الأربعاء، 23 ديسمبر 2009

إلى كل مدوني الأرض


بسم الله الرحمن الرحيم

والصلاة والسلام على أشرف المبعثين سيدنا محمد خاتم الأنبياء والمرسلين


من مدة طويلة وأنا بفكر فى التدوين والمدونات والناس اللى بتدون

وبحاول أشوف الحقيقة على قد ما أقدر

مش من يوم ما بدأت تدوين من سنتين وقفلت المدونة

وفتحت (( يوميات شاب فقرى ))

مش قفلت المدونة لأنى بهرب من شىء لا سمح الله

بس لأنى ببساطة عايز أغير العتبه او المكان اللى بكتب فيه
ومن يوم ما إشتغلت عالنت وعرفت أول شخصية أثرت فى حياتى وأنا بفكر
فى النت والعلاقات والعالم الكبير اللى احنا كلنا عايشين جواه

كنت بعتقد إنى لوحدى

لكن سبحان الله دايما الإنسان عقله صغير ومش شايف غير تحت رجليه

ومن وجهة نظرى لا يوجد شىء فى الحياة يستحق التفكير غير ربنا

لو الإنسان بدأ يفكر فى ربنا هيوصل لكافة الحقايق اللى ربنا خلقها

ومنها هيقدر يفكر فى كل شىء بعقل وحكمة

أنا مش هتكلم فى الموضوع دا

أنا هتكلم فى موضوع الحب والعلاقات عالإنترنت

هسمع ناس كتير بتقول موضوع فاكس وخيبان وملوش لزمة

هقولهم كلمة بسيطة جدا .... طز لو مش عايز تقرا متقراش ولا تطلب وجهة نظرى

لأن مجرد زيارتك للمدونة فأنت قررت تسمع رأيى

يبقى تسمع بإحترام وتتكلم بإحترام

لأنى مش هقدم فكرة ساقطة ومشوهة عن عالم قذر

هحاول قدر الإمكان إنى أقدم وجهة صادقة وواضحة وصريحة

نبدأ على بركة الله ...

***
الموضوع بإختصار

- إن فى شاب

- بيكتب فى مدونة

- يعرف أكتر من بنت

- على علاقة بيهم كلهم فى نفس الوقت

- علاقة حب وإرتباط

- بيحلم معاهم وبيوهمهم بكدا

- الله أعلم الغرض إيه
لكنه بيوهمهم

الشخصيات اللى هوا مرتبط بيها

نقدر نقول إنها علامات بالنسبة لى فى عالم التدوين

ناس محترمة جدا

ومش غلطانين غير فى حاجة واحدة

إنهم سمحوا لحد يقرب منهم ومش يعرفوا عنه أى حاجة

وسمحوا له يلعب بيهم وكأنهم بنات مش متعلمات من الأرياف بل من قاع الأرياف

يا ترى فين العقل ؟؟؟

فين التفكير الحكيم ؟؟؟

لكن ياعينى المأسوف على أمره الشاب الحليوة

وقع من بنوتة هى اللى دخلته عالم التدوين

والبنت دى كانت ذكية

من الشخصيات اللى أنا بحترمها وبقدرها

ببساطة بتعرف تاخد حذرها كويس

هى قربت منه وحبته ودا معروف وهى بتقول كدا

لكن لما بقى بيغير شخصيته لأنه حس إنها ممكن تتكلم عنه

كانت هى بتتحبط وبتتصدم فيه أكتر

بتقرا محادثات المسنجر اللى بينها وبينه

وبتسمع مكالمات التليفون اللى بينها وبينه

اللى كان بيجرى وراها وبيتحايل عليها

فجأة بقى حد تانى

هنا بقى يطلع كام سؤال :

- كانت بتسجل المحادثات ليه ؟؟؟

سجلتها لأنه بتحبه أوووووى ولأنها عايزة تحتفظ بكل كلمة قالها لها جوا قلبها

- كانت بتسجل المكالمات ليه ؟؟؟

أكيد عشان لما تبقى حزينة تلاقى صوت بيقولها بحبك وعايز أكمل عمرى معاكى

وبعدين الشاب الحليوة إنفصل عنها لأنه مرتبط بتلاتة أو أربعة غيرها

يعنى الموضوع بالنسبة له مجرد لعبه

ياريت البنات تصدق الحقايق

وتتفهمها

ومش تقول إنى بقول فضايح أو مهتم بالقيل والقال

أنا مهتم بالناس

بحاول أوضح حقيقة وأفوق الناس كلها للحقيقة المرة

إن فى ناس بتكتب معانا

بس ناس من الآخر بتوع شات

بيألفوا كلام مش حقيقة

وبينقلوا وبينسبوا لنفسهم

بل وكمان بيلعبوا بمشاعر بنات الناس

المهم إن أنا بوجه نداء .......

لكل مدونين الأرض

خذوا حذركم مش أى حد يدخل حياتكم ولا أى حد يقرب منكم

يعنى لما واحدة تيجى تقولك إنتى مرتبطة بفلان

قولى لها الحقيقة وإعترفى بيها

مش تحاولى تتهربى وتوهمى نفسك إنك على حق وتكدبيها

لأن كل البنات دول

عملوا نفس الموقف

قاطعوا البنت اللى حاولت تفوقهم

بل والشاب دا دخل شتمها وقالها

(( أنا هوريكى يا ساقطة ))

هل جزاء إنها وثقت فيك وحبتك إنك تقول ساقطة ؟

هل هوا دا جزاء التقدير ؟؟؟؟

الموضوع ملوش حل

غير إننا نفوق

ونقدر نحترم الطرف اللى بييجى يحكى لنا

ونحاول نسمع ونشوف اللى عنده

يعنى لو البنت دى إدتنى التسجيلات الصوتيه والمحادثات دى وأنا نشرتها

هل ساعتها هتصدقوا ؟؟؟؟

هل ساعتها الناس دى هتفوق من الوهم وتحتقر البنى آدم دا ؟؟؟؟

قولوا بسم الله

وإقفلوا صفحة وإفتحوا صفحة جديدة

حاولوا تفهموا الحقيقة

فوقوووووووووووووووووووووووووووااااااااااااااااااااااااا


وفى النهاية أوجه كلمات كدا للناس اللى حواليه واللى بتقرى البوست


-الشاب المعجزة بطل القصة

حط فى دماغك إنك حقير

- البنات اللى فى القصة

فوقوا وفكروا ألف مرة قبل ما تحكموا عاللى قريتوه أو عن بطلة القصة

- المدونين

إنشروا الموضوع

عايز أنشر الموضوع

اللى يساعدنى ويساندنى

مش هكون غير شاكر ليه

وفى النهاية برده هقول :

أنا مش أحسن من حد وكل إبن أدم خطاء وأنا بكتب دا لتنوير الناس بس

ويمكن بعدها أبطل تدوين

أنا مؤمن بوجود علاقات ناجحة من الإنترنت

أنا شفت ناس كتير عايشين سعدا ومبسوطين ومتجوزين والحالة تمام

ناس أعرفهم شخصيا

كله بتوفيق من ربنا

فى ناس قابلت شريك حياتها فى القسم

ويمكن فى الميكروباص

ويمكن فى جوازة صالونات ملهاش معنى بقى لها معنى بعدين

الحمد لله

لا بخاف من حد ولا حاجة ولا على راسى بطحة أحسس عليها

وعمرى ما كنت بدون غير لنفسى وبس

لا كتبت لحد ولا فكرت أكتب لحد غير الفترة الأخيرة كتبت لشخصية موجودة فى الواقع عندى وفى الحقيقة وفى عالمى فعلا


هذا والله وحده أعلى وأعلم



خالص التحية والإحترام والتقدير

شاب فقرى


هناك 119 تعليقًا:

الشعب لابد له من شيما تشكمه يقول...

اولا :لازم نتفق ان عالم المدونين مش هو العالم المثالى اللى مفيش منه,,ولا هو المدينه الفاضله..لا طبعا اى مكان فيه الكويس والوحش,فما بالك بعالم افتراضى,
اوقات كتير بيكون من صنع الخيال...

بص انا اصلا ضد اى علاقات على النت,,
مهما كانت,,,
وبالنسبه للى انت قلته انا مش مستغرباه اصلاااااا ولا هو صدمنى ...
يمكن لانى اعرفه من زمان..
بس الطرفين غلط,,ودى وجهة نظرى..
الطرفين اخطأوا..

فراشة يقول...

هو أكيد طبعا غلطان بس البنات دول غلطوا مرة لما وافقوا على عرقه غير معروفه المصدر وغطوا تانى لما مصدقوش حد جه ينبههم ان الانسان دا مش كويس

كل اللى فات دا رأيي الشخصى وكمان انا من رأيي علاقات الحب من النت والشات دي مش بتعمر لان نقول 80 من الناس مش صادقه ف نتقى ربنا ف نفسنا والبنات تحاول تاخد بالها من نفسها كويس


وربنا يستر مع كل الناس يارب

شاب فقرى يقول...

شيما
هوا فعلا مش المجتمع المثالى

بس لازم نتفق إننا عايزين أى حد تايه فيه أو غلط يا اما يفوق يا اما يبعد عننا

بالنسبة للعلاقات عالنت

انا اعز صحابى عرفتهم من النت واحسن الناس من النت

وكمان شغلى من النت

وحاجات كتير اوى

النت دا شبكة معلومات وشبكة علاقات

المهم الواحد يقدر يستخدمها صح

مش هقلب النقاش لموضوع ان النت وحش ولا لاء

بس هقولك البنت مش غلطانة

وانا على رأيى دا لحد يوم الدين

لان المفروض ان الراجل يكون صادق ويقول الحق

وانه مش يوعد ويكدب او يخلف

وانه يحب بجد لو هوا ابن حلال وطيب

اما لو وحش فمش يلعب على بنات الناس

ولا ايه ؟؟؟

البنت مش غلطانة

وهفضل اقول كدا على طول

نورتى

فين المساندة ؟؟؟

شاب فقرى يقول...

فراشة

رايك ان تمانين فى المية من الناس مش صادقين دا حقيقة واقعة

بس مش معنى كدا نقفل الباب او نبطل نكتب او نبطل نعرف ناس

المهم نفوق لما الشمس تطلع

ونشغل عقلنا وبلاش نخلى عندنا ايمان ان فلان دا هوا الصح والباقى كله غلط

اسعدنى مرورك بعد طول غياب

شاب فقرى :)

الشعب لابد له من شيما تشكمه يقول...

عارف ميزه اللقاءات التدوينيه ايه؟؟
انها بتخرجك من العالم الافتراضى ده للعالم الواقعى الملموس..
لانك بتحكم عليه فى الواقع ...

لكن معرفة نت خالصه اكيد هتلاقى كل واحد راسم نفسه ملاك..ومفيش ملايكه على الارض اصلا,ولو واحد او واحده تخيلوا كده يباه دى غلطتهم..

شاب فقرى يقول...

شيما
عشان كدا
انا عملت اول لقاء تدوينى امبارح

روحت قابلت منامينو صاحب مدونة مش اسف على الإزعاج ....عاشق المانجه والاطفال :)

بس برده نرجع نقول

ان البنت مش غلطانة

وفين المساندة

شكرا لتواجدك يا شيما

رفعتى روحى المنعوية :D

شاب فقرى

الشعب لابد له من شيما تشكمه يقول...

حدد معنى مسانده؟؟؟

شاب فقرى يقول...

نشر الموضوع :)

لو مش عايزة نو بروبلم

فقرى

الشعب لابد له من شيما تشكمه يقول...

كريم اعوى تكون فاكر ان دى اول مره انا اعرف الكلام ده هههههههههههههههههههه..
بس عموما انا فى دماغى بعد اللقاء عاوزه اتكلم عن حاجه زى كده,بس على اتقل شويه,,اصبر بعد الجمعه ان شاء الله وليك عندى بوست:)

شاب فقرى يقول...

شيما

إشطة جدا :)

بتغلبى توقعاتى

شىء بيحبطنى :D

هههههههههههه

بالانتظار

وبالتوفيق فى اللقاء

انا اكيد مش هعرف اجى لانى هكون فى زيارة لاليكس

بس كان نفسى اتعزم ولو حتى عزومة مراكبية

:((

شكرا لمرورك ورايك وتواجدك ولاحباطى بانك عارفة هذا سلفا :P

فقرى

Lady E يقول...

شوف يا شاب عندك حق في كلامك

عن نفسي عرفت ناس من أروع الناس من التدوين وبرضه عرفت ناس العكس تماما

عارف اللي زي ده يستاهل انك تقول اسمه وياريتك كنت قلت اسمه بس اكيد مش هو لواحده في زيه كتير واخدين التدوين وسيلة لتفكيرهم الدنيء

قلم رصاص يقول...


ازيك ياكريم

والله انت ابن حلال ..وربنا يكرمك أخر كرم على البوست ده

انا رأيي في الموضوع يتلخص في الاتي:

النت والتليفون والتليفزيون وكمان الجرنال والميكروباص ..مجرد وسائل بنستخدها كل حسب طبيعة استخدامنا والهدف منه .

اللي انا عاوز اقوله : اني مش ضد التعارف من على الانترنت ..طالما يظله قانون الاحترام المتبادل وتقدير الأطراف لبعضها البعض في حدود الأخلاق والأداب العامة .

لكن ان انتقلت العلاقة بين طرفين من على الانترنت وتطورت الى الاعجاب او ماالى شابه ..هنا تكون الوقفه الحاسمة.بمعنى ..
انه يجب على الطرفين في هذه الحالة ان ينتقلوا الى الواقع ويتعرفوا على بعض في الواقع ..مش باقول يخرجوا مع بعض والكلام الفارغ ده ..لأ طبعا .. وانما على الاقل يبقى فيه مقابله او اتنين يعرفوا فيها شخصيات بعض ان كان هيبقى فيه نصيب ..يبقى مفيش غير طريق واحد لاثاني له ،،، وهو باب البيت ..يتقدم رسمي .. والبنت لازم تبقى مقتنعه بكده ..لو مااقتنعتش تبقي معيشه نفسها في اوهام تتحمل هي وحدها نتيجتها.

