الخميس، 10 ديسمبر 2009

كرمللة ومستخلص و هواء البحر وأحلام العبيط



السلام عليكم ورحمة الله وبركاته

نتكلم فى براحتنا بقى خلاص كرمللة وصل لأرض الوطن :)

أنا خرجت من هنا يوم (( أول إمبارح مش فاكر إسمه إيه )) عالساعة عشرة او حداشر
وعلى موقف رمسيس روحت هناك وركبت عربية بتروح اليكس محطة مصر هناك
مش عارف إسمها إزاى محطة مصر بس يلا نو بروبلم
المهم وصلت هناك والحمد لله ومشيت فى شارع تقريبا إسمه شارع الشاطبى
مش هقولكم قضيت أول يوم فى إيه
توب شوكريت وأنا بخاف من الحسد
بس الحصيلة
إنى كنت طااااااااااااااااااااااااااااااااااااااااير طاير طاير من السعادة
يعنى طاير كمان كلمة تعبانة بالنسبة للى أنا كنت فيه
لقيت حاجات بدور عليها من سنين
وإرتحت
وصحيت
حسيت من هوا البحر برد الروح لقلبى وروحى وكيانى كله
كان يوم جميل أوى
خلصت وكنت قدام مكتبة إسكندرية
كان الوقت مغرب
طلعت وإتمشيت لحد بحرى
روحت قابلت أعز أصحابى فى الحياة (( مستخلص أفندى ))
دى المدونة بتاعته يا جدعان جديدة وهخليه يكتب ويخرج من أى هم فى الدنيا
لأنى معنديش أغلى منك يا مستخلص
أنا قلت له يعمل مدونة وهوا عملها هوا عبقرى بالفطرة مش محتاج تعليم أساسا
يعتبر عشرة عمر ومن الناس اللى بجد آمنت ليهم وحبيتهم
مش عايز أقولكم لدرجة إننا لما كنا بنحب نخرج هوا بيخرج فى أليكس وأنا بخرج فى القاهرة
وبننزل كل واحد فى مكان وعالموبايل بقى تلات ساعات :D

يا جدعان والله أخ أخ أخ

هوا كان بعيد عنى الفترة اللى فاتت

بس عشان إبليس كان داخل ما بينا

وإبليس دا مش تصنيف للشيطان ولكنه بنى آدم حقيقى

بس الحمد لله ربنا رجع الود والمحبه

مشيت أنا بقى من أول مكتبة إسكندرية لحد بحرى

عند قهوة فاروق

مش عايز حد يقولى مسافة كبيرة

لانى حسيتها عبيطة

بجد اعصابى إرتاحت وكمان روحى إرتاحت

ياااااااااااااااااااااااااااااااااااااااااااه

مفيش حاجة فرحتنى من زمان للدرجة دى

طبعا قعدنا عالقهوة شوية

شربنا حاجة ساقعة وقررت إنى أروح خالد بن الوليد

طبعا صديقى صعب عليه إن كلامى مش يتسمع

وقرر يلبى كل طلباتى بالرغم من إنى مجنون

قلت فجأة (( بص يا واد يا مستخلص أنا فى كافية حلو أعرفه فى خالد بن الوليد ... يلا نروح ))

صاحبنا ما صدق

وكان معانا واحد صاحبنا تانى يبقى إبن خالة مستخلص

ركبنا ووصلنا خالد إبن الوليد كان الجو مروق وتمام التمام

مشينا لحد الكافية

وبعدين قلت أنا عايز أكل يا مستخلص

هههههههههههههههههههههههههههههه

ومباكلش غير من عند محل معين هنا

تقدروا تقولوا بتمنظر بأنى عارف كل حاجة فى البلد

المهم وإحنا ماشيين بدأ المطره

ياااااااااااااااااااااااااااااااااااااااااااااااااه

وبالذات بقى لما مستخلص بيقولى (( أهى بدأت تشتى أهيه))

