الأربعاء، 27 يناير 2010

برد وموت


جلس مساءا وحيدا

جسده يرتعش من البرد القارص

لم يعد يشعر بآالام البرد وهى تنخر فى عظامه

لم يدرى كيف إقتنع السابقون بأنه يمكن للإنسان أن يموت من البرد

هل حقا ألام الصقيع تبدد الحياة

تقهر سر الحياة فى الجسد ؟

لما يشعر الآن بأنه فى كونه الطبيعى

وبأن هذا هوا ما ينبغى أن يشعر به دوما ؟

نظر إلى كوب الشاى بجواره وأخذ ينفس دخانا من السيجارة بيده

لما يحتاج هذا الكوب ؟

هل يمنحه شيئا ؟

هل يذكره حقا بأن هذا الجسد إعتاد الراحة والدفء فى أحضان إحداهن ؟

هل يدفعه هذا إليها مرة أخرى ؟

هل يشتاق لدفء أحضانها الآن بعد الهجر والفراق ؟

لا يدرى

لقد تركته كما تخيل دوما

وكما كان إحساسه بها

بأنها إحساس الحب الأول فى حياته

بأنها اليوم والأمس والغد وكل يوم

بأنها حياة ... لا يمكن أن يحيا سواها

وبأنها شمسا و لا يمكن أن يدور فى فلك آخر سواها

لم يفتقد إحساسه معها بالأمان

ألا يكفيه الصقيع ؟

ألا تكفى تلك النسمات الباردة لإعادة قلبه إلى حالته الطبيعية وأن يكون ميتا كما إعتاد أن يكون ؟

الموت للقلوب دوما أرحم من العذاب

أخيرا غيرت البرودة والوحدة أفكاره

أعادتها إلى طبيعتها

هل يمكن أن يحدث لأفكاره حادثة أخرى

تقنعه بأن الألم هوا رحمة وأنه أفضل من الموت

وأن قلبه حيا يعيش فى عذاب خير من الموت

أخذ يتطلع للسماء وينفث دخان سيجارته

وتبقى سؤالا واحدا بداخله...

هل حقا الحب مثل دخان هذه السيجارة يتلاشى مع الأيام ؟؟

فدخانها لا يبقى فى صدره إلى الأبد

بل يبقى منه أمراضا لا حصر لها

متى ياترى يجد إجابة لكل هذا؟

كيف يوقف النار فى قلبه؟

كيف يوقف هذا الألم المستمر ؟

قاربت السيجارة بيده على الإنتهاء

سحب النفس الأخير منها

وجحظت عيناه فى السماء

و...

توقفت أنفاسه

...
تمت ,,,
قصة قصيرة
أحلام ضائعة
شاب فقرى

هناك 35 تعليقًا:

Romancia يقول...

:(

حزينه اوى


هل حقا الحب مثل دخان هذه السيجارة يتلاشى مع الأيام ؟؟


قد يتوارى الحب بفعل عوامل الطبيعه لكن اعتقد لا يتلاشى ابدا حب حقيقيى

اسلوبك جميل ما شاء الله

سلمى يقول...

ان صح ما فهمته من قصتك
فدعنى اقول ان لكل شئ بديل وان دوام الحال من المحال لذا ان غابت شمس حبيبته فستشرق سمشا اخرى ربما تعطيه دفئا غير دفئ الامس
واعلم ان الحب الحقيقى ابدا لا يتلاشى مع الايام ان لم يكن هو الباقى على مدى عمر الانسان
ان شعرنا اليوم بألم فغدا راحه
وان كان اليوم حزن فغدا سعادا
وهكذا لكن
كن على يقين ان العالم غير ثابت
تحياتى

الشعب لابد له من حكومه تشكمه يقول...

امممممممممممممم اسلوبها حلو عاجبنى اوى تشبيه الحب بدخان السيجاره جديد.

حتى وان اختلفت معاك فى تفسيره.
بس الاسلوب عاجبنى ومتلائم جوها من كتاب عبد الوهاب مطاوع اقنعة الحب السبعه اللى لسه سيباه من ايدى حالا:)

انا رفعتلك الصوره دى يمكن تعجبك كانت عندى ولما قريت بوست بتاعك افتكرتها:)

http://www.4shared.com/file/208448235/3a9a79ea/536135-fa57a0688dcb.html

Baskouta يقول...

صباح الخير
بجد عجبتني موووووووووت
حلوة حلوة حلوة
حزينة بس حساها حقيقية
تحياتي البسكوتية الصباحية

غير معرف يقول...

