الخميس، 3 ديسمبر، 2009

قاسيا حتى عليك


لم تغب عن ناظرى لحظات
تلك الفتاة الهادئة الرومانسية الطيبة الحالمة المجنونة
لا يمكن أن تمحى الأيام عامين من الحب
لا أصدق حين أستعيد ذاكرتى أنهم كانا عامين فقط
لقد كانوا ألف عمر جديد
كل يوم فيهما كان دهرا بأكمله
كل لحظة كانت تمر وكأنها أعوام
حين أتذكر عيناها
ولحظات ما كنت أغرق فيهما
كنت أشعر وكأن الزمن توقف
وبأن عمرى لن يكفى
لأن أكون حبيبا لها
رفيقا لها
حقا بحثت عنك كثيرا بعد فراقنا
وتعبت من كثرة البحث
بحثت عنك فى كلمات الآخرين
وفى عيون الآخرين
حتى فى كلماتهم وبين سطورهم
ضعت وضاعت أيامى
حلمت بكى وكأنهن أنتى
أعجبت وأحببت بل وعشقت
وذبت عشقا
لكن تظل الحقيقة العارية
أنهن مهما تعلقت بهن
لم يكن أنتى
***
جاء العيد وأمسكت هاتفى أحاول الإتصال بها
أنا :ألو
هى :فتحت عليك
(( تتحدث بكل هدوء ورقة الدنيا
وكأن كل تلك الحياة بمشاكلها وهمومها
لا تفرق معها شيئا ولا تستحق أن تشغل بالها الرقيق ))

أنا : يا سلام
هى :إزيك؟
أنا : الحمد لله
هى :عامل إيه من غيرى ؟
أنا : مستريح طبعا
هى : ايه الاحوال معاك ؟
أنا : كنت عيان شوية
هى : ألف سلامة ومش إتصلت بيه ليه
أنا : كنتى هتعملى لى إيه يعنى ؟
هى : كنت هتحايل عليك تاخد الدوا ,, ما أنا عارفاك زى العيال مبتحبش الدوا
أنا : ما أنا فعلا رميت الدوا ونسيت رميته فين
هى : مجنون .. طيب وخفيت ولا رميته ومش عايز تخف
أنا : لاء طبعا تمام دلوقتى الحالة مستقرة
هى : انا كان نفسى اتصل بيك بس كل اما افتكر كلامك اقول لاء
إشمعنى هوا مبيتصلش وأرمى الموبايل
أنا : أنا مبتصلش عشان عمرى ما بتصل بحد وانتى عارفة
هى : لاء كلامك التانى
أنا : آآآآآآآه ..إفتكرت
هى : لازم نفترق دلوقتى .. عشان هييجى يوم ونفترق غصب عننا
يبقى نفترق من دلوقتى أحسن
أنا : خلاص قلنا فاكر

***
حبيبتى
حقا آن الأوان
أن أطوى كل صفحات عشقنا
أن تخرجين من قلبى
أن أغلق باب قلبى فى وجهك
أن أمحو صور كل من كنت أبحث عنكى فى وجوههم
فلم يكن إلا سرابا
آن الأوان أن أجد من تعشقنى حقا
وتدفع عمرها راضية لتسعدنى وتنير أيامى
سأتحمل فراقك صابرا راضيا
لا أرجو منك كلمة وداعا
ولا حتى كلمة (( هتوحشنى ))
ربما شعرت ببرودة مشاعرى تجاهك أثناء حديثنا
ربما أصبحت أقوى من الماضى
أقوى على النسيان
قاسيا حتى عليك
...
أحلام ضائعة
شاب فقرى

هناك 30 تعليقًا:

جارة القمر يقول...

اشعر انك تستطيع فعل ذلك فعلا ان تغلق قلبك فى وجهها .. لكن هل تستطيع غلق بابك فى وجهة الذكريات ؟؟؟

صعب اوى انك تحب انسان و تفقده و لم يعد هناك املا فى اعادته مرة اخرى .. كلامك خلانى افتكر موقف زمان حصلى دلوقتى فعلا بقول احيانا يكون الانسان مضطرا للقسوة لتسير الحياة

ربنا يريح قلبك

صوت من مصر يقول...

اكيد ياباشا كنت شاحن كارت ب10 احسن ناس
عموما انه اصعب انواع الحب فعلا

خواطر شابة يقول...

