الخميس، 7 يناير 2010

رشح نفسك لحكم مصر





السلام عليكم ورحمة الله وبركاته

هنا شاب فقرى يحدثكم من أمام المدونة وعلى بركة الله وهتكلم واللى يحصل يحصل

أنا قررت إنى أعمل إنتخابات نزيهة لرئاسة جمهورية مصر العربية

أيوة ياعم مصر

هى مصر اللى رئيسها مبارك

اللى ناويين يخلوا فيها جمال جيمى رئيس جمهورية قادم

أيووووووووووووووووون هى اللى فيها حزب واحد

أيووووووووووووا هى اللى فيها أحمد عز بتاع الحديد

ياعم هى بلد الشاذلى

يا نهار تيت

لسه مش عارفها وهتستعبط

هى اللى على شرق ليبيا وفى شمال السودان وفيها الأسكندرية

إوعى تقولى لسه مش عارفها

هى اللى أولادها إنتصروا على إسرائيل فى تلاتة وسبعين

هى بلد الحضارة والعظمة والقوة والأخلاق والتاريخ

هى كل حاجة حلوة فى حياتنا

ياعم هى بلد شرم الشيخ

دلوقتى عرفتها

آه يا سيس

عالعموم مش مهم إنته

المهم أولاد بلدى

اللى هيرشحونى

أيون زى ما قريتوا بالظبط


إحنا هنعمل إنتخابات لرئاسة الجمهورية على المدونات وعلى الفيس بوك

من غير شروط ولا بطيخ

المهم الريس يكون بيحب مصر ...زى أخته طبعا

ميكونش داخل على طمع ولا ناوى يبهدلنا معاه

و يكون ليه برنامج إنتخابى واضح وصريح وعلى أساس

ويكون بيرسم مستقبل حلو لمصر فى رئاسته القادمة بعون الله :)

ويكون من الشعب المتكحرت

بعد ما باب الترشيح يغلق إن شاء الله

هنقوم بعمل فرز للأصوات

وطبعا بقى إحنا لا هنزور ولا الحركات البلدى الفكسانة دى

ولا احنا بنعمل إنتخاباتنا لاى سبب ولا إتباعا لأى تيار غير إننا بنحب بلدنا بجد

ولا عايزين حاجة من ورا الحوار دا

لا عايزين نبقى بنتمريس على حد ولا اى بطيخ من الكلام اللى هييجى فى دماغ الناس

إحنا بنحلم ببكره وعايزين حد مننا يفكر لو بقى فى مكان الريس

وهوا شايف كل الحاجات الوحشة دى

وشايف المرار اللى عايشين فيه والطوابير والكرامة اللى بتنداس كل يوم والبلاوى دى كلها

هيعمل إيه ؟؟؟
هياخد خطوة إزاى

عايزين نفكر فى بكره

بقية التفاصيل ....

قريبا بعون الله

تابعونا عالفيس بوك

منظمى الموضوع :-

شاب فقرى ....يوميات شاب فقرى

محمد كمال على ..... كيمو ... صوت من مصر

بإنتظاركم تنضموا وتساعدوا ولو حتى بفكرة أو تقدر ترشح نفسك أو تدلى بصوتك بما إنك مواطن مصرى

خالص التحية والتقدير والإحترام

شاب فقرى


هناك 42 تعليقًا:

P A S H A يقول...

:)

شاب فقرى يقول...

كدهوه

طييييييييب

:)
:)
:)
:)
:)
خمسة اهم

انضم بقى وشارك ورشح نفسك أو إدلى بصوتك

شاب فقرى

جارة القمر يقول...

فكرة جامدة تصدق

عايز برنامج او فكرة طييييييييب سيبنى امخمخ و اقابلك على الفيس

مواطن مصري يقول...

لا يعم رئيس لا احنا نلعب بس على منصب صغير مثلا امين تنظيم الحزب
:D

او اقولك وزير الاستثمار و هيظبط الشعب
:D

شاب فقرى يقول...

جارة القمر

بالإنتظار

:)

منورة الجروب والشعب :)


فقرى

شاب فقرى يقول...

