الاثنين، 4 يناير 2010

هرتلة طازجة و بنار الفرن

عزيزى الوقت ....
مش يفرق معايه فاضل قد إيه؟؟
المهم فى وقت بسيط هقدر أعمل إيه ..
او المهم اقدر أنجز إيه فى الوقت اللى باقى
دايما فى صوت بيوشوشنى فجاة يقولى باقى من الزمن كذا
لما بكون معاها وخايف الوقت يمر لا تمشى ونسيب بعض
لما بكون بكلمها وخايف متفهمش كلامى وتمشى وانا بفكر هكمل كلامى امتى
لما بكون حاسس ان فاضل شوية وقت على مناسبة مهمة فى حياتى
لما يكون فى شوية ايام قبل الامتحانات
لما يكون فى شوية وقت محددين عشان تخلص الكورس فى وقت قياسى
لما يكون فى شوية وقت صغيرين أوى فاضلين عالعمر اللى كنت بتتمنى تعيشه
يعنى مثلا
بعد تفكير عميق
فى فترة من الفترات قررت ان السن المناسب اللى الواحد ينتهى حياته فيه
هوا سن ال 35
اهوه يكون شاف الشباب كله وقدر يتجوز ويفرح بالعيال ويربيهم ويموت مستريح بقى
اه
اول ما تلاقى انك بدات تحب الحياة والدنيا تبتسم ليك وانك فى حاجة بتخاف عليها فى الدنيا
ساعتها لازم تستنى الموت وتعمل حسابه
لانه جاى جاى
ومينفعش حد يقول بعد الشر
المهم ان فاضل كام سنة على ما اوصل سن ال 35
ولا اتنيلت اتجوزت ولا فرحت بالعيال ولا اتفرمت فى الحياة
بس النهارده مش عارف ليه حسيت انه يوم تاريخى
خرجت من البيت ونزلت
وقررت اروح اجيب السيديهات الاصلية
اول مرة ادفع فلوس فى سوفت وير من يوم ما قعدت عالنت
يمكن كنت بدفع كل شهر عشان خاطر سوفت وير معين للسيرفر
بس اقصد انى بدفع حاليا عشان سوفت وير لجهازى
والكارثة رايح اشترى ويندوز
طيب على ايه ياعم
ايه النيلة دى
هتعمل بيه ايه وهوا كله عيوب ومشاكل
بس قلت نو بروبلم
اشتريت كام سوفت وير جامدين جدا من انتاج ميكروسوفت ولسه مفعلتش اى حاجة منهم ولا عملت لوج ان عالموقع
بس مبسوط
اهوه شوية حاجات تنفع برده لما شهر واحد يفوت
مكنتش متخيل ان دا هيبقى أبطأ شهر فى حياتى
حاسس إنه بطيييييييييييييييييء أوى أوى أوى
بس المهم انى حاسس بالشهر دا
ودى فى حد ذاتها حاجة كويسة
ياتري شهر واحد بيمثل لى إيه ؟؟؟
اكيد طبعا بدايه السنة
طيب ما هوا كدا عند كل الناس
لاء عندى انا بدايه سنة جديدة فى حياتى
لانى من مواليد شهر واحد يوم اربعة وعشرين فى سنة من السنين
والسنة دى شهر واحد جاى عليه بمليون حاجة
مش هقول ولا حاجة منهم
لانهم كتير اوى اوى اوى
اوى بجد مش مبالغه
ياترى هتعمل ايه فى 2010
او ايه اول امنيه ليك
انا قلت امنيتى من كام يوم برغم انها مستحيلة
وكان الرد طبعا انى مجنون
الامنية كانت عالصعيد الشخصى
بس ربنا قادر على كل شىء
المهم انى السنة دى
مش هعرف احتفل بعيد ميلادى دا كما ينبغى
انا اساسا مش بحتفل بيه
بس بستقبل هدايا والحمد لله عمرى ما جت لى هدية
غير صورتين وفيديو وشوكلاته الاسبوع اللى فات
بس الحمد لله
كان ليهم مفعول السحر وخصوصا الشوكلاته
طول عمرى كنت بستغرب ليه الناس بتحب الشوكلاته
