الأحد، 20 ديسمبر، 2009

لم لا أسافر


يا أيها الوجه الذى أدمى فؤادى أى شىء فيك يغرينى بهذا الإنتظار
مازال يسكرنى شعاعك رغم أن الضور فى عينى نار
أجرى فألمح ألف ظل فى خطاى
فكيف أنجو الآن من هذا الحصار
لم لا أسافر ؟؟؟
...
ألف أرض تحتوينى ...ألف متكأ ودار
أنا لا أرى شيئا أمامى
غير أشلاءا تطاردها العواصف والغبار
كم ظل يخدعنى بريق الصبح فى عينيكى
كنت أبيع أيامى ويحملنى الدمار إلى الدمار
قلبى الذى علمته دوما فنون العشق علمنى هموم الإنكسار
كانت هزائمه على الأطلال تحكى
قصة القلب الذى عشق الرحيل مع النهار
ورأيته نجما طريدا فى سماء الكون
يبحث عن مدار
(( النجم يبحث عن مدار ..فاروق جويدة))

***
مكنتش عايز أكتب بس كان لازم أكتب
يمكن لأن فى ناس كتير مش بتقدر الوضع اللى الواحد فيه
أو مش بتقدر الرأى اللى الواحد بيقوله
أو التفكير اللى الواحد ماشى عليه وبيعتبروا دا غباوة
بس مش مهم أى حد ومش مهم أى حاجة
عادى يعنى كالعادة هقول (( طز ))
عايز أفتكر حاجات كتير أوى
مش يأس ولا ضعف ولا تعب ولا أى حاجة غير إن الواحد يفتكر
يفتكر كل حاجة
****
ياترى ليه فى ناس لما بتبعد بتختفى وبتزعل وبتحسسنا إن إحنا مكانش فى بالنا وإننا مش فارقة معانا
ليه يا ترى الناس بتقتل أى فرصة كويسة لأى حاجة
ليه الناس بتحب تعيش دور الهزيمة والحزن وإن الطرف التانى زفت ؟؟؟
ليه يحسسونا إننا مكناش فاهمين حاجة وإننا مش فى بالنا ؟؟؟؟
إلى من رحلوا فى سلام
*****
ليه الصحاب مش يفهموا ان الواحد عنده مبادىء وإن فى حاجات مش ينفع تتعمل
وإن لكل شىء فى الحياة قواعد وأصول
حتى لو كنت صديقى أو حد غالى عليه
فدا مش معناه إنك تنفض وتبطل تسأل عشان موقف تافه حصل
ليه متفهمش وتفكر براحة وتقول إنى كان عندى حق ؟؟؟
إلى أصدقائى ...
****
ليه فى ناس عايزة تحسسنا إننا كنا على غلط
ليه فى ناس عايزة تخلينى أحس إنى كنت على غلط وتناقشنى فى وجهة نظر أنا مقتنع بيها أساسا ؟؟؟
***
مش هقول ليه الدنيا بتتغير ولا ليه إحساسنا بالحياة بيموت فجأة وبنبطل نحس بكل حاجة

الموضوع مش موضوع حزن ولا هموم ولا مشكلات ولا أى حاجة أبدا
الموضوع كله بيتلخص فى إحساسنا بالحياة
وبدرجة تقبلنا للآخر
وبدرجة فهم الآخر لينا

بس كدا
إنتهى
صحيح
جاتلى هدية من شيما (( الشعب لابد له من حكومة تشكمه ))

شكرا يا شيما
أول حد يعبرنى ويجيبلى هدية يمكن اول مرة فى حياتى بس شكرا :)
بالرغم من انها اغنيه نكد وكنت بسمعها زمان بس نو بروبلم مقبولة برده
شكرا بجد
مع إن عيد ميلادى الشهر الجاى بس ربنا هوا الكريم