كله بيعدي والله

وبيتبخر زي الدخان

تحياتي

صيدلانيه طالعه نازله يقول...

مفيش الم بيفضل و مفيش فرح برضه بيفضل و هذه هيا الحياه
ما كان معك الامس فهو اليوم مع غيرك
و لكن من حكمه المولى عز و جل انه بيعوض الانسان بحاجات تانيه قد لا يفهمها الانسان فى وقتها و لكن مع الوقت يشعر بها
عجبنى قوى تعبير الحب مثل دخان السيجاره
و انه لا يخلف فى الصدر غير المرض و الالم
و مع ذلك الحب ادمان فى حياتنا منقدرش نعيش من غيره لكن السجاير فيه ادويه ممكن تاخدها تخليك تبطلها
تخصص بقى
ههههههههههههههههههههه
بوست جميل يا كيمو

romansy يقول...

ايزيك يا كريم
ما كل هذه الاسئله التى بداخل كل منا نحتاج دائما الى حبيب يعيد لنا الحياه نحتاج لدفئه لحنانه لرقته لحبيب يخاف علينا
من هذا الصقيع ولكن سيدى لا يكمن ان ننسى جزء ما بداخلنا فهكذا الحب شئ اساسى فى وجداننا واجسادنا لا يمكن ان يتلاشى لانه بذلك يضيع حياتنا معه فيبقى ويبقى الى اخر انفاسنا

كلام عيب يقول...

بوست جميل قوى يا كريم و ربنا يعوض الكل يارب باللى يستحقوه و يرضوه
آمين يا رب العالمين

غير معرف يقول...

ما شاء الله . اييييييييييه ده ؟.. اسلوب راقي و ابداع يتجدد .. كتابه احترافيه نمسك الخشب :)

أول مره أزورك بس ان شاء الله مش آخر مره

و ياريت اتشرف بحضرتك على مدونتي و نتبادل التعليقات
الرابط
http://ra7alaat.blogspot.com/

شكرا لوقتك

ليس فقيرا من يحب يقول...

ايه كميه الحزن والاسى دى

بس بجد جميله وخصوصا تشبيه الحب بدخان السيجارة

عجبنى جدا التشبيه ده

كل حاجه فى العالم ممكن تتلاشى مع الايام

حتى لو سابت بقايا جذورها بتبقى بقايا ضعيفه الجروح ممكن مع الزمن تسيب ندوب
بس فى وقت من الاوقات هتلاقى الندوب دى موجوده اه بس مش بتوجع

تسلم ايديك

ربنا يسعد قلبك

Ana keda يقول...

هل حقا الحب مثل دخان هذه السيجارة يتلاشى مع الأيام ؟؟

فدخانها لا يبقى فى صدره إلى الأبد

بل يبقى منه أمراضا لا حصر لها

حلوة اوى الحتة دى
حاسة ان البوست ده مكتوب بمزاج عالى كده
فكرتنى بجملة الحب كالادمان بانك ادمنت شخص معين لدرجة انه بقى فى دمك فى ذكرياتك فى احاسيسك فى كل حتة فى جسمك ولما الحد ده مش بيبقى موجود بتبقى الحياة باردة ومالهاش طعم زى اعراض سحب المخدر كده لما الواحد بيتعالج بس بعد ما الحدوزتة بتخلص وانت بتكون بعدها اتبهدلت صح
بتبقى فى حقيقة واحدة او كزا حاجة انك لو حبيبت هتتعلم المرة دى متحبش اوى كده ومتتعلقش اوى كده وهتفضل تعمل مناوشات ومية حاجة عشان تخلى قلبك بعيد شوية يمكن عشان كده قوة حبنا بتقل من حب للتانى
بس البوست حلو اوى

شاب فقرى يقول...

رومانسية

اهلا وسهلا بيكى فى المدونة :)

اصبح كدا فعلا :)

ما هوا الدخان مش بيتلاشى
مفيش حاجة فى الكون بتتلاشى
شكرا لرأيك وردك

:)

شاب فقرى

شاب فقرى يقول...

سلمى
حاسس فى كلامك بتفاؤل غريب
ان غابت شمس فستشرق شمس أخرى
مظنش
الحب ممكن يتلاشى يا جماعة والله هذه حقيقة ويؤكدها مليون حاجة بشوفها كل يوم

اما بقيت التعليق فهوا يتعلق بدوام الحال من المحال ودى حاجة انا مؤمن بيها
فاحيانا التغيير من الحزن للفرح بيكون تحت هذا القانون وبيكون الفرح لا معنى له

حالة من اللامعنى

تحياتى
شاب فقرى

شاب فقرى يقول...