طبعا أنا شاب فقرى مصراوى قلت له يابنى إسمها تمطر

فضلنا فى النقاش والهزار دا لحد ما وصلنا المحل ومكانتش بتمطر أوى

وبعدين معجبنيش منظر المحل قلت له ناكل من عالشارع برا

قالى أوكى

روحنا عالشارع برا

قلت له لاء :D

أنا عايز أكل من المحل التانى :P

هههههههههههههههههههههههههههههههههههههههههههههههه

مستخلص أفندى حلف يمين بعظيم تلاتة إنى مجنون ولاسع وبستعبط

بس على مين برده هيسمع الكلام

هههههههههههههههههههههههههههههههههههههههه

المهم روحنا وكانت الدنيا بدأت تمطر بجد

سبحان الله

أنا وهوا بنشترك فى حب المطر

لو قلت إستحمينا فى المطر

فدى كلمة قليلة أوووووووووووووى

أوووووووووووووووووووووووووووووووووووى

إحنا غرقنا غرق كدا

وصلنا وجبنا الأكل والناس شايفانا مجانين

وأنا من فرحتى بمشوار النهار ومقابلة مستخلص وإنى فى أليكس وماشى فى إسكندرية

كانت طاير مع المزيكا اللى شغاله فى الشارع كله

صوت إليسا شغال
((
وسط الشوارع ناس كتيرة مروحين والناس ياقلبى هما هما وهوا فين
))

كنت بهز إيدى ودماغى من المزيكا وكأنى برد وبقولها أنا هنا وهفضل جمبك

غصبن عنك :))

ههههههههههههههههههههههههههههههههههههههههههههه

المهم وصلنا الكافية

وخدنا واجبنا وكلنا وخرجنا والدنيا بتمطر برده

طلعنا عالبحر ولفينا عالفنادق عشان كنت قررت أبات

بس طبعا مستخلص مرضيش

قالى بص يا صاحبى لو هتدفع برا خمسين جنيه فى ليلة فى أى فندق

إديهالى :D

وأنا هديك مميزات أكتر

ههههههههههههههههههههههههههههههههههههههههههههه

الحق بقى يا مستخلص خليك صاحب ضمير

ههههههههههههههههههههههههههههههههههههه

المهم

روحت مع مستخلص ونمت وصحيت وخرجت الصبح فى الشمس

مستخلص راح الشغل وأنا روحت مشوارى

فضلت ألف لحد ما جه الميعاد

محدش يقولى ميعاد إيه عشان مش هقول

اأنا قلت لكم بخاف من الحسد لأنه مذكور فى القرآن

والحب جميل جميل الحب :P

هههههههههههههههههههههههههههههههههههههههه

المهم إن خلص مشوارى برده وخلصت وروحت آخر النهار

======================

النقط المستفادة :
- إسكندرية جميلة أوى أوى أوى فى الشتا
- ملكة الأساطير لا تأتى إلا مع لسعات برد الشتاء
- مستخلص صاحبى وحبيبى وكفاءة ويستاهل كل خير
- لازم أرجع ألتزم بالمواعيد لأنى وصلت أليكس متأخر
- قررت أخد خطوة لقدام

بجد أنا مبسوط أوى

بفكر أغير إسمى كمان

وأخليه شاب عبيط

ههههههههههههههههههههههههههههههههههههههههه

زى كتاب المنفلوطى اللى كان إسمه أحلام العبيط

تقريبا

العبيط هنا هوا المنشكح المبسوط

أو أخليه شاب مبتسم وسعيد والحياة حلوة والأيام أحلى

مش عارف

بس نطلع من كل دا بحاجة واحدة

((
بفتح زرار قميصى للنسمة وللأمانى ...
وأنور فوانيسى وأملى العالم أغانى ...
بغنى للمحبة وللنجم الملالى ..
الغنوة فى قلبة شابه وطايرة فى العلالى ...
بفتح زرار قميصى وأملى العالم أغانى .....
منير

)))


شاب فقرى


هناك 26 تعليقًا:

حروف يقول...

