السبت، 13 فبراير، 2010

خليكى جنبى




جلسنا سويا
كانت تحاول أن تجعل الجو مفعم بالحيوية والحب والهدوء
لم تكن تدرى أن مجرد وجودها يبعث فى نفسى كل تلك المشاعر بل وينير قلبى وحياتى دفعة واحدة
لم تكن تدرى أنها حين تبتسم ترسم بشفتيها عالما آخر أتمنى لو كنت جزءا منه
أتمنى لو دبت فيها
لو كنت قطرة من دمها
لأظل طوال عمرى معها وكل يوم أكون فى قلبها ولا أفارقها أبدا
وأعيش كل عمرى محاولا إسعادها
محاولا إرضاءها وباحثا عن كل ما يريحها ويجعلها بين أحضانى
ثم زادت إبتسامتها وقالت فى مرح :
إزيك يا بنى عامل إيه ؟؟؟ إيه أخبار حياتك والشغل والدراسة وكل حاجة
حاولت أن أكون على نفس القدر من المرح محاولا إخفاء يأسى من الحياة قائلا :
زى الفل يا قمر ...إنته فاكره إيه هوا أنا عمرى خذلتك فى حاجة
تضاعفت جبال همى بداخل نفسى
ربما هى لم تدرى ما بى
ربما لم تدرى مشاكلى وإحتياجاتى
ربما لم تعلم من أنا
ربما لم ترى كل تلك الهزائم والأطلال التى أحيا بها
زاد همى لشعورى بأننى أكذب
ولأول مرة فى حياتى أكذب
ياليتنى وفرت الصدق فى حياتى لهذه اللحظة
لم أعد أظن أننى قادرا على مجاراة المرح فى كلامها وطى جراح نفسى
أخاف أن أنكشف أمامها
أن تبدو حقيقتى لأول مرة
هل ستستمر معى إذا علمت الحقيقة
إذا عرفت كل ما بى من كسور وشروخ
ربما أنا ذلك الشخص القوى الذى تظن أنه أنا
لكننى لا أرى هذا
لا أدرى كيف أعالج هذا
ءأقول لها أننى حاولت مرارا أن أكون شخصا آخر
أن أغير طبيعتى الشرسة وطباعى الحادة
أننى حاولت أن أكف عقلى عن التفكير أثناء معاملة الآخر
أننى حاولت أن لا أكون خائفا من إظهار حقيقتى
: مالك يا حبيبى فى إيه ؟؟؟
أيقظنى صوتها وأنعشتنى كلمة حبيبى وأعادتنى للحياة و طردتنى من بين جدران سجنى
لم تكن تقول حبيبى بمعنى أننى حبيبها فعلا
لم تكن تعشقنى
ولكنها كانت تعلق كل الأمل على
لم أدرى ماذا أقول لها
: إبعدى عنى ... لأنه مينفعش تبقى جمبى
ردت فى إستغراب لتغييرى مجرى الحديث وقالت
:لاء مش هبعد وليه بتقول كدا
توقعت الدهشة فى حديثها من كلامى وقلت لها
: كدا وخلاص ...أنا لعنه ...هغيرك .... هأثر عليكى ... مش هتعرفى تغيرينى ولا تعملى لى أى حاجة
ردت وكأنها لم تسمع ما قلته
: بس أنا عارفاك كويس ومتأكدة منك وعارفة إن إنته كويس وهتبقى كويس وإنته لو زى ما بتقول فمجرد فترة وتفوت
أرد فى حدة
: لاء مش فترة ومش هتفوت وهتتغيرى بعدها ومش هتبقى إنتى وهتكرهينى وتلعنى اليوم اللى عرفتينى فيه

إبعدى بقى

ظهر الخجل على وجهها فلم تتوقع أننى سأطردها من حياتى بهذا الشكل
لم تكن تدرى ما بداخلى
ولم تعرف يوما ما أكون
ولكن يبدو أنها أحبتنى
وأننى أتمنى الآن أن لا تطيعنى ويزيد عنادها وتظل بجوارى
سأتغير ربما لو فضلت البقاء وأقسمت عليه
سأتغير حتما
ولكن
: طيب اللى يريحك أنا هبعد ...أنا آسفة بجد
كسرتنى كلماتها كما لم تكسرنى كلمات إنسان من قبل
لقد جرحتها وكسرت كبريائها ... لن تعود إلى يوما ... لن تهتم بى مرة أخرى
حتى (( صباح الخير )) الطفولية المرحة التى تقولها لم يعد لها وجود :(
لن تقولها مرة أخرى
ربما هى لا تدرى كيف أراها وكيف أشعر بها
ربما لو أدركت ستغير رأيها وتظل بجوارى
ستحاول أن تقنعنى بما تراه بأننى إنسان
حاولت أن أداوى ما جرحت
: صدقينى مينفعش أغير فيكى ولا ءأثر عليكى أنا مقصدتش أجرحك ولا أزعلك ولكن أنا دلوقتى فى إحدى لحظات العقل اللى مش بتتكرر وبجد لازم أخاف عليكى منى ومن كل حاجة
الآن فقط أدركت لم أريدها بعيدا
لتظل ملكتى
وأميرة أحلامى
لتظل كما هى نقية بدون أى تأثير منى
إبتسمت محاولا إنهاء الحديث
وإبتسمت لى وللمرة الأخيرة
تمنيت لو أمسكت يدها وقبلتها وقلت لها
: خليكى جنبى
لكننى متأكد أنها لا تعلم أننى مجنون لهذه الدرجة ولا يمكن أن تعلم هذا عنى أبدا
ربما تتركنى
ودعتنى وذهبت
وظللت فى مكانى
وأخذت أردد أغنية منير والدموع فى عيونى :