شيما
سعيد ان الاسلوب عجبك
بالرغم من انى وانا بكتب كنت مكسوف انشر وحاسس ان كلامى عقيم لا يحمل معنى
مش عارف ليه
يا بختك بالكتب دى
بتريح الاعصاب وبتدى أمل
والامل اكتر المشاعر الانسانية تهور
واكتر احساس بيمنح الانسان طاقة تكفى كل حاجة فى حياته
وهوا اللى بيخلينا نقدر نكمل
عجبتنى اوى الصورة دى
اوى اوى اوى اوى اوى اوى اوى اوى اوى اوى
بس دا لا يعفيكى من انك تجيبى لى هدية :D

فقرى :$

شاب فقرى يقول...

بسكوتية الصباحية :)
يا ولكم يا ولكم
شكرا لرأيك
وأسعدنى ردك
شاب فقرى :)

شاب فقرى يقول...

فتاة من الصعيد
إيه اليأس دا كله ؟؟؟
دا انا حسيت انى مش يائس لما قريت التعليق من كتر اليأس اللى فيه

:)

بس فعلا عندك حق
ان كل حاجة بتمر

تحياتى
فقرى

شاب فقرى يقول...

صيدلانية طالعة نازلة
تخصخص :D
هههههههههههههههه
مظنش ان فى اى حاجة ممكن تخلى الانسان يبطل السجاير اذا مكانش عايز يبطل :D
المهم الارادة اللى بجد

وفعلا
كل حاجة فى الحياة فى تداول
من أول الجهاز الكمبيوتر اللى بكتب عليه والتيشرت اللى لابسه
لحد الناس اللى بتمشى معانا فى الطريق وبتسيبنا وتمشى
كل شىء فى تداول بين الناس
حياة :)

نورتى
تحياتى :)
شاب فقرى

شاب فقرى يقول...

رومانسى

وجهة نظرك اللى فهمتها ان الحب يبقى

إنته متفائل يا عزيزى

انا متشائل :D

تحياتى

فقرى

شاب فقرى يقول...

كلام قبيح :D
اهلا وسهلا
نورت المدونة
الحمد لله ان العدالة الالهية موجودة والواحد هيتعوض النهارده او كمان عشرين سنة
:)
بس هيتعوض
ربنا لوحده اللى يعلم

تحياتى
فقرى :)

شاب فقرى يقول...

أهلا يا أحمد :)
ان شاء الله مش تبقى آخر مرة
شرفتنى زيارتك
والله الفترة دى مشغول
برد عالتعليقات بالعافية :(

نورت يا عزيزى :)
فقرى

شاب فقرى يقول...

ليس فقيرا من يحب
كل الجروح لها إلتئام ولا يلتئم ما جرح اللسان
وجروح القلب أقوى
وبتفضل
وبيفضل ألمها
حتى لو اختفت مجرد اننا نفتكرها بيجرحنا كدا :(
بيجرحنا اننا كنا عبط كدا لا مؤاخذة يعنى :)
نورتى :)

تحياتى
فقرى

شاب فقرى يقول...

Ana keda

صراحة مزاج عالى

خمس كوبايات شاى واتنين ينسون طول الليل :(

لدرجة انى افتكرت فجاة انى مكلتش طول اليوم :D

انا شبهت الحب بالمخدرات قبل كدا
ادمان

فون وهكمل التعليق

فقرى

Ana keda يقول...

خمس كوبايات شاى

يالهوى ليه يبنى كل ده انا بشرب واحدة وبقف فى الشقة واقول انا جدع

ههههههه

بس المزاج بان اهو ودى حاجة كويسة ساعات كتير بتبقى الفكرة مش فى دماغنا ومع اى حاجة بسيطة بتطلع

