لان اهلها اقنعوها رغما وهى ما صدقت ورضيت
يمكن هى لقت استقرار كان مستحيل تلاقيه معايه فى الوقت دا
الله اعلم
بس فى تشابه فى الحالات فى الموضوع دا
انا فعلا بدات اعاند نفسى فى الحاجات اللى بتأذينى
وقررت أبطلها
وأكون إنسان تانى
عايش ومبسوط
ومن بكره هخرج
دا خير جديد وحصرى واول مرة اقوله
ويمكن الخبر لسه جاى فى دماغى ناو
بس من بكره هخرج :)
نورتى :)
فقرى
==============
حنين
لاءه
:)
وليس لاء
:P
بس لاء لايه بالظبط ؟
عندك فى ايه يتقاله لاء ؟
فقرى
----------------
ليس فقيرا من يحب
الله يسلمك يارب
الحمد لله على كل حال
اتمنى تكونى بخير برده
فقرى :)
---------------
ريمان
مختفية بقالك زمان
حمدا لله بالسلامة
منورة
انا بطلت ازعل من زمان اوى
يارب
نورتى :)
فقرى
================
ويلا
ايه التعليق الاربعتاشر دور دا
ماشى ماشى
كنت بسمع الاغنيهه اللى تحت دى
الشتا لسه جوايه يا ويلا
:)
وهيفضل جوايه
نورتى
فقرى

شهووووده يقول...

الف سلامة لجدتك شفاها الله وعافاها..

اسلوبك فيه بساطه وعمق في نفس الوقت ..

تحياتي