اما لو محصلش نصيب من خلال المقابله الشخصية ..يبقى كل واحد في حاله ..والصح بجد تتقطع العلاقة تماما من ع النت بين الطرفين .عشان مش عاوزين نضحك على بعض ونقول هنفضل اخوات ..لأه الكلام ده مبيبقاش حقيقي ..لأنهم لو مقيمين العلاقة من البداية على الاخوه يبقى مفيش أي مانع من استمرارها على الخط ده طالما اخوه في الله من البداية للنهاية.

وزي ما انت قولت ياكريم ،ياما فيه شركاء حياه اتقابلوا في القسم والميكروباص والشغل كمان ونضيف عليهم الجامعه ..هنا تتوقف المسألة على جدية الطرفين وتقييمهم للحالة اللي بتربطهم .. هل هي حب أم صداقة واخوه؟!

وانا باضيف صوتي لصوتك واحذر اي بنت من ده ..والمسائل اللي شبه كده.. انما لو فيه جدية يبقي يجي البييييييييت ولا يوجد غير كده ..!

وربنا مايجيب حاجة تزعل أي حد

أحييك على الطرح ياكرملله

في حفظ الله

بحر الالوان يقول...

مع احترامي للجميع .... فكلهم مخطئون , فحينما يغيب الوعي وتتضاؤل الحدود الي درجة السذاجة فهنا تكون المأساة ..فليس هنالك وسائل جيدة ووسائل سيئة .... وانما هنالك استخدام واعي واستخدام خاطئ ......ولابد ان يكون الانسان مسئولا قبل ان يمارس حريته ....بالتاكيد هو مخطئ الي درجة الدناءة وبالتاكيد هن مخطئات لدرجة السذاجة .

ولكن من وجه نظر قانونية بحته ....هذا الشاب او غيره في حالة استخدامه تلك الوثائق او التسجيلات بالنشر بشكل علني وعام او بقصد التشهير .... سيقع في شر اعماله بكل تاكيد .

لذلك يجب علي المرء في ايامنا هذه ان يقدم الحذر علي الثقة ..... والا ننسي ان حصان طروادة مستعد دائما للصهيل .

تحياتي لك

وربنا يهدي الجميع

هيثــم رمضـــان يقول...

بشكرك جداً جداً علي توضيحك للموضوع ده وجزاك الله خير ,طبعاً أنا علي قدي في موضوع النت ده ومعرفش مدي إنتشار الموضوع ده بين المدونيين لكن كل مكان وزمان في ناس مش كويسين وأنا بلوم البنات اللي بتقع في الفخ بسهوله وزي ما إنت قولت لازم يفوقوا أما الشاب بطل القصه فربنا يهديه وهو لو يعرف خطورة الموضوع مايعملوش (فكما تدين تدان) وهو بيلعب بقلوب وبيخدع وبيكذب وبيأذي ولازم يلحق نفسه فإن الله يُمهل ولا يهمل ,أما البنات ما فيش حاجه إسمها ثقه في حد ما تعرفهوش وحتي لو تم التعارف عن طريق النت بشكل محترم لازم ما يتعداش الشكل ده وإن كان في رغبة في الإرتباط فعلاً فلازم يتم التعارف في إطار العيله وبعدها يكون قرار الإستمرار أو عدم الأستمرار علي أساس التوافق في كل شيء وبعد السؤال عليهطبعاً, فلا يصح إلي الصحيح وإن كنا عايزين حياة صحيحه لازم الأساس يبقي صحيح مش علاقه في الضلمه ما حدش يعرف عنها حاجه بتطور في إطار غير شرعي فهذا مرفوض لمصلحة الجميع .
وبشكرك مره تانية علي إهتمامك بموضوع يخص بنات المسلمين وربنا يهدينا أجمعين.

تحياتي

فتاه من الصعيد يقول...

هو ايه الحكايه

الموضوع قريته في مدونه تانيه

يعني هو الاخ ده مدون ؟

عموما اصحاب النفوس المريضه كتير

تحياتي

خواطر شابة يقول...

انا مع قلم رصاص في طرحه العيب ليس في النت بل في من يسئ استخدامه
لكن تعرف الحالة التي ذكرتها ليست مقتصرة فقط على عالم التدوين حتى في حياتنا العادية هناك نماذج مماثلة تعيش بيننا لذا فالحذر واجب

فتاه من الصعيد يقول...

على فكره

موش شرط كل الاسامي اللي كان بيسرح بيها على البنت الغلبانه دي تبقى حقيقه

لان اكيد لو واحده مثقفه وكويسه موش هتتصرف بالعته ده

غالبا الرجاله المتخلفين بيحبوا يتباهوا قدام اللي قدامهم .... يعني اهو كماله لخلطه التشوه النفسي

تحياتي

فاتيما يقول...

شاب يا فقرى ى ى ى

احييك أولاً

ثانياً بقى
المفروض تقولنا
مين الموكوس على عينه دا ؟!!!

لأننا ممكن قوى نكون بنتعامل معاه عادى و محترمينو
و هو و لا يسوى
انا معرفوش دلوقتى

مبقولكش تكتب إسمه

بس إدى لمحات كدا
من بعيد لبعيد
أى حاجة تدل عليه

عاوزين نجرسه
و لما ينفضح
يتلم و يبطل بالعافية
يضحك على بنات الناس
لأنه بالذوق مش هيرتجع

و بعدين عدم كتابة إسمه
هتسحب الشك على أى حد
و كدا مش كويس

يا ريت تفكر ف حكاية التجريسة دى
عشان نستأصله و فورا من وسطنا

خالص ودى ليك
و جزاك الله خيراً
فى إخواتك المدونات

shemo يقول...

السلام عليكم...
بجد الموضوع مهم اوى وكويس ان فى حد مننا بيفكر بشكل واسع لينا كلنا ....
الموضوع دا كنت بفكر فيه بقالى فترة وانت حطيت نقط كتير ع الحروف فيه ....ووضحت حجات ممكن تكون ناس كتير عارفها فى العالم بتاعنا دا بس لما تتقال ع شخصية او تجربة بتبقى احسن وادق فى تفاصيلها.....وانا معاك فى رايك ان البنت مش غلطانه لسبب واحد ان اكتر الوقت الشاب هو الى بيبقى متعدد العلاقات البنات عندهم غريزة عالية من الاخلاص والوفاء مش الكل طبعا بس بتكلم ع الاغلبية
وكمان فعلا زى ما انت قولت فى علاقات ناجحة اوى ع النت والنت وصيلة تواصل الانسان هو الى يقدر يخليها صح او غلط واحنا الى بنحدد الغلط يبقى ايه او الصح يكون ايه فى حياتنا ومش معنى ان فى ناس مش كويسين حوالينا يبقى المكان الى هما موجودين فيه مش كويس الدنيا كلها فيها لاوحش والحلو وانا كمان اقرب اصدقائى ليا من ع النت واعرف ناس اتجوزوا جوزاتهم ناجحة من ع النت ....ليه مش مقتنعين بالعلاقات الى ع النت وبنبقى مقتنعين بجوارات الصلونات والجوازات الى بتبقى جاية عن طريق الصحاب وبرده مبنبقاش عارفين بعض .......الموضوع ف نقاط كتير اوى محتاجه لمناقشة كبيرة ومحتاجه حاجة رئاسية اننا فعلا نفوق ونصحى ونحدد شكل واطار علاقتنا بالى نعرفهم.....فى رعاية الله.
shemo

7annen يقول...

كل حاجه فيها الكويس والوحش
حتى عالم التدوين مش كل من فتح مدونه يبقى كويس ومحترم ونثق فيه
لازم البنت فعلا تاخد حذرها من علاقتها باى حد

فى مره حد قالى حاجه حلوه اوى
قالى القلب الرقيق اللى جوا البنت لازم يكون متغلف وبعيد اوى مش سهل اى حد يوصله

لازم كل بنت تخلى بالها من نفسها الولد ليه كذا طريقه يوصل بيها للبنت لازم تاخد حذرها
لازم كمان لما حد ينصحها تاخد النصيحه ولو حتى على سبيل الحذر

وربنا يسترها مع بنات المسلمين

عاوز اصحي يقول...

في بنات او ولاد لما البنت او الولد يكلم الطرف التاني فتره طويله وهما ميعرفوش بعض غير من ورا الكيبورد ساعات بيحصل انجاذاب من احد الطرفين والطرف التاني بيكون عارف ان دا مجرد شات ازيك عامل ايه تمام وشويه حكاوي كدا خايبه العاقل بقي اللي يقدر يمسك عواطفه ويعرف هي رايحه فين وياريت كل واحد يراعي ضميره وياريت نصحي ونفوق كدا

تحياتي

شاب فقرى يقول...

Lady E

نورتى المدونة

المشكلة انه مينفعش أقول أسامى

اللى حكت لى الموضوع منعتنى من انى اقول اسامى

لكن ربنا يصبرنا عاللى الناس اللى زى دى

دمتى بكل ود

شاب فقرى

شاب فقرى يقول...

عزيزى قلم رصاص

لا أدرى لماذا أجد نفسى دوما متفق معك فى الرأى ؟؟

:) :) :)

نورت يا جميل والكلام اللى قلته والله انا كنت كاتب زيه قبل ما انشر البوست دا

بس مسحته

وقلت خلى الموضوع مختصر

عالعموم

أسعدنى تواجدك ومساندتك وموقفك

شاب فقرى

شاب فقرى يقول...

بحر الألوان

تعليقك حاولت أفهمه بشكل كامل مقدرتش

ياريت توضحلى رايك مرة تانية

بالنسبة للوثائق دى فهى مع البنت لانها هى اللى سجلت مش هوا

دمت بكل ود وشرفنى تواجدك

شاب فقرى

شاب فقرى يقول...

هيثم رمضان

من لم يهتم بأمر المسلمين فليس منهم

لازم نهتم ونتكلم حتى لو الموضوع يجرحنا

والمشكلة ان الناس دى بتنسى ان كما تدين تدان

ربنا يهديه

و ربنا يسعد أيامك :)

خالص التحية والتقدير

شاب فقرى :)

شاب فقرى يقول...

فتاة من الصعيد

قريتى الموضوع فين تانى ؟؟؟؟

اه مدون

الكلام كله عن مدون

بس هوا مش مدون

لانه لا يستحق ان ينال الشرف دا

نورتى

واسعدنى تواجدك

شاب فقرى

وردشان smilyrose يقول...

السلام عليكم

اخبارك يا اخى الغالى

بجد ربنا يكرمك يارب

وحسبى الله ونعم الوكيل فى المخلوق ده

وربنا قادر انه يعطيه ما يستحق

وفعلا حسبى الله ونعم الوكيل فى كل من

يؤذى او يستغل انسانه او انسان

ومن لا يتقى الله ربنا ينتقم منه

وربنا يكرمك يارب

شاب فقرى يقول...

فاتيما
الرأى الصائب :)

والله انا اللى حركنى هوا خوفى على اخواتى المدونات لان اختى فى الحقيقة مدونة فعلا

وكمان لان دول ناس مش تستاهل الضرر

بس هوا اكيد يستاهل

ان شاء الله البوست الجاى

هكون فكرت وقولت هعمل ايه

بس ناخد راى صاحبة الموضوع الاول

دمتى بكل ود

ويسعدنى ردك وتواجدك دايما

شاب فقرى

شاب فقرى يقول...

shemo

الموضوع ملعبك ومعقد ومليان كلاكيع

انا ياما لقيت علاقات ناجحة من النت

بس المشكلة الدائمة من وجهة نظرى

زى ما قالت lady e بالزبك

هوا وجود ناس تفكيرها دنىء

وزى ما قلت لك الموضوع مليان حاجات كتير مش واضحة للجميع دلوقتى
والقضية نفسها محتاجه تفكير ووقفة

نورتى واسعدنى تواجدك

اسعد الله ايامك

شاب فقرى

شاب فقرى يقول...

خواطر شابه

الانترنت هوا عالم مصغر من عالمنا الحقيقى

فلابد ان ناخذ حذرنا من كل من نتعرف عليه من عالانترنت

وانا اعجبنى جدا كلام قلم رصاص

ومازلت على رايى بان البنت مظلومة

دمتى بكل ود

شاب فقرى

شاب فقرى يقول...

فتاة من الصعيد

هوا مش بيتباهى

الموضوع اتعرف لما فى واحدة بتحكى للتانية عن شخص

قالت لها دا مرتبط بفلانه

وعرفوا انه بيلعب باكتر من واحدة

ولسه فى ناس مكملين معاه

فهمتى الموضوع

هوا شخصية مش محترمة فعلا ولا تستحق ان تعيش بيننا

شكرا لتواجدك

شاب فقرى

شاب فقرى يقول...

7aneen

قالى القلب الرقيق اللى جوا البنت لازم يكون متغلف وبعيد اوى مش سهل اى حد يوصله

دى حاجة لازم تبقى فى كل بنت

عشان عالاقل الراجل يقدرها

يارب الناس كلها تعرف

اسعدنى تواجدك ومرورك

وربنا يسترها مع كل بنات المسلمين

شاب فقرى

شاب فقرى يقول...

عايز أصحى

دا توضيح جميل أوى

دا الواقع اللى بيحصل

المهم الواحد يقدر يتحكم فى مشاعره

ربنا يحفظ بنات المسلمين ويسترها معاهم ومعانا

شكرا لتواجدك ولزيارتك الاولى

شاب فقرى

شاب فقرى يقول...

وردشان smilyrose

ميتقالش فى الشخصية دى غير

حسبى الله ونعم الوكيل

وربنا يصبرنا على الشخصيات دى

شكرا لتواجدك وردك :)

شاب فقرى

فتاه من الصعيد يقول...

http://safagalal.blogspot.com/2009/12/blog-post_21.html

اعتقد انكم بتتكلموا على شخص واحد .... ولا الموضوع منتشر ولا ايه ؟

شاب فقرى يقول...