اما موضوع الحب والمخدرات ده
انا الى عاجبنى ادمان لانه بيبقى كده فعلا
لو تشوف اى حد ولو حتى احنا وقت ما بيتعمل المشهد الاخير باختلافه وبعد كده بتبدى تفهم ان الحدوتة انتهت وكمية اليأس والاحباط الى بيجيلك والشريط الى بيجرى ادام عينك على كل لحظة كانت فى الحدوتة دى من اول شوت لاخر شوت
وساعات كتير بعد ما بتخلص بتاخد بالك من حجات عمرك ما شوفتها وكان النظارة انت قلعتها
طب خد بالك من وش اى حد كان بيحب وسابوا بعض
وشوف تعبيراته وعصبيته وسكاته وسرحانه ولو بنات العينين بتبقى مدمرة من العياط
فى بقى شواذ ممكن ناس بتاخدها قفش كده ومبتعيش حدوتة الالم دى غير جواها ومبتبينش وده بحسه تعب اكتر
رغيت كتير انا عارفة
بس الحب ده عامل زى حجات كتير عمرنا ما نستغنى عنها مهما اتلسعنا منه بس الشاطر الى يفهم صح قواعد اللعبة عشان ميتقالش جيم اوفر
بس خلاص :)

promise is promise يقول...

انا بردت جدا من كميه البرد اللى موجوده فى البوست واللى ماليه الجو عندنا

انا هموت من البرد بجد

شاب فقرى يقول...

انتى كدا :)

اهلا وسهلا

بس الشاطر الى يفهم صح قواعد اللعبة عشان ميتقالش جيم اوفر


مفيش حد بيتقاله جيم اوفر

انا كنت بشبه الحب زمان بالسرطان

كنت بقول الجملة دى

لان السرطان برده كله جنون
ومش بيخف منه البنى ادم خالص
دا الحب الحقيقى

بس خلاص

انا مبقتش مجنون زى الأول

............... أنا بقيت مجنون أكتر :D
تحياتى
شاب فقرى

شاب فقرى يقول...

promise

يا بختك
انا قاعد مخفف عشان احس بالبرد ومش قادر احس بيه تماما

يا بختك :((

Sam Sh يقول...

الموت للقلوب دوما أرحم من العذاب

عجبني أوي الجزء ده

تحياتى

صدى الصمت - عاشقة الورد - يقول...

اسئلة كثيرة جداً ومحيرة فى نفس الوقت وتجعلك تتنقل من حالة لأخرى فى وقت قصير

أحمد عبد الحميد يقول...

القصة جميلة وأسلوبك رائع
ولكن أكيد الحب ليس مثل دخان السيجارة

الشاعر الفنان أحمد فتحى فؤاد يقول...

عزيزى الشاب الفقرى الجميل

3 بوستات كل ما أنزل تعليق ما تردش و تنقل عالبوست اللى بعده
ده حظ ده و اللا؟
عموما إنت إنسان جميل و مبدع حقيقى ... مش كلام
ده رأيى بصراحة

شاب فقرى يقول...

عزيزى الشاعر الفنان الطيب :)

إن شاء الله نلتقى غدا فى اللقاء التدوينى

أولا :
أنا مش بتجاهل التعليقات والله
بس للأسف عندى ظروف قهرية
بتخلى تواجدى عالنت قليل
وزياارتى للمدونات قليلة جدا
ودا بيزعل ناس منى
بس اكيد فى ناس بتقدر وتفهم موقفى

أنا آسف جدا والله إذا كنت ملحقتش أرد على حضرتك فى التعليقات السابقة
لكن إعذرنى
مشاغل كتير
الكورسات والتجهيز لبعض الاختبارات والشغل و كفاية الموبايل لوحده والدوشة اللى بيعملها
عزيزى الشاعر الطيب
تأكد دوما من سعادتى بقراءة أى تعليق لك على كتاباتى
لأنك من الناس الذين أقدر كتاباتهم وأسعد بمجرد القراءة لهم :)

لك منى كل التحية والاحترام والتقدير
حقا سعيد بتواجدك وبتعليقك
وإعذرنى على التأخير فى الرد
وشكرا لرأيك الجميل فيما كتبت :)

شاب فقرى :)

شاب فقرى يقول...

sam
عزيزى سمسم
تحية طيبة
تسلم لوجودك ياريس

فقرررررررررى

شاب فقرى يقول...

صدى الصمت - عاشقة الورد -

ألف مود فى لحظة واحدة

:)

هوا دا الحب

تحياتى
فقررررررررررررى

شاب فقرى يقول...

أبو حميد
شكرا لراى حضرتك

حاول تفكر بعيون البطل :)

تحياتى لتواجدك :)

فقررررررررى

ريمان يقول...

حلوه اوى اوى


عجبتنى

دايما البرد والشتا والمطر بيفكروا الواحد بحاجات معينه ودايما البرد بيخليه يحن لاحضان الحبايب

تحياتى ليك