يمكن عشان طعمها حلو
انا عن نفسى باكلها بس مش بعشقها
بس بدات احبها وافهم فى ايه
صحيح
انا نسيت اقول انى خرجت النهارده
مش عارف فى ايه
البلد بقت زحمة اوى اوى اوى بشكل يغيظ
والحمد لله النهارده مشميتش ريحة السجاير وصدرى بخير
لكن رجعت لى نوبات الصداع من جديد
زمان اما كان بييجى لى الصداع كنت بعتبره امر مسلم بيه وعادى وعشت بيه سنتين
لحد اما عملت عمليه قضت عالصداع
او على السبب
انما دلوقتى مفيش سبب غير انى عايز اخف من الصداع
مينفعش ارجع اقضى اوقاتى الحلوة وانا مصدع
ربنا يستر
انا عن نفسى
مش عارف
بس نو بروبلم فليستمر الصداع
بحس ان دماغى هتتفرتك
وانى خلاص الجمجمة هتنفجر من كتر الوجع
بس ربنا رحيم بينا
المشكلة انها نوبات ونبضات
بتعلى وبتقل وبتخف شوية وترجع تانى
فليكن الاختيار الاخير انى اروح للدكتور
ان شاء الله فى شهر تلاتة
اكون فضيت وروقت وخلصت اللى ورايه وظبطت الشركة
اه
لان مينفعش ابقى شغال وكل شوية اروح للدكتور
تبقى مصيبة
المهم انى خرجت ورجعت وانا على يقين
على يقين بشىء واحد بس
انى لازم ارجع افكر فى موضوع الشركة بتاعتى تانى
وانى اكمل فيها
الخروج بدون عربية وبالذات فى القاهرة يعتبر انتحار رسمى
والله انا بفكر انقل واعيش فى اسكندرية
اهوه مش زحمة اوى وابقى جمب البحر واعصابى تروق كدا
بصراحة مشتاق ليها اوى
اسكندرية طبعا
محدش يفهمنى غلط
بس كويس ان البوم اليسا نزل الواحد عايز يقضى الشهر دا على صوت حلو وكلمات جميلة واحساس عالى
ياااااااااااااااااااااااااااااااااااااااااه
فينك يا منير
الحفلة اتلغت ومكنتش هعرف احضرها لانى كنت فى سفر
بس مش مهم
انا تعبان دلوقتى
واليوم شكله خلص
او لسه هيبتدى
الايام الجايه هتبقى فرم
والسبب واضح للجميع
على فكرة
انا لفيت على مدونات الناس اللى بطلت ادخل لهم
لقيت ان البعض يائس وخايف من الحياة ... ومعلقتش
ولقيت ان البعض تعرض للقهر وقفل المدونة .... معرفتش اعلق طبعا ومشيت وانا بقول منهم لله
ولقيت ان البعض سافر بلاد الواق الواق عشان يشتغل ويلم قرشين ويعرف يتجوز ... سيبت تعليقى
ولقيت ان البعض مريض ... ربنا هوا الشافى ... علقت طبعا
ولقيت ان البعض فى امتحانات .... ربنا مع كل ابناءنا الطلبة والطالبات :D
ولقيت دلوقتى انى عندى صداع ويومى خلص
هقوم اعمل كوباية شاى وافتح فيلم رعب حقيقى
مكتوب عالغلاق ... لا تشاهده بمفردك
الفيلم لمن لا يعرفه paranormal activity
لو يا عادل قريت البوست دا ابقى الله يكرمك شوفه
هيعجبك اوى لانه حقيقى
...
البوست طويل ويتوه ونطلع منه بكام حاجة :
- عندى صداع رهيب هيفرتك دماغى
- جبت ويندوز اصلى وشوية برامج حلوين من ميكروزفت :D
-هقوم اعمل شاى
- مش بعرف ارد عالتعليقات عشان مش فى وقت لان الشهر دا مزحوم بغباء
- انى بقيت مستنى الموت لانى بحب الحياة
- ان اللى يعرف الفقرى ويقرا البوستات بتاعته ... يستاهل اللى يجرى له :D