كنت عايز أتكلم عن لقاء المدونين
بس قلت بينى وبين نفسى وأنا مالى
أنا مش هروح فخلينى ساكت وبرا الموضوع
بس فعلا من أحلامى إنى أسافر المنصورة
ومحدش يقولى مبتحققش الحلم ليه
هقوله عشان لو سافرتها يمكن شوقى ليها يروح أو ميبقاش فى حلم تانى ينفع أحققه
فقلت أسيب تحقيق الحلم دا للآخر
****
وبالنسبة للبوست السابق
فهوا مجرد فكرة وسيطرت على تفكيرى وحبيت أكتبها وأتخيلها زى ما أنا عايز
هل فعلا فى حد كدا
أيووووووون
طيب هل دا معناه إنى إيمو ؟؟؟
لاء طبعا أنا مش كدا
طيب هل دا معناه إنى بشجع الحوار دا ؟؟؟
لاء
هل دا معناه غن جلد الذات مش معروف فى كل داهية فى العالم حتى عند الشيعة ؟؟
أيون
هل دا حقيقى ؟؟؟
اه اللى بيعمل الموضوع دا ناس كتير وأكترهم بيكونوا مرضى نفسيين وبيكون نوع من عقاب الذات
دا بالنسبة للبوست السابق بتاع جلد الذات
وكتبته لأن كان فى فكرة مسيطرة عليه أوى ومذكرتهاش فيه
وذكرتها فى البوست دا بس مش وضحت هى إيه
يمكن عشان مينفعش تتوضح

******
وبرده كنت عايز أتكلم عن الحملة بتاعت دودو عاشقة الرومانسية وشيما ( الشعب لابد له من حكومة تشكمه ) وصبرنى يارب وبدراوى وناس كتير أوى
والحملة تحت شعار إبتسم خليك جدع وبحب الناس الرايقة
ربنا معاكم
بس خايف أشترك فى الحملة يحصل لها إنتكاسة وتفشل
فقلت خلينى بعيد برده
الفقرى هيفضل فقرى
مش عارف ليه اليومين دول بفكر بس فى إنى ابعد عن كل حاجة
حتى لما قررت أشتغل من تانى
فى دماغى هاجس غريب إنى أبعد عن كل حاجة وأمشى
عن الشغل والكورس اللى بذاكره وعن النت والموبايل وكل حاجة تسد النفس فى البلد دى
مش عارف بقى
بس ناوى أعمل كدا
وقريب أوى
يمكن خطوة إنى أبطل أرد عالتعليقات دى خطوة فى مكانها
إنى بقيت شايف إن التعليق مش إثبات حضور زى ما منامينو بيقول بالظبط
ما فى ناس بتروح تقرا ومتردش لان ملهاش وجهة نظر فى الموضوع أو إنها مش لاقيه حاجة تضيفها
لكن محدش يزعل
متواجدون دوما إن شاء الله
بس دا لما أختفى فترة بقى
يلا
كل سنة وانتم طيبين
شاب فقرى

هناك 12 تعليقًا:

dina يقول...

انا باينلى جيت فى وقت مش مناسب...بس عادى...كلنا بنبقى فقريين كدا فى أحوال كتيييييييير و اهى حالة بنعدى بيها و فى الاّخر بتعدى....المهم اننا منستسلمش لاى كاّبة ولا لأى حزن

الشعب لابد له من شيما تشكمه يقول...

اولا:
فاروق جويده .القصي
ه دى انا بحبها جدا اول مره اقراها كنت وقتها فى 2 ثانوى..معناها حلو جدااا.

ثانيا:
##**ياترى ليه فى ناس لما بتبعد بتختفى وبتزعل وبتحسسنا إن إحنا مكانش فى بالنا وإننا مش فارقة معانا##

مش يمكن لانهم بيحبوك ومش عاوزينك تبعد؟!!


##ليه الناس بتحب تعيش دور الهزيمة والحزن وإن الطرف التانى زفت ؟؟؟##

طبيعه النفس البشريه.انا مظلوم ولست ظالما..


بالنسبه للاغنيه:
انت شوفتها كئيبه لانك اخترت تبص للنص الكئيب,مع انى شايفه الفينال روعه واحلى حاجه فى الاغنيه لما قال فتح عنيه بعد مكت مغمضه واد ايه كان هو ظالم نفسه فى كل ده,,وهيقابل ست ستها..
دا كان الهدف من الاغنيه ياكرمله:)



###هقوله عشان لو سافرتها يمكن شوقى ليها يروح أو ميبقاش فى حلم تانى ينفع أحققه
فقلت أسيب تحقيق الحلم دا للآخر###

المنطق ده غريب اوى ياكريم لو مشينا بيه للاسف مش هنعمل حجات كتير اوى,يعنى اخاف اقرب من حد شوقى ليه يروح:(!!!!