فتاة من الصعيد

شكرا جدا لتوجيهى للموضوع دا

انا علقت هناك
ومنتظر زيارة لمدونتى من صاحبة المدونة

يمكن نكون بنتكلم عن شخص واحد

أسعد الله ايامك

شاب فقرى

๓คภ๏ภค يقول...

انا جه ايون جه هههههههه

جميل البوست وردود الناس ماشاء الله كله فاهم

بس ف نقطة عايزة افهمها

يعنى هل الكابتن ده كان بيقول لكل واحدة خلى الموضوع سر ومحدش يعرفه

ولو كده مافيش واحدة منهم سألت نفسها هو ليه طلب منها كده ومحدش يقولى كان خايف عليها والافلام دى
من كلام الناس وحد يجيب سيرتها والكلام ده
طيب مافيش واحدة شكت ف تصرفات الكابتن ده بردو

ايه يعنى كان ساحرلهم ؟؟

الحمد لله ماحدش بيخطى الخط الاحمر عندى ولا ولاد ولا بنات

الا حد معين هو عارف نفسه وقد الامانة اللى انا امنته عليها انا واثقة من كده

المهم

انا هاعمل كوبى وبست وهاحط البوست عندى وهاقول انه انت اللى كاتبه

اوك واعتقد دى مساندة وده قصدك من النشر ولا انا غلطانة يا كرملة

نعكشة يقول...

هوه انا قريت التعليقاتومعنديش جديد اضيفة صراحة

سؤالي بقة
فينا الجديد في الموضوع اللي هنشره؟؟
يعني ما الموضوع معروف من زمان؟؟
دة حتى التلفزيون
و قناة الناس باين اتكلمت عنه

نا اية دوري في انشر حاجة الناس رغم انها عارفاها برضو بتقع فيها

مبنزهش نفسي عن شئ
بس مثلً ممكن اكون عارفة ان كذا بيأدي لكذا و معرفتش ابعد نفسي عن كذا برضو

ولا حضرتك تقصد ان فيه ناس لسة متعرفش
ان سواء في الحياة العادية
او الافتراضية
الولد بيحاول يوقع البنت
و بيوهمها انه كويس
وهوه تيــــت
ما الافلام كلها نشرت دة

ية فايدتي؟

سلامٌ عليك

أحمد عاطف يقول...

السلام عليكم

ازيك يا كريم

بادئ ذي بدء انا بحييك على البوست

ثانيا ... هو راجل وعمل كده ودا واطي

طيب والبنت اللي تعمل كده ممكن نقول عليها ايه ؟؟؟

يا كريم عالم التدوين زي ما شيما قالتلك مش عالم مثالي

وفوق كل دا اننا بشر وممكن نصيب ونخطئ

هو مأجرمش جريمة شنعاء ولا حاجه

هو لقى قدامه فريسة بتقوله اصطادني وهو اصطاد لا راعى حرمه ولا دين ولا راعى مشاعر

وهي مأجرمتش ولا حاجه هي دخلت النت في الاساس عشان تهرب من الواقع اللي هي عايشه فيه

وعاشت دور المشربية وبقت تكلمه من ورا الشاشة على اساس الشاشة مشربية

في كتير اوي في التدوين ليهم بدل المدونة 2 و 3 وكل مدونة بشخصية منفصلة وبيتعاملوا على ان كل مدونة بشخصية منفصلة

انا نفسي بقولها اهو انا ليا شخصية تانيه بأدون بيها يمكن في ناس قفشتني من اسلوبي وطريقتي من اول بوست وانت واحد منهم

وفي كتير زيي اوي بس الكارثة بقى في اللي بيستغلوا تعدد شخصياتهم دا في تعدد علاقتهم او تعدد علاقتهن وركز على نون النسوة

يعني الجريمة مش رجالي بس وعلى فكرة هاكتب لك بوست مخصوص في المدونة التانيه

تسلم ايدك

ليس فقيرا من يحب يقول...

السلام عليكم

ازيك يا فقرى ان شالله تكون بخير وربنا يكرمك ويجازيك خيرا على موضوعك واكيد ان النت زيه زى حياتنا هنقابل ناس وحشين اوى وهنقابل ناس كويسين اوى بس انا مع رأى ريسنا قلم رصاص ان لوحتى حصل بدايه اعجاب من النت يبقى العلاقه دى تتنقل لارض الواقع وتمشى فى النور وفى طريقها الصح بكسر باب البيت طبعا ونعتبره عريس متقدم عادى خالص ممكن القبول وممكن الرفض
اما اخونا اللى للاسف هاتبرى منه ومهش اخويا ولا عنت اعرفه فده مش نجرسه نستره وامرنا لله علشان احنا فى الاخر اخوات فى الاسلام ويمكن هو يعنى ربنا يكرمه ويعرف ان كل حاجه هيعملها سلف ودين

بس بناتنا وحبايبنا يفوقوا وينفضوا الذكرى السيئه دى ومش اى حد
نقابله نت او ارض او حتى جو يبقى
انسان جدير بالثقه
انا مش ضد النت ولا ضد التعارف فى حدود الاداب العامه ولاحتى ضد الزواج من النت طالما الامور بتمشى فى مسارها الصحيح والا يبقى لعب عيال واستهبال

انا ضد الغباء والجهل والظلم لان ده ظلم للبنت حتى لو السبب غفله منها وغباء من الراجل اللى فكر انه ممكن يلعب على كل الحبال
وجهل بدينا واخلاقنا وتقاليدنا

فى الاخر كل انسان يخلى باله من نفسه ومن مخه كويس وان وقع يقوم عادى جدا
وينفض هدومه ويمشى واثق الخطا انه مش هيقع تانى لانه اتعلم

ايه موضوع التعبير اللى بكتبه ده
موضوع قيم جدا يا فقرى
ربنا يجازيك خير عليه

ياااااااااااااااااارب رسالتك توصل

اقعد بالعافيه

غير معرف يقول...

يعنى اية مش فاهمة انا غبية انا عبيطة يعنى لية بتعمل فيا كدة لية بتحطم فيا على قد ماتقدر لية لو شايف انى مش محترمة خلا ص قولى مدخلش عندك تانى وانا واللة العظيم مش حادخل النت دة تانى عمرى معرفت حد قبل كدة ومش عايزة منك حاجة اقصى امنية ليا انى كنت اشوفك عندنا مرة واحدة لو من وراء ستارة لية بتقول اننا بنحب النكد محدش بيحب النكد لكن بينعود علية اهلى كلهم خارج مصر كلهم يوم العيد بيتصلوا لقونى ببكى لوحدى عارف ردهم اية قالوالى اية الجديد مانتى متعودة على كدة وضحكوا يعنى حتى مش بتكلم مع حد وساعات بستغرب واقول دة بيحب حد مشافهوش ولا حتى يعرف لى اسم طب ازاى وكمان كل مرةبكلمك بتقولى مش انا طب اعمل اية ارحمنى ارجوكككككككككككك

وحبي لك لن يموت يقول...

النت والحب في النت :(

لا اؤمن بعلاقات النت دي خالص
عشان الحقيقة فيه مش بتبان
واي ثينك مش بنشوف فيه غير الجانب الحلو
واما عن العيوب فانها في النت تختفي تماما :)

النت مش اساس متين
نقدر نبني عليه حب
وحياة ومستقبل !!

اه في ناس عرفوا بعض في النت
وكملوا
بس دول قليلين اوي اوي

مينفعش نقول البنت مش غلطانة
والبنت مظلومة
ليه هيا مش بتفكر يعني :@
اي نعم الواد اللي بتتكلم عنه
انسان غير محترم بيلعب بمشاعر الناس
عشان يحس انه حاجة
وهوا اصلا ولا حاجة
وشور في زيه كتير

بس البنت برده لازم تفكر شوية
ومش تسلم نفسها وقلبها
لاي حد كده لمجرد انه بيتكلم كويس
او كلامه بيقول انه شخصية محترمة
طبعا في ناس محترمين فعلا
لكن الكلام مش كفاية
مهو ممكن يكون بيقول كلام وخلاص
لا بيعبر عنه ولا بيكون مؤمن بيه اصلن اساسن

انا عن نفسي
مبقتش بعامل حد بحسن نية
ولا بحط ثقتي الكاملة في اي حد كده
غير لما يتحط تحت المجهر
ويتم دراسته بعناية ^^

مش بقول ان النت حاجة وحشة

بس برده فيه الوحش
ولابد ان نبقى مدركينه !

انا مدايقة اوي من الوله ده
بس ربنا كبير

وبجد بشكرك جدا على هذه الرسالة
لكل مدوني الارض ^^

جزيت عنا الخير اخي الكريم

بحر الالوان يقول...

صديقي العزيز
خلينا نتفق علي شوية حاجات بسيطة
1- معاك ان البنت هي اللي معاها تسجيلات .... بس بما انكم بتقولوا ان هذا الشاب من العيال المخلصة ....3 علي شماله و 3 علي يمينه ... فمن المتوقع جدا زي ما البنت تكون عامله يكون هو عامل زيها ومحتفظ بارشيف للانتصارات والغزوات بتاعته ... كوسيلة للضغط او التفاخر او الابتزاز

2- بافتراض وجود تسجيلات ايا كان نوعها .... التسجيلات دي عرضة للتداول من اي مصدر كان ... في الحال دي عرضة للانتشار بشكل خاص او بشكل علني .

3- نجي بقي للقانون بيقول ايه في القصص دي ....في باب في قانون العقوبات في القسم الخاص لجرائم العرض والاداب العامة والاعتبار ....الباب دا في شوية تجريم لحاجات من النوع دا زي

- الفعل الفاضح العلني او الغير العلني ....ودي جرائم خاص بالاناث طبعا
- التعرض لانثي علي وجه يخدش حيائها ....زي الايميلات الخاصة المشينه او رسائل اس ام اس

والجرائم دي ماتعتبرش من جرائم النشر وان يمكن استخدامها من قبل اي فتاة تتعرض لمثل هذا النوع من المضايقات

في جرائم تانية اللي النشر فيها او التشهير بيبقي ضلع اساسي - زي قصة مرتضي وشوبير كده - اللي هيا
جرائم السب والقذف ...واظن الكل عارفها دلوقتي

- في شوية جرائم تانية بتبقي مقترنة بالجرائم الاولي ... زي الابتزاز او التحريض علي الفجور .... وقصة كده طويلة

4- في وحدة الجرائم الالكترونية في وزارة الداخلية ... ودي شغلتها التحقيق في الجرائم اللي بتحصل في بيئة الانترنت ..وبامكانهم الوصول الي الشخص المتسبب في التشهير او الاساءة اذا مجهول .. اما اذا كان معلوم ممكن الانسان يوجه بلاغ فيه مباشرة .

5- الشركات زي جوجول وياهو.... الخ هي شركات عالمية اي نعم وملتزمة بالسرية بس برضه ملتزمة بقوانين البلاد التي تعمل فيها وخاضعة له ... ومجبرة علي التعاون في مثل هذه الحالات .... ياعني الدنيا مش سايبه ...هي بس شكلها كده


الخلاصة ان اي حد معاه تسجيلات صوتية او الكترونية الافضل له يتخلص منها ويبطل شغل عيال ..... لانها ظهورها معناه فضيحة للفتيات واحتمالات سجن للشبان دا غير البهدلة طبعا

ونداء بقي لكل مدوني الارض ..... الكلمة مسئولية ونعمة من المولي سبحانه وتعالي ... مش من حقك تشهر او تشتم او تتدني بالالفاظ .... لمجرد ادعاء الحرية او الخلاف مع حاكم او عالم او شخص ...الخ .... البشر لهم حرمات .... والبطولة ليست في الفحش بالقول ....وانما بالتزام الادب والرقي....لانه باختصار ......كما تدين تدان

والله اعلم

تحياتي

فكرة من الزمن ده يقول...

احيييك بشدة يافقري واشكرك
اووووي
واوعدك اني انشره عندي
ربنا يجعله في ميزان حسناتك
جميل جدا وايجابي جدا
تحياتي

اقصوصه يقول...

ليش العالم ااسود...؟

شاب فقرى يقول...

منونة

تقريبا كان عامل عمل فى رجل نملة

النوع دا مش محتاج أعمال

هوا كفاية عليه يقول كلمتين

شكرا للمساندة

ربنا يحفظك ويعزك يارب :)

شاب فقرى

شاب فقرى يقول...

نعكشه

شكرا لرأيك

الصراحة المساندة ان اى حد يقرا الموضوع دا ياخده على نفسه

يعنى لو اتكلمتى فيه

مش لازم تنشرى موضوعى ولا تاخديه كوبى

بس اتكلمى فى الموضوع مش اكتر

قولى راي بصوت عالى

بس كدا

:)
خالص التحية والتقدير والإحترام
شاب فقرى

شاب فقرى يقول...

أحمد عاطف

وأنا بحييك على انك قلت رايك وانا كنت مستنى رايك بالذات

يمكن لانى بثق فى رايك اوى اوى

وزى ما انته بتقول هوا لقى فريسة قدامه

ليه مش يستغلها

مع ان الحيوانات المفترسة
لما بتكون شبعانه وبتلاقى فريسة

مش بتقرب منها

دا مريض يا صديقى

الله يشفيه

شكرا لرايك وتواجدك

شاب فقرى

شاب فقرى يقول...

ليس فقيرا من يحب

والله انا رأيى زى كدا بالظبط بالظبط بالظبط

يعنى انا بثق فى النت لانى واثق فى مبدأ العدل اللى قلت عليه

وهوا الطيبين للطيبات

والخبيثون للخبيثات

:)

وكدا قلم رصاص بياخد نقطة زيادة

:D

وانا كمان

شكرا لرأيك وتواجدك

ربنا يحفظك ويعزك

شاب فقرى

شاب فقرى يقول...

وحبى لك لن يموت

أهلا وسهلا بيكى فى المدونة

البنت برده مش غلطانه لانها انسان وبيحس ووضعت ثقتها فى شخص

بس هوا اللى حقير

لازم كل شخص فى حياتنا يكون تحت المجهر

انا بعمل كدا فى حياتى


مفيش حد بيدخل

غير لما يتفحص كويس

شكرا لرأيك وتواجدك

شاب فقرى :)

شاب فقرى يقول...