شاب فقرقر فقرى :)

هناك 30 تعليقًا:

well يقول...

دايما فيه وقت
كل سنة وانت طيب مقدماً
الامانى تتحق مفيش شئ اسمه مستحيل لان يوجد شئ اسمه المعجزات حتى ولو كانت صغيرة
الشكولاتة لما بتكلها طعم السكر بيخليك سعيد بسبب بروتين كدة مش فاكر اسمه
اسأل الله ان يشفيك ويوفقك فى حياتك
عندما نحب الحياة نعلم انها لا تدوم
تحياتى

شاب فقرى يقول...

WRLL
الحكاية مش حكاية بروتين

مش كل حاجة كيميا يا صديكى :)

ربنا يشفينى ويقينا شر الحياة

نورت يا جميل

شكرا لدعواتك

وانته طيب كل سنة يارب

شاب فقرى

الشعب لابد له من شيما تشكمه يقول...

استنى بسسسسسسسس خد تعالى هتتفرج على فيلم رعب لوحدك؟؟؟؟؟.
.ندلللللللل..
كله الا افلام الرعب.بعتلى الفيلم باه:(

ازيك ياكريم هو انا ليه حاسه انى مفتقداك ياكريم؟؟؟
مع انك اهو موجود..!!!

سؤال غريب صح؟؟؟؟

المهم انا على مخلصت البوست نسيت كنت هرغى اقول ايه,بس هقولك برضه .

اولا:الوقت!!!! سعات بحسه عدوى وسعات بحسه صاحبى,صعات بحسه ضدى وسعات واقف فى صفى.
بس فى النهايه عمرى مبقدر اخد موقف معاه لانه مصمم يمشى بعمرى وياخده وللاسف بتفرج عليه وهو بياخده.
(امممممممم ايه اللى بقوله ده:)

ثانيا:
هعمل ايه فى 2010؟ وهتمنى ايه؟
انا قلت لربنا ومتفائله خير ان شاء الله ,تفائلوا خير تجدوه مش كده ولا ايه ياكرمله.:) تفااااااااااائل الله يخليك.

ثالثا:
ربنا معاك فى الصداع بجد اوحش حاجه لما بيجيلى 5 دقايق بباه هتجنن ومزاجى مأريف. ربنا يصرفه عنك.

رابعا:
مفيش رابعا....او نسيت اللى عاوزه اقوله.:)
كل سنه وانت طيب ياكريم وسنه سعيده عليك وعلى كل اللى بتحبهم وان شاء الله تحقق فيها كل اللى بتحلم بيه:)

يلا انصرررررررررررف وبحقد قاعد دلوقتى تتفرج على فيلم رعب:( وانت عارف اد ايه انا بحب افلام الرعب.ماااااااااااااشى.

شاب فقرى يقول...

شيما

والله انا كمان مفتقد نفسى

الصداع هيموتنى

وتعبان وزهقان والشهر دا مليااااااااااااان بلاوى سودا ومنيلة خالص
ربنا يستر بقى

بالنسبة لفيلم الرعب

والله يا شيما اكتر فيلم رعب شفته فى حياتى

الفيلم نازل له نهايتين

انا شفت النهاية الاولى والتانية

الفيلم عبارة عن اتنين عايشين مع بعض وبيصوروا بعض بكاميرا متحركة

ملاحظة:
- دول حقيقة مش ممثلين
- كل الاحداث حقيقة
- الفيلم مفيهوش موسيقى تصويريه نهائى
- تكلفة انتاج واخراج الفيلم 20 الف دولار والفيلم محقق فى الايرادات ملايين
- الفيلم مرعب بكل ما تعنى الكلمة

بس انا قلبى جامد وشفته بليل ولوحدى وفى الظلام وانا قافل الباب
جو مرعب

:)

لازم تشوفى الفيلم دا

رهييييييييييب

بالنسبة للوقت

المهم انى بقدر انجز فى وقت قياسى

بالنسبة ل 2010 انا حطيت فى حاجات رغبات اولى
منها انى احضر اى لقاء تدوينى

مع ان دا مستحيل بس قلت على الله الموضوع يفلح وانجح فيه واروح اى لقاء

انا ذات نفسى مفتقد نفسى

على راى سمراء النيل مدونة قديمة :) كتبت مرة وقالت
(( أشتاق لذاتى ))

لازم تشوفى الفيلم دا

لااااااااااااااازم وتقولى رايك كمان :)

شاب فقرقر فقرى

رجل تحت الصفر يقول...

تسمحلي حضرتك اقول






دماغي لفت

فتاه من الصعيد يقول...

كل سنه وانت طيب

انا مره حسيت اني لازم اموت علشان معنديش حاجه اعملها خلاص .... موش اكتئاب بس حسيت انه خلاص خلصت

تحياتي

شاب فقرى يقول...

رجل تحت الصفر

الصداع مازال مستمرا

ماذا تتوقع ان يكون الانتاج العقلى فى ظل صداع شديد

مجرد هرتلة

تحياتى

شاب فقرى

شاب فقرى يقول...

