الجمعة، 1 يناير 2010

عودة شاب فقرى



السلام عليكم
إزيكم يا مدونين
يا أخوة الكفاح
إزيكم ويارب سنة سعيدة عليكم كلكم يارب
ويارب يسعد أيامكم ويهنيكم ويرضيكم ويوصلكم لاحلامكم الجميلة ويهديكم للخير يارب
كنت مختفى الفترة اللى فاتت
بالظبط من يوم ما قالوا لقاء المدونين يوم الجمعة وانا مختفى
من الجمعة اللى فاتت لحد النهارده
طبعا بقى كل واحد تخيل حاجة شكل
فى اللى قال إن الفقرى خاف ان الناس تعرفه وراح للمطاريد فى الجبل
وفى اللى قال ان الفقري دخل السجن عشان هوا فقرى وبدون تهمة ومؤبد كمان
وفى اللى قال ان الفقرى دخل مستشفى المجانين لانهم ملقوش فقرى غيره فى البلد دى يحبسوه هناك

بس يا جماعة انا كنت من يوم الجمعة الساعة تسعة بليل كنت فى الجنة
طبعا يوم الجمعة دا كان موسم الدوران حول أفريقيا الشهير بتاعى
لفيت مليون مكان وسافرت أكتر من مرة
بس الحمد لله فى الآخر وصلت الجنة
وقعدت هناك أسبوع
طبعا الأسبوع دا مينفعش أحكى منه أى حاجة غير إحساس الإنبساط والإنشكاح والسعادة والخناق :P
اصل انا اتخانقت فيهم وعملت كام مشكلة حلوين
والحمد لله كلها كانت بتتحل بسرعة

قبل البلاطة وبعد البلاطة :D كنا بنحل كل حاجة
انا ملقتش صورة تعبر عن حالتى قبل وبعد الأسبوع غير دى
اللى قبل هوا الجمب اليمين
واللى بعد الاسبوع هوا الصورة اللى عالشمال
ملاحظة : الاتنين شخص واحد
مش هحاول أشرح... مش مهم تتفهم


بعد طول الغياب بقى عايز أوجه كلمة كدا :

إلى الناس اللى سألت عليه :
بجد أنا مبسوط بسؤالكم وسعيد جدا جدا جدا بالتعليقات دى
سواء فى المدونة او فى الفيس بوك :)

بجد انا بحترمكم جميعا ويشرفنى تعليقاتكم


إلى أختى الطيبة بنت الحلال (( حدوتة )) اللى سيطتنى لما سافرت وقالت إنها أختى ونشرت اللينك :
مسيرنا نتحاسب :D


إلى اى حد شفته الأسبوع اللى فات وأصبح جزء من حياتى :
بحبكم كلكم كدا على بعضكم :) وبلا استثناء
بحبكم نفر نفر بجد
وصحيح صدق اللى قال


(( الأحلام ممكن تتحقق ))

إلى ال(( غير معرف )) فى بوست إلى كل مدونى الأرض :
أرجو الإلتزام بأدب الحوار واللى يكتب تعليق يكون قد اللى كتبه وينسب التعليق لشخصيته الكريمة وبلاش إتهامات وكلام مش محترم لانى والحمد لله عارف نفسى واكيد اللى بيعلق دا ميعرفنيش

إلى (( غير معرف )) اللى قالت انها تعرفنى وبتتصل وانا بقولها مش انا :
ياريت متجيش هنا تانى ولا تعلقى بالرغم من انى شاكك انى اعرف الشخصية دى
وحلمت انى شفتها
بس واثق انها حد غلطان ومش يعرفنى
لانى عمرى ما طلبت انى اقرب من حد نهائى
ولا اديت لحد رقم موبايلى حتى

بس حلمت بشخصية تانية
مش مشكلة


بالمناسبة انا منعت الغير معرف من التعليق وحتى إشعار آخر

عاد شاب فقرى من جديد
سنستمر وبلا نهاية بعون الله
كل سنة وانتم بالف هنا وخير وسعادة
انتهى الكلام
شاب فقرى

هناك 18 تعليقًا:

جارة القمر يقول...

مبسوطة اوووووووووووووى انك مبسوط و فرحان كدا

بالنوسبة للى حصل فى الاسبوع مش هسأل يا سيدى ... اى خدمة بسمع الكلام اهو ههههههههههههههههههه

هروح بقى ازور اختك و اجى

أمل حمدي يقول...

حمد الله على سلامتك

Roqaya يقول...

ربنا يديم عليك السعادة ان شاء الله يا كريم
ودايما تتقدم للاحسن
كل سنة وانت طيب .. ان شاء الله تكون سنة كلها خير :)

ЯậŇ MỗŘỹ يقول...