مبرووك وحمدلله ع السلامة

سلمى يقول...

حمدلله على سلامه حضرتك
اولا محطه مصر اتسمت كده عشان هى بتكون زحمه اوى فى النهار زى محطه مصر اللى فى القاهره
ثانيا ومشاء الله حضرتك روحت اماكن كتير فى اسكندريه
نتمنى ان تتكرر الزياره وتنورنا
حضرتك مشاء الله بتعرف تتعلم من كل خطوه عشان كده
شابوه

Cute Kitty **sookra يقول...

هههههههههههههههههههه
حلوه الدنيا سكر

حبات التوت يقول...

هههههههههههههههههههههههه
ههههههههههههههههههههههههه
ههههههههههههههههههههههه


بجد انتة تجنن

ربنا يبسط كمان وكمان

:)) والله من كتر ماانا دخلت فى حكايتك حسيت كانى اتفسحت وانبسط

تقريبا زى مانتة قلت قبل كدة الواحد لما يكون مبسوط بيخلى الواحد التانى مبسوط




بس معاد اية كان اية المشوار السر؟؟

ماتقوليش مليش دعوة

حبات التوت يقول...

طيب قول بس معاد اية

قول قول

حبات التوت يقول...

ماتقول يابنى معاد اية ؟؟

بص انا زنانة ورخمة

ومش هبطل سؤال عارفة انى رخمة ومليش دعوة بس عوزة اعرف

حبات التوت يقول...

اه نسيت اقوللك
انتة كنت ماشى مبسوط وترقص فى الشارع
وماشى تحت المطر ومقضيها هبل وعبط

طبعا ماهى مش بلد والبلد اللى ماحدش يعرفك فيها اعمل اللى انتة عوزة هبل برحتك

بس ياحرام صحبك اللى عاش حياتة معاك فضحتة فى بلدة




عارف انا نفسى امشى تحت المطر ان شاله يجى يوم واعملها مع حد من صحابى او مع انشاء الله مع جوزى اللى هتجوزة

قلم رصاص يقول...


هههههههههههههههههه

حتة ريبورت .. اكسلينت

انا فرحان عشانك جدا ياكرمله والله بجد من قلبي ..ربنا يكرمك يارب

والرسالة وصلت خلاص

قال مش هتقول قال .. ماقولت اهه يافقري واللي كان كان وفضيحتك بقت بجلاجل هههههههههههههه

بس تعرف ياواد الحب جميل للي عايش فيه

اوعدنا يارب ههههههههههههههه

وبعدين انت خايف نحسدك وانت فقري ..
احنا نخاف نحسدك نبقى فقريين .. خصوصا والدنيا كلها عدوى اليومين دول .. من انلفونزا خنازير على طيور على سرقة بنوك هههههههههه واخد بالك انت

ربنا يكرمك ياكريم مرة تانية

وشد حيلك بقى عشان ننتقل للمرحلة التانية .. ^_^

على الميل بقى ياحبيبي نراجع التقرير بشويش

هههههههههههههههههههه

في امان الله

عاشقه الرومانسيه يقول...

اسكندريه كانت منوره ياباشا
(:
انا باعشق اسكندريه فى كل وقت وبالاخص فى الشتا وعلى البحر بالذاااات
الدنيا عندنا بتشتى مش بتمطر
p:

Eman يقول...

\
اح ـم اح ـم ^^

ومن لا يحب ان
"يتسكع P:"
تحت المطر ^.^

اي لايك اوي السع ـآدة التي
تنطلق من كل ح ـرف تي :)
والسمايلز التي بين السطور < O :
يارب ديما كده ^^
اوع ـدنا يارب XD

دمت
/

غير معرف يقول...

