الاثنين، 11 يناير 2010

أنا والآخر



أحيانا يستغرب الناس أسلوبى فى الحوار والكتابة
فيظن البعض أننى على إستعداد تام لمعاداة الآخر أيا كان
بل وفى بعض الأحيان الحرب على هذا الآخر
وقد وصف البعض ما أكتب أحيانى وحالتى أثناء الكتابة
(( مش عارف ليه بحس إنك بتتخانق وإنته بتكتب ))
الموضوع بإختصار ...
ليست (( خناقة ))
وليست حالة من العصبية ولا رغبة فى التعصب على القارىء أو من أناقشه فى القضية
ولكنها ثقة فى الرأى وثقة فى الذات لا أكثر ولا أقل
فلا يمكن أن أصل لمرحلة الغرور فأنا أعرف نفسى جيدا
ولا يمكن أن أتعدى على الآخر
فأنا أحترم الجميع فى كافة الحالات وتحت أى ظروف ولا يمكن تغيير هذا بأى شكل من الأشكال
ولا أحمل عداءا ولا كرها لأحد
ربما أحتد على البعض أحيانى فى تعليقاتى
و أناقش كثيرا وأتابع الرد كلمة بكلمه
و أرد على ما كتب فى موضوع معين بعنف
ولكنى لا أقصد عنفا على الآخر
ولا أقصد تعصبا لرأيي الشخصى
شكرا للجميع وآسفا لمن تعصبت عليهم أو أخطأت فى حقهم
دعواتكم بأن أتمكن من العودة قريبا وتمر الأيام فى سلام بلا صداع أو أى مشاكل صحية

خالص التحية والتقدير والإحترام
شاب فقرى

هناك 32 تعليقًا:

غير معرف يقول...

هو احيانا حماسنا لرأي بيتاخد على انه تعصب

تحياتي

هيثــم رمضـــان يقول...

ترجع بالسلامة وألف سلامة عليك من أي مشاكل صحية وجميل جداً حرصك علي علاقتك بالاخر.

تحياتي

شاب فقرى يقول...

فتاة من الصعيد

المشكلة ان يكون لدى الانسان احيانا حماس لا ينطفىء لموضوع فيعميه عن مشاهدة كافة النواحى
المهم هوا القدرة على مشاهدة الصندوق من الخارج ومعرفة الأخطاء والتفكير قبل الحماس

دمتى بكل ود
شاب فقرى

شاب فقرى يقول...

عزيزى هيثم رمضان

خالص إحترامى لك وشكرا لدعائك لى

إدعو لى فأنا فى أمس الحاجة للدعاء
شاب فقرى

Eman يقول...

ج ـميل أن يثق الانسان في نفسه
لآ اج ـدك متعصبآ
لاني أراك دومآ تتقبل النقد
وتستمع للرأي الاخر
وتحترمه
ربنا يعافيك ويبعد عنك كل داء
دمت بسع ـآدة (:

ليس فقيرا من يحب يقول...

السلام عليكم

ازيك يا كريم

الف سلامه عليك ربنا يشفيك شفاءا لا

يغادر سقما يااارب

ترجع بالف سلامه يارب

ربنا معاك

وجميل جدا حرصك على انك توضح للاخر ده وجهه نظرك

خواطر شابة يقول...

ربنا يشفيك من كل ضر فهو الشافي المعافي
ترجع بالسلامة ان شاء الله

adel يقول...

بص مدام انت شايف انك صح يبقي براحتك
بس لو لحظة و انت بترد او بتناقش اكتشفتك خطأ في كلامك يبقي تعتذر و ده مش عيب او يقلل منك
خدها نصيحة من واحد ليه نفس الاسلوب ده

مسدس صغير يقول...

شفاك الله وعافاك
نتمنى لك العودة السريعة

شمس النهار يقول...