أنا بحسد الكحل اللى كحل رموشك
وأحمر شفايف اللى زين شفايف
دا أنا بحسد الليل اللى سهر عيونك
واحسد عيونى لما اكون ياحبيبتى شايفك

دا أنا باحسد الكحل اللى كحل رموشك
وأحمر شفايف اللى زين شفايف
دا أنا بحسد الليل اللى سهر عيونك
واحسد عيونى لما اكون ياحبيبتى شايفك

دا أنا بحسد كل كلمة بتسمعيها
كل كلمة بتقوليها
كل حاجة تحسى بيها
عارفة ليه

دا أنا بحسد كل كلمة بتسمعيها
كل كلمة بتقوليها
كل حاجة تحسى بيها
عارفة ليه

بحبك أحبك مش عارف قد أيه

فى عيونك السمر بالقى روحى وكيانى
ياللى الحنان سره هو حنانك
دا الحب داكيد حب مخلوق عشانى
وانا بردة قلبى يا ملاك مخلوق عشانك

فى عيونك السمر بالقى روحى وكيانى
ياللى الحنان سره هو حنانك
دا الحب دا كيد حب مخلوق عشانى
وانا بردة قلبى يا ملاك مخلوق عشانك

دا أنا بحسد كل كلمة بتسمعيها
كل كلمة بتقوليها
كل حاجة تحسى بيها
عارفة ليه

دا أنا بحسد كل كلمة بتسمعيها
كل كلمة بتقوليها
كل حاجة تحسى بيها
عارفة ليه

بحبك أحبك مش عارف قد أيه


أحلام ضائعة
شاب فقرى

هناك 64 تعليقًا:

الشعب لابد له من حكومه تشكمه يقول...

كريييييييييم ازيك؟:)
ايه انت كنت مخاصمنا ولا ايه وقافل فى وشنا باب التعليقات؟

قبل مقرا البوست اصلى ضحكت اوى لما شوفت دى:
فتح التعليقات يمكن حد يفهم ويعرف أنا بتكلم فى إيه ... إرزقها من عندك يارب

ابسطها من عندك يابااااااااسط بسسسسسسس متبسطهاش اكتر من كده:)

مفتقداك والله,
هروح اقرا باه واجى ارى تانى

Baskouta يقول...

الله الله الله
البوست ده تحفة بجد عجبني جدا
حقيقي جدا ولمسنى جدا
بجد من كتر ما لمسنى مش عارفة اعلق اقولك ايه
بس بجد لانه حقيقي دخل القلب ولمس الروح بمنتهى الصدق
احييك بجد عليه

تعرف اكتر جزء وجعني
لما قالها ابعدي بقا
بس كان مستنى عنادها يزيد مع انه لو كان استسلم لعنادها اللى كان من دقيقة واحدة يمكن كانت الدنيا اتغيرت ومجرى الحديث اتبدل
ويمكن لو هي مقالتش ايفة وعندت اكتر كان هو حن وضمها لقلبه وقالها اه هتغير علشانك هتغير ... وانتى معايا هتغير

يمكن لو كان قالها انا محتاجلك اوي بس خايف عليكي اكتر ... يمكن كانت هتفرق معاه ومعاها

وجعتنى الحدوتة الصغنتوتة
لانها بجد حقيقة
وكل عيد حب وانت بخير

تحياتي البسكوتية

promise is promise يقول...

ايه البوست ده

والله تصدق انك فقرى

حد يلاقى حد يحبه ويسيبه من ايده ويطفشه كده

انت فعلامجنووون

وفقرى كمان

وانا دلوقت بسمع احمر شفايف

صيدلانيه طالعه نازله يقول...

يعنى انت كنت مختفى الفتره اللى فاتت كلها و راجع كمان زعلان

ياعم و الله الدنيا حلوه و بسيطه و ياريت منعقدهاش
مين قال انك وحش
مين قال انك لو فضلت معاها حتاثر عليها بالسلب

سيب نفسك للدنيا و افتح صدرك للهوا و طير
حتلاقى همومك كلها طارت و احزانك اتبخرت

مساء الحب فى ليله الحب يا كيمو

فكها بقى :))

Mo7ammed يقول...

كيمو

معنديش تعليق غير انى فى ايدى كباية شاى وسندوتش جبنة قديمة بطحينة
تاكل ؟

الشعب لابد له من حكومه تشكمه يقول...

اممممممممم مش عارفه ليه افتكرت اغنيه عايده الايوبى ان كنت غالى عليا:

ان كان الحبيب خايف عليا وضحى بحبه فى ساعه غاليه,
ولا يعرف انه بالتضحيه يغلى حبيبى يغلى فى عنيا.