على فكرة انا فراشة ومش عارفه اسجل

المهم يعنى
بجد بجد بجد والله انا فرحانه ليك جداا جدا ويارب يكمل فرحتك وسعادتك وتدوم كتير قووووووي يارب

انا بحب اليكس قوي ووحشاني جدا ويارب اروحها قريب

جارة القمر يقول...

ههههههههههههههههههههههه

ال مش هقول مش هقول انت ناقص تعملها اعلان و تعمل مدونة مخصوص وتقول كل حاجه فيها يا بنى الناس كلها فهمت

ربنا يسعدك كمان و كمان ويارب دايما مبسوووط

ponpona يقول...

زيك يا فقري عامل ايه؟

تمام؟

طيب الحمد لله

كنت في اسكندريه؟

يا بختك

ومع واحد صاحبك قوي كمان؟

يا بختك يا بختك

ومطرت واتبليتوا

يا بختكوووووو

مش بانؤ والله أبدا

باحقد عليكم بس

ههههه

انا كويسه وتمام الحمد لله

جيت بس لاقيتك قولت اما اسلم عليك

شكلك نايم

أحلام سعيده

مين أحلام دي؟

والله مش عارف !!

بس يمكن احتمال تكون أحلام دي صاحبة سعيده الروح بالروح .. ممكن والله

ليه بقي مش بيجوا الا واحنا نايمين؟؟

مزاجهم يا أخي .. هاتعترض !!

حاجه غريبه والله

لو مش عايزهم يجوا ماتنمش

هههه

عبيطه أنا

صح؟

صح طبعا

أنا عارفاني كويس

بدليل بقالي ربع ساعه باكلم نفسي

بس عادي

أنا أحسن واحد ممكن يكلم نفسه

وماما تقول البنت عقلها طاااار

أنا أقولها يا ماما أصلا مافيش

مافيش عقل خالص خالص يعني

خلص من زمان

كان عندي منه كتير بس خلص

أو في الغالب بقي اكسبير

غير صالح للاستخام نوهائي نوهائي

طيب

أفوتك بعافيه بقي

ليه يا بنتي مانتي قاعده منورانا شويه

لأ بقي معلش

عندي حاجات كتيير كتير

وانت عارف بقي مشغوليات الناس المهمين أمثالي .. ماعندهمش مينت واحده فاضيه

هههههههههه

يخرب بيت هبلي

سلام بقي يا فقري بجد

:):)

P A S H A يقول...

ما عنديش حاجة أقولهالك غير .. عيش أيامك عيش لياليك تارا ... خللي شبابك يفرح بيك تارا ... أفرح أرقص غني .. قد ما تقدر عييييييش عييييييييش عييييييش
معلش أعذرني عشاني صوتي وحش ههههههه
حمدا لله ع السلامة يا مان
وربنا يجعل أيامك كلها فرح يااااارب
سلام

riri يقول...

المفروض تحط خرزه زرقه على باب المدونه ياكرملله :p
وياسلام لو كمان تحت المطر وايس كريم متجرب الموضوع لذيذ اووى سافر اسكندريه تانى واعملوا :p
حمدلله على السلامه ^_^

shoshta_ joker يقول...

ألسلام عليكم.....
ازيك يا فقرى وانا اقول ليه اسكندرية فى اليوم الى انت متعرفش اسمه دا كانت منورة ههههههههه.....حمدلله ع السلامة واسكندرية اكيد فعلا كانت منورة .......البحر فعلا جوه ملوش حل فى الشتا اكتر من الصيف كمان والدنيا ع البحر عالم تانى وبالذات لما تكون الدنيا بتشتى .....بلدى باه وبموووت فيها ههههه وبجد مش بنعرف قيمة اسكندرية الا لما بنروح محافظة تانية بجد هى جوها نعمة ........واحلى حاجة الجنان وانت ع البحر لما تكون مجنون حتعرف تستمتع فعلا بالجو .......نتمى ان زيارتك تتكرر تانى ان شاء الله....ويارب دايما فرحان ومواعيدك تتكرر دايما ههههه ومن غير قر وحسد الحب فعلا جميل اوى لا يكون صادق وطاهر ....فى رعاية الله....دومت بخير.
shemo

Aиgel يقول...