فتاة من الصعيد

فى الحياة مليون حاجة تتعمل

المهم نشوفها

ممكن منشوفهاش لاننا مش عايزين نشوفها

او عشان بنفكر يكون عندنا مبرر للموت

شكلى بهرتل تانى

صحيح

فين لينك مدونتك
نقلتيها ولا عملتى فيها ايه ؟؟؟
لما زرتها ملقتش جديد

شاب فقرى

Mo7ammed يقول...

عم كريم
انا بقالى كتير مش بعلق عندك يمكن لأنى مش لاقى حاجة اعلق بيها
بس صدقنى متابعك دايما ومش بفوت بوست :)
هاتلى شكلاتة بقى

وعموما بعيدا عن الحوارات اللى فى البوست
مش هنديك نصايح لولبية

انا بس قلت اكيد ادعيلك دعوة لعل وعسى ربنا يقبلها

ربنا يصلح احوالك ياكيمو

يلا بقى

كفاية عليك كده ياعم

سلمى يقول...

لسه فى وقت
امال انا حاسه انى الوقت جرى وانا مزكرتش ومفيش وقت ليه؟
ربنا يستر
نطلع من تعليقى بكذا حاجه
1-كل سنه وانت طيب بمناسبه يوم ميلادك
2-الف سلامه من الصداع
3-مبروك على الوندوز والبرامج اللى اشترتهم
4-ربنا يديك طول العمر ويارب دايما تكون مبسوط
5- حدور على الفيلم الرعب ده واجيبه
تحياتى

شاب فقرى يقول...

سلمى

المهم تقدرى تنجزى ايه فى وقت قليل جدا

دا المهم

وانتى طيبة يارب :)

والله يبارك فيكى :)

بلاش تشوفى الفيلم دا

لانه مرعب اوى ومش هتستحملى تشوفيه

بلاااااااااااااااااااااش

لانه حقيقة مش وهم

يعنى الاحداث حقيقية

نورتى :)

وربنا يسعد ايامك

شاب فقرى

ليس فقيرا من يحب يقول...

السلام عليكم

طبعا انا نسيت هاعلق على ايه بس الاول

مش تسكت على الصداع وتروح لدكتور ومش

مهم اى حاجه تانيه بجد

ان شاء الله 2010 تبقى سنه خير علينا وننسى كأبه وحزن 2009

ربنا يسعد ايامك يارب

الشوكلاته دى بقى متعه الحياه

اروع حاجه ممكن تعملها لما تحس ان الدنيا ضاقت بيك انك تجيب شوكلاته وتقعد تاكل والله مش باهزر هتنسى الدنيا

وبعدين مبروك على الويندوز وعقبالنا بدل الوندوز اللى جابلى صرع ده

افلام الرعب روعه طبعا بس اللى بيحصل للواحد بعدها مهوش روعه باى حال من الاحوال

ربنا يارب يوفقك ويشفيك شفاء لا يغادر سقما ولا الما

شاب فقرى يقول...

ليس فقيرا من يحب

هوا بالنسبة للدكتور انا خلاص قررت اروح فى شهر تلاتة

اول يوم فيه

1-3

كل سنة وانتى طيبة ويارب كل سنة احلى واحلى وتحققى فيها احلامك :)

نفسى اجيب شوكلاته

بس بقول ءأجل الموضوع وأستنى لما تتعك شوية

ان شاء الله تجيبى ويندوز احسن من كل دا :)

لازم تشوفى الفيلم دا
رهييييييييييييييييييب

نورتى

وربنا يحفظك يارب وتفوتى علي المدونة فى عيد ميلادى بهدية

شاب فقرى

اقصوصه يقول...

حلوه كلمة هرتله هاي

جديده علي :)

ريمان يقول...

هههههههههههههه



اول مره اشوف حد بيكلم الوقت زيك كده



كل سنه وانت طيب


وحمد الله ع السلامه بعد الغيبه دى

روح بلا فرح يقول...

السلام عليكم و رحمة الله و بركاته
ألف سلامه يا كريم
و ياريت تروح تكشف على طول مش تعمل زيى فضلت أطنش لحد ما تعبى معدش بيأثر فيه دوا
امممممممم نسيت كنت هقول ايه
المهم
ربنا يشفيك
ربنا يوفقك
ربنا يسعدك

عاوز اصحي يقول...