"آن الأوان أن أجد من تعشقنى حقا
وتدفع عمرها راضية لتسعدنى وتنير أيامى
سأتحمل فراقك صابرا راضيا"
وما الذي منعك ان تعيش هذا معها هي فالواضح انك انت من اختار الفراق "لازم نفترق دلوقتى .. عشان هييجى يوم ونفترق غصب عننا
يبقى نفترق من دلوقتى أحسن"
تعرف ينطبق عليك ضربني وبكى وسبقني واشتكى يا عيني عليها هي.
تحياتي

7annen يقول...

بص

يعنى اوقات بيبقى الفراق غصب عنك اوقات بيكون لازم نفترق ومفيش حل تانى
هو الفراق وبس
بس متزعلش حاجه لان امر المؤمن كله خير
وكل شئ نصيب
والخيره دائما فيما اختاره الله

وحبي لك لن يموت يقول...

سلام ورديّ العبآرآت لرآئع الكلمآت

جميلة هي الح ـروف
وإن قسوت على ليلى
ورغم الحزن الصارخ
الذي أراه يعبث في بعض الكلمات
:'(

لآ أظن أن الح ـب سيخرج بتلك السهولة
من رحم الفؤاد
إلى هاويات النسيآن

لا أدري شعرت بالبرد وأنا أقرأ

جل الشكر لقلمك
دمت بسع ـآدة

حـــلـــم كــــان يقول...

والله حرام عليكم انتو الاتين

ليه كده ؟

فتاه من الصعيد يقول...

حديث موجع جدااااااااا .... لانه بارد جدااااااا

تحياتي

ponpona يقول...

ممممم .. هو انا مش فاهم .. بس مش مشكله يعني هي جت علي دي ما المنهج فيه حاجات ياما وانا بردو مش فاهمها D:

بس لايمكن آجي وامشي كده اقول انا مش فاهم وخلاص .. بص .. هي حاجه نونو قد كدهو

" أن تخرجين " !!!
اسمحلي .. دا غلطه نحويه شنيعه
أن ولن وكي وحتي ولام التعليل من ادوات نصب الفعل المضارع وبما إن " تخرجين " من الافعال الخمسه اذن فهو يعامل معاملة الأفعال الخمسة يرفع بثبوت النون وينصب ويجر بحذف النون وعليه يحتم علينا الصواب أن نقول "أن تخرجي " وليست " أن تخرجين " هذا والله ولي التوفيق والسلام عليكم ورحمة الله وبركاته

هههههههههههههههه ... فهمت حاجه ؟ ولا انا بردو

:))

Somaya Kamal El Din يقول...

اممممممممممم

مبتتصلش بحد ليه خايف على الرصيد هههههههههههههههههه

ليه الفراق لازم
ليه دايما دى النهاية
ليه مفيش حاجة بتكلم
ليه كل حاجة حلوة كده لازم تنتهى

بجد نفسى اعرف

بقيت احس ان دى نهايات لازم نوصل لها بنفسنا او هى اللى تنتهى كده بسبب الظروف

أميرة علي كوكب مهجور يقول...

ليه كده!!
مش بقتنع بحكايه ان مينفعش نرجع واللي اتكسر ميتصلحش لا يتصلح بس نسيب بينا مسافه للرجوع بلاش يكون بينا عند امراءه و كبرياء رجل بنخسر ساعتها حاجات كتير اولهم حاجه برئيه كانت جوانا اتجاه الشخص ده بلاش يا كريم الشعور ده ولا التفكير وطريقه التعامل دي احنا ممكن عمرنا يضيع واحنا بندور ع حد يقهما بس يقهمنا بيكون هو موجود فعلا بس بعندنا ضيعناه


يارب تكون بخير وربنا يخليك ع سؤالك

اميرة ع كوكب مهجور مرت من هنا:)

قلم رصاص يقول...


ازيك ياكريم

اه يابني الكلام الحلو ده
ربنا يزيدك مشاعر وانسانية

بجد انت قولت حتة عجبتي اوي
لما حبيبتك تهات منك .. عجبني اوي انك تخيلتها في وشوش كل اللي بتشوفهم .. وفي كلماتهم وفي نظراتهم .. بجد نقله حلوة ..انت لعبت صح في المساحه دي ياكريم

حسيت انك فنان فيها بأمانه

يابني ماتنزلنا بفيلم بدل البوستات
هتنجح صدقني وتكسر الدنيا .. واهي تبقى سبوبه وتعمل لك قرشين
هههههههههههههههههههه

بس الحب لو صادق صدقني بمعنى تلاقي الروحين
عمر مايحصل فراق ابدااااااااااااا مهما حصل لأن ربنا عاوزهم لبعض

احنا احيانان بنبص للحب بنسبيه
بمعنى ان لو واحدة او واحد حد معجب بالتاني بيحسس نفسه انه بيحب .. لو لافت نظره حاجة معينه في شخصية التاني يفكر انه هو ده الحب .. ابدا مش هو ده خالص

انا بحس بالحاجات دي اوي رغم اني مش بمر بالمرحله .. لكن مبعرفش اعبر كويس عن الحالة

دمت في امان الله


واحده من الناس يقول...