بحر الألوان

أولا :
الشاب دا كان بيقعد من سيبر يعنى لا معاه تسجيلات ولا اى حاجة

ثانيا :
انته شكلك بتفهم فى القانون ودى حاجة أحترمها فيك

بس الناس دايما بتحس ان عالم النت هوا عالم الحرية بلا قيود

مع ان واحد زيى يقدر يوصل لبيانات اى شخص ويعرف هوا مين بسهولة جدا
فى مليون طريقة مش الحكومة ومباحث الانترنت بس

------------

ونداء بقي لكل مدوني الارض ..... الكلمة مسئولية ونعمة من المولي سبحانه وتعالي ... مش من حقك تشهر او تشتم او تتدني بالالفاظ .... لمجرد ادعاء الحرية او الخلاف مع حاكم او عالم او شخص ...الخ .... البشر لهم حرمات .... والبطولة ليست في الفحش بالقول ....وانما بالتزام الادب والرقي....لانه باختصار ......كما تدين تدان
---------------
ذكرت الخلاصة فى كلامك :)

شكرا لتواجدك واتمنى زياراتك تدوم للمدونة

شاب فقرى :)

شاب فقرى يقول...

فكرة من الزمن دا

:)

الحمد لله

شكرا للمساندة والدعم

بس ياريت عند النشر تكتبى رايك قبل او بعد المنشور

:)
خالص التحية والتقدير والاحترام

شاب فقرى

شاب فقرى يقول...

أقصوصة

إنها الحياة

بها الصالح والطالح

إنها الدنيا

الكل يلهث خلفها

شكرا لتواجدك

شاب فقرى

سلمى يقول...

اولا ارفع القبعه احتراما ليك
وانت بجد شخصيه محترمه وانا عارفه انك مش كاتب البوست ده عشان الناس تشكر فيك انا عارفه ان مش ده هدفك
بس انا بجد ويمكن قولتهالك قبل كده انت دماغك نضيفه
وبكررها تانى انت شخصيه محترمه فعلا وانا من افضل الحجات اللى حصلت انى دخلت مدنتك
طبعا كل كلامك على راسى بس لازم كل شاب يتقى الله ويصحى ضميره وكل بنت متحولش تدور على علاقه من النت مش كل علاقات النت غلط ووحشه بس هى علاقه مش مضمونه يا تنجح يا تفشل ولما بتفشل بتكون كارثه(انا شخصيا برفض رفض تام علاقات النت)
وفى الاخر
شكرا لانك نبهتنى ونبهت ناس كتير بس انا ولله الحمد مبتعرفش على حد او بحاول انى موصلش للدرجه دى
ان شاء الله حنشر البوست فى مدونتى ده بعد اذنك طبعا
(انا قريت فى التعليقات انك حتنزل اسكندريه اسكندريه بجد حتنور واهلا بيك فيها للمره التانيه)

شاب فقرى يقول...

غير معرف :)

أهلا وسهلا

أولا:
والله انا لحد دلوقتى مش عارف مين حضرتك

ثانيا :
أنا مذكرتش فى كلامى خالص إنك مش محترمة أو غبية أو عبيطة أو كل اللى قلتيه دا

ثالثا :
مش فاهم نقطة أشوفك دى

رابعا :
أنا مقلتش بتحبى النكد لانى معرفش انتى مين لحد دلوقتى

خامسا :
إنتى بتقولى بتتصلى وبقول مش أنا

والله العظيم أنا ما أعرف بتتكلمى عن إيه نهائى

أنا عمرى ما اديت حتى رقم موبايلى لاى حد

غير اصحابى المدونين القريبين اوى

وكمان الشباب منهم

انما غير كدا محدش

وتقريبا هما شخصين بالظبط

وكنت هقابلهم فى لقاء تدوينى او فى أمسيه شعرية

لكن حضرتك جبتى رقم منين ؟؟؟
معرفش
بتتكلمى مع مين وبيقولك مش انا ؟؟؟
معرفش
بتكلمينى وبتتهمينى بكل دا ليه ؟؟؟
معرفش
أرحمك إزاى ؟؟؟
برده معرفش

لكن اللى متأكد منه كويس جدا

إنى عمرى ما كتبت كلمة فى المدونة هنا لشخصية بعينها
عمرى ما حاولت أقرب من حد ولا طلبت إضافة من حد ولا رقم موبايل ولا من اى حد نهااااااااااااااااااااائى

فمش عارف حضرتك بتتكلمى عن إيه ...

لو عايزة تعلقى تانى

يبقى مطلوب من حضرتك كام نقطة :
- الإلتزام بالموضوع المكتوب
- عدم التدخل فى أمور شخصية وحاجات أنا والله ما أعرفها ولا حتى أعرف إنتى مين
- توضحى شخصيتك

مش بطلب من حضرتك حاجة ولا مستنى تعليق تانى

أنا رديت عالتعليق دا لسبب واحد
لأنى مش عايز أعلق حد بيه وهوا ميعرفنيش ولا ليه بيه أى علاقه غير إنه بيقرا كلامى



كل اما بقرا تعليق زى دا بحس إنى بنى آدم معندوش دم وبفكر أبطل أكتب لأنى بظلم ناس معايه كل ذنبهم إنهم بيقروا لى وبيحترمونى وبيفكروا ويحلموا وبس
يمكن المشكلة من عندك
بس انا اكيد معنديش أى فكرة عن المكتوب ولا عن اللى قلتيه

خالص التحية والتقدير والإحترام

شاب فقرى

Just Smile يقول...

تعرف انا قريت ومش مصدقة اصلا اللي بيحصل ده؟؟ بصراحة بصراحة مش مستوعباه افتكرني عبيطة ع نياتي اي حاجة

بس ازاي اصلا ده يحصل ههههههههههههههه حاسة انها نكتة بصراحة

بس هعمل نفسي قال ايه صدقت (ع فكرة انا مش بكذبك بس عقلي مش عاوز رافضها يمكن)

بص م الاخر انا احتقر الانسان اللي بيلعب ده..وانا اصلا معرفش مين هوا بس بالعقل كده ده انسان معقد ومفيش انسان محترم يعلق كذا واحدة كده او يعلق ليه اصلا

ومش هتكلم اكتر ع الموضوع بس هعلق ع كومينتك..نسبة النجاح ف اي علاقة ع النت حوالي 1% وبعدين العالم الواقعي مليان بشر وبني ادمين مينفعش نيجي ف العوالم الافتراضية ونظن اننا احنا الواحد ف الميه ده..ديه سذاجة

والموضوع ده اثبتلي ان فيه بالفعل ازمة رجالة..

ربنا يهدي الجميع

تحياتي

شاب فقرى يقول...

سلمى

:)

بجد شكرا لتعليقك ورايك فى المكتوب

أكيد إسكندرية منورة بأهلها

عندك حق فى موضوع علاقات النت

انا بنصح اللى بيقلق انه يقفل على نفسه وميعرفش حد ودا هيكون احسن له

إنشرى البوست
وإكتبى رايك فيه طبعا عندك :)

شكرا للمساندة ورأيك فى دماغى
جزاكم الله كل خير

خالص التحية والتقدير والاحترام

شاب فقرى

ماء تشرين يقول...

عارف هى مشكله فعلا لانو لااسف النت دلوقتى حيات ناس كتير اوى مش بيلاقو منفذ للحياه غير من خلاله بس بجد هقول لشاب ده بس ربنا هينتقم منك والله الا بنات الناس والله بجد ربنا مش هيسيبك والبنات بقه هقولهم والله اى بنت لو فكرت بشويه عقل بس هتعرف القدمها ده كويس ولا وحش شويه عقل صغيرين بلاش ننجرف بمشعرنا ومش هقول غير حسبي الله ونعم الوكيل في كل واحد استغل براءه وضعف واحده بس عايزه اقولك انو مفيش فرق عند البنات في الحب بين المتعلمه والريفبه زاى مبتقول الحب هو الوتر الحساس عند المرأه ربنا يهدى الجميع وبجد انت حد محترم اوووووووووى

جارة القمر يقول...

هو فى ناس كدا ؟؟؟

انا اتفق معاك ان البنت مش غلطانة كل الموضوع انها وثقت فى حد و حبته و دا مش ذنب

الانسان دا غير محترم بالمرة و ماعندوش اخلاق نهائى على اساس ان بنات الناس لعبة مثلا

علاقات النت مش وحشة و فيها كتير اوى كويس كله يعتمد على صراحة الاتنين و مدى احترامهم ... يعنى من الاخر العيب مش فى النت العيب فى اللى بيستخدمه

بالنسبة للمساندة فبما انى بثق فى كلامك و رأيك فأعتقد انه كلام مش مفبرك واكيد هساعد فى نشره بس انا هاخد كلامك كوبى مش هكتب انا هقول رأيى طبعا واسيب ليك المايك بعد كدا موافق انى اخده كوبى ولا وهقول طبعا ان الكلام دا بتاعك انت للامانة يعنى ؟؟؟؟

حنين الذكريات يقول...

السلام عليكم أول مره اعلق عندك
انا معاك ان البنت مش غلطانه هتعمل ايه فى واحد دكتور فى فن التخدير بكل أشكاله وبيقول كلام من القلب نابع من شوية أحاسيس بيقول انه بيحسهم وكل كلامه كدب وخداع ومفيش حد خد باله من كذبه حتى فى مدونته ولا فى كلامه المتناقض
البنات المخدوعين معذورين الشاب الملاوع بيحط السم فى العسل
والمشكله ان البنات فى الوقت ده بتاخد النصيحه من الصديقه او الصديق او من تجارب على النت وبعيد جدا عن اهلهم وعن الام بتحديد اللى لمفروض تكون اقرب مايكون لبنتها
وعالم النت زى اى عالم ولكنه اعتبارى
ولما قريت بعض التعليقات ناس كتير بتقول انهم ضد اى علاقه على النت وهما عاملين علاقات كتير على النت وده بيبان فى مدوناتهم

سلمى يقول...

معلش يا فندم بس انا قريت التعليقات وردك عليها قريتها اكتر من مره
حضرتك بتقول البنت مش غلطانه البنت مش غلطه
ازاى مش غلطانه انا رئى انها غلطانه واوى كمان يعنى ايه تكلم واحد على التليفون ويعنى ايه تسمح لحد انه يعلقها ويسمعها فى كلام وهو ما هو الا مجرد شخص متعرفش عنه غير اللى هو قاله
لازم نغلطها عشان متوقعش فى نفس المشكله دى مره تانيه ولا هى ولا غيرها من البنات
معنى انها مش غلطانه يبقى اى بنت تكلم ولد وتمشى معاه وهو ملهوش اى صفه فى حياتها تبقى مش غلطانه
معلش اختلف معاك فى النقطه دى

حـــلـــم كــــان يقول...

انا مش عارفه اللى بيعمل كده بيستفاد ايه

ايه الناس المعقده دى


ليه كده ؟

إبتسامة ملاك يقول...

ربنا يكرمك ويعزك

كلنا اتعرضنا لمثل هذا الموقف

ربنا يكرمك ويسعدك خير
وجزاك الله كل الخير

ايناس

lostlove يقول...

معاك حق البنت مش غلطانه
علاقت المدونين ولا الشات ولا عن اي طريقه من طرق النت الكتير
مش كلها فعلا وحشه
وزيها زي اي حاجه تاني
انا هنشر الموضاع في المدونه عندي
مع انها جديده
ومفاش حد تقربيا
او مفهاش حد بيكتب تعليق
بس الموضواع ده هيفيد ناس كتير انا اعرفهم
عشان في منهم كتير اتعرض لمواقف زي ده
وعاش علي الامل
تحياتي واتمني التوفين

lostlove يقول...

بوص بقي انا نشرت الموضواع ومش استنيت انك توافق سوري بجد
ولو كان في اعتراض قولي وانا هيشلو
تحياتي

شاب فقرى يقول...

ماء تشرين
أهلا وسهلا بيكى فى المدونة بعد طول غياب

الحب فعلا هوا الوتر الحساس عند المرأة وعند أى إنسان بيحب بجد

بيخليه يلغى عقله ويفكر بقلبه بس

مش بيحط أى إحتمالات للخطأ

وكمان للأسف إن فى ناس عايشة زى الشخص اللى فى البوست دا وبيجرحوا ناس كتير

الموضوع نفسه معصبنى ومزعلنى ومش لاقى حل

مفيش حل أحيانا لتغيير الثقافة عند الناس
أفكارهم ومعتقداتهم :(

للأسف

شكرا للتواصل والتواجد والرأى

خالص الإحترام والتقدير
شاب فقرى

شاب فقرى يقول...

جارة القمر :)

العيب فى اللى بيستخدموا النت

رأى صائب

لأنى أعرف ناس كتير محترمة وأعز صحابى عرفتهم من النت

هذه حقيقة

بل أحيانا النت بيجمع ناس لا كانوا عالبال ولا عالخاطر ببعض

شكرا لرأيك

وتقدرى تنقلى الموضوع :)

ولازم تقولى رأيك تانى بعد النقل :)

أسعد الله أيامك

شاب فقرى :)

شاب فقرى يقول...

حنين الذكريات

أحيانا بكون معارض كافة علاقات النت لما بتصدم فى أكتر من شخص

اللى قال إنه معارض وهوا فعلا عامل علاقات وليه أصدقاء من النت نو بروبلم

المهم يكون صادق مع الناس ومش بيلعب بأفكارهم وعقولهم ومشاعرهم :(

شكرا للزيارة وإبداء الرأى

شاب فقرى

شاب فقرى يقول...

سلمى

إفتراض حسن النية فى الآخرين بشوف أنها مشكلة عند الناس

لما واحد يكلمنى ويحكى لى عن حياته وبشوف إنه كويس

بزعل أوى لما بكتشف بعد كدا إنه وحش

أنا فى الأول إفترضت حسن النية على الأفعال والتصرفات والكلام

لكن ظهر بعد كدا إنه مش وحش

الغلط مش علي البنت لأنه مخدعتوش فى حاجة

الغلط عليه لأنه كدب وإفترى عليها وعلى غيرها كتير

هى غلطها الوحيد فى إفتراض حسن النية لدى الآخرين

:)

أسعد الله أيامك :)

شاب فقرى

شاب فقرى يقول...