سلامتك من الصداع

الحماس غير التعصب
في فرق بينهم

وممكن نتناقش للصبح من غير ما نسفه راي الاخر او نحتد عليه اي نتكلم بحده وصوت عالي وعصبيه

الحقيقه عمري ماشفتك بتعمل كده الا لو كان في حاجه حصلت وانا مسافره

ترجع بالسلامه

سلامي

قلم رصاص يقول...

صادق في كل حرف ياكريم والله
وانا كأحد المنتمين للأخر بالنسبة لك أقدر موقفك جدااااااااا

ولكن عزيزي هو عليك .. ليس بالضرورة ان تكون انت السبب ككاتب للبوست في تأثر قارئك بكلامك وبالتالي انعكاسه عليه في الرد .. لكن ربما جدا يكون هو من فهم كلامك بطريقة ما لأنه بكل بساطة حالته المزاجيه لاتسمح له في الوقت ده بفهم كلامك على علاته .

انا مؤمن جدا بتأثير الحالة العامة للانسان على تلقيه لفكره او معلومه بشكل ما ..ولاينحصر ذلك في عنصر واحد دون الاخر ..مثل كاتب الموضوع أو فكرة الموضوع الخ الخ.

المهم طمني عليك يابطل
وموضوع الصداع ده اخرته ايه بقى ياكريم ..لااااااازم يابني تشوف دكتور كويس وتتابع معاه ..ولا تقلق ..فنسأل الله العظيم أن يمن عليك بالصحة والعافيه

دمت في حفظ الله

الشعب لابد له من حكومه تشكمه يقول...

ايه ده ايه ده؟؟
باه انا اسيبكو يومين ارجع الاقى كرمله بيقول كده؟
وات هابيند؟

سيبك انت ازيييييييييييك؟ مفتقده كريم انا:(

شاب فقرى يقول...

حبى لك لن يموت :)

شكرا لك:)

شكرا لدعاءك

دمتى فى حفظ العلى القدير

شاب فقرى

شاب فقرى يقول...

ليس فقيرا من يحب

الله يسلمك

يارب يقدر الآخر يفهم ما كتب

شكرا لدعائك

دمتى فى حفظ الله :)

شاب فقرى

شاب فقرى يقول...

خواطر شابة

ربنا يشفى كل مريض يارب :)

شكرا ليكى
شاب فقرى

شاب فقرى يقول...

عادل

قريبا ان شاء الله

لكنى مستمر على ما كنت عليه برغم اى شىء :)


نورت يا جميل

شاب فقرى

شاب فقرى يقول...

مسدس صغير

الله يحفظك يا ابو صلاح :)

دمت مثلما انت راجل طيب :)

شاب فقرى

شاب فقرى يقول...

شمس النهار

الحماس الزائد الناس ممكن تفهمه على إنه تعصب للأسف :(

محصلش حاجة وانتى مسافرة :$


كل سنة وانتى طيبة يارب :)


شاب فقرى

شاب فقرى يقول...

عزيزى قلم رصاص

هطمنك متقلقش

بس هتطمن انا الاول :)

لما ابقى اروح للدكتور فى شهر تلاتة :P

وبصفتك احد المنتمين للاخر

صباحك ورد يا عزيزى

شاب فقرى

شاب فقرى يقول...

الشعب لابد له من حكومه تشكمه

شيما


غبتى كتير اوى على فكرة

ولا اى حاجة هابيند

بفكر فى اللى فات واللى بيحصل على طول حالينا

الحمد لله تمام وبخير ومصدع ومش مركز

انا والله كمان مفتقده

جدا جدا جدا جدا




إن شاء الله خير

ويعود مرة اخرى

لما يطمن اكيد هيرجع تانى

دماغى فصلت تقريبا

خلص الكلام :)

نورتى
فقرى

سلمى يقول...

السلام عليكم
فى الحقيقه انا مكنتش بحس بمعاده فى الحوار لكن بكون عارفه انك مقتنع بفكرتك اوى وبتحاول توصلها بشكل صحيح
على العموم ترجع بألف سلامه

صدى الصمت - عاشقة الورد - يقول...

