الأحد، 22 نوفمبر 2009

إحذر مما تتمناه


And this is real talk
I feel like the Incredible Hulk
My back has been broke, and I can still walk


So be careful what you wish for
'Cause you just might get it
And if you get it then you just might not know
What to do wit' it, 'cause it might just
Come back on you ten-fold

دى أغنيه ل
EMINEM
إسمها
careful what you wish for
إحذر مما تتمناه

أنا خلاص تعبت جدا
الكحه والدم مش بيبطلوا
خلاص قررت أخرج وأروح لدكتور
هقوم أفتح دليل الأطباء اللى عندى بتاع الوالد الله يرحمه
بصعوبة هحاول ألاقى إستشارى أمراض صدرية فى القاهرة
وهروح له
هروح لوحدى لأنى مش عايز حد معايه وبكره يكون حد معايه
يمكن حاجة مؤلمة فى المعنى ولكنها بتريحنى وفى نفس الوقت بتتعبنى
بكون بتمنى حد ييجى يغلس عليه ويقولى
(( إنته عبيط يابنى أنا جاى معاك ياض إنته ))

لكنى معرفش الضعف ومعنديش أصدقاء ومش هطيق أمشى مع حد من البيت هنا
بدون تطويل

إحساسى زى ما كتبت فوق
And this is real talk
I feel like the Incredible Hulk
My back has been broke, and I can still walk

أنا قايم ألبس وخارج
لا أسألكم شيئا

شاب فقرى

هناك 27 تعليقًا:

VÖltaa يقول...

طمنا عليك ياصحبى اول ماتيجى
ان شاء الله خير

غير معرف يقول...

الف الف الف سلامه علييييك

ان شاء الله خيييير

امر المؤمن كله خير

Pink Dreams يقول...

ربنا يشفيك يا رب

ويا ريت تطمنا عليك

أميرة علي كوكب مهجور يقول...

اول ماترجع من عند الدكتور تطمننا عليك وان شاء الله خير وحاجة بسيطه بس تسمع الكلام وبلاش دماغك الناشفه دي

يارب تكون بخير يا كريم

ponpona يقول...

فقري
بص .. ان فعلا حاليا مشوشه جدا والكلام كله طاير من دماغي بس شكرا ليك بجد علي كل كلمه قولتها في حقي سواء كان في البوست اللي فات أو في أي حته

حاجة تانية .. خد بالك من نفسك ومن صحتك ان قولتهالك قبل كده وهاقولها تاني .. الحلم الكبير عايز صحة كويسه وجسمي ربنا مديهوني امانه عندي .. يبقي لازم أراعيها

لا أسألكم شيئا !!
ممممممم ... بص هو غصب عنك هاندعيليك ، توافق بقي ما نوافقش دي حاجه ترجعلك

سلام بقي دلوقتي واحتمال ابقي آجي تاني

فوتك بعافيه

:)

Cute Kitty **sookra يقول...

كريم
اختيارك للصور فظيع ياواد انت
انت رجعت ولا لسه
طمنى بالله عليك
انا سقطت فى الامتحان

ريمان يقول...

كحه ودم؟

وساكت على نفسك لحد الوقتى
؟


طمنا عليك اما ترجع من عند الدكتور

promise is promise يقول...

طيب ينفع من بابا الزوق انى ادعيلك

ربنا يشفيك ويشفى كل من كان مريض
وندعى اللهم يارب الناس اذهب الباس واشفيكشفاء لا يغادر سقم


اما بقا للاغنيه فهى حقيقه لامفر منها
ساعات كتير حلمنا بيكون عب لينا
المهم
ربنا يعجل ليك الشفاء وتيجى وتطمنا عليك

ونورتنى
والسلام عليكم

كرسي أعتراف يقول...

كريم

شرفت بمعرفتك وبانتقادك
أسمحلي ان أرد علي تعليقك هنا لأني لا أخصص ردودا منفردة في صفحة التعليقات لدي ،
أولا: لم يجبرني أي شخص أن أطلق أسم كرسي أعتراف علي مدونتي ، فأنا أخترته بكامل ارادتي وعن اقتناع كامل يا صديقي .. انها متعة الصراحة

شكرا لانتقادك ، واتمني لك دوام الصحة

Asmaa mahaba يقول...

شافاك الله وعافاك

غير معرف يقول...

يعافيك ربي

ما تجوف شر(f)

الشعب لابد له من حكومه تشكمه يقول...