انا دلوقتى بس عرفت انا ليه بطلت اكتب اى حاجه رومانسيه
بجد يافقرى انت فقرى فعلا
عفوا
كلامك ذاك مزق شيئا كالجدار الورقى بين احلامى سابقا وماصرت عليه الان لتتضح لى الحقيقه عاريه..اننى مازلت بقلب ينبض وكنت قد ظننته قد توقف عن النبض وعن الشعور..عن الاحساس بوجع ذلك الضيف الثقيل الذى ننتظره طويلا فاذا ما جاء اثقل علينا بزيارته..ذلك الضيف المسمى الحب
كلماتك اعدت لى شعور بطل ماجدولين حينما تركته وعندما عادت له من جديد كان قد استشرى الوجع فيه فلم يعد يشعر بدفق الحب مجددا
وحينما اتت النهايه فاح مع موسيقاه رائحة الموت ورائحة الكبد المحترق حتى كانت نهايته فوق نوتته الموسيقيه بعيدا عن حبها المجنون الذى سحبه الى الامواج فغرق
اعذرنى..كلماتك كاصدق مايكون..ولذا فهى قد عرفت طريقها جيدا الى ذلك المكان الذى هجرنى

Baskouta يقول...

اعتقد ان الانسان ممكن في لحظة ضيق او غضب يتصور انه ممكن يقسا في يوم على حد حبه او كان بيحبه
بس الحقيقة ان القلب الذي عرف الحب مش ممكن القسوة تسكنه
قاسيا حتى عليك
بوست جميل ومعبر
تقبل تحياتي

سلمى يقول...

انا متأكده ان حضرتك حتلاقى اللى تسعد حضرتك
وانا دعيتلك قبل كده وبدعى تانى
يارب يديك واحده تقدرك وتعرف يعنى ايه انت
تحياتى

ريمان يقول...

الله؟

ما احنا كنا ماشيين كويس


ايه اللى دخل الفراق الوقتى؟

Rosie يقول...

أيه بس الرومانسيةدى...عجبنى أوى وصفك "لتلك الفتاة الهادئة الرومانسية الطيبة الحالمة المجنونة
يها..."و بالذات السطر ده..بس انا مبحبش النهايات الحزينة..نفترق دلوقتى بدل ما نضطر نفترق تانى؟؟؟مش عارفة أكييد فى حل..

Lady E يقول...

انا اسفة اني اقولك انها عندها حق لأن انتا اللي فرطت فيها بكلامك

"هى : لازم نفترق دلوقتى .. عشان هييجى يوم ونفترق غصب عننا
يبقى نفترق من دلوقتى أحسن
أنا : خلاص قلنا فاكر"

وليه اليأس ده تفتكر في بنت عندها ذرة كرامه ممكن تتمسك ب اللي بتحبه بعد ما يقولها هنفترق ولازم نفترق
ايه كمية الاستسلام واليأس وعدم الأمان دي

معلش يمكن ردي قاسي شوية ومش من حقي اتكلم كده بس الأكيد انك متعرفش احساس اي بنت لما حد يقولها كده ويفرط فيها عادي ولا كأنه حبها في يوم من الايام

wella يقول...

ااااااااااااااااه


ممكن اقوللك على حاجة مش عارفة ينفع اقولها ولا لا
بس هقولها لانى يمكن عوزة اعرف راى حد غريب عنى مايعرفنيش

لان بجد الكلام اللى قولتة فى البوست بتاعك حصل معايا ولسة بيحصل

تعرف وانا بقراه بجد ماصدقتش افتكرت انا بس اللى حصلت معايا الحكاية الغبية دى

يعنى اية يقولى لازم نفترق دلوقتى عشان بعد كدة مش نفترق غصب عننا ونتجرح اكتر
يعنى اية مش فاهمة

قالها اول مرة وبعدنا ورجعنا قربنا لبعض تانى ورجع امبارح امبارح يقولى احنا قربنا لبعض خلينا نرجع لورا شوية نبعد شوية
تفو علية حقير غبى هوة انا لعبة فى ايدية شوية نقرب وشوية نبعد انا مش بمزاجة
لالالالالالالا ويقولى افهمنينى صح