اخى المواطن المصرى

مرحلة الوزارة لسه مجاتش

خلينا دلوقتى فى حاجة اهم

أخى المصرى

صوتك أمانة

إوعى تنسى :)

بإنتظار الدعم والمشاركة

شاب فقرى

الفراغ يقول...

طيب عايزين برنامجك الانتخابى

ولو انى عارفه هايكون ايه
المهم فى الصدق
وانك تكون تخاف الله وانك تكون واضع الاخره امامك ..فهما طال بك الزمن فانك مفارق
ربنا معاكم
وايدى فى ايدكم

اللى موش عارف يتغير يقول...

انت فعلا شكلك فقرى
ههههههههههه
حكم مصر حته واحدة
يلا ربنا يعينك
.

البنفسج الحزين يقول...

بص بقا انا مستعده
اساندك في الحمله الانتخابيه
بس تشوفلي عندك وظيفه
صغننه كده يعني مثلا وزيرة
ولا اقولك بلاش عشان مبقاش طماعه
مسكني شركه بترول اديرها واهبر قد 3 /4مليون جنيه في الشهر ...

وشعار الحمله هيكون:
هشتكنا وبشتكنا يا ريس
ده انت رئيس والنعمه كويس

سلمى يقول...

صباح الخير
فكره جامده
بكره تكسب ونقولك كلنا معاك يا ريس
انا اشتركت فى الفيس بس اكتر من انى ادي صوتى لاء
اه انت عارف الواحد عاوز ينام فى بيته مش ناقص بهدله
تسلم افكارك

promise is promise يقول...

÷ههههههههههههههههههههههههه

اختارناك وبيعناك واحنا معاك ان شاء الله
اخترناك اخترناك

ريمان يقول...

هههههههه


كان ممكن ارشح نفسى بس ماليش مزاج

Sam Sh يقول...

رشحت نفسى من أجل نفسى ..
إنتخبونى لله
:))

صاحب رأى يقول...

انا جايلك على الفيس بوك ارشح نفسى
وربنا يستر

اقصوصه يقول...

ممكن انا ارشح نفسي؟

شاب فقرى يقول...

الفراغ

نورتينى بالزيارة والله

والحمد لله الواحد بيخاف ربنا

وهنزل ببرنامج انتخابى عما قريب بعون الله

دعواتكم لنا بالتوفيق

خالص التحية والتقدير والاحترام :)
شاب فقرى

شاب فقرى يقول...

اللى مش عارف يتغير

عزيزى المواطن

سارع باستخراج البطاقة الانتخابية

عشان نعرف نحكم البلد دى

بانتظارك عالفيس بوك لترشيحى

اخوكم وابن بلدكم

فقرى

شاب فقرى يقول...

البنفسج الحزين

انا بحب زهر البنفسج اوى

زى ما قال محمد فوزر

اختيار موفق للصورة والاسم

نورتى

وبانتظار المساندة

متقلقيش

انا هوعد نص الشعب انه يمسك وزارة الداخلية

تاخدى مرتب 3/4 مليون جنيه

يا ساتر

احلامك متواضعة اوى

لاء انا اعظم واضل واكبر (( كما قال الزعيم ))

من الرئيس المذكور

بانتظار المساندة

فقرى رئيس الجمهورية المقبل

شاب فقرى يقول...

سلمى

مش تخافى اوى كدا

نحن قوم شجعان بنحب مصر


:)

بانتظار اكتمال المساندة :)

فقرررى

شاب فقرى يقول...

promise is promise

الحمد لله ان فى ناس واقفين جمبى

واصل كفاحك أيها الشعب العظيم

بإنتظار صوتك غن شاء الله :)

شاب فقرى

شاب فقرى يقول...

ريمان

متضيعيش الفرصة أبدا

:)

إعملى اللى عليكى

نورتى ومستنى صوتك عالفيس بوك

شاب فقرى :)

شاب فقرى يقول...