صباح الورد ونسيم البحر


بداية حمد الله ع السلامة
تقريباً كده أن الكل بدأ يقرأ البوست وهو سعيد ومبتسم زي ما بيكونوا بيشوفوا الحياة حلوة من نظرتك أنت ليها ..

سعدت لسعادتك والحمد لله أنك اتبسطت وفرحت وأن المطر مطرت وفرحتك أو نقول الدنيا شتت زي مستخلص عشان ميزعلش ( بس بيني وبينك كلمة حلوة اوي بتشتي دي )

وربنا يديم بينكم المحبة دايماً ويبعد عنكم أي إبليس ):

وتتكرر فرحت طول العمر

وتتكرر المواعيد كمان (:


.................

وبالنسبة لاسمك اللي بتفكر فيك ..
؟؟؟ مش عارفه بس ما دام مبسوط وله معنى أ،ت حابه يبقى ليه لأ بس بردو مش عارفه ؟


المهم تاني حمد الله ع السلامة

وصباحو فل

Angel love

بيطرية ومش بايدى يقول...

نقول حمد الله على السلامة
بالفوم المليان

لفقرى عبده فقرى

الشهير بكرمللة

غير معرف يقول...

كده سيحت لينا فى المنطوقه :D

طب عجبك وانتا مروح مبلول كده :D

ايوه يا عم الحج اسمها محطه مصر علشان كلها مصريين :P

لو جيت تانى تجيب معاك شمسيه او تجيب بقى حاجه نقف تحتيها علشان انا لسه مبلول لحد دوقتى :D

ايوشة يقول...

حمدلله على السلامة
وربنا يسعدك دايما ياااارب

أبو العريف يقول...

مساء معطر بعبق الاسكندريه

ورائحه البحر

و طعم المطر

ربنا يخليكم لبعض

ويديم صداقتكم

ويسعدك دايما يارب


حتي وانت بتحكي اسلوبك جميل

تحياتي

Somaya Kamal El Din يقول...

الحمد لله
ويااااااااااااااا رب دايما

مبسوووووووط وفرحان كده

يلا يا عم ربنا يوفقك ويكرمك


وطمنا دايما عليك

وعلى نيوزك اخبارك يعنى :D

والله حاسة انى فرحانة معاك

يلا سلام ايها الشاب المنشكح

الا صحيح معناها ايه منشكح دى

Yusuf يقول...

يابختك

اسكندرية

تصدق وحشاني جدا

انا كده اتغظت

يارب تكون فاضي يوم الخميس عاوز اشوفك ف الامسية

ومعلش الفترة اللي فاتت مكنتش متابع عشان الامتحانات

تحياتي

مسدس صغير يقول...

ربنا يخليكو لبعض
المهم انكو اتبسطو
بس يا ترى اخدين بعض عن حب وللا صحوبية صالونات؟؟
ههههههههه
ربنا يكرمكو

شاب فقرى يقول...

حرووف
الله يسلمك :)

-----------------
سلمى
بجد انا بفرح لما بشوف اسمك دا
بيفكرنى باعز مخلوق على قلبى فى الدنيا

بس هى محطة مصر واحدة بس فى البلد كلها :P

ههههههههههههه
نورتى
=========================
سكرة
إن شاء الله هتفضل سكر على طول يا سكرة
========================
wella
انا مبسوط لانى قدرت ادخل الفرحة قلبك اكيد
مش هقول دلوقتى :P
ههههههههههههههههههههههه
وليكن ما يكون
========================
wella
انا بخاف من الحسد
يوووه بقى
=========================
wella
ربنا يرزقك بالزوج السعيد اللى يمشيكى معاه تحت المطر وتاخدى نفس الشاور وتشوفى اللى شفته
قولى قادر يا كريم :)
=========================
wella
اكيد صاحب المجنون
شخصية مجنونة اكتر منه
يعنى لا فضيحة ولا حاجة
:P
------------------------
قلم رصاص
صباح الريبورتات الجامدة :P
اى خدعة ياريس
بلاش سياح بقى كفاية كدا احسن تقلب بحسد
ههههههههههههههههههههههههههههههه
بانتظارك يا جميل
فقرى
==========================
عاشقة الرومانسية