مش عارفة انا بكلمك ياشاب يافقرى لية اصلا انا حتى مش عارفة اسمك بس حسيت الحكاية اللى قولتها زى حكايتى مش عارفة دى حكايتك ولا حكاية حد تعرفة

بس انا مدايقة اوى اوى
الحب مافهوش حالة وسط ياابيض يااسود مافيش رومادى يعنى انا مثلا اتعلق بية نص نص احبة نص
ازاى حد يفهمنى

مش عارفة انا حسيت انو عاوز يفركش الحكاية رحت قلتله بلاها خلينا قرايب وبس بلا حب بلا بطيخ

اللى انا عرفاه انو الواحد اذا حب حد لازم يتمسك بية لللاخر يحارب عشانة ماتقوليش دة كلام افلام ومسلسلات
لية مش يبقى حقيقى
اللى عاوز حد بيعمل المستحيل عشانة بيتمسك بية

مش عارفة انا كنت بقول بيحبنى بس لما بشوفىة بيقلى كدة بقول دة عمرة ماحس بية اصلا

مش عارفة هتلاقى اغلب كلامى مش عارفة بحس نفسى غبية متخلفة يمكن لان دة هوة الولد الوحيد اللى تعلقت بية طول عمرى من وانا صغيرة وانا متعلقة بية من وانا صغيرة وانا بحبة وماشفتش غيرة

بس بجد انا غبيبة تفووو علية

انا بشرب دلوقتى قهوة فرنسية وظز فية وجع

بس خلاص

wella يقول...

وغير من بعد اذنك صورة الممثل دة

عشان بيفكرنى بشخصيتة القذرة اللى كانت فى بريزن بريك

القسوة مش للدرجة دى

sookra يقول...

يخرب بيت كدا
موش هارغى هنا
هارغى فى حته تانيه وهاابطل وضوح
ههههههههههههههه
فقرى

قول نعم ياض
ايوه كدا
الف سلامه دى بجد موش هزار
الف سلامه

أنصار السنة والسلف الصالح يقول...

منجيات وموجبات عذاب القبر


*المنجيات:-
• بر الوالدين.
• الوضوء.
• الصلاة.
• ذكر الله تعالى.
• صوم رمضان.
• سرعة الغسل من الجنابة.
• الحج والعمرة .
• صلة الرحم.
• الأمر بالمعروف والنهى عن المنكر.
• حسن الخلق.
• الخوف من الله تعالى.
• الافراط (الأولاد الصغار).
• الرجاء فى الله تعالى.
• البكاء من خشية الله .
• حسن الظن بالله.
• الصلاة على رسول الله صلى الله عليه وسلم.
• الإكثار من قول لا إله إلا الله.


* الموجبات:
• النميمة (الذين يوقعون بين الناس).
• عدم الإستبراء من البول.
• الكذب.
• عدم العمل بالقرآن الكريم.
• الزنا.
• آكل أموال اليتامى.
• آكل الربا.
• المتثاقل عن الصلاة.
• مانع الزكاة.
• خطباء الفتنة (الذي يثيرون الفتن بأقوالهم).
• المغتابون.
• الخوض في أعراض الناس (وهي من عظائم المعاصي أجلكم الله منها).
• صاحب الشملة التي غلها (من يأخذ أموال المصلحة التي يعمل بها من سرقة المال وأكل حق العمال).
• الداعي الى البدعة.
• الرشوة.
• الخيانة (خيانة الناس وخيانة الله).
• المخادعة.
• المكر.
• مؤذي المسلمين.
• تتبع العورات.
• المعين على الإثم والعدوان.
• الملحد في الحرم (الذي يروع الآمنين في الحرم– يعكر صفو الأمنين).
• المقدم رأيه في السنة.
• النائحة والمستمعة اليها.
• بناء المساجد على القبور.
• المطففون (جمع بين الأمرين، الشح والبخل، الشح: في طلب الحق كاملاً بدون مراعاة أومسامحة، والبخل: بمنع ما يجب من إتمام الكيل والوزن - كل من طلب حقه كاملاً ممن هو عليه ومنع الحق الذي عليه).
• الهمازون اللمازون (التكلم عن شخص بما يكره في وجهه ومن خلف ظهره).
• الطاعنون في السلف.
• الذهاب الى العرافين والكهنة (من أتا عرافاً وصدقه بما قال فقد كفر بما أنزل على محمد).
• أعوان الظلم (إعانة الظالم على ظلمه للناس).
• عدم الحج مع القدرة عليه (ومن لم يستطع فلا حرج عليه بإذن الله عز وعلى).
• تأخير الصلاة إلى آخر وقتها.
• الإشتغال بعيوب الناس.
• من يرى شعرها أجنبي.
• إيذاء الجيران.
• إيذاء الزوج وتحميله فوق طاقته.
• قطع الطريق.
• الخوف من المخلوق دون الخالق.
• الفاحش بذيء اللسان.
• الفتوى بدون علم.
• تعذيب الحيوانات.
• من يعمل عمل قوم لوط.
• السرقة.
• المحلِل والمحلَل له.
• عدم نصرة المظلوم.
• الحكم بغير ما أنزل الله تعالى.
• المحتال على إسقاط الفرائض.