عزيزى sam sh

يعنى انته رشحت نفسك من اجل نفسك

وعايزنا ننتخبك لوجه الله

لما انظر فى قرار ترشيحك وبرنامجك الانتخابى هنفكر بعون الله

شاب فقرى :P

شاب فقرى يقول...

صاحب راى

بانتظار صوتك الانتخابى يا صديقى

او حتى مواجهتك فى ساحة الانتخابات

بالتوفيق ان شاء الله

فين برنامجك بقى

شاب فقرى

شاب فقرى يقول...

اقصوصة

لازم يكون مصرى

وبما ان مصر هى ام الدنيا

وقلب العروبة

فمن حق كل عربى يدلى بصوته بسسس ولا يترشح :)

تحياتنا

شاب فقرى

Remas يقول...

فكرة حلوة اوى اوى

وانا هانتخبك ومعاك في حملتك الانتخابية

طيب انت مننا وعلينا

وعارفينك واكيد هاتكون في صفنا

بس مش تنسانى بعد ما تنجح

صوت من مصر يقول...

الفقرى بيجمع اصوات من هنا
ماشى يا ريس

هناء محمود يقول...

أنا عن نفسى من مرشحى ومؤيدى الأستاذ حمادة البرادعى نجل الكابتن البرادعى كدة من قصيره أحسن

الآمير أمير شهريار حسن الدين يقول...

السلام عليكم

دعوة رائعة منك اخى الفاضل وهو نتعلم ونعلم نفسنا كيفية تجهيز الشخص ليكون صلح تماما ان يكون رئيس جمهورية

تحياتى

حبات التوت يقول...

امممممممممممم

ازيك الاول ياكيمو والله ليك وحشة يابنى

اغيب اسبوعين وارجع الاقيك مترشح لللانتخبات

ياحلاوة

بس هتبقى حتة ريس مزة

ههههههههههههههههه

يلا تدفعلى كام وارشحك ولا اقوللك يمكن ارشح نفسى

هي وظروفها يقول...

صباح الفل يا كبير

انا علي اتم استعداد يا عم ارشحك انا وعيلتي كلها واقنع نص اسوان انها تؤيدك يا كبير

بس لو قليت معانا وأبدت علي الكرسي

ساعتها يا كبي راسك هتكون اسمي هدف قومي

ولو مشيت كويس ومعدلتش الدستور لصالحك

بص سؤال صغير الباشا بيعدل دماغه بايه

حشيش ولا ترامادول معلش انا حد من الرعايا ويهمني اعرف كيف مولانا القادم

تحياتي ليك يا فقري

ليس فقيرا من يحب يقول...

طب انا هارشح نفسى

وانافسكم فى الكار ده

ابقى اول رئيسه ست للبلاد

وانا ان شاء الله اللى هاعمرها

واعيش الشعب

Cute Kitty **sookra يقول...

اولا فكره جميله بجد ان يكون الرئيس حد مننا وعايش نفس ظروفنا بس ليا سؤال
ياترى اللى مننا دا لما يبقى رئيس وكل حاجه تحت ايديه هيعمل ايه
هل ياترى هيتحول زى غيره ولاهيبقى قلبه على البلد وعلينا بجد
هل ياترى هينطبق عليه المثل البلدى شبعه بعد جوعه وانه لما بقى رئيس نسى انه فى يوم م الايام كان واحد بسيط طالع عنيه ومتبهدل ومتكحرت زى ماقلت
اسئله كتيره وموش معنى كدا انى اؤيد التوريث او عك م اللى بسمعه دا
انا ضد الفكره دى من اساسها بس انا محتاره هنختاره على اى اساس
العلم ولاالقلب ولا العقل ولاالتلاته مع بعض
يعنى يكون واعى وفاهم وكمان قلبه كبير ورحيم ويكون عاقل اوى ويعرف يصرف امورنا كلها؟
محتاره بجد ياكريم

أبو العريف يقول...

سيدي الرئيس

باعتبار ما لن يكون

ازيك يا ريس

انا صوتي امانه

واكيد الامانه هتفضل امانه

ومحدش هيهوب ناحيتها

بس انا صوتي طول عمره مالوش لازمه

تفتكر هييجي اليوم اللي يبقي صوت

ومهم زي اي صوت ف العالم


وف النهايه بهديلك اغنية

اخترناك اخترناك

راء يقول...