حلم كان

إنها الحياة

وطبعها الدائم أن يكون فيها الصالح والطالح
:)

الموضوع منشور للتحذير للجميع

وآسف لو كنت أظهرت الحياة سوداويه شوية


مش أكتر

بس كدا :)

أسعد الله أيامك

شاب فقرى

شاب فقرى يقول...

إبتسامة ملاك (( إيناس ))

الحمد لله الذى أعطانا الإيمان لنكمل به حياتنا وننسى ما فات ونتعلم من اخطائنا

أكيد كلنا مرينا بشخص مثل دا فى الواقع

المهم نأخذ حذرنا وننتبه بعد كدا فى حياتنا ومش ندخل أى حد فى حياتنا

أنا عن نفسى قابلت بنات كتير قبل كدا بالشكل دا

:)

شكرا لتواجدك :)
شاب فقرى

شاب فقرى يقول...

lost love

:)

شكرا لرأيك وتواجدك

لست بحاجة إلى طلب نشر البوست

فمن حقك نشر البوست والتنبيه

فأى موضوع أكتبه للمصلحة العامة فهوا ليس ملكا لى وإنما ملك لمن يسمعه ويقرأه

دخلت عالبروفايل ملقتش مدونات ممتلكة ليكى

حاولى تظهريها فى البروفايل :)

ومبروك المدونة :)
خالص التحية والتقدير والإحترام

شاب فقرى

donya يقول...

مساء الخير

ماعنديش غير
حسبي الله ونعم الوكيل

معقول في كده
ده اكيد مريض نفسي

تحياتي

الشاعر الفنان أحمد فتحى فؤاد يقول...

عزيزى

أنت رائع .. واضح وضوح الشمس ..
جميل جدا موضوعك هذا .. أسلوبك فى الكتابة و التعبير متميز

و الله سعدت بزيارة مدونتك الأولى و لن تكون الأخيرة
أحمد

mimi يقول...

كريم
أنت ليه شرس؟
ليه دايما كل أما أجي أقرالك ألاقيك زي ماتكون بتتخانق ؟

وإن أسلوبك في توصيل رسالة إن اللي عاوز يقرا يقرا ، واللي مش عاوز في ستين داهية .. مش فيه أخوية وود
" طز لو مش عايز تقرا متقراش ولا تطلب وجهة نظرى
"

ده أولا

ثانيا : كل سنة وأنت طيب

ثالثا :/ شدني عنوان البوست ، قلت أشوف كاتب إيه
لقيت موضوع بجد تسلم إيدك عليه ، أشكرك من قلبي علي توجيهك ونصحك وأتمني الكل يفوقوااااا

مع ارق تحياتي

mimi يقول...

ياكريم ، الفساد مرض أصاب البشر أيا كانت صفاتهم فمش غريب خالص اللي بنقراه ونسمعه وكمان نعيشه علي الانترنت

الوعي هوا الحل
وده أنت بادرت بيه من هنا ، أشكر ذكائك ،

تحياتي

Isolde يقول...

الموضوع كبير و مش سهل حتي الكلام فيه، علي الاقل بالنسبة لي... هو الواحد محتار، يعني ما تقدرش تقول ان اللي بيثق بهبل في اي حد مش غلطان، الحذر واجب، بس ترجع تلاقيك بتقول لنفسك، طيب و ايه العيب في ان بني آدم يثق في اخوه( بني آدم زيه يعني و ايا كان مسمي العلاقة) العيب عاللي يخون الثقة دي و نرجع نقول لا، اللي عاب علي اللي ادي الفرصة لخاين انه يخون و الدايرة تلف في دماغي و الاقيني باقول البيضة الاول و لا الفرخة و انا ... ما اعرفش، بس من ردودك علي التعليقات المرة دي، و دي شهادة جت متأخر، بس احب اقولك "انا باحترمك" و اعرف ان ليك اخت كبيرة في سوهاج(حاليا للاسف في امريكا يعني) تخبط علي بابها لو احتجتها في اي وقت... ربنا يبارك لك
:)

شاب فقرى يقول...

donya

المرضى ليس عليهم حرج

ولكن شخص عاقل وواعى للحياة ؟؟

ياترى ...

بيعمل كدا ليه ؟؟؟

حسبى الله ونعم الوكيل

شاب فقرى

شاب فقرى يقول...

الشاعر الفنان أحمد فتحى فؤاد

شكرا لوجهة نظرك ورأيك وإن شاء الله لن تكون الزيارة الأخيرة
خالص التحية والتقدير والإحترام
شاب فقرى

شاب فقرى يقول...

mimi

مش بقصد أكون شرس

لكن بكون متخمس لأى قضية بناقشها

وبكون واثق فى نفسى وفى ذاتى ورأيى

فعشان كدا البعض يحسها شراسة

والحقيقة ان فى ناس بتدخل تسيب رأى وتشتم أو تقول كلام مش كويس بحجه إن كل واحد حر

لكن الحرية لأى شخص تقف عند حدود حرية الآخر

وكل عام وإنتى إلى الله أقرب :)

شكرا لرأيك فى البوست
والمكتوب :)

الوعى هوا حل لكل المشاكل

وتغيير التفكير والثقافة ليس بالساهل أبدااااااا
شكرا لرأيك وتواجدك
أسعد الله أيامك
شاب فقرى

شاب فقرى يقول...

isolde

عشان مقعش فى الدايرة دى حاولت أحدد نوايا الطرفين

وإقتنعت برأيى ووقفت فى صف البنت ودا الحل الأسلم والأفضل

:)

ترجعى بالسلامة من السفر سالمة وغانمة بعون الله وتقدرى تنورى بلدك بفكر ناضج ومستنير وواعى بجد ... مش هتنوريها لأنه فكر جاى من بلاد برا ..لاء .. عشان دا فكر مصرى متحضر وواعى يحمل عراقة الماضى ودهاء الحاضر وأمل للمستقبل

طبعا ليه أخت وأنا معترف بدا وفى سوهاج وحاليا فى أمريكا

شرفتينى ونورتى المدونة

أسعد الله أيامك :)

شاب فقرى

ملاحظة ....الإحترام متبادل :)

Mercy Devil يقول...

سيدى الفاضل
العقد النفسية وراء كل ذلك هذا الشاب موجود فعلا بلا خلاف لكننا لا نلقى باللوم عليه وحده فمن سمح له بالاقتراب شريك له فى ذلك
ايضا ....
هو واضح انو مريض نفسى بالعربى ياخد اللى عاوزه ويخلى البنات تحبه وبعدين يخلع منهم اكيد مش انسان عادى ولا طبيعى ولا حتى رومانسى لانك لو سالته هيقولك انا لسه بادور على الانسانة اللى اتبط بيها
عموما الشاب ده مش نادر ولا فريد بالعكس هتلاقيه اى شاب وممكن معظم الشباب كمان اللى عارفين نفسهم كويس والبنات برضه مش ملايكة انا اعرف بنتمدونة برضه كانت بتضحك ع الشباب ليه ؟؟؟؟ علشان التعليقات فى مدونتهاتكتر
سيدى الفاضل / لسنا ملائكة ونأمل آلا نكون شيطاين "فنحن بشر من طين "
وعلى فكرة شيما عندها حق ! لانى برضه مستغربتش الحكاية لانها قديمو مووووووووت ونعرف ناس كتير اتاذو منها سواء رجالة ولا بنات
عموما ربنا يهدينا ويهدى الجميع
بلوج ممتاز

غير معرف يقول...

مبروك مكنتش اعرف غير امباح مكنتش كتبت لك الكلام اللى فات بعتزر مبروك مرة تانية مفيش داعى لاى كلام تانى كل شئ انتهى ...........وداعا

شاب فقرى يقول...

Mercie Devil

اللهم اكفنا شر عقدهم النفسيه

شرفتنى بالزيارة الاولى للمدونة وابداء الرأى :)

شكرا لرايك فى البلوج

خالص التحية والتقدير والاحترام
شاب فقرى

شاب فقرى يقول...

غير معرف

مش لاقى كلام يقال

غير ان البنى ادم لازم يحترم مشاعر الآخرين

لان كدا كل اما بتكتبى تعليق غامض من دول بتحرقى دمى

يا اما توضحى ... عشان افهم فى ايه

يا اما متعلقيش تانى

لانى مش عارف اساسا انتى مين ولا بتعملى كدا ليه

أستغفر الله العظيم

شاب فقرى

Angel يقول...

مساء الخير .. كريم

أنا آسفة أن تعليقي متأخر بس أنا تابعت الموضوع من البداية وقرأت جميع التعليقات وردك عليها
أنا مش هقول كلام زيادة عليهم بس وجهة نظري اتفقت مع ناس كتير منها
ومع رأيك في باديء الأمر ..
.. معاك في مسألة أن العيب مش في أداة التواصل إنما في استخدامها ..
.. وأن الثقة لازم متكونش ثقة عمياء .. تبقى في حدود ومع وجود الحذر .. لأن اللي حصل ده كان ممكن يحصل وبيحصل من أقرب الأقربون مش بس عشان هو واحد من النت لأ ممكن تحصل من قريب واحد من العائلة واحد من الأصدقاء ممكن يبقى خطيب الإنسانة دي .. والشيء الوحيد اللي ممكن يردع أي تصرف هو اتخاذ الحذر والثقة في حدود
..........
يعني تقدر تقول إنها حماية كان لابد منها ... عشان منرجعش نقول ياريت !!
..........

طبعاً عاجبني وقفتك جدا .. ودفاعك وكمان دفاعك عن البنت بأنك كل شوية تقول أنها مش غلطانة .. هي مش غلطانة لأنها لما حبت وثقت بزيادة
بس طبعا غلطانة لأنها وثقت بزيادة كان لازم تثق بحذر .. ولكن
قدر الله وما شاء فعل ..

وأخيراً : فأنا أكن لك خالص الاحترام
وبشكرك على وقفتك دي
وتم نشر الموضوع

دمت بكامل الاحترم والود
يا كريم

Angel love

زى الهوا يقول...

البنت كائن رقيييييييييق جداااااااا , اقل كلمه تأثر فيه , واقل حاجة تكسره , وكتير اوى من الولاد بينتهزوا الفرصه دى

بس ارجع واقول البنت عندها قدرة باطنه جواها هيه مش حساها , تقدر بيها تميز بين الصح والغلط وترتكن كل مشاعرها واحاسسها على جنب , بس للأسف معظمهن ما بيتسخدمش القدرة الخارجة اللى عنده فى التمييز

معظمهم بيمشى مشاعره قبل عقله :)

وف النهايه شكرا بجد على موضوعك الجميل , ونصيحتك اخى العزيز وصلت

ما علينا يقول...

السلام عليكم ورحمة الله وبركاته

كلنا متفقين ان الموضوع مش جديد ومش حادثة
والنت زيه زى أى تجمع بشرى
وارد جدا وجود النماذج السيئة مع النماذج الجيدة
ما البنات بينضحك عليها فى الجامعه وفى الشارع وفى الشغل

ومفيش حاجة اسمها البنت مش غلطانة
البنت بتتحمل الجزء الأكبر من المسئولية ليه لانها هى صاحبة القرار النهائي فى بداية التجربة من عدمها

خلينا معاك
اداته تليفونها وايميلها وفوق دا كله اداته دماغها وسلمته ودانها والباشا لحن وغنى وقسم بمزاج
هتقولى مشاعرها وقلبها ومش غلطانة انها صدقته لا طبعا غلطانة
تقدر تقولى اداته الثقة دى كلها بناء على ايه

فين دينها فين عقلها
ما بنى على باطل فهو باطل
والغلط ما يجيبش غير الغلط
هى غلطت واجرمت فى حق نفسها انها اداته ثقتها وسلمته عقلها يلعب بيه
وغلطت تانى انها بتتغنى وتنشر حكايتها
مع التعجب كل التعجب من حكاية تسجيل المكالمات وعدم اقتناعى بالمبررات اللى انت قلتها

واعذرنى مش لازم تبقى بنت من الريف علشان ينضحك عليها ويتسرح بيها بنات الريف أكثر حرصا ودراية ووعيا من انهم يتلعب بيهم بالشكل الطفولى

مستغربة انا جدا من ربطك بين الجهل وعدم التعلم و بين الريف وقاع الريف
اعتقد دى وجهة نظر قديمة جدا اكل عليها الزمن وشرب

زى ما تكون كونت رايك من خلال فيلم ابيض واسود ضحك فيه البطل اللى جاى من المدينة على بنت خولى العزبة

الفكرة دى قديمة جدا وبنات الريف حاليا بيتمتعوا بوعى وثقافة وحسن ادراك ما تخليش ولا عشرة بل ولا الف من الشباب دول يقدروا يلفوا دماغها

المفروض انك تكون مواكب للعصر ومتابع تطور الفكر فى جميع الأنحاء

ويجب عليك انك تفكر بشكل موضوعى
يعنى مثلا انت سمعت الموضوع من الطرف الآخر علشان تحكم عليه

مش يمكن البنت دى بتعيش عليك الحياة
اصل اللى يخليها ييجي فى دماغها ودى حاجة غريبة اوى انها تسجل مكالماته المفروض يعنى انها مش من السهل تنخدع
وانسانة محترمة ومعتزة بكرامتها صدقنى كانت هتدفن موضوع زى دا فى طى النسيان
لان المفروض اذا بليتم فاستتروا

من رأيي عليك أن تتحرى صدق الرواية أولا ولو انت فعلا عايز تكون ايجابي وتعرف الشخص دا يبقى تواجهه وتدعوه علانية للدفاع عن نفسه طالما انت اخدت الموضوع على عاتقك

لاحظ انك دون وعى او بوعى الله الاعلم خلقت نوع من اللغط بين المدونين والمدونات اللى في دائرة معرفتك لان حالة من الشك هتتبادر الى هن الجميع وقد يدخل ابرياء ضمن هذه الدائرة وتضيع ثقة قد تكون كانت موجودة