السلام عليكم و رحمة الله و بركاته
و أنا أقول البلوج منور ليه أتارى فى بوست جديد
معلش بقى ما سألتش الفتره اللى فاتت أصل بيقولوا انى تعبانه بس أنا بهرب و أقعد ع الجهاز
كل سنه و أنت طيب
ربنا يوفقك و يسعدك
الحمد لله ان احنا عرفنا أختك
سلام

شاب فقرى يقول...

جارة القمر

:)

ربنا يحفظك ويعزك ويسعدك كمان وكمان يارب

:)

زوريها بقى

وهاتى لها حاجة حلوة معاكى

شاب فقرى

شاب فقرى يقول...

ماما أمولة :)

أهلا وسهلا بيكى فى المدونة :)

الله يسلمك يارب ويحفظك من كل شر

شاب فقرى :)

شاب فقرى يقول...

Roqaya

يارب تكون سنة سعيدة

لان البداية فعلا مبشرة

ربنا يسعد كل أيامك يارب

:)

شاب فقرى

شاب فقرى يقول...

روح بلا فرح

الف الف الف سلامة

الله يسلمك ويارب تكونى بخير

الفقرى عاد من جديد

شكرا لسؤالك وردك :)


شاب فقرى

الشعب لابد له من حكومه تشكمه يقول...

ياهلااااااااااااااااااااا,,عودا احمد ومحمود وكل حاجه..
ايييييييييييييه يابنى فينك؟ خضتنا عليك والله.
عموما كل سنه وانت طيب وسنه سعيده عليك يارب وعلى كل اللى بتحبهم والسنادى تحقق كل اللى بتحلم بيه:)


انا عارفه ان الاتتنين واحد:))
كل واحد فينا ليه اتنين:)
انا بحب الولد ده جدااااااا,بس يلا مات باه,,
بس تصدق انت احلى بعد مرجعت..:) ياريت تفضل كده علطول.

قلم رصاص يقول...

حمدلله على السلامة ياكرملله
وحشتنا يارااااجل ..بجد كنا مفتقدينك

وانا سعيد جدا إنك فرحت في رحلتك المكوكية دي وان شاء الله تفضل في مود كويس على طول

وكل سنة وانت طيب

في حفظ الله

adel يقول...

حمدالله علي السلامة

و انا مكنتش قلت لحد (حدوتة) فتنت بقي
:):):)

شاب فقرى يقول...

الشعب لابد له من حكومة تشكمه

كل سنة وانتى طيبة يارب

مبروك السنة الجديدة

انا بعتبرها مناسبة خاصة لكل شخص

يعنى كل واحد معاه سنة جديدة بتاعته هوا بس مش بتاعت حد تانى

للاسف يا شيما
دوام الحال من المحال
للاسف مات
لو كان كمل فى التمثيل كان هيخلينى اعشق السينما كمان وكمان

للاسف احلى بعد ما رجعت

كل سنة وانتى بخير وبتشكمى الشعب
شاب فقرى

شاب فقرى يقول...

قلم رصاص

كنت واحشنى

الحمد لله انى رجعت تانى للعالم اللى اعرفه واعرف قواعدة واقدر اعيش فيه مرتاح

الحمد لله على كل حال

نعمة الرضا ما فى حاجة بتساويها

بس لما نبقى راضيين براحتنا

برغى كتير
معلش
كل سنة وانته طيب يا جميل :)

اى ميسد يو الوت الوت الوت

شاب فقرى

شاب فقرى يقول...

عادل

كل سنة وانته طيب

واهوه

نصيبى بقى

Cute Kitty **sookra يقول...

غطساتك كترت اوى ياسى الاستاذ كريم
وربنا لازمن وحتمن اخد تقرير مفصل وانا هاخيطه بمعرفتى عن سر الغطسات دى
ماشى

Sam Sh يقول...

حمد الله على السلامة يا جميل ..
المهم .. جبتلنا إيه معاك من هناااااااااك ؟؟

Sam Sh يقول...

حمد الله على السلامة يا جميل ..
المهم .. جبتلنا إيه معاك من هناااااااااك ؟؟

Unknown يقول...

شاب فقرى
قرأت لك مواضيع لم اعلق عليها
رغم اهميتها الا انها تنال جانب مظلم وغبى فى بعض الناس لكنى بجد اشكرك على حرصك عليهم واحساسك بالمسئولية تجاههم
فجزاك الله خيرا عليها
وذوقك رائع فى اختيار الاشعار

عودا حميدا ونورت مدونتك

خطوة عزيزة ههههههههههههههه
نهر الحب