الخميس، 17 ديسمبر 2009

جلد الذات



يسير فى الظلام وحيدا وتتكرر كلمات وجمل كثيرة فى رأسه
يحاول أن يبعد تلك الأفكار السوداوية عن رأسه
يعلو صوت موسيقى الراب فى أذنيه
يحاول أن لايفكر فى أى شىء
هوا الآن وحيدا
هنالك بين الحقول وبين الخضرة التى يعشقها
ولكن الوقت ليلا
كل شىء يبدو أسود
ويزداد اللون الأسود كلما إبتعد عن البيوت والتجمعات
يستمر فى السير على غير هدى
لايدرى إلى أين يريد أن يصل
يفكر فى كل شىء
يفكر فى أصدقاؤه وفى حياته وفيمن يحب وفى كل شىء خلقه الله
ربما لم يجد شيئا يستحق ليفكر فيه إلا من أحبوه
يرن الهاتف معلنا أنها تتصل الآن
إنها الآن بحاجة إليه
ينظر غلى الهاتف
يحاول ان يحرك أصابعه ليرد عليها
يشعر بالعجز
يلقى بالهاتف على جانب الطريق
يستمر الهاتف فى الرنين
يستمر فى السير وكأن الصوت لا يعنيه وكأن ما ألقاه منذ قليلا هوا أجمل إحساس سكن روحه
يفكر فى كل من أحبوه ومن أرادوا أن يكونوا بجواره يوما
يحاول أن يكف عن التفكير ويمسك برأسه وكأن ما بها صداعا لا ينتهى ويشعر وكأنه سقط فى وسط ذلك الطريق الموحش
يستمر ذهنه فى السؤال الذى لا ينتهى أبدا
ينام على الأرض محاولا إيجاد الراحه ويخرج من جيبه علبة من السجائر وأعواد الثقاب
حقا أعواد الثقاب لم تعد كافية لمحو آلام القلب تلك
يشعل السجارة الأولى
يسحب نفسا عميقا
يشعر وكانه بهذا يسحب كل هذا المكان الجميل فى داخل صدره
يستمر فى التدخين
والسؤال مازال يتردد
يطفىء السجارة فى يده
لم يشعر بشىء بعد
يشعل سيجارة أخرى وأخرى
والسؤال لا يريد أن يترك عقله
أو ربما نفسه هى التى تأبى أن تترك السؤال بلا جواب
يستمر فى إطفاء السجائر فى راحة يده
تنتهى علبة السجائر
يبتسم فى سخرية
يسمع من بعيد صوت هاتفه مازال مستمرا فى الرنين
مازالت تتصل
يعود من حيث أتى آملا أنه حينما يرد عليها ستنتهى كل أحزانه
يلتقط الهاتف من على الأرض
يحاول الرد
إصبعه يأبى أن يرد عليها
يترك الهاتف مرة أخرى ليسقط
ويكسر إصبعه فى محاوله للشعور بشىء فى هذى الحياة
يجب أن يشعر بنبضات قلبه ونسمات الهواء قبل أن يفكر فى الاقتراب منها
الآن فقط يشعر ببعض الألم فى إصبعه وفى راحة يده
وضيق فى الصدرويرى بعض الدماءالسوداء على يديه
يبتسم
الآن فقط يمكنه الرد...
ينحنى ويلتقط الهاتف مرة أخرى
تعلو شفتيه إبتسامة و يرد قائلا :
(( وحشتينى ))

تمت,,,
شاب فقرى

هناك 23 تعليقًا:

غير معرف يقول...

تسسسسسلم ايدك
كل سنه وانت طيب

мαησηα يقول...

مش عارفة اقولك غير انك مبدع بجد مجردبس انك جبت الفكرة دى .. تسلم الايادى ودمت مبدع يا كرملة

Aиgel يقول...



مساء الخير ...
هااااااااااااايل
واقعي وأتقنت الوصف فيه

دمت مبدع كريم

Angel love

Cute Kitty **sookra يقول...

كلهم بيقولوا دمت مبدع
وانا اقولك ايه بقى
ربنا يقويك ياسكر

حبات التوت يقول...

ياااااااااااااااه

بجد بجد بجد احساسك عااااااااااالى

حبات التوت يقول...

امممممممم مش قولتللى على المعاد برضة

ههههههههههههههههه

الشعب لابد له من حكومه تشكمه يقول...

خد بالك اصل الموضوع يتحول لايمو,,!!!!

حلو اوى الكلام وتحسه اوىىى,

الشعب لابد له من حكومه تشكمه يقول...

كريم دى انا اول مشوفتها افتكرتك وكنت هعملك اهداء بيها وهشوف هتعرف اذا كنت بقصدك ولا لا,,لانى اول مشوفتها افتكرتك,
بس عموما بما انى مش هعرف اعمله دلوقتى لانى مش هنزل بوستات غير تفاصيل اللقاء,,وهى ماشيه مع مودك,
فاعتبرها اهداء برضه ليك هنا,,واسمع اخر كلمتين وركزززززززززز,,دا اللى المفروض تعمل بيه,,

http://www.youtube.com/watch?v=4CTmcV9y79k

الشعب لابد له من حكومه تشكمه يقول...