أكيد إسكندرية منورة بأهلها
:)

هى بتشتى فعلا

مادام قلتى بتشتى يبقى بتشتى
:)

نورتى يا دودو والله
====================
وحبى لك لن يموت

صباح الحركات

كلنا بنحب نجرى تحت المطر

وبالرغم من كدا اوقات المطر بلاقى نفسى بجرى لوحدى

هههههههههههههههههههههه
مش عارف ليه
ربنا يوعدك باللى احسن من كدا

ايس كريم ومطر وجرى وحب وكل حاجة حلوة فى المواقف دى

فقرى
======================
فراشة

نورتى

ان شاء الله تزوريها عن قريب

يارب يسعدك يارب

فقرى
=================
جارى القنر
ما قلنا بلاش سياح

ههههههههههههههههههههههههههه

يارب يسعدك انتى كمان يا اطيب الناس

فقرى
==================
ponpona

انا مبسوط بمرورك دايما

انا فعلا زى ما قلتى كدا

مجنون ولاسع وشوية العقل دول ليهم وقتهم

انما الواحد لازم يعيش

بجنون بقى او بغيره

المهم يعيش مرتاح ومبسوط

مش مهم اى حاجة تانية

انا كنت فى قمة سعادتى هناك :)
سلام يا منى :)

دمتى بكل ود وفرحة

فقرى
==================
pasha
بالعكس ياراجل

صوتك حلو ومنور
واحلى اغنيه سمعتها النهارده كمان :)

نورت والله واسعدنى تعليقك

فقرى
:)
===================

شاب فقرى يقول...

riri
هجربه المرة الجايه مش تقلقى :)

ههههههههههههههههههههه

دمتى بكل ود

فقرى
=======================
shemo

يا بختك باجمل بلاد الدنيا

حلوة اوى والمطر عمل جو رهيب :)

مجنون انا حبتين

بس بحبها اوى

اسكندرية

لاحسن حد يفهم حاجة تانية
ههههههههههههههههه
فقرى
=======================
Angel

شكرا لرايك فى اليوم الجامد دا

ومستخلص بيقول بتشتى

وشكلى هقول بتشتى على طول بقى

ربنا يقدم اللى فيه الخير

نورتى واسعدنى اوى تعليقك

فقرى
========================
بيطرية

حمدا لله عالسلامة

فين ايام الاحتلالات

نورتى والله

فقرى

=-==================
مستخلص يا اخويا

مفيش حته مش مبلولة

اعمل ايه فى المطر بقى

هتفضل تمطر عندكم كتير كدا :P
ههههههههههههههههههههههههه

والنعمة وانا كمان لسه مبلول حتى الان

مش هجيب شمسية ياعم

هات انته :D

فقرى
====================
آيوشة

الله يسلمك يارب :)
======================
أبو العريف

حبيبى :)

منور والله

واحلى مسا على عيونك يا جميل :)

فقرى
=======================
سمية كمال الدين

ربنا يسعدك كمان وكمان

منشكح يعنى مبسوط وسعيد

فقرى
========================
يوسف

بص بقى

احنا فى بينا حساب

مش عايز اقولك عامل ازاى

بس كلمنى ضرورى

بس كدا

ونورت وفرحنى تعليقك يا جميل

فقرى
-==================
مسدس صغير

ابو صلاح

ههههههههههههههههههههههههههه

حب طبعا

وصاحبى دا عن صداقة :)

هههههههه

نورت يا جميل

فقرى