اوقات بيجى الوقت اللى تكشف فيه عن نفسك وعن حقيقتك لشخص انت حاسس انه قريب منك,
اوقات لازم تدى الفرصه لنفسك انها تظهر مش يمكن تفاجأ نفسك,؟؟

بيعجبنى اوى لما اقرالك التسلسل والكلام .

شاب فقرى يقول...

شيما
ربنا يرزقها بقى
انا زعلان ومازلت من مجموعة معينة
ويمكن مفيش حد فى الدنيا الا وعندى اكتر من تلات اسباب عشان ازعل منه
يا باسط
مفتقدانى ازاى
ما انا بعلق عندك على طول
بس انا كتبت حوالى اكتر من ست بوستات ومش نشرت حاجة ويمكن تسعة
لانى مش عايز اتكلم
نورتى
الاغنيه بتاعت عايدة الايوبى بحبها اوى اوى
بس مجتش فى بالى وانا بكتب
صدقينى ساعات الجهل بالشخص اللى قدامك بيكون ارحم من معرفته
ويمكن لو ظهرت كل حاجة مش هتعرفيه تانى
معادلة كدا
فقرى

شاب فقرى يقول...

بسكوتة
نورتى جدا
كان نفسى يكون موقف حقيقى عشان اقدر احس بكل الحاجات اللى حلمت بيها دى
عارفة ان الاحساس حتى لو قاسى او غادر او متعب يكفى انه احساس عشان نحبه
يعنى الاحساس نفسه بيدينا معنى الحياة
حتى لو احساس بالفشل والتعب اللى عاشته الشخصية اللى فى البوست بس برده بيحسسنا بالحياة وبالحب وبحاجات كتير واحيان اكتر بيساعدنا عشان ناخد قرار قد يكون القرار دا مهم فى حياتنا وقد يكون لا شىء
بس الإحساس يظل هوا اللى بيحركنا وبيخلينا نفكر
الجزء دا وجعنى اكتر
لان من وجهة نظرى بيكون صعب عالواحد انه يقول كلمة زى دى
حتى لو فى قصة خيالية او موقف لم يحدث ولكنه برده بيكون صعب عالواحد
ليكى وجهة نظر مميزة
بس رايى انه مكانش ينفع يقول كدا
لانه كلام مسلسلات
فمش ينفع يقوله
بس كدا
نورتى
وبرده وجهة نظر مميزة
فقرى

شاب فقرى يقول...

promise
ما انا مصدق انى فقرى
الاغنيه حلوة
اسمعى بقى من اول لمسة هتعجبك اكتر
اقرى التعليق اللى كتبته لبسكوتة وافهمى ان القصة خيالية
ولو حقيقية فأنا معروف عنى إنى مجنون دى طبيعة فيه
واللى يعرفنى أكتر هيفهم أنها حقيقة وواقعية مش جنون
حوار كبير ملناش دعوة بيه
إسمعى الاغنيه
فقرى

شاب فقرى يقول...

صيدلانية

انا كنت موجود
مش مختفى
زعلان
بس مكنتش لانى ببساطة مازلت
هفهمك ببساطة
بعض الأشياء بتفقد قيمتها لو تغير فيها اى حاجة
يعنى مثلا الشاى بيفقد قيمته وطعمه وريحته لو حطينا جمبه أى مادة تانية وكرفت عليه
فمش هيبقى شاى
يعنى ببساطة
هى فى القصة من وجهة نظره لو كانت فضلت جمبه مكانتش هتبقى هى
فبالتالى مش هيعرف يحبها بعد ما هتبقى جمبه
وفى نفس الوقت محتاجها جمبه
الموضوع معقد شويتين
بس فاككها والله اهوه وبقول يارب
كل سنة وانتى طيبة
وليلة حب سعيدة
فقرى

شاب فقرى يقول...

محمد
قوم زود الشاى سكر
واعمل سندوتش كمان
فقرى

Mo7ammed يقول...

زودت الشاى كباية

وعملت 4سندوتشات شوف يلزمك قد ايه وسيبلى الباقى

المفاجأة بقى
معايا كيسين فوار

شاب فقرى يقول...

محمد
ممعكش قرصين تيمو بالمرة
فقرى

Mo7ammed يقول...

اتصرفلك

عايز قرصين بس ؟
ولا شريط ونبقى صباح الضياع

منــار فايد يقول...

كرييييييييم
وبعدين
بجد الحدوته بتاعتك كملت عليا النهارده بجد....
مع ان احساسها ووصفها الدقيق مكتوب وموصوف صح اوي....
انا عايزه اقولك حاجه
احنا السبب في كل اللي بيحصلنا
احنا بنفضل السكوت مده طويله
جايز بنقرر الكلام دايما في الوقت الغلط
وبنسكت في اشد الاوقات اللي محتاجيين نتكلم فيها.....
تعرف بجد الحب عايز جرأه
في القرارت....
لاننا لو سبنا نفسنا كدا شويه مبسوطيين
شويه تانيين نستكتر الفرحه ع نفسنا
شويه تالتين نقضيهم في لوم نفسنا
ازاي قلنا كدا؟
وليه قلنا كدا؟
وكان مفروض نقول ايه وقتها؟
احساسنا ده كله بيضيع علينا اجمل وجايز ابسط لحظات الحب....
أنا عايزه اقولك حاجه
لو حاسس ياكريم انها بتحبك فعلااا
يبقى ماتضيعاش من بين ايديك...