انا دخلت الجروب بجد فكرة جنااااااان وانا هرشح نفسيتي ده انا هولع الدنيا اصبروا عليا بس ...^_^

فاصل ونعود بكرة او بعده بالكتير ببرنامج انتخابي مولع بس حاسب لتتلسع

تسلم دماغاتك يا مستر كريم

Eman يقول...

الشفافية ثوم الشفافية ثوم الشفافية
D:

غير معرف يقول...

طيب انا عايزه ارشح نفسي بقى
انا من عشاق مصر
بس تفتكر لو انت بقيت رئيس جمهوريه بس بجد هتقدر تخدم البلد دى ؟ ولا زهو المنصب والسلطان هينسيك احلامك اللى حلمتها لبلدك وانت لسه مرشح نفسك ؟

فشكووول يقول...

ايه ده .. ايه ده .. هى العمليه سايبه ولا ايه

انت يا شاب يا فقرى مش خايف منى ولا ايه

يا حبيبى ما عندناش رئاسة جمهوريه بتنكشف على الغريب .. خلاص .. بح .. انا اترشحت وخلاص .. انت ما بتسمعش الاخبار .. ما سمعتش انا بعمل ايه فى اللى يترشح .. بوديه وراالشمس .. خليك كل عيش فى البلد دى ..احسن اخليك تحلم بالليل وتعملها على نفسك زى بعضهم .. ناس ما بتخافش الا بالعين

فشكووول يقول...

طب انا حاتنازل من عندى واكون ديمقراطى لمدة ربع ساعه بس وبعدين حاشغل المفرمه بتاعتى ودالوقت وانا ديمقراكى اعلن ترشيح نفسى للرياسة من على مدونة الفقرى افندى والبرنامج بتاعى

اولا: بمجرد اعلان النتيجه ونجاحى طبعا ودى ما فيهاش كلام غصب عن حبة عين اللى خلفوكم حانجح اول حاجه حاعملها اعمل شيك بـ 200 مليون دولار باسمى واحطهم فى بنوك سويسرا امان عشان الزمن يعنى .. ما انتم بلد ما لكوش امان

تانى حاجه : الواد محمود ابنى حادربه على اعمال الوظيفه واخليه وليا للعرش واللى مش عاجبه يروح يشرب من البحر .. ومن بعديه الواد احمد التانى حفيدى وبعدين هما بقوا يتفقوا مع بعض حاكون انا فى حالة وصول احمد التانى ميت ومش اقدر اديهم من خبرتى وحكمتى .

تالت حاجه .. اخلى الحاجه تمسك رئاسة الوزراء .

رابع حاجه : اوزع بقية الوزارات على ولادى واقربائى ... بس هنا ما فيش محاسيب هى الوزاره ببلاش كدا ..

مناصب بقى وكلاء الوزارات ورؤساء مجالس الاداره دى بقى اللى حاديها للمحاسيب والاصحاب والخلان والشاب الفقرى حاديله نحتايه كدا على قده مجلس ادارة اى حاجه يختارها... بس كدا رتبنا البيت

بعدين اي حاجه ممكن بقى تتعمل هى بلد ابونا ..

صدى الصمت - عاشقة الورد - يقول...

طيب إنشر خططتك الإنتخابية وأفكارك وأهدافك المستقبلية عشان نقدر نحدد ننتخبك ولة لأ

TWEETY يقول...

ازيك ياعمو
انا جيت ازروك
بس
انا مفهمتش حاجة
علشان كدا مش بزرو الناس
بس لما بخلص مذاكرة بقعد واجى المدونات

heba يقول...

السلام عليكم ورحمة الله وبركاتة

موضوع جميل قوى وكمان هيوديك مكان عمرك مارحتة ربنا يكرمك هههههههههه

تحياتى ليك

heba

sabba7 يقول...

جمييييييييييلة الفكرة دى
الواحد يطلع بطاقة انتخابية منين بقى