السبت، 2 يناير 2010

إنتهى هذا الزمان



سيدتى الجميلة

مولاتى

عشيقتى

حبيبتى

كل ما حلمت به يوما

وداع

فليكن اليوم يوم وداعنا

يوم ما ترحلين

وتكفين عن التفكير

وتغمضى عيناك

وتنسين من أنا

وأن تعامليننى مثلهم

أن تنسى عشقى لك

حبى لك

أحلامى معك

لحظات عشقنا

تنسين كيف أحببتك

تنسين كيف أرعاك

فلا أطلب منك سوى الرحيل

حتى لو كان قلبى معك

ولو كانت روحى بين يديك

فلتهلك روحى

وليدفن قلبى بداخلك

ولترحلين

فما عاد لقدميك أن تطأ مدنى

أن تستيقظين تحت دفء شمسى

وتعيشين بين أنوار روحى

وتنامين بين أحضانى

إنتهى هذا الزمان

كف قلبى عن العشق والهيام

رحلت أشواقى

طارت أوراقى

وتكسرت أقلامى

لم يبقى سوى فكرة

لم تعودى تريدين فهمها

أو حتى فهم حبيبك

فلترحلى رحمك الله


أحلام ضائعة

شاب فقرى

هناك 23 تعليقًا:

صوت من مصر يقول...

اظن انى جاهل فى الحب

z!zOoOo يقول...

السلام عليكم

ازيك يا فقري

يارب تكون بخير

حمد الله علي السلامه

وكل سنه وانت طيب

عايز اقولك كلمه

فلترحمنا أنت من كل هذا اليأس بالله عليك

وهطلب منك طلب تاني

بدوخ عقبال ما بوصل للينك بتاعك

مش عشان انت جامد ولا حاجه ( خمستاشر ايموشن بيطلعوا لسانهم )

D:

مش بهزر

ياريت تنورني مره وتعلق عشان اعرف اوصل لمدونتك بسهوله

سنه سعيده عليك

:)

تحياتي يا فقري

غير معرف يقول...

ترحل وان موش رحلت لملها عزالها وارميها في الشارع .... موش انت صاحب البيت :D

بس بجد كلماتك معبره فعلا .... شعرت فيها بمحب يلمم كرامته

تحياتي

البنفسج الحزين يقول...

جميله الكلمات...
تحياتي

غير معرف يقول...

ربنا يرحمها ماتت :|

هى مين دى :D

ولا بتسأل ولا كأنك كنت فى الاسكندريه صحاب بتوع شهادات بصحيح :D

R-H-S يقول...

فلترحلي يرحمك الله
دا انت كدا اديتها سكه تماااام

Cute Kitty **sookra يقول...

يعنى تنهى الزمان دا وتدفن قلبك جواها
وبعدين ازاى هى هتقدر تنسى حبك ليها وهو بالشكل دا

جارة القمر يقول...

يا بنى ما انت امبارح كنت مبسوط و كويس ليه النكد دا بقىىىىىىى

ليه فكرة البعد و الفراق دى ؟؟؟ ها ؟؟ كفاية بقى تنكد على نفسك

مش يمنع طبعا انك بتعبر حلو اوى عن اللى جواك و الفكرة اللى بتكتب عنها
الاحساس جامد جدا فيها بجد خلتنى اعيط بكلامك دا :(:(

Remas يقول...

لم يبقى سوى فكرة

لم تعودى تريدين فهمها

أو حتى فهم حبيبك

فلترحلى رحمك الله

عجبتنى اوى هذه الكلمات

كل سنة وانت طيب

ويارب سنة سعيدة عليك وتكون سنة خير وسعادة

وتحقق فيها كل ما تتمنى

مواطن شووجااع يقول...

المدونة دي ممكن تروق لكـ فيها بعض الكتابات

http://sedqi87.multiply.com/journal/item/121/121

سمكه واحده يقول...

لا مش انا اللي ابكي ومش انا لالي احكي
مش انا اللي ابكي واقول عشان خاطري ولا ليا حق معاه
تبقي انت هاجرني
انا قلتلها كلمه وكل شئ قسمه ودي قسمتي وياك
وعاوزني ارجع تاااني لاااااا
انا راح زماني هدر ولكنش عندك خبر
وعايزني ارجع تاني هيئ لا طبعا
الاغنيسه عجباني ومش هقعد بقي في مدونتك اغنيها هو اانا مرويش مصالح ولا ايه؟

حلوه الخاطره يا شاب
عموما انا مش هتعبك دلوقتي
(ضمن الاغنيه الجمله دي هه هه)

بس ملحوظه وانا بقري البوستات بلاقي راجل يخوف كل ما اقري يسقفلي بتخض
وكلام في سرك بيبصلي شكله عينه مني وربنا لو بقرها بليل هقفل مدونتك علي طول انا بقلك اهو

مرحبا بعودتك وجاي ثائر كمان
عموما انا قلتلها كلمه
(,
تحياتي

سلمى يقول...

