الأربعاء، 6 يناير 2010

حالة وفاة


البقاء لله

توفى إلى رحمة الله تعالى


شاب مصرى


جندى من جنود مصر من قوات حرس الحدود


الجندى دا كان ممكن يكون أخوك أو أخويا و أنا أو أنته أو أى شاب مصرى تانى


تعتبر حالة وفاة فى كل بيت فى مصر


الجندى إتقتل غدر


(( استشهاد الجندي مصري برصاص القناص الفلسطينى.))

الجملة حاول تفكر فيها منطقيا مش معقولة


ولا يمكن فهمها بأى حال


مينفعش نقول غير

حسبى الله ونعم الوكيل


مزيد من التفاصيل ...


لا إله إلا الله


شاب فقرى

هناك 16 تعليقًا:

๓คภ๏ภค يقول...

لا حول ولا قوة الا بالله

انا لله وانا اليه راجعون

يارب صبر مامته يارب واخواته يا حبيبى ده كان صغنون اوى

ومين هيجيب حقه ودمه اللى راح هدر ده

حسبنا الله ونعم الوكيل

البنفسج الحزين يقول...

البقاء لله ...
ربنا يرحمه رحمه واسعه...
والله مبقيتش عارفه...
ذنبه في رقبه مين ولا مين ...
حسبي الله ونعم الوكيل...

P A S H A يقول...

لا حول ولا قوة إلا بالله العظيم
نحتسبه عند الله شهيداً بإذن الله .
ربنا يلهم أهله الصبر والسلوان.
حسبي الله ونعم الوكيل في كل ظالم .

عاوز اصحي يقول...

لاحول ولا قوه الا بالله
قناص ,,,,واللي مات كان علي برج باين والله الواحد مبقاش عارف يحزن علي مين؟

بجد الصوره مؤثره جداااا

انا عمال اكتب وامسح مش عارف اعلق اكتب ايه تاني

لله الامر من قبل ومن بعد

فشكووول يقول...

يظهر يا فقرى ان الحكومه بتاعتنا بتفهم اكتر مننا.

شوف انا البوست اللى فات كنت زعلان عشان احنا بنبنى جدار من الصلب على الحدود.

اليومين دول ابتدت تتكشف حاجات كتيره ما كناش واخدين بالنا منها .

بس الواحد متريث شويه عشان عارف ان الحكومه بتاعتنا لما تحب تلبس الباطل بالحق بتعمل كده.

بس قناص فلسطينى عشان يقنص المصريين .. حاجه تلخبط المخ

انا لله وانا اليه راجعون .. البقاء لله ولا حول ولا قوة الا بالله

ق

شاب فقرى يقول...

منونة , البنفسج الحزين ,pasha ,عاوز أصحى

البقاء لله

الله يغفر له ويرحمه
ربنا يلهم أهله الصبر والسلوان.
و حسبي الله ونعم الوكيل في كل ظالم .

شاب فقرى يقول...

فشكول

سيدى الفاضل

لا أدرى ما تنوى عليه حكومتنا

اهى تمد للفلسطينيين يد العون أم تردم على فلسطين التراب وتغض بصرها عن الجرح وتتركه نازفا بلا اى مساعدة

بس قناص فلسطينى عشان يقنص المصريين .. حاجه تلخبط المخ

ما دا اللى هيجننى

واللى مجننى اكتر اللى بيحصل عالحدود


الله اعلم بالحقيقة

الله اعلى واعلم

وحسبى الله ونعم الوكيل فى كل ظالم

والدوام لوجه الله العلى القدير

خالص التحية والتقدير والإحترام

شاب فقرى

ماما أمولة يقول...

الله يرحمه ويصبر اهله,و حسبى الله و نعم الوكيل

ربنا ينتقم من اللي كان السبب

خواطر شابة يقول...