وكل سنه يارب وانت بخييير

شاب فقرى يقول...

محمد
O
|_|
>>>>>>>>>>>>>
فقرى

شاب فقرى يقول...

منار
ولكم بيكى فى المدونة للمرة الاولى
انا بقلق من إسم منار أكتر من أى حاجة تانية فى الدنيا دى
المشكلة مش فى اتخاذ القرارات
المشكلة فى الالتزام بيها والتمسك بيها والقدرة على التنفيذ والإستمرار فى التنفيذ دا
بنسكت لان مينفعش نتكلم
لان مش دايما الكلام هيحل اللى احنا فيه
لان فى افعال بس هى اللى بتغير او مواقف
يعنى مثلا فى القصة
اللى كان لازوم يحصل هوا فعل او موقف
مش كلمتين
لان الكلام دا هتلاقيه فى كل حته
من كتر ما الكلام اتقال
الناس نسيت معناه وبقت مش بتشوف معدنه الحقيقى
يعنى كلمة الحب نفسها الناس مش بتبص فى جوهرها
منار
أى حاجة فى المدونة مكتوب تحتها أحلام ضائعة اكيد مش حقيقة او فيها جزء كبير جدا خيالى
زعلت لان القصة عجبتك وأثرت فيكى بالشكل دا
مكنتش أتمنى إن كلماتى تسبب الحزن لحد
بجد آسف
نورتى
بس نسيت أقولك
أحيانا بيكون لازم نعمل اللى فى القصة دا
لانه مينفعش غير كدا
اقرى كدا ردى على بسكوته
وشوفي اللى فيه
هتعرفى أبعاد كتير للقصة انا شايفها مش قلتها
نورتى اولا واخيرا
وآسف مرة تانية

فقرى

حـــلـــم كــــان يقول...

ازيك ياكريم

البوست فظيع

بس هو مش وحش اوى ذى ماهو فاكر هو لو وحش مكنش خاف عليها وقالها ابعدى عنى

7annen يقول...

مش عارفه اقولك ايه

البوست جميل

بس ربنا يسعدك ويملا حياتك حب وهنا

وتقدر تحافظ على كل انسان بتحبه وبيحبك انه يفضل جمبك ومش يعد عنك ابدا

شاب فقرى يقول...

حلم كان
تصدقى وجهة نظر برده
نورتى
فقرى

شاب فقرى يقول...

حنين
شكرا لرأيك فى البوست
يارب اللهم آمين
نورتى
فقرى

wella يقول...

كسرتنى كلماتها كما لم تكسرنى كلمات إنسان من قبل لقد جرحتها وكسرت كبريائها ... لن تعود إلى يوما ... لن تهتم بى مرة أخرى حتى (( صباح الخير )) الطفولية المرحة التى تقولها لم يعد لها وجود :( لن تقولها مرة أخرى ربما هى لا تدرى كيف أراها وكيف أشعر بها ربما لو أدركت ستغير رأيها وتظل بجوارى





اااااااااااه

بجد احساس عااااااالى

احساس حزين فى ليلة الحب ماعلينا المهم انو احساس بس بيوجع
احساس وحدانى

شاب فقرى يقول...

ويلا
بالظبط كدا
حزين
فقرى

سلمى يقول...

وجعتنى اوى بكلامك

شاب فقرى يقول...

سلمى
سورى مكنتش اقصد
فقرى

star in the sky يقول...

ازيك يا كرييييم ؟؟

اخبارك ايه

ليه كده
اكييييد هى كانت مستعدة تقف جنبك لاخر لحظة
بس تصدق كله نصيب الناس اللى بتفضل معانا واللى بتسيبنا واللى بنسيبها

واكيييييد انت كويس مش معقول انت بس اللى شايف نفسك كده وزى ما قالت لو انت كده يبقى فترة وتعدى
ربنا يوووفقك وامورك تبقى تمام

ابقى سيب الكومنتات مفتوحة عشان نتطمن عليك دايما

عاوز اصحي يقول...

حمدلله علي سلاحف النينجا ياعم كيمو
انت كنت فين وقافل موبايلك قصدي كومنتاتك . المهم ان انت رجعت القصه الرومانتيكيه دي بمناسبه الزلانطين .
ماشي ياعم ربنا يسهلك

سلمى يقول...
أزال المؤلف هذا التعليق.
صوت من مصر يقول...

كريم بما انها شكلها تهيسه شكرا

الشعب لابد له من حكومه تشكمه يقول...

كرييييييييم:
جيت تانى:)
زعلان؟؟؟ اممممممممممم اوعى اكون منهم مع انى معتقدش انى زعلتك فى حاجه انا اصلا متكلمتش معاك ودا مزعلنى بصراحه.
يلا تتعوض ان شاء الله.