لأ لأ إنت مش عصبى قوى كدة ولا حاجة
إطمن إسلوبك متزن ومتوازن فى أغلب الأحوال
تحياتى

ريمان يقول...

مممممممممم

مش عارفه

بس انا مش حسيت بكده خالص


ربنا يعزك يا رب


تحياتى ليك

غير معرف يقول...

ترجع بالسلامه يا كريم

shoshta_ joker يقول...

السلام عليكم...
ازيك يا فقرى
بجد شكرا ع مرورك عندى فى البوست الاخير
اما عن البوست
فانا لحظت هذا الاسلوب فى كتاباتك ولكنى ايقنت انها ثقة بالذات وليس تعصب او غرور فيوجد شعره بين الثقة والغرور

والثقة بالنفس شىء جميل اوى بيخى الانسان يتصرف بحرية وواقعية وليس غموض وتكتم فى الافعال....
يارب ترجع ان شاء الله بالسلامة والايام تمر عليك بثلاثة وسهولة
دومت بخير
فى رعاية الله .
shemo

ظل السماء يقول...

السلامُ عليكُم
سلامتك الف سلامه عليك أُستاذ كريم:)

يا رب الصُداع هادا يخلص و ينتهي قريباً ان شاء الله

سلامتك مره اُخرى...

!!! عارفة ... مش عارف ليه يقول...

في بعض الأحيان بنكون محتاجين لإجازة حتى ولو إجبارية

وبعدها بنقدر نستعيد نشاطنا في كامل لياقتنا وخصوصاً الذهنية

وإن شاء الله نشوفك تاني
وأنت في كامل لياقتك الذهنية


تحياتي
وليد

شاب فقرى يقول...

سلمى - صدى الصمت عاشقة الورد -مستخلص - shemo - ظل السماء

:)

شكرا لرأيكم الطيب وثقتكم فى المدونة وصاحبها :)

وإن شاء الله الفترة دى تمر على خير وأرجع من تانى :)

شرفنى تواجدكم ورأيكم

بس والله مش بعرف ارد بسرعة عالتعليقات ولا أى حاجة عشان مشغول جدا ومش بقدر اتواجد عالنت خالص

خالص تحياتى وإحترامى :)
شاب فقرى

شاب فقرى يقول...

إلى الغير معرف المعرف :)

يا هلا يا هلا

نورت المدونة :)

انا أفردت لك رد خاص بالرغم ان مفيش خمس دقايق اقدر ارد فيهم وانى داخل نت بالعافية وظروفى مش تمام

بجد سعيد بالزيارة دى

أولا وقبل أى شىء :)

ألف مبروك

وطبعا معروف ليه

ثانيا :
والله مفيش ولا سلام وصلى ولا حد قالى هاى حتى ولا حد بيعلق لى والتلعليقات قدامك اهيه

هدعيلك بمناسبة الامتحانات اكيد
ومتنسيش تدعيلى برده بظهر الغيب محدش عارف هبقى واقع فى ايه ساعتها

الرأى العام دى المادة الوحيدة اللى كان بيخش لنا فيها دكتور منيل بنيلة عجوز قوى قوى قوى قوى
فكنت بنام نص المحاضرة واكتب النص التانى :D

