الاثنين، 14 ديسمبر 2009

علبة من الثقاب



تجلس مساءا

وحيدا

تفكر فى المستحيل

تبذل قصارى جهدك فى التفكير

تتعجب من حال الدنيا

لما يعود للحياة من مات ليزيد من شقائك

لما تزداد تعاستك مع الأيام

وتصبح حتى أسمى أمانيك ووسيلة لتعذيبك

وينقلب السحر على الساحر

تمسك بعلبة من الثقاب

تفكر فى عمل كوب من القهوة

تحاول أن تحرق أعصابك

حتى تكف عن التفكير

تبدأ فى إشعال أعواد الكبريت

وتطفئها فى راحة لديك

(( لا يوجد شىء فى هذى الحياة لا يحمل بعضا من المتعه والسحر ))

ينطفى العود بسهولة

تشعل الآخر

وتستمر فى جنونك

وحتى تفرغ علبة الثقاب

أو تحترق راحة يدك

الآن فقط يمكنك أن تنام

ولا تشغل بالك بأى شىء

لعل آلام الحرق تخفى آلام القلب

(( أحلام ضائعة ))

شاب فقرى

هناك 21 تعليقًا:

shoshta_ joker يقول...

السلام عليكم....
اتهيئلى اول تعليق من حقى افرح شوووية بيه الاول .....هيييييه ....ههههه ....نيجى بقاه للاحلام الضائعة ....كتير من الاوقات التفكير مش بيكون هو الحل لاى شىء بنوجهة بيكون هو ذات نفسه مشكلة تانية لانه بيتعب اووووى....حلو الحل الى انت قولته فى البوست للخروج من التفكير المتعب حجربه ههههههه......دومت بخير...فى رعاية الله.

الشعب لابد له من حكومه تشكمه يقول...

مودك بيتغير بسرعه اوىىىىىىىىىى..

الاحساس حلو اوى فى البوست ده,,وحسيته يمكن لانى مريت بيه قبل كده:)بس مستخدمتش اعواد من الثقاب.

***لعل آلام الحرق تخفى آلام القلب..
حلوه اوى الجمله دى:) بجد حسيتها اوى,,
تلهى نفسك بحاجه عن حاجه....

ازيييييييييك؟

اقصوصه يقول...

هموم القلب لا تنضهي

وما يشغل عقولنا لا ينضب

دام ابداعك :)

Unknown يقول...

اول تعليق ؟

Unknown يقول...

يظهر مش الاول

Unknown يقول...

المهم
صباح الخير
و ازيك كمان كده قبل ما انسي :D

اتمني ان الكلام ده ميكونش بيعبر عن حالة

بس الجمل جميلة و اسلوب جميل

و الفكرة حزينة و بصراحة انا تعبت من الحزنننننننن

المهم البوست عجبني رغم الحالة السائدة فيه

:D تحياتي

غير معرف يقول...

الله معك يا سيد المعلمين روق ياريس وماحدش بيأخد غير نصيبه

أحمد عاطف يقول...

انا والله ما ملاحق يا شاب

بقرا الصبح موضوع وادخل عشان ارد عليه بالليل

الاقي جديد

فمبردش على الاول او التاني لاني مالحقتش استوعب

بس الموضوع دا بات

فعشان كده لحقت

عموما علبة الثقاب لا تفرغ ... هي فقط تنتهي للحظات

Asmaa mahaba يقول...

انا شايفه ان الدنيا جميله ومش مستاهله نفكر فى الامنا كتير قوى بنتالم اكيد احنا بشر لكن لازم نرجع ونحمد ربنا عن قناعه داخليه

الشعب لابد له من حكومه تشكمه يقول...

كرييم:

ازيييييييييييييييييك؟كله تمام؟

Lady E يقول...

يااااااااه لعل آلام الحرق تخفي آلام القلب

ياريت آلام القلب بتختفي بأي حاجة

ربنا يهون آلام القلب

Eman يقول...

ليت الام الحرق كانت كافية
لمسيان الام القلب
ليتها كانت كافية :'(

دمتـ
بأدب لآ يزول ..
وسع ـآدة تأتي .. ولا تنقطع

خابت بك ظنوني يقول...

ياريت ألام الحروق وهموم الدنيا تُنسينا ألام القلب وتخفيها
بل إن كل ما تفعله
فقط هو زيادةالام القلب أضعاف أضعاف

z!zOoOo يقول...

السلام عليكم

ازيك يا فقري

يارب تكون بخير

انا فاهم إحساسك كويس

لكن جلد النفس مش بينفع كتير

لازم تتصالح مع نفسك ومع الدنيا كلها

ولازم تعرف نفسك عايزه ايه

بس بعيد عن كل ده

البوست صباح الاحساس

ربنا يشيل عنك الفقر

D:

وتبقي شاب لاكي

D:

سجود يقول...

السلام عليكم
ايه التفااااااااائل العظيم ده
ههههههههه
لعل الاااام الحرق تخفي الااام القلوب
جزاكم الله خير
تحياااااااتي

ريمان يقول...

انا بكره التفكير وبكره ان دماغى تقعد كده تودى وتجيب


حاجه تتعب الاعصاب

بس هبقى اجرب موضوع الكبريت ده


ههههه روق بقى كده مفيش حاجه مستاهله

صوت من مصر يقول...

ده لانه فقرى

Cute Kitty **sookra يقول...

لا
ياكريم

قلم رصاص يقول...

ايه ياعم الفلسفة دي كلها

شكلك مشغول فعلا ياكرملله

خد بالك من نفسك

في امان الله ياريس

كرسي أعتراف يقول...

أحلامك الضائعة اليوم
سوف تجدها غدا أوراقا يانعة تستحق المحاربة لأجل قطافها

دمت بكل الخير
تقبل مودتي

ليس فقيرا من يحب يقول...

لعل آلام الحرق تخفى آلام القلب

والله بوست وان كان فيه كميه اسى وعذاب

كبيرة جدا بس فى منتهى الروعه

يارب تكون بخير