الموضوع مش كومنتات ياكريم,:)

المهم:
مين قال ان الجهل باللى ادامى افضل او لما تعرفه تبعد؟؟
لو زى ماهو مكتوب فى البوست,هى قابله وموافقه وراضيه كمان,

المشكله فيه هو,هو اللى رافض انه يقرب اوى من حد,هو اللى رافض انه يكشف نفسه من جوه ادام حد,
هو اللى رافض انه ميحكيش لحد عن اللى جواه,
ودا غلط لانه بكده هيضيع ناس ممكن تكون حقيقيه اوى فى حياته,
ممكن يخسر حب حقيقى مش بسهوله هيصادفه,

انت بتقول انها ممكن تتغير وهى جمبه ودا مش هيعجبه,
معتقدش هى لو اتغيرت مش هتتغير للاسوأ,
بالعكس هتقف جمبه ,هتشجعه,هتحس بيه,
هتقدر وتفهم,

اعتقد دا من وجهة نظرى المتواضعه.

وانا بقرا كومنتاتك افتكرت باه عمرو دياب:)
مكنتش ناوى اودعك بس انت مفهمتش,

صباحك سكر زياده ياكرملله:)

اللى موش عارف يتغير يقول...

ازيك الاول
واضح ان كل الناس متاثرة بعيد الحب ده
بوست جميل
بس حتى الصور رغم جمالها بس بتوضح فعلا انك فقرى
هههههههههههههه
تحياتى

Ana keda يقول...

مرة واحد كان من اصحابنا وكنا بنتكلم فى كلمة الى انت قولتها انا خايف عليكى منى
او انا حياتى ملخبطة وبلاش تدخليها وقالنا ان لما الولد بيقول الكلام ده بجد بيكون صادق وبيكون فعلا حياته متلخبطة وخايف عالبنت دى
انا شايفة ان البوست حقيقى جدا وبيحصل كتير وانه لما قالها ابعدى بقا دى كان قصده استنى ومتسمعيش كلامى الى بس بقوله
البنت بس اتجرحت عشان كده لمت الى اتكسر حبة ومشيت اد ايه كلام جوانا بنسيبه ميطلعش ونقول كلام غيره
واد ايه بنضيع ناس بنحبها لمجرد اننا شايفين انان وحشين ومتكسرين من جوه ما الى كسرونا دول ناس ومش هنعرف نصلح ده لوحدنا يبقى لازم تبقى فى جنببنا ناس برضه عشان نصلحه وفى ناس بتستنى وبتصبر
وحشتنا بجد انا كنت بزعل اوى وانت قافل الكومنتس كده
ويلكم باك متعملهاش تانى بقاااااا :)

dramaqueen يقول...

هاى كريم
ازيك

فكرتنى بحدوتة زمان حصلت لى
كان برضه بيقولى ابعدى وانا كنت مذهولة وهو بيتقطع مع كل كلمة بس انا احترمته جدا واحترمت عقله لانه بجد مكانش ينفع نبقى سوا

حسيت اوى بكل كلمه وبكل وجع

مش لازم تبقى انت غلط ومش لازم تكون صح بس اكيد انت عملت دة بعد تفكير

يارب تلاقى الخير فى كل حاجة بتعملها ومتغبش تانى عن المدونة

شاب فقرى يقول...

star in the sky

انا فتحت التعليقات اهوه
بالنسبة للمكتوب
فهى قصة
انما لو هنتناقش فيها وكأنها واقع
اللى بيكون على استعداد للتضحية بيضحى فعلا
واللى بيكون على استعداد للتحمل بيتحمل على طول مش بيستنى لما اللى قدامه يدى له كارت اخضر عشان يبدأ
الموضوع موضوع تصرف لحظى
بس كدا
نورت للمرة الاولى المدونة
فقرى

شاب فقرى يقول...

عاوز أصحى

الموبايل فعلا كان مقفول
ومكنتش بكلم حد خالص
الله يسلمك
السلاحف بتسلم عليك
كانوا زعلانين معايه
فقرى

شاب فقرى يقول...

صوت من مصر
كوباية ميه بسكر وهتبقى تمام يا كيمو
بس كتر السكر بلاش بخل
وجبت انبوبة ولا لسه ؟ طمنى ؟
فقرى

*البت المشمشية *حلوة بس شقية * يقول...

حلو البوست جدا يا كريم

شاب فقرى يقول...

شيما
زعلان فى ايه
مش هتكلم فى النقطة دى
مش مهم

عارف ان الموضوع مش كومنتات
بس بقيت حاسس من فترة طويلة انى بموت
لانى بطلت اعمل الحاجات اللى بحبها
وشوية وبقيت حاسس انى مختفى زى اما اكون محبوس فى قبر
فما بال الناس اللى حواليه وبيكلمونى بقى هيقولوا ايه