حطها عندك فى البلوج وقول انها اهداء منى:)وركز اوى مع ست ستهاوالجزء ده,,
ونفض هدومك باه,,,
واقولك حاجه كمان,,


**اذا كنا نرسم صورة من فارقنا على الجدران,اذا نقشنا حروف اسمه بين ثنايا القلب,
اذا كنا نردد رقم هاتفه بيننا وبين انفسنا حتى لا يضيع وسط زحمة الافكار,

اذا فعلنا كل هذا,لا داعى ان نبحث عن طريقه للنسيان,فنحن من اخترنا الا ننسى.

فاكر دىىىى؟؟؟؟؟؟؟؟؟ دى انا قلتها لييك انت:)

اهو انت اخترت الا تنسى,,

غير معرف يقول...

لازم يكسر ايده علشان يرد يعني

الحب ابسط من هذه الالام ... واعتقد انه شيء جميل وليس مؤلم

اسلوبك عجبني و التعبيرات حلوه

تحياتي

أميرة علي كوكب مهجور يقول...

انا جايه هنا و بوزي شبرين وربع
وناويه علي خناقه
ومفيش صباح الخير ولا الكريم كراميل هو حد لاقي العيش
وزعلانه اه زعلانه
ومش هقولك انا مش بتزور مدونتي ليه
ومش هقولك مش زمان مش شوفت ليك كومنت
ومش هقولك القصه دي عاجبتني اوي واكتر حاجه لمستني من حاجات قبل كده
ومش هقول لا خلاص انا قولت مش هقول
ويلا زي بعضه كل سنه وانت طيب
ويارب تكون بخير
:)

أميرة علي كوكب مهجور يقول...

نسيت اسأل
هو ليه دايما لما بتجلنا حاجه حلوة وتدخل حياتنا بنحس اننا مش نستاهلها ونخاف ونحس اننا وحشين ولازم نعذب نفسنا قبل ما نستمتع بالحاجه الحلوة دي؟

سؤال جه في دماغي
بس برضه ده ميمنعش اني زعلانه

أميرة علي كوكب مهجور يقول...

حاجه تانيه
هو لو مفتقد الحجاه دي اوي مش بيحاول يرجعها ليه واقف محلك سر ليه ما يحاول ولو فشل يبقا خلاص ينسي الموضوه ويفهم رساله ربنا من وراء الموضوع ويبدا حياه جديدة هو ساجن نفسه ليه في صندوق الذكريات لا يفتح الصندوق والذكريات تطير وترجع واقع يا اما يقفل الصندوق اللي الابد متمنيا حياه اسعد واحلي مع شخص يتفهمه

تصدق قصتك خلتني احس اني تايهه مع البطل

وابدا متحاولش برضه زعلانه
يارب تكون بخير يا كريم
يارب يسعدك
يارب يقرب منك كل حاجه بتتمناه
يارب يكتبلك الخير ويرضيك بيه
يارب تصبح اكثر اطمئننا والفه وراحه مع نفسك
ما تقول امين
وبرضه زعلانه

ريمان يقول...

حلوه اوى اوى

وعجبنى اوى العنوان


بس الحاله اللى انت وصفتها دى غريبه اوى وانت وصفتها بكل دقه وانا تخيلت الموقف



تسلم الايادى


بقولك ايه بقى

يا ريت بقى تشيل صوره الوش التانى اللى انت حاطه ده عشان انا بخاف

كل ما ادخل مدونتك اترعب من الوش التانى


بتخوفنا يعنى ولا ايه؟

ههههههههههههههههههه

ريمان يقول...

كل سنه وانت طيب

راء يقول...

اااااااه يا صباعي..

عنه ما رد يا شيخ حرام عليك..ايه اللي يجبر نفسه على حب كده بس

تسلم ايدك

سلمى يقول...

جميله جدا كلماتك
وتوحى بحزن الشتاء
دمت بسعاده

lostlove يقول...

كلام فوق الوصف
بس عندي سؤال هو احنا ليه كده
هو ده طبع البشر يعني
لما بيكون معانه الحاجه الي احنا عاوزنها وبنتمنها ليه بنسبها تضيع
ونفكر كتير ونحسبها
مع اننا عارفين اننا عاوزنها
بس بردو بنعزب نفسنا بفرقها الاول
حسيت الكلام اوي
عشان انا عشت الحظه ديه بجد
واختارت العزاب
بس الحمد لله يعني
بحاول اجمع نفسي تاني
اتمني التوفيق

صوت من مصر يقول...

بعد ما ادى وبعد خد
بعد ما داب واشتاق واحتج

Somaya Kamal El Din يقول...

مش عارفة اكتب كومنت

كنت فاهمة واتلخبطت فى الاخر

أبو العريف يقول...

حلوه قووووووي بجد يا فقري

ومختلفه

ولغتك اكتر من رائعه

واسلوب ممتع

ونهايه ملعوبه

ЯậŇ MỗŘỹ يقول...

السلام عليكم و رحمة الله و بركاته
دايما لما بقرأ كلامك بحس احساس غريب
كلامك تفاعل مع صوت رنيم و هى بتعيط خلتونى بتمنى لو دمعه واحده من عينى تنزل يمكن اعرف اخرج حاجه من جوايا

قلم رصاص يقول...

ماله مودك ياكريم
كل شوية بحال ليه يابني كده

مش عارف بقى انت هتجنني معاك

ربنا معاك ياكرملله