أعاذنا الله وأياكم من هذه المعاصي

أبو العريف يقول...

جامده

تسلم ايدك يا سيد المعلمين

احاسيس مرهفه

ومشاعر جياشه

واسلوب متميز


نحياتي

*البت المشمشية *حلوة بس شقية * يقول...

ايه ياعم الرومانسية دى كلها
ماشى ياعم
الله يسهلو

فراشة يقول...

"بحثت عنك فى كلمات الآخرين
وفى عيون الآخرين
حتى فى كلماتهم وبين سطورهم
ضعت وضاعت أيامى
حلمت بكى وكأنهن أنتى
أعجبت وأحببت بل وعشقت
وذبت عشقا
لكن تظل الحقيقة العارية
أنهن مهما تعلقت بهن
لم يكن أنتى"

الجزء دا جميل قوي وحسيته قوي الكلمات تحمل معنى اكثر من انى اعلق عليها بجد

"آن الأوان أن أجد من تعشقنى حقا
وتدفع عمرها راضية لتسعدنى وتنير أيامى
سأتحمل فراقك صابرا راضيا
لا أرجو منك كلمة وداعا"

آن الآوان فعلا :(

ربنا يسعد ايامك يا كريم

الشعب لابد له من حكومه تشكمه يقول...

مش عارفه ليه افتكرت اغنيه عمرو دياب:

_اى واحده بتقابلها بتباه حاسه انت مش جايلها دا انت جاى تنسى,ليه وهمت الناس ياقلبى انك ناسيها والحقيقه ان انت عايش لسه بيها..

**كل ده علشان بتهرب من الحقيقه كل ده علشان ياقلبى تنسى واحده..

:))

يوم مننسى حد,بننسى تفاصيله وملامحه وكلامه,وتفاصيل المكالمات,بتنسى رقمه,ولو افتكرته فى يوم تقول يااه كنت اعرف الانسان ده فى يوم من الايام,تفتكره بدون متحن لوجوده..

يوم متعمل كده اعرف انك نسيتها,يوم متبطل تتكلم عنها,اعرف انك نسيتها:)

**,ينتهى هذا العشق عندما يصبح فى حياتنا شخصا عابرا ترك ذكرى ورحل و لا نمتلك تجاهه اى مشاعر سواء كانت كره او حب..ويصبح مجرد صفحه فى كتاب الذكريات..وقتها نكون بالفعل تخطيناه.

فاكر الجمله دى انا قلتها مره عندى فى البلوج,يوم برضه مده يحصل نقول انك نسيتها:))

عجبنى اسلوب كتابة البوست ده اوى ياكريم,ليه مش عارفه بس يمكن لانه يتحس اكتر من انه يتقرى:)

الشعب لابد له من حكومه تشكمه يقول...
أزال المؤلف هذا التعليق.
صدى الصمت - عاشقة الورد - يقول...

مش عاوزة أظلم حد من الطرفين أو أقول رأى نابع من عد معرفة بخلفية الأحداث ال جعلت البطل يختار الفراق ولكن سأتحدث عن إسلوب الكتابة لأنة راقى جداً ورقيق وحساس وصادق
أحييك علية

Just Smile يقول...

.......

موضوع مميز كالعادة

............
..................

.........

مفيش كلام الموضوع لغى اي كلام ممكن اقوله

تحياتي

donya يقول...

مساء الخير
كل مااقرا حاجه عن الفراق ازعل واقول اللي بيكون عنده ملكة الفراق دي ليه بيحب اصلا

ليه يحب ويقهر انسان اخر مالوش ذنب غير انه حب وحب بجد وصدق

تحياتي

عرقسوس يقول...

مساء الفل

لو كان لزاماً علينا الرحيل كارهك يا وداع ولا بديل والمستحيل إني أمسح دمعة مستحيل أخبي لوعة مستحيل .


آدي كل الموضوع

سلام


نتمنى تشريفكم في مدونتنا " شيش وإزاز" - تحت التوضيب