فاكرة فيلم زى النهارده لما آسر ياسين قال للبنت وهوا بيشرب قالها إن مشكلة البنى آدمين هى الفوقان
أنا بقى من موقعى دا بقول ان مشكلة البشر كلها بتكمن فى المعرفة
يعنى على راى الدكتور مصطفى محمود
الراجل اللى عايش فى الصحرا دا لا يعرف مطاعم ولا عربيانت ولا كل الاشتغالات دى
فبيعيش اطول لانه بعيد عن المدينة وصحته بتفضل قوية
بعيدا عن كل الامثلة دا
انتى لو مش تعرفى اللى جوا بنى ادم
يبقى لازم تخافى وتبعدى
لانه ممكن بيكون بيتعارض مع مبادئك او لا يوافق عليه شريعة مثلا انتى متبعاها
او اخلاق معينه مش هتوافقى عليها
فعشان كدا الجهل باللى قدامنا احيانا بيخلينا نستمر فى معرفتنا ليه
محصلش فى مرة انك قابلتى واحدة وبعد تلات سنين صداقة سبتوا بعض
وقلتى لو كنت اعرف انها كدا من الاول مكنتش عبرتها ولا عرفتها
دى هى النقطة
وضحتها لك اهوه باكتر من مثال لانه يمكن مش اتفهمت من السطر اللى كان بيحذرها فيه

نيجى بقى للنقطة التانية لو هى اتغيرت مش هتعجبه ليه ؟؟؟
لانه هوا لما الواحد بيبقى فيه مرض او تفكير معين مسبب له مشاكل
او عقد
بيكره العقد والمرض والحاجات دى كلها
فلما العقد والمرض يتنقل لها وتبقى عقدتها هى عقده وعقدتها الاكبر هتكون هوا ذات نفسه
ساعتها هتبقى زيه
وهى بتقدر تنقله وتعيشه فى عالم تانى وتحييه بكلمة او بموقف
فلما تتغير وتبقى زيه
كل دا هيروح
عايز اقولك يا شيما ان البشر دول عاملين زى الهدوم اللى بتدخل الغساله
لو حطيتى حاجة بيضا اوى مع هدوم زرقا
هتلاقى الازرق بهت عليها وباظت
اهوه الشخصية الاقوى بتبهت على الشخصية الاضعف وبتغيرها وتغير لونها وتغير ملامحها ومبادئها
وصدقينى ليه فى الموضوع دا صولات وجولات لدرجة انى بقيت حاسس انى هدوم تبهت على اى شىء
صباحك زى الفل
دى تانى مرة حد يكلمنى عن الأغنيه دى وانا عمرى ما سمعتها
حاجة مؤسفة فعلا :(
فقرى

شاب فقرى يقول...

اللى موش عارف يتغير
مش لاقيين يجيبوا بنطلون
وخد بالك بنطلونها هى اللى مقطع مش بنطلون الفقرى
دى مش من وحى عيد الحب ولا اى حاجة
تحياتى
فقرى

شاب فقرى يقول...

Ana Keda
الحب فى رايى
هوا
ان الواحد يعمل العكس احيانا لضمان سلامة الطرف التانى
اقرى التعليق بتاعى على (( الشعب لابد له من حكومة تشكمه )) و ردى على (( بسكوته ))
هتفهمى القصد
نورتى
مش عارف هقفلها تانى ولا لاء
حسب التساهيل
وآسف لو دايقت الزوار
فقرى

شاب فقرى يقول...

dramaqueen

بكون سعيد بالزيارة صراحة
احيانا بيمر علينا لحظة القلب بيقف فيها واللى بيشتغل هوا العقل بس ومش بيصحى القلب إلا فى حالة ان العقل يكون خد قرار وندم عليه
ودا اللى فى القصة دى بالظبط
نورتى واسعدتينى
فقرى

شاب فقرى يقول...

المشمشية

بقالى ربع ساعة بكتب لك فى تعليق على اخر بوست
كنت فاكرك مش هنا
حمدا لله عالسلامة
نورتى البلوجر من تانى وكل سنة وانتى طيبة
شكرا لرأيك فى البوست
فقرى

Ana keda يقول...

قريت الكومنتس وقريت ردك عليهم
وجهة نظرك وجهة مختلفة تماما وموافقة على حجات كتير فيها
بس لو جيت تفك الحدوتة واحدة واحدة
البنى ادم ده مش وحش وفى جواه حجات كتير حلوة ونضيفة لسه محدش لعب فيها ممكن تكون فترة فى حياته وجات وعمل فيها غلط كتير او بهدل نفسه بشكل او باخر
بس تيجى تبص جوه هتلاقيه كويس وهو نفسه عاوز يبقى كويس عارف لو واحد سايب نفسه اوى مش هتبقى جواه صراعات لانه ادام فيه حاجة بتقول اه وحاجة بتقول لاءا يبقى فى حجات كويسة وصاحية
ليه بتبص للموضوع انه هيبهت عليها هقولك على حاجة هو خايف عليها وهو اكتر واحد ادرى بنفسه وماعك فى دى
مصادفتش مرة حد شايف فيك حاجة انت شم واخد بالك منها

حاجة حلوة اوى جواك وجه شاور لك عليها وحسيت انت بالحاجة دى ونورت جواك

فى ناس كده بتنور جواك وتعلم على حجات كتير حلوة مش يمكن هى كده هتفضل تنورله الحتت الضلمة الى جواه

الحكاية محتاجة شوية مواجهة وانه يفهمها حجات معينة وهى يا قبلت يا قبلت برضه :)اصلها حاباه وشايفة الحاجة دى

هو خايف وشايف نفسه وحش اوى وانه مش يستحق الحب ده وانه هيعمل كلاكيع وعقد للبنت دى والمشكلة انه هو لاى فى ايده اللعبة كلها كانه بيعاقب نفسه على خيبات زمان او على احلام ضاعت منه او على واقع هو مش حابب وجوده فيه بالشكل الى هو عاوزه

مش عارفة عالاقل يدى لنفسه فرصة ويديهاويبطل يحسبها اوى

ساعات كتير حسابتنا بتظلمنا لاننا الى بنحسبها

star in the sky يقول...