هو اللي ينزل ويندوز مسروق يبقي حرامي ؟
يعني الويندوزات اللي بتبقي علي النت لما انا انزلها ابقي حرامي؟

احسن حاجه انك تبقي مستني حاجه ومحضرلها
انت محضر نفسك؟
طيب لو مش محضر حضر مين عارف ؟

تحياتي

بحر الالوان يقول...

للاسف مالحقتش الهرتلة وهيا سخنه ...... عموما احيانا الهرتلة بتبقي نوع من التنفيس .... بس المهم ما تطولش لحسن تبقي مشكلة .

ملحوظة بسيطة :
لو الصداع زي ما بتقول متكرر ... فنصيحة بقي انك تروح للدكتور بسرعة جدا ...... لانها ممكن تبقي شئ بسيط جدا .. وممكن العكس

الحق بسرعة بقي ...... وربنا يديك الصحة والعافية

شمس النهار يقول...

سلامتك من الصداع

بس الصداع لما يكون مزمن كده اكيد له سبب ياريت تدور علي السبب الاصلي

وياسيدي الصداع عمل لنا بوست كويس انا شخصيا عجبني

كل سنه وانت طيب

سلامي

شاب فقرى يقول...

Mo7ammed

حماده يا جميل

تعليقك وقع منى ازاى مش عارف

بعيدا عن الحوارات اللى انته قلت خليك بعيدا عنها

انا مبسوط بالزيارة

تسلم يا جميل

استمر فى الدعاء

فقرى :)

شاب فقرى يقول...

أقصوصة

كله كلام طازة اهوه

ايتها خودعة :D

شاب فقرى يقول...

ريمان

انا متعود اكلم نفسى

عالاقل الاقى حد بيفهم

مش الوقت بس

وكمان بكلم ناس مش موجودين وانا بتفسح معاهم دا وانا خارج لوحدى

:)

الله يسلمك يارب :)

شاب فقرى

شاب فقرى يقول...

روح بلا فرح

انا زعيم التطنيش فى المرض

ربنا يستر علينا

ن شاء الله تقومى بالسلامة

فقرررررررررى

شاب فقرى يقول...

عاوز اصحى

اساسى اى ويندوز مضروب او مش دافع فيه فلوس يبقى لو استعملته حرام عليك

يعنى معظم اللى بيستخدموا ويندوز بيسرقوا وحرام عليهم


بس الحمد لله دلوقتى انا دافع فلوس وليه مطلق الحرية فى التعبير عن ذاتى انى اشتريت ويندوز وانتى فايرس وكام برنامج كدا

نورت يا جميل

فقرى

شاب فقرى يقول...

بحر الألوان

هعمل بنصيحتك بالنسبة للدكتور

زى ما قلت بالظبط

فى 1-3 ان شاء الله :)

دعواتك معايه

شكلى هكمل فى الهرتلة

شاب فقرى

شاب فقرى يقول...

شمس النهار

نورتى المدونة :)

ان شاء الله اقترب ميعاد الدكتور فى 1-3

انا ناوى اهرتل كمان وكمان

ربنا يسهل

الصداع مش مخلينى عارف اشوف قدامى او اركز فى اى حاجة

دمتى بكل ود :)

شاب فقرى

همسات ساكنه يقول...

صدق من قال هرتلة ^_^
يعني اوقات الواحد بيبقى عاوز يعبر عن اللي جواه بشكل او بآخر
بيفتقد ذاته احيانا .. ثم يعود بفكر جديد
او لا يعود إلا بحالة من اليأس
إن شاء الله الشهر ده يعدي ع خير
و ألف سلامة على حضرتك
اسبرينتين يحلوا الموضوع :D

صوت من مصر يقول...

كل سنه وانا وانت طيبين

الشاعر الفنان أحمد فتحى فؤاد يقول...

عزيزى شاب فقرى

إنت فين يا بنى من زماااان
بوست رائع
بس عايز أقولك أنا عديت الخمسة و ثلاثين حالا .. و خايف من الموت و انا عندى خمسة و عشرون ... طبقا لإعمل لحياتك كانك تعيش أبدا .. و إعمل لموتك كأنك تموت غدا
تعرف إنى أيام كتير باحس إنى خايف أنام لحسن أموت .. و أسأل نفسى عملت إيه كويس و كان كفاية و اللا لا ؟لحد ما انهار و انام

ياللا ربنا يرحمنا جميعا

كل سنة و انت طيب .. بعيد الميلاد و السنة الجديدة
و لو كنت موجود بمصر كنت جبتلك هدية

أم .. بوبه يقول...

كل سنة وانت إن شاء الله كويس عن كدة