*** بالنسبه للتعليقات,زمان اتناقشت كع بدراوى ف النقطه دى مع انى اليومين دول مش برد على كومنتات عندى بس ده لسبب شخصى مش اكتر لكن مش هستمر عليه..
عارف ليه يا كريم؟؟
الكومنتات مش اثبات حضور الكومنتات تواصل ارواح ,الكومنتات تواصقل بين عقلين..يعنى هقولك مثال لولا التعليقات بينى وبين ليدى مثلا عمر مكانت هتباه صاحبتى اوى ولا احسها قريبه منى,
والتعليقات لما بتحصل بينا مناقشه ونرد على بعض بتخليك تبدا تحس اللى ادامك..فاهمنى؟
عمر التعليقات مكانت اثبات حضور,,توااااصل..
والاختلاف فى الرأى لا يقسد للود قضيه:))

z!zOoOo يقول...

علي فكره

رغم إنك مازورتنيش ولا مره

إلا إني بحب اجي عندك

وماتسألنيش ليه

بس الموضوع حلو قوي وإحساسه حلو قوي

فيه ناس يا فقري بتكون فعلا طريقتها في الحس غريبه

تفضل معاها وتنبها وتقولها كفايه إهمال أهتم شويه زي ما بهتم بيك

أديني شويه من وقتك

و .. و .. و

لحد ما في الاخر بتزهق

وده لسه حاصل معايا من فتره

وقاطعت ناس بالفعل

وانا مش عامل نفسي مظلوم

انافعلا جيت علي نفسي كتير

وقدرت الظروف قوي

لحد ما زهقت فعلا

ولقيت إن ما فيش فايده من اي حاجه حتي العتاب

بعدت في هدوء


والنقطه التانيه

انت عندك حق كل واحد ليه ثوابت ومباديء بس المهم تكون صح ماتكونش غلط وبنكابر

المفروض إننا حتي لو اصحاب إننا نحترمها في بعضنا

وكمان لو حتي إتناقشنا مش بالضروروه إن حد فينا يقتنع

المهم إننا إتبادلنا الاراء

لكن فيه ناس مفاهيمها غريبه

بس علي فكره ساعات نكون مقتنعين تماما بحاجه

وبعد كده بنلاحظ إننا منحازين لرأينا ومش شايفين غيره

وبنكتشف إننا ممكن نكون غلط

اما الابتعاد ديه فتره بنعدي بيها علطول

ممكن تفيدك

علي فكره فيه حاجه عجبتني في الموضوع بس مش هقولك عليها غلاسه بقي زي ما إنت ماوضحتش

D:


اهم شيء دلوقتي

إنك ماتقساش علي نفسك

وتعيد حساباتك بالراحه

يمكن تكون غلطان في شيء

ماخدتش بالك منه قبل كده

ربنايوفقك ويكرمك يارب

وكل سنه وانت طيب وبألف خير

تحياتي يا فقري

:)

قلم رصاص يقول...



مجموعة رسائل في الشبكة ياكريم

انت بني ادم نضيف من جواك

ومتقلقش ربنا هيكرمك جدا بإذن الله

اهم حاجة لاتفقد ايمانك بطلوع الفجر..كما قال الزعيم الخالد أنور السادات

مش معنى ان الاخر فهمني غلط اني انا غلط
..يمكن عنده قصور في الفكر ..أو مش مقتنع بفكرتي وهو حر..انما ده مش معناه اني غلط او اني مجبر اغير تفكيري اللي قلبي وعقلي مطمنيني ليه..!

سير على بركة الله

وربنا يوفقك

في حفظ الله

نعكشة يقول...

فيه حاجات دة بتيجي علي الوحجيعه

والله هما مش مرضى نفسيين قوي يعني

و المرض بيتفاوت في حدته

الناس دول لمابيبقى الموضوع فادح معاهم
بيبقى في ناس من طئفة ال
boarderline disorder

الموضوع دة عندي بس مش بهذه الدرجة الفظيعة
ممكن اعضني لحد ما تورم او تنزل دم
و اقصني لحد ما الجلد يتشال في ايدي
افضل ادوس عالودنس
افضل واقفة فيالبرد
كدة يعني

بس موصلتش للحالة المرضية قوي يعني

:d

>>

حتة كمان برضو لمست معايا
اني ببعد عن الناس فعلا
بس انا بقة اللي بحسسهم انهم مش فارقين معايا
وبحاول اقنع نفسي بدة
رغم انهم غاليين عليا

....

اتفق مع حضرتك في فكرة المبدا
و سياسة حرية الاختلاف

.....

و مش دايما بس كتير يعني ببقى من اللي بيقرا و ميعلقش
او يدوس تعليق و بعدين ميلاقيش حاجة يقولها
عند ناس كتير قوي بتابعهم

......