عندك حق

بس لما حد بيخرجنا من حياته كده بنبقى احيانا مضطرين نخرج ونوقف من بعيد نشوفه عامل ايه ونتابع اخباره ونتطمن عليه

واحد بيحب يشخبط يقول...

تحفه يا فقرى ... انا دمعت و كان نفسى اقولها افضلى معاه دا محتاجلك اوى زى ما انا كان نفسى اقولها ف الحقيقه بس للاسف مقدرتش او معرفتش

رائع يا فقرى

صدى الصمت - عاشقة الورد - يقول...

كلماتك وجعتنى بجد وقريتها أكتر من مرة
وبقالى كتيير ما صدقتش كلام زى كلامك دة
حقيقى صادق ورائع
تحياتى

زى الهوا يقول...

:(

حاسه انى عايزة اعيط

بجد جميل جدا

حاساه واقعى وحقيقى لانه وصلنا اوى من جوه

زى الهوا يقول...

انا كنت معلقه ومش لاقيه تعليقى

:(

мαησηα يقول...

اخيراااااا فتحت التعليقات يا راجل

والله وحشتنا ..

اقولك ايه بقه ع البوست الجميل ده يا كيمو بجد بجد تسلم ايدك

وجعتنى الحكاية بس اسلوبك اكتر من رائع

دمت مبدع ومنكد عليا هههههههه

شاب فقرى يقول...

Ana Keda
تمام
بصى مبدأ التفصيل دا أنا برفضه أحيانا لكن هستعمله تحت الشروط اللى قلتيها انى ابص للموضوع نقطة نقطة

دلوقتى عندنا كوباية
فيها سكر وميه
لو زودنا السكر
الكوباية هتبقى سكر بالميه
او كوبايه فيها زيت وميه
لو زودنا الزيت ؟؟؟
اهوه دا بالظبط اللى بتكلم عنه فى الشخصية دى
ان الوحش فيها اكتر من الحلو
فبالتالى مينفعش نبص لنقطة واحدة ونسيب الف نقطة
لما وصفت انه هوا عايزها تبقى جمبه
دا لان محدش بيبقى نفسه يفضل فاشل او وحش
كل واحد عايز يبقى احسن
فعايزها جمبه لانه بيحبها ومعلق عليها امل وفى نفس الوقت خايف عليها تتغير
بتقولى انه المفروض يفهمها
يفهمها
يبقى من الاخر هيخسرها
لازم نحسب لكل حاجة
امال عندنا عقل ليه ؟؟؟
حساباتنا بتظلمنا لاننا نستاهل نتظلم
بس كدا
نورتى
فكرى فى الموضوع من وجهة نظرى
واطلعى برا الصندوق وحطى نفسك مكانها
شكرا عالمناقشة
فقرى

شاب فقرى يقول...

Star in the Sky
يعنى إقتنعت بالفكرة ؟؟؟
فقرى

شاب فقرى يقول...

واحد بيحب يشخبط
هى دى قصة صراحة
فيها شىء من الحقيقة بس بتحوير شديد منى
نورت
واسف على انى حركت دموعك
وشكرا للاحساس النبيل دا
فقرى

شاب فقرى يقول...

صدى الصمت - عاشقة الورد -
شكرا لرأيك جدا
نورتى
فقرى

شاب فقرى يقول...

زى الهوا
ربنا ما يجيب عياط
نورتى
وياترى لسه قافلة التعليقات ؟؟؟
تعليقك ظهر بس كان فى الإشراف
شكرا لرأيك اللى رفع معنوياتى
فقرى

شاب فقرى يقول...

منونة
قولى دمت فقرى احسن
ادينى رجعت التعليقات
اما نشوف بقى هتعلقى ولا لاء ؟
متقلقيش هكتب تانى حاجات تنكد عالناس
فقرى

شاب فقرى يقول...

سمسم
نورتى
معملتش حاجة والله
سافرت طنطا قابلت صحابى وكلت برا وقعدنا على كافية وشفت ماتش برشلونة و مدريد وبس
ولا اى حاجة تانية
------
اقريه تانى ولا يهمك
------
ربنا يقرب منك حبيبك وتحتفلوا سوا بكل الاعياد حتى عيد الاب وعيد وفاء النيل وعيد تحرير سينا وتحرير طابا كمان
-----