بس هحاول والله افكر وأبعبر

بالنسبة لدور وسائل الإعلام

على حسب وسائل الإعلام دى من وجهة نظرى ومتابعة الجمهور ليها
يعنى مثلا زمان كانت القنوات الارضية المصرية والجرايد هى وسائل الإعلام اللى الشعب بيستقى منها كل حاجة وكانت بتأثر فيه بدور كبير جدا جدا جدا
لكن مع التطور اللى حصل اصبحت بلا قيمة اوالناس بدأت تتشد لوسائل تانية زى الفضائيات الخاصة والجرايد المعارضة والخاصة يعنى نادر لو لقيتى حد فاتح المحطات الارضية وقاعد
واللى حصل من تطور دا حرك اتجاه الرأى العام بعد ما كان بشكل تام مستسلم للحكومة تقريبا أصبح بيعارضها وبيفكر وبيدور على حل لمشاكله حتى فى مشكلة البطالة اللى مش لاقيين لها حل
يعنى مثلا تلاقى اعلامى زى عمرو الليثى فى واحد من الناس بيناقش القضية دى وبيعرض كل اسبوع وظائف عالشباب والناس بتبعت له جوابات
احساس الناس بان المجتمع مليان بالبطالة بيزيد من خلال اللى بتقدمه وسائل الاعلام دى من مسابقات او وظائف زى برنامج عمرو وغيره

يعنى القصد حاجتين :
- التطور اللى حصل للوسائل دى أدى لتحريرها وتحرير فكرها ونشر الفكر المعارض والحر اللى أدى لنقل الفكر دا عند الناس
- الشعور المتزايد عند الناس بقضاياهم ومشاكلهم حتى وان كانت تافهة اصبحت بتاخد حيز كبير اوى على الساحة لان الوسائل دى بتنيمها
يعنى مثلا
ممكن يكون الشاب شغال فى اى وظيفة والحمد لله تمام بس يحس انه واقع فى مشكلة البطالة دى ويكره الحكومة والبلد كلها ويلعن أبو النظام لانه مش بيحب شغله
فبالتالى ... هوا شاف انه واقع فى مشكلة فى حين انه ملوش علاقة بيها
يعنى الوسائل دى بقت بتحرك احساس الناس بمشاكلها وبتطور الاحساس دا حتى لو مش موجود اساسا

ملامح وإتجاهات الرأى العام فى القضية بنت الحلال دى

دى بقى حاجة تستقيها بنفسك وتلاحظيها من رأى الناس اللى حواليكى
أنا شايف إنها سهلة أوى
يعنى الناس شايفة المشكلة ازاى
كل جماعة من الناس شايفين المشكلة ازاى
دا اللى فهمته يارب يكون صح
يعنى مثلا الشباب ليهم راى فى موضوع البطالة دا
فى اللى بيتجه للعمل الحر او العمل الحرفى ويريح نفسه
وفيه اللى بيتجه للعمل الخاص وفى اللى بيتجه للجريمة
كل واحد بيحل المشكلة بالشكل اللى يناسبه
لانه شايف انها مشكلته الشخصية واحساسه بيها فردى لما بيحاول يحلها

دا اللى جه فى دماغى وانا بكلمك

نعود للنقطة الاصلية
مبرررررررررررووووووووووووووك ويارب حياة سعيدة

وهدعيلك وابقى ادعيلى يعنى ينوبك ثواب
كلنا واقعين فى نفس المأزق وكاس وكلنا هنشرب منه

وهستنى الزيارة تتكرر ومش تتقطع أبدا

خالص التحية والتقدير والاحترام
محمدا رسول الله
السلام عليكم ورحمة الله وبركاته
شااااااب فقرى :)

الجواز و سنينه يقول...

فكره التعصب لرأى معين و كونه بيطلع فى الكلام ده شيئ طبيعى و مش يعيب حد
المهم يكون الرأى يكون صحيح علشان التعصيب يكون صحيح

الغاردينيا يقول...

بصراحة كذا انا ما اعرفك

وهذة اول مرة اتوقف فيها في

محطتك .. لكني لو رايتك يوما تتعصب

من بعد هذا اليوم ساعود لاخبرك بهذا

^_^ و برأي اذا كنت تقول رأيك

مع احترام الأخرين وبدون تجاوز عليهم

فمن اين اذن سياتي التعصب !

ودي واحترامي

صوت من مصر يقول...

كريم انا عندى نفس المشكلة برضه