كان فيه حاجة كمان
طز

انا من مؤيدي هذه الكلمة

......

مش عارفة ليه كل محاولاتي اني اروح اي لقاء تدويني بتبوء الفشل

لعله خير

.....

بس خلاص

سلامٌ عليك

Mo7ammed يقول...

بص انت زى ماقلت فى الاخر
انا معنديش حاجة اضيفها


انا حبيت بس اقولك

هابى نيو يير ياكيمو :)

مستخلص افندى يقول...

للاسف

ما ينفعش اكون مرتبط بحد واكون مهمله او مش مديله حقه فى الاهتمام على الاقل

وانتا عارف ان ده كان عامل اساسى فى اللى حصل معايا ( طبعآ بجانب حاجات كتير حاكي ليك عليها )

ما ينفعش اكون بحب والدتى وما اروحش ابوس ايديها ودى ابسط حقوقها عندى

ما ينفعش اكون مرتبط بحد وما يحسش انى جنبه وقت ما يحتاجنى
( Side by side )

الى كل شخص عنده العاده دى

حتبقى مبسوط وانتا عايش لوحدك ؟

اكيد لما حد يقولك انا مش فى بالك

ده معناه انه بيحبك اوى او انه متهم بيك ومتعلق بيك

ما ينفع يتقابل بالعكس

وكون ان حد يعوز منك انك تأخد بالك منه شويه كمان يبقى كده هو عاوزك تحبه زى ما هو بيحبك

التعليقات
----------

مش غريب شويه انك تنفض للتعليقات

حتستفاد ايه لما تكتب لنفسك ولو مش حترد على تعليقات انا من رأئى تلغيها احسن وتكتب لنفسك وما تسمحش لحد انه يرد

ما اعتقدتش ان حد حيكون مبسوط وهو مش عارف اذا كان فى حد بيحس بيه او فى حد فاهمه او حد رد عليه رد ريحه نفسيآ وخصوصآ ان فى ناس كتير ( زى وزيك )

مش بتكتب غير نكد :S

نكدى يا نكدى

ربنا يكون فى عونك يا كريم وشد حيلك

(( وبشر الصابرين الذين إذا أصابتهم مصيبة قالوا إنا لله وإنا إليه راجعون))

فتاه من الصعيد يقول...

دور الضحيه هو من افضل الادوار التي يتقنها البشر

موش بحب انا الناس دي

عموما كلماتك معبره واتمنى انها توصل

لكن ليه دايما بتاكد في كل بوست انك موش مكتئب ؟البوست موش فيه اكتئاب

تحياتي

غير معرف يقول...

انتة لحقت تقعد علشان تسافر عموما انا موجودة وبتابع بس مش مممكن كل لما ادخل الاقيك بتنكر نفسك حكتب لك تانى

ponpona يقول...

ياااااه
انا بقالي كتير قوي قوي ماجتش هنا :(

وحشتني البلوج والله

عايز الصراحه ... انا ماعرفتش أقرأ البوست دا ولا حتي اللي فاتوني قبليه .. ماعنديش وقت والله انت عارف بقي الامتحانات وقرفها بس هاااانت
انا جيت بس ابص بصه واسلم عليك

يارب تكون كويس يا فقري

سلام

๓คภ๏ภค يقول...

انا جيييييييييييييت ..

ومافيش شوكلاته يا كرملة عارف ليه

علشان ماينفعش مؤسس حملة انا جدع

يبقى مكتئب اوى كده

ماينفعش حد يبقى كلنا اتعودنا نشوف

البوستات بتاعته الطويلة اللى كلها

فقر ف فقر ههههههههههه وتمشى كده

وتسيبنا بص بقه من حقنا عليك تفضل

معانا وتهرينا فقر يا كرملة طيب انا

هعاكس مين يعنى ف بلوجر غيرك

خليك جدع بقه وخلى كلمتك تنزل المرة

دى يا حنفى هتنزل صح

طوبه فضه وطوبه دهب يقول...

ليه كدا ياكريم يعنى انا ارجع انت تمشى بجد كفايانا بقى عمالين نضيع عمرنا فى قهر وحزن على حاجات كلها ما تستاهلش هنهرب من الدنيا نروح على فين وانت قوى كفايه عشان تتغلب على اى شىء مضايقك انا واثقه ربنا يكرمك وكل سنه وانت بالف خير وحب وسعاده