الخميس، 12 أغسطس، 2010

حكاية قبل النوم .. حكاية لا تنتهى



جال بخاطرى كثيرا فكرة أن يكون لدى طفل مدلل جدا لا ينام إلا بحكاية قبل النوم
وأحسست بالفشل وأنا أحكى له عن عالمى الممتلىء بقصص المسنجر والإنترنت السخيفة
وتحالف الشيطان مع محور الشر الذى أراه يوميا فى حياتى ولا أدرك هل حقا سأستطيع أن أحكى له قصة ما قبل النوم
***
إبنتى الحبيبة

حين تقرأين هذى السطور

ربما تكونين قد تعودتى النوم وحيدة بدون أن أقص عليك (( حدوتة ما قبل النوم ))

ولكن تأكدى يا جميلتى أنه لولا وجود والدتك حبيبتى فى حياتى لما أستطعت أن أكتب حرفا ولما فكرت يوما فى أن أحرك قلمى وأكتب على أوراقى ولولا عشقى الشديد لها ولك لما فكرت فى محاولات الكتابة أو فى محاولة كتابة قصة صغيرة تناسب أحلامك الرقيقة

اليوم يا إبنتى الغالية تراودنى الأحلام مع والدتك الجميلة

ولا نفكر سوى فيكى يا حبيبتى

أتمنى حين تنتهى من قراءة تلك السطور أن ألمح على شفتيك إبتسامة ودعوة رقيقة من القلب

(( ربنا يخليك ليه يا بابا ))

وإن رحلت يا حبيبتى ولم أكن موجودا

فلا تنسى أن تدعو لى بالرحمة والمغفرة

بابا فقرى

****
فى زمن بعيد جدا كان هنالك فتى يعيش بين أحضان الطبيعة

لا يدرى من الدنيا شيئا ولم يعرف عنها أى شىء سوى ما علمته إياه والدته العجوز

فالحياة لا تزيد فى نظره عن الكوخ والحقل والمجرى المائى والسماء والقمر

عالم حالم وديع خلقه لنفسه فى وسط وحدته الشديدة

لطالما شعر الفتى بوحدته الشديدة تمنعه من غزو الحياة

ولذا فقد إكتفى بأن يحيا فى ذلك الكوخ الصغير فى أحضان الطبيعه

حتى عند رحيل أمه الغالية إكتفى فقط بحياته داخل هذا الكوخ الصغير محاولا رسم ما حرمته منه الأيام

ومتشبثا بما تبقى له من حياته الأسرية السابقة من ذكرى والدته العجوز ومن وحدته الشديدة

ظل يقضى يومه وحيدا ما بين العمل بالنهار والتأمل فى وقت الغروب والنوم ليلا على نور القمر

يكتفى بالحقل الصغير يأخذ منه القوت الكافى ليحيا به فى هذى الحياة

===========

البوست دا كتبته من شهور وشهور

بس مش قدرت أنشره

أنا كملت الحكاية وحكيتها قبل كدا

والرأى اللى كنت بسمعه كان مشجع جدا

يمكن لما أفكر أبقى أكملها

بس مش هقدر أكملها للنهاية المرة دى

لأن

ليست كل النهايات دوما سعيدة

تحياتى

شاب فقرى

هناك 9 تعليقات:

Bassant Elsawy يقول...

niccccce awiii

wella يقول...

بابا فقرى :)
يااااااااااااه

صحيح ليست كل النهايات دوما سعيدة

بس الاطفال اية ذنبهم لازم تبقى كل نهايات حكاياتهم سعيدة
هوة دة قانون حكايات الاطفال
لازم نقولهم فى الاخر وعاشو فى سعادة الى الابد

نغمهم من بدرى لية خليهم ينبسطوا شوية

دموع القمر يقول...

كل سنةوانت طيب
ضحكتنى وانت بتقول بابا فقرى
تخيلت الموقف وبنوتك بتبوسك وبتقولك ربنا يخليك ليا يابابا احكيلى القصه النهاردة عشان انا بحب اسمعها منك
هههههه
وبعدين حد بيحكى كدا
البت تلاقيها بلمت وقالت بابا هى الترجمة هتنزل امتى

دموع القمر يقول...

سيبك انت نرجع للقصه
ليه الوحده الشديدة
امممم لازم نكمل القصه ونخليه فيه حد ملىء الوحده دى
لازم النهاية تكون سعيدة امال انت قاعد تحكى لبنتك القصه ازاى ههههه
علفكرة انا كملتها كدا بس هقوم اكتبها بس مش هقولك على الباقى :)
اسلوبك حلو وانا بقرا كنت بحس انى
انا اللى بكتب

دموع القمر يقول...

وبعدين فين التورتة
وفين كل سنة وانت طيبة اخص :)

شاب فقرى يقول...

Bassant Elsawy

كان نفسى اكملها والله
بس معلش مرة تانية
:)
نورتى
شاب فقرى

شاب فقرى يقول...

ويلا
صدقينى لو عندى طفل
كنت كملتها
لكن الحمد لله إن كل شىء فى مكانه
:(
يلا
رمضان كريم
نورتى
فقرى

شاب فقرى يقول...

دموع
بصى بقى
انا هسيبلك القصة تكمليها بنفسك :)
وهستنى تبعتى لى اللينك :)


هى البت كدا لو مكملتش القصة هييجى لها كوابيس :)

صدقينى والله لما حكيتها اول مرة كاملة كانت حلوة اوى اوى اوى
بس حاليا
اقتنعت انها مش تنفع تكمل
لو تقدرى تكمليها
مهما كانت النهاية
انا موافق وفى الانتظار :)

إشطات :)
شاب فقرى

Bassant Elsawy يقول...

انا بعمل كومنت للكومنت بتاعك حلوة اوي اشطات :)