عارفة
انا عمرى فى حياتى ما غشيت
ولما دخلت الجامعة
فى مرة دخلت امتحانات لقيت اللجنه مقعدين فيها الطلبة جمب بعض على بنجات كدا
انا قلت اشطة
الواد اللى جمبى صور ورقتى
وانا اخدت منه سؤال
ما هى كانت مادة كنت شايلها
بس ربنا كرمنى ونجحت
وسقطت فى مواد تانى
ما هوا السقوط فى المواد دا نعمة من عند ربنا والله للى يفكر بس
الحمد لله انك معاكى حد فى اللجنة يطمن قلبك حتى
انا لو معايه ابن عمى
هنعمل اشارات وحركات وبلاوى
بس الحمد لله انى لوحدى لانى بكره الغش
الامتحان اللى اتعب فيه واقول يارب
وامنع نفسى عن الغش
ربنا يكرمنى بحل كل الاسئلة
شفتى بقى
ايه اتفاق العشرة جنيه دا ؟؟؟
لو كنتى ناوية تقاسمينى فى العشرة جنيه فساعتها لازم تستثمرى الفين تلاتة معايه
وانا هبقى ابعتلك الارباح من سويسرا
اكون هربت بيهم بقى وربنا كرمنى
لو لسه عايزة من العشرة جنيه قولى لى برده
تمام
نورتى ويارب تبقى بخير
والحمد لله ان الارتباط اللى انتى فيه عن حب لانى كنت فاكره مش كدا وانك مش مرتاحه
احساس جوايه بقى
بس الحمد لله على كل حال
ومبروك كمان مرة وكمان مرتين وكمان تلات مرات وكمان مليون مرة
نورتى كالعادة
فقرى

فتاه من الصعيد يقول...

تولد القسوه من الخوف

انا لسه كاتبه الجمله دي في اخر محاوله قصصيه ليا ع المدونه بتاعتي

بجد الخوف الكتير بيخلينا نقسو على اللي جنبنا

اسلوك جميل وسهل ومعبر كالعاده

انا قريت البوست الجديد وقلت اعلق هنا في مكان المناقشات ... ارجو اني اكون افدتك

تحياتي

star in the sky يقول...

اقتنعت بالفكرة ايوة بس الفكرة اللى هى ان اللى عاوز يقف جنبنا وبيحبنا فعلا مش بيستنى مننا نقوله خليك عشان يستنى ولا بيمشى عشان بنقوله امشى هو بيفضل جنبنبا وبيضحى عشانا وبيسيب كل حاجة عشان هو بيحبنا بجد وعاوز يقف جنبنا حقيقى

بس ارجع واقولك انا شخصيا لو حد خرجنى من حياته بالشكل ده هبعد فترة مش عشان هو قال كده عشان اسيبه يقرر بجد هو عاوز ايه وعشان يتاكد لو عاوزنى اقف جنبه ولا هو بجد مش عاوزانى فى حياته خلاص وحتى فى الفترة دى مش هقدر متابعش اخباره ولا اتطمن عليه من اللى حواليه او اقرب الناس ليه وهحاول اساعده يتاكد انه كويس لانى انا متاكده اكتر منه انه كويس

يالهوووووووووى كل ده رغى
يارب تكون فهمت حاجة منى

سلاموز يا كريم ويارب تكون بخير وميت فل وعشرين مش عشرة بس شفت الكرم:D

غير معرف يقول...

انتة فين وبتعمل اية ولية مش فى شغلك وخطبيتك فين من دة كلة اية ؟ اية ملهاش دور على فكرة حاسة انها مش موجودة اصلا اهتم بشغلك وبمستقبلك احسن قبل لما العمر يعدى ويسرقك وتندم الكلام اللى بالاحمر دة طبعا مش ليا ؟؟

غير معرف يقول...

اة نسيت لو التعليق حيضايقك امسحة

شاب فقرى يقول...

انتة فين
انا فى البيت

وبتعمل اية
مش بعمل اى حاجة

ولية مش فى شغلك
مبطل شغل لانى يائس الفترة دى ومخنوق وزهقان

وخطبيتك فين من دة كلة
مليش خطيبة ولا حتى ليه حد اعيط له
لانى مش بعرف اعيط ولا بعرف اقرب من حد غير لما يبقى فى مشاكل
وانا مش مستحمل مشاكل
كفاية اللى انا فيه ناو
انا مش خاطب

اية ؟
ايه ؟

اية ملهاش دور
لما تبقى موجودة يبقى لها دور

على فكرة حاسة انها مش موجودة اصلا
فعلا

اهتم بشغلك وبمستقبلك احسن قبل لما
ان شاء الله

العمر يعدى ويسرقك وتندم الكلام اللى

بالاحمر دة طبعا مش ليا ؟؟

انتى مين وانا اقولك ليكى ولا لاء ؟
بس لما اعرف الاول انتى مين ؟
هبقى اقولك

مستنى رد
فقرى

شاب فقرى يقول...

لاء مش هيضايقنى
بس مستنى اعرف مين
فقرى

غير معرف يقول...

بجد مش عارف انا مين؟ انا الخيال او الوهمواحدة مفروسة كل حاجة عندى زى بعضها ماعدا حاجتين اثروا فيا منها حد احيا وعطانى امل وبكيتب حلو وكل حاجة فية جميلةبس قاسى احيانالكن متاكدة انة حد طيب اوى يمكن لما اموت الاقى حياة اجمل وربنا يرحمنا ويغفر لينا على قدر استحمالنا وعفة انفسنا

شاب فقرى يقول...

غير معرف
انتى مين
لسه ملقتش رد على سؤالى
ويارب يخلى لك الشخص دا
مقلتيش ايه الحاجة التانية ؟
فقرى