يبقى واجب عليك انك تتشجع ادبيا وتخاطبه هو فقط طالما انك تعلمه والأخت بطلة القصة المفروض تحمد ربنا ان ربنا خلصها منه من البداية وظهرت حقيقته دا لو هى صادقة فى روابتها

وياريت مرة تانية ما تبقاش تاخد بنات الريف كمثال للجهل والسطحية
بنت الريف صدقنى بتعتز بنفسها جدا وبتحافظ على كرامتها ودايما حاطة فى دماغها اهلها وحرصها عليهم

وانا واحدة من الناس فخورة جدا انى من الريف ويا عم من قاع الريف بل من مجاهل الريف
ورغم كدا عمر دا ما كان سبب انى اوزع ثقتى اعتباطا او كل ما حد يحكيلي حكاية اصدقها او يقولى كلمتين خلاص اتثبت
وحاطة لنفسي حدود وعارفة انا داخلة النت ليه وعلشان ايه
وزى ما ناس من اللى سبقونى فى التعليق قالوا
النت وسيلة شكل استخدامها احنا اللى بنحدده

واذا كانت الاخت صاحبة القصة انضحك عليها ودا انا اشك فيه فهى يبقى كان عندها استعداد لكدا ولاغية عقلها ودماغها لانها ببساطة كانت داخلة النت تحب وتتحب
بدليل انها مش قادرة تتخطى الموضوع وتعتبره درس تتعلم منه وصفحة سودة تطويها او تقطعها


نصيحة بجد وبكل موضوعية تحرى صدق الرواية و طالما نوهت عنه ونشرته وخلقت تساؤل داخل الكثيرين عن شخص هذا المدون وبكدا شككتهم فى ناس كتير حواليهم
يبقى تناقش الموضوع معاه ومعاها علانية


غريب جدا موقفك ورأيك ان البنت مش غلطانة

اسمح لى أسألك
دى لو أختك هتشوف أنها مش غلطانة
وياريت تجاوب السؤال دا بينك وبين نفسك بصراحة


اسفة جدا على الإطالة

سلام

رحله البحث يقول...

عزيزى شاب فقرى
فعلا البوست بيتكلم عن موضوع مهم جدا و للاسف كتير من الشباب بيعملوا كده لدرجه ان فى مره فى الشغل قابلت احد الاشخاص متزوج وعنده طفلين وبيكلم بنات ع النت وبيقولهم انه مش متجوز فكرت ساعتها ليه وايه وجه الاستفاده ملقتش اجابه لسؤالى غير ان الاشخاص دول مرضى وللاسف مفيش ليهم ضمير يأنبهم على الكدب ده
متفق معاك تماما فى كل كلامك واحييك على اثاره نقطه لازك كل اخوتنا ياخدوا بالهم منها
وللاخوات الفاضلات بالله عليكن ظنوا السىء دوما حتى يتبين لكن الحسن
توقعوا دوما سوء النوايا حتى يثبت العكس
قلبك ومشاعرك اغلى ما فيكى فلا تضيعيها لعبه بين اصابع تعبث بلوحه مفاتيح
الشخص الجاد تستطيعين تميزه فى لحظه فلا تغمضى عينيكى
تحياتى واسف على الاطاله

غير معرف يقول...

طيب بجد مش عارفة أبتدي منين ولا اقول ايه

كان نفسي اول مرة ادخل مدونتك تبقي في ظروف احسن من كدة

بس لما وصلني انك جيبت سيرة الموضوع حبيت بس اشوف رأيك وبجد مش فاهمة ؟؟

اولا يا أستاذي انت سمعت الحكاية من وجه نظر واحدة

توضيح مش كلنا كنا بتحب الأخ المدونة ده معظمنا بالنسبة ليه هو صديق عزيز ومدون له احترامة

كون ان في حد استغل قربة مننا في إثارة قلائل واستغل كمان معرفتنا بيه في التوقيع بينا مكنش كل ده حصل

عزيزي لو انت بتحترم الأخ المدون ده فهو فعلا وبكرر له احترامة

لو بتحترم كل الشخصيات اللي دخلت في الموضوع فهو مش زي ما انت فاهم

واصلا اللي حكيتلك الموضوع مكنش من حقها تجيب سيرتنا ولا تقولك احنا مين

ولا انت كمان كان من حقك تحكم علينا وانت متعرفناش

وكمان عاوز تنشر الموضوع ؟؟؟؟

انهي موضوع التحذير من علاقات النت

ولنفرض اظن كل مستخدمين النت واعين لمخاطرة كويس وانت بتفترض في اللي قدامك حسن النية الي ان يثبت العكس
ودة ميمنعش انك تكون حذر في تعاملك مع الآخرين

ثم اصلا يعني ايه حد يسجل لحد مكالمات ومحادثات نت!!!!

ده تصرف غير اخلاقي بالمرة مع كامل احترامي للشخص اللي سجلة

غير انه جريمة لأنه في خرق لخصوصية الأشخاص دي جريمة ناس كتير متعرفهاش
يعني حتي لو كان التسجيل بحسن نية فهو ساعه الشر استخدم في غير مكانة

ومكنش يجب اصلا علي صاحبة المشكلة انها تحكيلك كل التفاصيل دي ولا حتي شتميتها

لآنك مش طرف فيها وحتي لو بتثق فيك وانت محل ثقة انت لا هاتقدم ولا هاتاخر

في النهاية يا عزيزي شاب ياريت تتعلم من التجربة ومتدخلش انت في حوارات النت

وعارف صحيح ماشتمك الا من بلغك

وللعلم كلنا اعتذرنا للصديق المدون وهو كان كريم وقبل اعتذارنا

تحياتي

عمرو يقول...

أهلا كريم
فيه في كل مكان ناس كويسين وناس زبالة.. في المدونات وعلى الفيس بوك وفي تاجد وفي الشارع وع القهوة وفي الجامعة وفي الشغل وفي كل حتة تقريبا
عارف فين المشكلة؟ إن البلد دي اتملت ناس زبالة والواحد ما بقاش يثق يجوز أخته لحد.

ماما أمولة يقول...

ممكن ادعيلك

ربنا يصلح حالك ويباركلك في عمرك

تقديري

شاب فقرى يقول...

angel
نورتى
و

شكرا لرأيك

شاب فقرى

شاب فقرى يقول...

زى الهوا

يشرفنى ان النصيحة وصلت

دمتى بكل خير يارب :)

شاب فقرى

شاب فقرى يقول...

رحلة البحث

حقا كلامك جاء بالمفيد

(((
وللاخوات الفاضلات بالله عليكن ظنوا السىء دوما حتى يتبين لكن الحسن
توقعوا دوما سوء النوايا حتى يثبت العكس
قلبك ومشاعرك اغلى ما فيكى فلا تضيعيها لعبه بين اصابع تعبث بلوحه مفاتيح
الشخص الجاد تستطيعين تميزه فى لحظه فلا تغمضى عينيكى

))
يشرفنى تواجدك وردك
شاب فقرى

شاب فقرى يقول...

اختى الفاضلة غير معرف

بشرفنى الزيارة الاولى

وكنت أتمنى أيضا أن تأتى فى وقت غير هذا

(( مجرد صديق وصديق له احترامه ))
يبقى حضرتك عرفتى انا بتكلم عن مين ودى نقطة كويسة
مع انى بتكلم عن نماذج كتير جدا وعن موضوع علاقات النت وبحذر منه المدونين

جميل جدا انك عارفة شخصية زى دى
والغريب انك بتدافعى عنها بإستماتة زى ما هوا واضح
فليتكفل كل شخص بنفسه
دى النقطة الاولى
------------
(( اشتغل معرفته بيكم انه يوقع بينكم ))

شىء مش غريب عليه او على النموذج المذكور فى البوست
ولكن انه يستغل معرفتكم بيه ويوقع بينكم مش دا كافى انك تشوفى الحقيقة ؟؟؟
مش دا كافى انك تعرفى انه بيلعب بغيركم ؟؟؟
او بيلعب بحد تانى غيركم ؟؟؟
طيب البنت لما قالت لك معايه تسجيلات
مش سمعتى منها ليه ؟؟؟
مش صدقتيها وشوفتى ليه اللى كانت بتقوله صح ولا غلط ؟؟؟
فكرى برده الموضوع قابل للصواب والخطأ
وملاحظة صغيرة انا فى البوست اتكلمت عن نموذج من الناس مش شخص واحد بس

وكمان انا محكمتش عليكم ولا جبت سيرتكم

انا بوجه نصيحة للمدونين ومغلطتش فى البنات اللى فى الموضوع مهما كانت وجهة نظرهم

انا بقول ان التصرف ان الواحد يشوف الشمس ويغض بصره عنها بحجه انها مش الشمس يبقى ببساطة عاوز يتضحك عليه

بالنسبة لموضوع المحادثات والتسجيلات

انا هسالك سؤال بسيط جدا

لو بتحبى واحد او خطيبك وجابلك هديه هل هتحتفظى بيها ولا هترميها ؟؟؟
طيب لو قالك كلمة حلوة
او بعت لك فيديو بيقول فيه انه بيحبك
ها هتعملى ايه ؟؟؟
هتمسحيه ؟؟؟
ولا هتحفظيه عندك وتحافظى عليه وتبصى له كل شوية وتشوفى لو كان جابلك وردة وتفضلى شايلاها على طول جمبك

القصد كان بغرض الحب مش الحذر

شوفى وجهة النظر التانية
اطلعى برا الصندوق (( الموقف )) وحاولى تشوفى له تفسير

يعنى التسجيل بحسن نية بحت ومينفعش تغليط البنت

بالنسبة انك قلتى ان البنت مكانش ينفع تحكى لى وانه مش من حقى

ليه ايه اللى خلاه مش من حقى
اولا حضرتك مش صاحبة الموضوع
هى صاحبة الموضوع تحكى براحتها
مش من حقك انتى انك تنقضى التصرف دا
وازاى مش هقدم او مش هأخر
أمال انا هنا بعمل إيه وبتكلم ليه ؟؟؟؟؟
((
في النهاية يا عزيزي شاب ياريت تتعلم من التجربة ومتدخلش انت في حوارات النت
))

أنا موجود عالنت من قبل ما حضرتك تعرفى الكيبورد :)

وشغال عالنت وعارف حوارات النت وقد أى حاجة فيها

شكرا للنصيحة لكنها مش فى محلها

((((

وللعلم كلنا اعتذرنا للصديق المدون وهو كان كريم وقبل اعتذارنا

)))

شىء لا يستحق التعليق
غير أنه أذكى الموجودين
وقدر يفنع حضرتك ويقول ان مفيش لا دلائل ولا تسجيلات ولا اى حاجة
وحضرتك صدقتى :))))
بدون ما تسمعى من البنت او تكنى لها اى احترام او اى شىء

واخيرا كلمة صغيرة بس

اى بنت فى الموقف دا وهى بتحبه وحد قالها يا بنتى دا وحش وبيضحك عالبنات

هتقول ببساطة لاء دا بالنسبة لى صديق

والحدق يفهم

والمرة الجايه الرد يكون بشخصية حضرتك

وفعلا ما شتمك إلا من بلغك :))

حاولى تفكرى تانى

ولو اقنعتى نفسك ان كله تمام وان مفيش حاجة وانه شخص كويس ومكانش بيلعب بيها

حاولى تقنعينى

بس مقدما من اللى شفته
مظنش انى هقتنع

شاب فقرى

شاب فقرى يقول...

عمرو

يمكن البلد مليانة ناس زبالة

بس ربنا يكرمنا ونقدر نغير كل حاجة ونبقى احسن

يبقى فى ثقافة الحب والتفاهم والرحمة وعدم الغش

ايه الفايدة لواحد زى دا من اللى بيعمله ولا اللى عمله

عايش ليه ؟؟؟
مش عارف والله

خالص التحية والتقدير والاحترام
شاب فقرى

شاب فقرى يقول...

ماما أمولة

ربنا يحفظك ويعزك

ويشرفنى الزيارة الأولى :)

خالص التحية والتقدير والاحترام
شاب فقرى

شاب فقرى يقول...