السلام عليكم
معلش انا لسه داخله وفاتنى كام بوست كده بس معلش ملحوقه بعد الامتحانات
(لا ينتهى زمان الا وورائه اخر)
عام سعيد عليك

راء يقول...

بوست رائع من الناحية الأدبية يا كريم
قرأته اكتر من مرة

يمكن تكون فكرة او خاطرة ومش محتاجة تعليق

بس انا رخمة وعاوزة اعلق^_^

دايما بيكون الرحيل اسهل بكتير من الحرب أو الاستمرار ف الحب ..يعني اللي يسيب حد بيحبه يبقى بيستسهل أو حاجة اتغيرت جواه كسرته حاجة عميقة..أو بطل يحب اللي قدامه بس واضح م البوست ان الاجتمال الاخير ملغي..

سلمت أناملك..

shoshta_ joker يقول...

السلام عليكم....
كل سنة وانت طيب
كعادتك كلماتك واصل احساسها
نعم حزينها ولكنها معبرة
اصعب ما فى الدنيا الفراق ولكن اذا كان تجمعنا مع من نحب ليس بيه احساس بالفراق اهون
عجبتنى اووووى

رحلت أشواقى

طارت أوراقى

وتكسرت أقلامى

دومت بخير فى رعاية الله
shemo

shoshta_ joker يقول...

اتمنى انه يكون 2كومنت وافرح بيه
ههههههه
shemo

ЯậŇ MỗŘỹ يقول...

السلام عليكم و رحمة الله و بركاته
كم هو قاس القلب عندما يُخدع ممن يحبه لكن قسوته رحمه سيعرف مذاقها فى وقت قادم
كلامك حلو يا كريم بيفكرنى بمواقف ناس كدا
رعاك الله و وفقك

Sam Sh يقول...

رائع بجد

SHAPE YOUR LIFE (ABOALI) يقول...

جميل الاحساس فى كلماتك ولكنى ارى ان الحب يستحق منا مزيد من التضحيه والتراجع وعدم التسرع فى قرارتنا.

يجب ان نحاول لاخر لحظه لكى نصنع نهايه سعيده مع من نحب ...
ولكن كل منا ايضا يعرف اين هى سعادته ولكنه اذا كان يجد سعادته بعيدا عن الحب فبالتاكيد انه كان حب غير متكامل ويحتاج دعم فى كثير من الجوانب.

دومت بخير وكل عام وانت بصحه وسلام وقلب محب.

تحياتى لك

هيثــم رمضـــان يقول...

حلو أوي الجزء ده

فلا أطلب منك سوى الرحيل

حتى لو كان قلبى معك

ولو كانت روحى بين يديك

فلتهلك روحى

وليدفن قلبى بداخلك

ولترحلين

فما عاد لقدميك أن تطأ مدنى

أن تستيقظين تحت دفء شمسى

وتعيشين بين أنوار روحى

وتنامين بين أحضانى

إنتهى هذا الزمان

خليط ما بين الضعف والقوه.. الضعف أن قلب الكاتب معها والقوه إنه يطلب منها الرحيل رغم وجود قلبه معها.

كلمات جميله جداً وفيها مشاعر صعبه وتعبيرات قوية.

تحياتي

أميرة علي كوكب مهجور يقول...

حمدلله ع السلامه يا كريم
يارب تكون بخير
سنه حلوة عليك يارب

الشاعر الفنان أحمد فتحى فؤاد يقول...

شاب فقرى

جميل قوى اللى إنت كاتبه \ه

فعلا شاب فقرى .. يوم فوق قوى و أسعد واحد .. و يوم تحت الأرض من كتر السواد و الحزن

برافو عليك
و الله أهنيك

كل سنة و انت طيب

زى الهوا يقول...

مش هقولك

غير ان دا الحل الامثل

لشخص احب واوفى ولم يجد المقابل المناسب

اعتبرها ماتت , والحب لسه عايش

:)

الغاردينيا يقول...

حلوووووووة

حبيتها كثير

مبدع