طب انا كنت بره انهاردا كنت قولى وانا اجى معاك:)
المهم اعلق هنا على البوست اللى فات الاول,اولا: مقولتش حاجه معرفهاش عن كريم.
ثانيا :مين صاحب المقوله عيش وحيد تعيش سعيد,قولى علشان اموته,عيش وحيد يعيش قلبك تعيس.(دى انا اللى بقولها)

ثالثا: مفيش ورده ليا:(

بوست انهاردا باه:
مختلفه مع العنوانولو كل واحد فكر كده فى حجات كتير مش هيوصلها علشان الحذر ده.
قلتلك متعاندش وروح للدكتور لازم نستنى لما نموت خالص علشان نروح(وش بيهز دماغه اسفا)
المهم لما ترجع اباه قول عملت ايه والدكتور قالك ايه.
ان شاء الله خير

نعكشة يقول...

أسئل الله العظيم رب العرش العظيم أن يشفيك
أسئل الله العظيم رب العرش العظيم أن يشفيك
أسئل الله العظيم رب العرش العظيم أن يشفيك
أسئل الله العظيم رب العرش العظيم أن يشفيك
أسئل الله العظيم رب العرش العظيمن أن يشفيك
أسل الله العظيم رب العرش العظيم أن يشفيك
أسئل الله العظيم رب العرش العظيم أن يشفيك

.....

ربنا يخففك بسرعه يا رب و يردلك صحتك
وترجع معافى أكتر من الأول
آمين


سلامٌ عليك

الشعب لابد له من حكومه تشكمه يقول...

صحيح نسيت اقولك:
(( إنته عبيط يابنى أنا جاى معاك)

بس من غير ياض انت:) مش نفسك حد يقولها ادينى حققتلك امنيه اهو:)

شاب فقرى يقول...

mo7ammed
شكرا للإهتمام والسؤال
نورت يا جميل
شاب فقرى

شاب فقرى يقول...

7annen

الله يسلمك :)

شكرا لاهتمامك وسؤالك :)

شاب فقرى

شاب فقرى يقول...

أميرة على كوكب مهجور

الحمد لله كله تمام :)

ويارب يحفظك ويعزك وتسلمى يارب عالسؤال والإهتمام :)

شاب فقرى

شاب فقرى يقول...

ponpona

:)

تنورى فى أى وقت وأنا فكرت فى كلامك وعشان كدا خرجت

:)

بالنسبة لكلام البوست السابق فلم تكن الحقيقة كاملة ولكنها جزء كبير منها :)

فقرى

شاب فقرى يقول...

sookra

السقوط ما هوا الا وسيلة اخرى لاكتشاف النجاح

انا رجعت :)

شاب فقرى

Roqaya يقول...

ألف سلامة عليك يا كريم
ان شاء الله هتكون حاجة بسيطة والدكتور يطمنك بس انت اهتم شوية بصحتك
ربنا يشفيك ان شاء الله

شاب فقرى يقول...

ريمان

:)

باك

عدنا بحمد الله

ان اء الله خير

شاب فقرى

شاب فقرى يقول...

promise is promise

اللهم اشفينا جميعا يارب

شكرا للإهتمام والسؤال نورتى المدونة

شاب فقرى

شاب فقرى يقول...

كرسى إعتراف

أنا أكره تعذيب الذات ووتحميلها فوق طاقتها ولهذا كتبت لك التعليق

متعه الصراحة ليس بإستمرار البكاء على الماضى

ولكن إنها مدونتك أولا وأخيرا

يشرفنى مطالعتها ومتابعتك :)

خالص إحترامى وتحياتى

شاب فقرى

شاب فقرى يقول...

سومة عاقلة فى بلد مجنون :)

نورتى

وجزاكى الله كل خير وإياكى تنسى تدعى لى
خالص التحية والاحترام
شاب فقرى

شاب فقرى يقول...

غير معرف

حفظك الله ورعاك وشكرا لإهتمامك والدعوة

شاب فقرى

شاب فقرى يقول...

نعكشة

جزاكم الله كل خير

نشكركم عالدعاء والإهتمام :)

ربنا يحفظك ويعزك

شاب فقرى

شاب فقرى يقول...

الشعب لابد له من حكومه تشكمه

شيما

إزيك

يارب دايما بخير

المقولة دى إتقالت لى من حد قريب منى أوى

شيما إنتى عارفة إن ليكى عندى بوكيه ورد سواء شئتى أو أبيتى

الحمد لله رجعت بالسلامة :)

مش حكاية استنى لما اموت بس انا مجاليش نفس انزل غير النهارده ودلوقتى

بس كدا :$

:) :) :) :) :)

دايما بتحققى لى كل الأمانى :)

جزاكى الله كل خير والله

أنا دلوقتى عايز شوكلاته

نفسى فيها أو فى نص فرخة وشوية سندوتشات

:(((((((((

شاب فقرى