ما علينا

اهلا وسهلا بيك وبالزيارة الاولى

البنات بينضحك عليها فى كل مكان فى العالم

هل معنى كدا اننا نشجع دا او نقول البنت غلطانة

حضرتك نسيت ان الانثى تعشق بأذنها أولا

يعنى لو واحد كلامه حلو يقدر يضحك على اجدع بنت واحلى بنت فى الدنيا ودا مش كلامى دا حقيقة واقعه ومعروفة للجميع

البنت غلطانة ؟؟؟
طيب ليه
عشان صدقت واحد كداب
تبقى غلطانة

طيب والكداب دا او اللى بيلعب ببنات الناس معليهوش ذنب وهوا الملاك البرىء ؟؟؟
ارجع واقول ان البنت برده مش غلطانة ومعليها ذنب غير انها صدقته غير كدا مش شايف ان فى اى حاجة غلطت عملتها

((

فين دينها فين عقلها
ما بنى على باطل فهو باطل
والغلط ما يجيبش غير الغلط
هى غلطت واجرمت فى حق نفسها انها اداته ثقتها وسلمته عقلها يلعب بيه

))
والعيب الاكبر عليه زى ما قلنا
والغلط على بقيت اللى كدبوها ومش سمعوها
ولا ايه ؟؟؟

مش من حقها تنشر الحكاية ليه ؟؟؟
دى تجربة شخصية وتخصها وهى صاحبة الموضوع
يعنى من حقها تنشره مش تنشره حاجة مش تخص حد غيرها ومحدش يقدر يغلطها

بتطبقى المبدأ الشرعى إذا بليتم فإستتروا غلط
لانه مش فى حالة زى دى ينفع يتطبق
لانه انا مثلا اعرف ان فى واحد نصاب ونصب عليه مرة
اسيبه بقى يكمل نصب على بقية التمانين مليون واقول لازم اكتم واسكت وادفن الموضوع
اكيد ساعتها هكون بدون وعى وضمير حتى

بالنسبة للمكالمات والمحادثات المتسجلة وعدم اقتناعك بيها
شىء فعلا يخصك
لكن هسألك سؤال سألته للغير معرف
لو بتحب حد وجاب لك وردة هتشيليها ولا هترميها ؟؟؟؟
لو قالك بحبك او جاب لك هديه او نسى معاكى منديل
هترميه ولا هتشيليه ؟؟؟

لو هتشيليه يبقى هى عملت زيك بالظبط
لو هترميه يبقى حاجة تخصك بقى


((
واعذرنى مش لازم تبقى بنت من الريف علشان ينضحك عليها ويتسرح بيها بنات الريف أكثر حرصا ودراية ووعيا من انهم يتلعب بيهم بالشكل الطفولى
))

انا مقلتش عن بنات الزمن دا
انا اظن انى قلت بنت من قاع الريف... معنى الكلمة واضح ومفهوم
وقلت بنت غير متعلمه ومتعرفش حاجة يعنى حطيت شروط للافتراض

ومش بنيت فكرة ان بنات الريف جهلا
بالعكس انا بشوف بعنيه بنات الريف متعلمات ووصلوا مراكز اكتر من بنات المدينة واصبحوا بالذكاء الكافى وهما الأمل لمصر فى بكره
يعنى مش معنى كلامى ان بنات الريف جهلة

وبرده قلت قبل ثوانى ان البنت مهما كانت ثقافتها فهى أنثى وتقدر تعشق وتحب من خلال كلام منطقى ومعسول

((
المفروض انك تكون مواكب للعصر ومتابع تطور الفكر فى جميع الأنحاء
))
من الواضح جدا انى وضعت لاى فرض او كل كلمة قلتها شروط والنموذج اللى ذكرته واضح جدا انى قلت المواصفات واللى حصل بالظبط

ومش عارف انتى جبتى منين انى على غير وعى او انى مش متابع التطور الفكرى فى جميع الانحاء او انى مش متابع العصر
أنا متأكد إن دا إفتراض غير سليم

مسمعتش الموضوع من الطرف التانى ومش يهمنى
لانى ببساطة وضعت نفسى مكانه ومكان حضرتك

وضعت نفسى مكانه وحاولت ألاقى أجوبه لكل حاجة لكن ملقتش ومفيش

وضعت نفسى مكان حضرتك وحاولت أفهم سر دفاعك عن الشخصية دى وانك تقولى عليه معنديش وعى او انى مش مواكب العصر او التطور الفكرى ملقتش سبب او معنى يقدر يوصلنى انتى فهمتى كدا إزاى ؟؟؟

يكتمل الرد التعليق القادم

شاب فقرى يقول...

بقيت الرد على (( ما علينا ))


((
من رأيي عليك أن تتحرى صدق الرواية أولا ولو انت فعلا عايز تكون ايجابي وتعرف الشخص دا يبقى تواجهه وتدعوه علانية للدفاع عن نفسه طالما انت اخدت الموضوع على عاتقك
))
تحرى صدق الرواية
تحريت الصدق ولقيت انها حقيقة
انا مش طرف فى الموضوع عشان اواجهه وانا مش يهمنى مواجهته او اى حاجة منه
انا يهمنى احذر الناس من نموذج وهما ياخدوا بالهم ويفكروا ويدخلوا يقولوا رايهم ويفكروا فى الموضوع

((
لاحظ انك دون وعى او بوعى الله الاعلم خلقت نوع من اللغط بين المدونين والمدونات
))
هوا كان بوعى
انا مش بالغباء انى اكتب حاجة بدون وعى حضرتك
انا طلبت من الكل الحذر من النت والنموذج اللى ذكرته
مقلتش لحد دا فلان او علان او اى حاجة
بكل بساطة وضعت صورة واللى يقدر ينظر ليها وياخد عبرة هوا حر واللى مش عايز هوا حر برده

أتشجع أدبيا ....
يعنى انا يهمنى فى ايه اخاطبه ولا اتفاهم معاه ولا اكلمه اساسا
ميشرفنيش الحوار معاه دى اول نقطة
تانى نقطة
انا مش صاحب الموضوع
تالت نقطة
البنت فعلا بتحمد ربنا وبتأدى شكر نعمة البصيرة بأنها بتنصح غيرها
ودا واضح من انى انا كمان نشرت البوست
مرة تانية انا وضعت شروط للبنت الريفية اللى اتكلمت عليها وقلت انها غير متعلمه واظن انى قلت انها من زمن تانى
او من فيلم ابيض واسود
كانت مثال وتشبيه للبنات دول ببنت الريف
اللى عالاقل لما تشوف الحقيقة هيكون ليها القدرة على ادراكها

يشرفنى ان حضرتك من بنات الريف وبتخاطبينى وتقولى رايك وبتقولى انا من مجاهل الريف ودا برده شىء يشرفنى الحوار مع حضرتك

ومحدش فينا مش من الريف
حتى انا

بالنسبة للسؤال اللى قلتيه
لو اختى مش هعتبر انها غلطانة
قلت انى هعتبرها غلطانة فى انها ببساطة وثقت فى شخص لا يستحق الثقة وجعلت كل مصادرها عنه هوا ما يقوله بدون اى تحرى للصدق

ربنا يهدى الجميع وينور بصيرتهم

شكرا للتواجد والتعليق والرد والاتهامات وكل حاجة :)
شاب فقرى

غير معرف يقول...

السلام عليكم
الاخ العزيز شاب فقري

أولا انا بحييك علي شجاعتك في طرحك لموضوع زي ده
واللي احب اقوله اني حد مالوش علاقه بالتدوين غير اني بتابع مدوناتكم ودايما بحب اعرف الدنيا بتتطور لحد فين
وأغلبكم ماشاء الله عايزين تعملوا حاجه مفيدة لحياتكم وبلدكم طبعا مش الكل لكن بقول الاغلب

نيجي للموضوع بتاع البوست ده
طبعا انا فهمت المغزي منه انك عايز توصل فكرة للناس ان الواحد ياخد حذره في عموم تعاملاته ودا شيء بأحييك عليه لكن ياريت الكلام يتفهم صح
للأسف بلاقي ناس مش عايزة تسمع ومش بتشوف غير من زاويه واحده ضيقه جدا وهو ده السبب للأسف في التخلف اللي بقينا فيه
بمعني ان من ضمن الناس اللي علقت شافت الموضوع ان انت مالك وما شتمك الا من بلغك واذا بليتم فاستتروا وحاجات غريبه كده

عارف
عيب مجتمعاتنا الشرقيه اننا باصين لكل تصرف انه عيب وبس بس هس هس
ملناش دعوة
وعمالين ندفن دماغنا في الرمل اكتر واكتر
زي النعام
وعلي فكرة البوست بتاعك ده فكرني بمواقف كتير في حياتي
سواء في شغلي او حياتي الاجتماعيه وهي ان الواحد لما بيلاقي حاجه غلط يحاول يصححها كل الناس تقف ضده من منطلق وانتي مالك وانتي بتقولي كده ليه
هو انتي عبيطه طاطي للريح تعدي

واطلع انا اللي غلطانه في الاخر

مابالك لو احساس بقي وحب وثقه
ليه الخيانه انا مش مع البنت بردو بشكل كبير علشان كان لازم تتوخي الحذر
بس ارجع واقول انها مظلومه بجد
لانها مهما كانت انثي وطبيعة الانثي ان مشاعرها بتحركها اكتر من عقلها لكن طبعا العيب الاكبر كان علي الشاب ده لانه اكيد خبرة وعرف يلعب كويس
ياسيدي الفاضل الرسول الكريم قال رفقا بالقوارير

مش عايزة اخرج عن الموضوع اللي حرق دمي وخلاني اكتب التعليق
انا بس نفسي الناس تفهم وتحاول تغير من نفسها وزي انت ماقلت لو حد جاب لي خبر حتي لو كان كذب أحاول اشغل دماغي واشوف مش يمكن يكون صح واخده بمأخذ الجديه وبلاش ننكر وبلاش ندافع واحنا مغمضين عينينا وبلاش كمان نهاجم بعض عن جهل ونسيب الفكرة الاساسيه
مش عارفه حاسه اني رغيت كتير
اعذرني بس انت ضغطت علي جرح كبير

واكيد اغلبنا اتعرض لخيانات من النوع دا كتير بس مع اختلاف الملابثات
عموما احييك علي شجاعتك ووعيك بجد
ودايما ستمر في طرح الحقيقي والصح والمعقول وخلي مدونتك زي منا حسيتها فكرة بتحاول ترقي مشاعر وتصرفات وافكار الناس وتفكيرهم للأفضل

دمت بكل ود


فريدة

غير معرف يقول...

معلش لا مؤاخذة والله

ولما هي عارفه انه ضحك عليها وخدعها
ولما لجأتلك عشان تقود الحملة دي لصالحها ولصالح كل فتاة مخدوعة
ولما انت متأكد انه حقير زي ما بتقول

ليه هي اعتذرت له ؟؟
وع الملأ وغير الملأ ؟؟

كان المفروض تراجع صديقتك قبل ما تنشر عنها كلام
اكيد انت ماتعرفش كل حاجه
مهما كان اللي عرفته منها
لكن مفيش قاضي بيحاكم بعد ما بيسمع من طرف واحد
ده لازم كل الأطراف حتي غير الخصوم
يبقي حضرتك بتحكم بس من وجهة نظرها هي
وأكيد هي مش بريئة بنسبة كاملة
هي بشر وأكيد ليها غلطات


كلمة أخيرة لو سمحت
كل حد ربنا هايحاسبه
يبقي كل شخص منه للي خلقه
لأن حضرتك حتي من خارج الصندوق زي ما بتقول مش عارف كل حاجه ومش ملّم بكل جوانب القضية دي وماتقدرش تحكم بشكل قاطع انه حقير وانها ضحية


ربنا اللي بيحاسب
احنا بنتعلم بس

سلامو عليكو

غير معرف يقول...

استاذ شاب فقرى
انا قريت الموضوع دة عندك وقريت حاجات مشابهه ليه فى اكتر من مدونة لكن موضوعك انت كان واضح انه شخصى وتحذير من حد معين اعتقد انى اعرفه واعرفه عن قرب كمان
وهو فعلا مش زى ماانت بتقول عنه ليه حضرتك معتقد ان البنت صادقة مش يمكن تكون هى اللى كدابة
وليه الكلام اللى كان بينهم بيدينه هو مش بيدينها هى وليه لازم يكون هو اللى كان بيلعب بيها مش العكس
والله انا اتكلمت معاه وقالى انه ممكن يرد عليك كويس ويرد لعى شتايمك ليه لكن قالى انه هياخد حقه منك فى مكان تانى عند ربنا
انا صديقته ومش اكتر من صديقة على فكرة
هو حكالى الموقف كامل واقدر ااقولك انك وقعت فى الغلط كيفاش تشتم وتتبلى على حد بدون دليل وانت سمعت من طرف واحد
مش يمكن تكون انت اللى بتحاةل تقرب منن البنت دى وعامل فيها الشريف اللى بيدافع عن الناس
زادا هى علاش اتكلمت كدة بعد ما بعد عنها وبدات تشوهه
انا طلبت منه يرد عليكم وهو اللى رفض واكدلى انه ممكن يشعل النار فى الكل
لكنه اكتفى باعتذار البنت نفسها واعترافها انها ظلمته
يبقى علاش انت مصر على موقفك كيفاش بتفترى وانت ضمريك مطمن
اعتقد انك غلطت لكن انت اضعف من الاعتراف بالغلط البنت اللى انت بتترقبلها او بدافع عنها كانت اشجع منك لما اعترفت بالغلط
الله الهادى للجميع

شاب فقرى يقول...

غير معرف تحت اسم فريدة

((
للأسف بلاقي ناس مش عايزة تسمع ومش بتشوف غير من زاويه واحده ضيقه جدا وهو ده السبب للأسف في التخلف اللي بقينا فيه
بمعني ان من ضمن الناس اللي علقت شافت الموضوع ان انت مالك وما شتمك الا من بلغك واذا بليتم فاستتروا وحاجات غريبه كده

))
دا شىء يدعو للأسف وبيدل على إن فى ناس بتبقى عارفة الغلط فين وبتروح له برده بدون سبب واضح او يمكن عندهم أمل زائف فى إصلاح الفساد الموجود فى شخصية ما والااصلاح دا بإيد ربنا بس محدش فينا يقدر يغير حد ولا يقدر يمسح خصال سيئة من حد
إن الله لا يغير ما بقوم حتى يغيروا ما بأنفسهم

((
ودايما ستمر في طرح الحقيقي والصح والمعقول وخلي مدونتك زي منا حسيتها فكرة بتحاول ترقي مشاعر وتصرفات وافكار الناس وتفكيرهم للأفضل
))
شكرا ليكى وان شاء المولى تبارك وتعالى مستمر وان شاء الله تستمر زياراتك للمدونة
جزاكم الله كل خير
خالص التحية والإحترام والتقدير
شاب فقرى

شاب فقرى يقول...