يا اخي ما يحصل يدمي القلب
لكن ما يحصل على هذه لعبة تلعبها اطراف كثيرة والضحية هم امثال شهيد اليوم
الصراع في المنطقة الان اطرافه كثر والمصالح متضاربة هناك فتح هناك حماس هماك مصر هناك اسرائيل والايدي الخفية التي تحرك المشهد الله وحده العالم بها
طيب بس سؤال ليه مصر متخليش قوافل المساعدات تمر وكفى الله المؤمنين شر القتال مهو المحاصر الجائع المريض اي رد فعل متوقع منه تجاه من يراه سببا مباشرا في منع المساعدة عنه وفي اطباق الحصار عليه
رحم الله الشهيد والهم اهله الصبر والسلوان

صاحب رأى يقول...

زى ما اسرائيل قتلت لنا كتير على الحدود
مستبعدش انه رصاص اسرائيلى مش فلسطينى
المهم الله يرحمة
وطول ما كرامتنا ضايعه يا ريس
هنفضل نقول الله يرحمنا جميعا

شاب فقرى يقول...

ماما أمولة

البقاء لله وبنا يلهم اهله الصبر يارب

-----------------
صاحب رأى

إسرائيل مش هتتكسف أبدا تقول إنها قتلته أو إنها غلطة قناص من عندهم عشان تحرق أعصابنا وتحاول تهزقنا

لكن اللى حصل إن الموضوع دا مادام اتنشر كدا يبقى مؤكد منه

والله يرحم الكرامة

مسيرها تتولد وتكبر من تانى

تحياتى ليك يا صاحب الرأى :)

شاب فقرى
-------------------
خواطر شابة

ليه مصر متخليش القوافل تعدى واشطة ومفيش مشاكل ؟؟؟

هوا المعبر دا ليه اتجاهين
يعنى مش بتاعنا لوحدنا

فى اتجاهين وارضين

فلسطين يحكمها اليهود وهما اللى ماسكين المعبر

اى حاجة مش عايزينها تعدى تبعا للشروط مش هتعدى

وشروطهم اكيد زبالة

واحنا لازم نطبقها عشان ندخل المعونات اللى نقدر عليها اللى مطابقة للمواصفات
والباقى ربنا يقدرهم ويحلوا مشاكلهم

الفلسطينيين اخواتنا

ليهم يقتلوا اخ ليهم ؟؟؟

فقرى

مواطن مصري يقول...

البقاء ل الله و دم الجندي المصري مش رخيص

و نطالب ان القواتا لمسلحة تاخد حق الجندي المصري من مليشيات حماس الارهابية

قلم رصاص يقول...

انا لله وانا اليه راجعون

حاجة تزعل وتقهر

ربنا يتقبله مع الشهداء والأبرار

شكرا ياكرملله على الخبر

في حفظ الله

الفراغ يقول...

الين اذا اصابتهم مصيبة قالوا..انا لله وانا اليه راجعون
صدق الله العظيم

المصيبه كبيره وماخفى كان اعظم
كل اللى ممكن افكر فيه
انه اخطيء وكان يقصد جندى اسرائيلى
وان لم يخطيء
فحسبى الله ونعم الوكيل

Sam Sh يقول...

مش عارف أقول إيه .. لكن أكيد هكتب بوست عن الموضوع ده لأنى بجد زهقت من كتر اللى بيحصل فينا بالشكل القذر ده

قررت أكون عانس يقول...

اسمح لي أني أرد في البوست ده حضرتك بتقول ليه مصر متفتحش المعبر

عشان اتفاقيات المعابر مع اسرائيل

ده مش صح بصراحة

لان غزة أصبحت منطقة محررة من فلسطين


وبالتالي إسرائيل ليس لها أي سلطة على المعبر لأنه مش حدودها حتى

المعبر يقع على الحدود ما بين مصر وفلسطين ( غزة الحرة ) بالتالي صاحب الامر فيه .. الفلسطنيين ومصر وفقط

واي اتفاقية بين اسرائيل ومصر خاصة بالمعبر سابقا .. أصبحت بلا قيمة لأن غزة تحررت من الاحتلال

والمفروض اللي يحدث حاليا ان مصر توقع اتفاقية جديدة مع الجانب الفلسطيني الذي حرر غزة الآن

لان الواقع اختلف واسرائيل خرجت من غزة