غير معرف ((معلش لا مؤاخذة والله ))
((
ولما هي عارفه انه ضحك عليها وخدعها
ولما لجأتلك عشان تقود الحملة دي لصالحها ولصالح كل فتاة مخدوعة
ولما انت متأكد انه حقير زي ما بتقول

ليه هي اعتذرت له ؟؟
وع الملأ وغير الملأ ؟؟
))
يعنى لو انا واضح انى شخصية زباتلة وماسك على حضرتك صور وهددتك اوزعها فى شارعكم او انزلها عالنت او على سيديهات او فى اى موقع مشبوه

ياترى هتعملى لى ايه ىوانا بقولك انك مش تعرفى انا مين واسمى ايه وانا منين ولا تعرفى عنى اى حاجة
ياترى هتعملى ايه ؟؟؟
طيب لو طلبت منك تتأسفى ؟؟؟
قدام الناس
هتتأسفى أهوه أحسن من الفضيحة والجرسة اللى ملهاش لزمة
------
((
أكيد هى بشر وأكيد ليها غلطات ))

محدش فينا معصوم منن الخطأ وانا زى ما قلت فى التعليقات قبل كدا وقولت فى البوست انها وثقت فى علاقة ملهاش أساس ولا فكرت ووهبت مشاعرها وقلبها لمن لا يستحق

--------
((
كلمة أخيرة لو سمحت
كل حد ربنا هايحاسبه
))
الحمد لله ان المولى تبارك وتعالى هوا من يملك حق الحساب للبشر
وهوا أعلم بالنوايا
وربنا عارف نيتى انا من نشر الموضوع دا إيه
وهى أنى أنبه الناس وأحذر من النماذج دى وأقول للناس تاخد بالها من تعاملاتها مش أكتر
يعنى هدفى مصلحة الناس
لا قلت أسامى حد
ولا روحت هزقت حد وقلت له انته وحش ولا شتمت حد
انا شتمت شخصية لابسه الف قناع
شتمت نموج فى مجتمعنا لابد من القضاء عليه

وتأكدى إن لو كان الموقف يخص حضرتك أكيد كنت هقف جمبك برده وهسمع منك
انا مش بظلم حد ولا أنا قاضى أساسا ولا بحكم على حد
ولا حتى أعرف مين حضرتك أو مين اللى كتبوا الغير معرف دول كلهم

خالص التحية والتقدير والإحترام
شاب فقرى

شاب فقرى يقول...

غير معرف الاخير

((
لكن موضوعك انت كان واضح انه شخصى وتحذير من حد معين اعتقد انى اعرفه واعرفه عن قرب كمان
))
انا بحذر من نموذج من الناس وبدعو الناس تفكر وكمان اللى يحس الكلام على نفسه يشعر بالذنب ويحس هوا قد إيه معفن ويبطل اللى بيعمله ويقول يارب ويستغفر ويبطل أذيه فى الناس

تعرفى شخصية زى دى عن قرب
او يمكن تعرفى انا بتكلم على مين
لكن ربنا اللى يعلم أنى مليش مصلحة فى كل دا
وهدفى انا قلته فى التعليق اللى قبل دا على طول
معرفتك للشخصية دى جعلتك متحيزة ليها بشكل جنونى ودا واضح فى تعليقك
لكن حاولى تفكرى فى الموقف على ان البنت دى أختك
وليه تكون اختك ما تكون انتى
شاعتها بقى هتفكرى إزاى وردك هيبقى عامل إزاى ؟؟؟
الله أعلم

((
والله انا اتكلمت معاه وقالى انه ممكن يرد عليك كويس ويرد لعى شتايمك ليه لكن قالى انه هياخد حقه منك فى مكان تانى عند ربنا
))
كويس إنه قرأ الكلام دا
أولا لو انا قلت كلمة مش فى محلها
يبقى انا استاهل انى أتأسف
ولو قدر يثبت حتى قدام نفسه إنه مظلوم وإنه مبيعملش اللى انا قلته دا كله يبقى ساعتها هيرتاح لانه هيكون متاكد ان الكلام دا مش عليه ولا اى كلمة فيه تخصه والشتيمة من عليه
والحمد لله ان ربنا هوا اللى بيحاسبنا
وهوا العلى العظيم العليم اللى على درايه كاملة بمين الغلطان
----
((
مش يمكن تكون انت اللى بتحاةل تقرب منن البنت دى وعامل فيها الشريف اللى بيدافع عن الناس
))
أولا أنا مش بحتال على اى انسان أبدا ودا مستحيل والحمد لله عارف ربنا وعارف ان الظلم ظلمات وعمرى فى حياتى ما ظلمت حد
دا مش شكر فى نفسى بس رد عالإتهام
ثانيا : واضح جدا انك مش تعرفينى ولا قريتى كلمة فى المدونة غير اللى حاسه انى ظطلمته فيه بس
والحكم اللى قلتيه عليه انى بحتال عالناس والظن دا ربنا هوا اللى يقدر يحاسبك عليه
انما لو تعرفي المدونة وسالتى اى حد بيرد فى المدونة هنا هيقولك انى عمرى ما طلبت اضيف حد ولا اكلم حد نهائى ولا حتى ايميل او رقم تليفون او اى حاجة
والسبب الللى مخلينى سايب الميل فى البروفايل انى احيانا ممكن حد ميحبش يقول رايه عالملا ويبعتلى عالميل ودى هواية قديمة عندى وهى المراسلة البريدية

((
انا طلبت منه يرد عليكم وهو اللى رفض واكدلى انه ممكن يشعل النار فى الكل
))
أهوا الكلام دا كلام غير منطقى بالمرة وسخيف جدا
يرد عليكم .... مين عليكم ؟؟؟
أنا مش طرف فى الموضوع
انا فى واحدة حكت لى قصة واكدت كلامها بمليون طريقة وانا صدقتها ودافعت عن اى بنت تكون كدا ودا مش غلط ولا حرام
رفض يدافع عن نفسه .... هوا فى الحقيقة خايف يفضح نفسه وخايف حد يواجهه
يشعل النار فى الكل .... اللى على راسه بطحه يحسس عليها
وانا مش خايف من حد ولا من اى حاجة لانى مش على راغسى بطحه وبرد على لسان ناس ولا قلقثان من حاجة او من اى حد

((
اعتقد انك غلطت لكن انت اضعف من الاعتراف بالغلط البنت اللى انت بتترقبلها او بدافع عنها كانت اشجع منك لما اعترفت بالغلط
))
عشان اعتقادك انى غلطت فدا لا معنى له
مش معنى انك معتقدة كدا انى اعترف واتاسف واتأسف
دا بس عشان اعتقاد من حضرتك
ما الخارج عن القانون دايما بيشوف القاضى ظالم
هل القاضى بيتأسف؟؟؟
مع إختلاف الموقف
والله والله والله انا لو حسيت للحظة انى غلطان وان الشخص دا كويس انا هتأسف وهنشر الإعتذار فى بوست لوحده
أنا مش بالجبن اللى حضرتك قلتيه
انا مش قاضى ولا بحاكم حد
انا بحذر الناس من نموذج معين وبس
والقصة دى إتكررت قدامى الف مليون مرة
يعنى فى مليار بنى ادم عالنت عمل كدا
اللى عايز ياخد الكلام على نفسه هوا حر

ياريت تقرى اخر تلات تعليقات ليه عالغير معرف
او تعليقاتى عالغير معرف فى البوست كله عشان تقدرى تشوفى الموضوع وتفهمى رايى ووجهة نظرى
وأخيرا
أحب أشكرك على الإتهامات والإهانات المتكررة
خالص التحية والتقدير والإحترام
شاب فقرى

mayosh يقول...

U R Rite
انا مع حضرتك فى كل الكلام اللى قولته
طبعا فى ناس كتير كويسين جدا لكن لازم كل انسان يخلى باله وخاصه البنت لازم تخلى بالها من انها بتتعامل مع انسان لاول مره
كمان التعامل بيكون ع النت يعنى ناس بتتعامل مع بعضها من ورا شاشه متقدرش تحدد من خلالها مين الكويس ومين الوحش
علشان كده الحذر مطلوب
تقبل مرورى

همسات ساكنه يقول...

النت سلاح ذو حدين
اما نستخدمه صح او نسيئ استخدامه
افضل اصدقاء ليّا عرفتهم ع النت وبقت معرفتي بيهم قويه جدا
الناس اللي بتقعد تحكم ان النت عالم خيالي بس دول غلطانين .. لان النت فيه حاجات كتير جميله بس للي يعرفها كويس

بالنسبه للقصه اللي حضرتك كتبتها
جميع اطرافها غلط وبتبدا بالشخص نفسه انه عمل كده في بنات الناس
والبنات بالرغم من انها لقت حد يفوقها لكن مفاقتش ومسمعتش كلام اللي جم ينصحوها

يمكن لان ساعتها كل واحده فيهم كانت بتحبه بجد .. واللي بيحب حد وقتها اللي بيسيطر عليه قلبه مش عقله ووقتها مش بيبقى فيه مجال للتفكير

المهم ياريت القصه دي توصل للبنات دول عشان يقدروا يعرفوا ان اللي هما كانو فيه كان وهم كبير ويقدروا يعرفوا ان مش كل حد يقول كلمه كويسه يبقى كده هو تمام ونحبه بقى وخلاص

sun of free dom يقول...

احيانا بتكون المحادثة ليها حدود
مش فى كل الاحيان مش كويسة

غير معرف يقول...

السلام عليكم : تعرف ياكريم انت اد اية انسان مهذب وعلى خلق وادعوا لك من كل قلبى وهو قلب ام يعنى هدعيلك نفس الدعاء اللى بدعيةلاولادى
يااارب يريضى عليك ويراضيك في الدنيا والاخرة .. امين
هحكيلك حكاية بس يارب اعرف اختصرها في يوم بتصفح على النت اشوف طبخة جديدة او حاجة جديدة من ادوات المطبخ يعنى تضيع وقت وخلاص وأذا بى اْجد مربع صغير في الموضوع اللى بقراة يقول أدخل دردش المهم دوست في المرع وكتبت اسم كنت بحبة وكل دة مش متخيلة هو جوة في اية ولما دخلت قلت اللللله اية دة دى ناس بتتكلم مع بعضها يااااة وبقيت في قمة سعادتى في الاول مش كنت بعرف اتكلم ولا عارفة اقول اية بس كنت فرحانة بالكلام اللى بيقلوة سعات كان كلام بيضحك او كلام في الدين يااااة قمة سعادتى الناس جيالى لحد بيتى اتكلم معاهم ويتكلمو معايا فبقيت اذكر الله الاقيهم يرددو معايا شوية وبقى يجيلى مربعات صغيرة مكتوب عليها كلام المهم دوست في مرة لقيت حد بيكلمنى فهمت ان دة خاص اوكى ماشى الحال بقيت فرحانة جدا انى بتكلم مع حد رجل في الخمسين فرحت جدا معناة ممكن يكون اخ كبير بدء انتى محترمة ومهذبة وانا اقول لة انت الاحسن وكدة يعنى شوية. شوية بدء يشكيلى من زوجتةعلى اهملها لة وانا اقول لة اصبرة واحاول اقنعة انها كويسة ويحاول يبص على محاسنها مش المساوىء وبس شوية شوية حبيت الكلام معاة بقينا بنتكلم في كل حاجة مهذبة يعنى في الشعر ودة انا بموت فية وكمان الادب لدرجة انة في مرة شرحلى كتاب بروتوكلات صهيون وحجات تانية كتير خلاص انا كدة مش بقيت قادرة استغنى عن الوقت اللى بقضية في الكلام معاة بس للاسف في الاخر ظهرت نيتة الله يسامحة خسر انسانة احترمتة ومن يومها حرمت ادخل هذا اللى اسمة (شات) وفهمت ان دة عالم تانى غير اللى احنا عايشينة عالم مش فية اى رحمة ولا أحترام للاخر .
تحياتى الى الخلوق . كريم

غير معرف يقول...

على فكرة انا عارفة ان الموضوع فات علية زمن يعنى تعليقى متاخر بس أحيانا في ظروف ملهاش وقت ولازمن وانا دخلت هنا صدفة وموضوعى جديد مش من وقت كتير فقلبت عليا الالم اللى سببهولى الشات ربنا يسامح من لايحترم انسانية ومشاعر الغير
اسفة اذا كنت طولت عليك وشكرا لانى فضفضت شوية من الكتير اللى جوايا جزيل الشكر لك

غير معرف يقول...

اولا كل سنة وانت طيب
ثانيا كنت اتمنى انك ترد او تعلق على كلامى ولو بكلمتين من كلامك اللى هو اصلا ان دل فيدل على انسان مهذب
ولدية عقلية مشاء الله
شكرا .. وتحياتى

شاب فقرى يقول...

الفكرة والله كلها فى انى الفترة دي مبردش علي تعليقات خالص
نفسيتي زي الزفت للاسف
وحالتى سيئة
ومنعزل
بكتب نادرا وبرد نادرا برده
انا بجد اسف لحضرتك وان شاء الله ارد اول ما الاحوال تتحسن ويبقى فى قدرة علي كدا
بكرر أسفي :(
نورتى جدا وشرفني تعليق حضرتك
شاب فقري

غير معرف يقول...

لك جزيل الشكر
وادعوا الله ان يكرمك يارب ويرزقك راحة البال ويهىء لك من امرك رشدا..امين
دمت في خير من الرحمن .
تحياتى

شاب فقرى يقول...

دعواتك ويارب كله يفوت علي خير عما قريب يارب :)
شكرا جدا جدا لاهتمامك :)
ومنورة دايما ورايك مرحب بيه
فقري

غير معرف يقول...

بردو عرفتك بس كدة انا عفريتة شكرا هوا انا لسة مش قريت البوست كلة هقراة النهاردة ان شاء الله
وشكرا ياعمو الغفريت

شاب فقرى يقول...

بردو عرفتك بس كدة انا عفريتة شكرا هوا انا لسة مش قريت البوست كلة هقراة النهاردة ان شاء الله
وشكرا ياعمو الغفريت


مش فاهم حاجة
منورة :)
والكومنتات بتوصل عالفيس انما هنا مبردش علي كومنتات ولا بنشرها الفترة دي :)
شكرا
تحياتي

غير معرف يقول...

أعتذر والظاهر فعلا أنى فهمت غلط
ماهو انا دايما بفهم الناس غلط.
وبردو معلش انى رديت هنا ومش على الفيس ودة لأنى أعد من الناس المتأخرة يعنى معنديش ولافيس ولاحاجة بس بردو في الاخر بعتذر وكمان بشكرك .

غير معرف يقول...

على فكرة ياكريم التمس للشخصية اللى بتتكلم عنها العذر لان لايعلم حقيقة الناس الا الله وانا دائما أقول كما تدين تدان يعنى التمس العذر دايما لغيرك لانك معرض في يوم من الأيام مش شرط مع نفس الشخصية مع غيرها وساعتها تتمنى لو يلتمسوا لك العذر والله يعلم ماتكنة الصدور.
تحياتى لك ياكريم .