الاثنين، 30 نوفمبر 2009

كان عندى حلم


كان ليه حلم

كان عندى حلم ...
كنت ماسكه فى إيدى ومتبت عليه

كان عندى حلم ...
وفى زحمة المترو إتحدف ومش لاقيه


كان ليه حلم فى لحظة تاه

وضاع فى دوامة الحياة

حلمى اللى عايش عمرى بيه
لو حد فيكوا فى يوم لقاه
يشيله ويخليه معاه ...
وأنا كل يوم أسأل عليه


أنا حلمى أخضر وبضفاير

وبمريلة بنى بأساور
كتبه شايلها فى شنطة خيش
عايش فى أودة عالسطوح
مبسوط وراضى ملوش طموح
غير إنه بس فى يوم يعيش


كان ليه حلم فى لحظة تاه
وضاع فى دوامة الحياة

حلمى اللى عايش عمرى بيه
لو حد فيكوا فى يوم لقاه
يشيله ويخليه معاه ...
وأنا كل يوم أسأل عليه


أنا حلمى عادى شكله عادى
وملهش سابقة فى أى ماضى
متربى عارف ربنا
هييجى له فين بس الأعادى
دا لا عنده مال ولا له أراضى
وملوش مكان غير قلبى أنا

***

دى أغنيه جميلة للفريق الأجمل بلاك تيما
نشرتها ليه يابنى؟؟؟؟
بس
عشان لاحظت تصرفات غريبة لبعض الناس الفترة اللى فاتت
الناس مش عايزة تدافع عن أحلامها ولا عايزة تستمر
ولا عايزة تستحمل الحياة
حتى لو فى قيود
أو فى أى شىء معطلنا

تفتكروا لو دققنا النظر فى الصورة اللى فوق دى كويس
المفروض نبقى مين فى اللى فى الصورة
الجدار اللى هما ساندين عليه
أقوى ومستمر
صحيح مش مشهور
ولا معروف

بس ليه دور خطير فى الحياة
ومن غيره مكانش هيبقى فى حاجات كتير أوى
وثابت وصامد
برغم المشكلات اللى بتواجهه
برغم الأزمات اللى بتمر عليه

برغم إنه أحيانا بيفقد روح الشىء اللى بيحبها فيه
مينفعش الواحد يقف يبكى
ويقول خلاص
حتى لو الأصدقاء سابوه
والأحبه إتغش فيهم ببساطة
والقرايب طمعوا فيه
من الآخر كدا
إستمروا
لا هما هيكونوا آخر ناس الواحد يتخدع فيهم

ولا هيكونوا أول ناس الواحد يحبهم ويفارقوه
ولا هيكونوا أول غيمة تعكر صفو حياتنا

سيبوكوا بقى من الجدار

حلوة سيبوكوا دى :D

الواحد زى الصورة كدا معاه أصحابه

صحيح أنا معنديش صحاب

بس عايش مبسوط

فى منكم من الأخوة المتنكدين ليه صحاب

يبقى ليه نزعل مادام ممكن نفرح

يعنى هنعيش دور اللى بيخسر

ونعيش زعلانين

ونعيش لوحدينا

وقرفانين

خد يا وديع إعمل الفيلم دا :D

فى السنة اللى رفضنا فيها النكد

قدمنا :)

هاكونا مطاطا

مدونات عربى ...أم الأجنبى :)

شكلى قلبت على تهامى باشا

ههههههههههههههههههههههههه

كل سنة وإنتوا طيبين وإلى الله أقرب


ها حد سمع الأغنيه وإنبسط

حد فكر مرة تانية

حد قال إنه هيفضل كويس وصامد وبخير

طيب فى هدايا للشطار

كابتشينو كرمللة :D

أربع فناجيل أهم زى السكر :)

ربنا يفتح نفس الجميع عالحياة

ملحوظة : اللى هياخد فنجان هيدفع دمغة سبعتاشر جنيه وتلاتين قرش ويسيب رهن الفنجان :)

الحق حق

:) :) :)

وبقول لأى حد بيحب النكد

هنفضل جمبك غصبن عن عين سعادتك:)

الكلام موجه لناس كتير أوى أوى أوى

المهم كل واحد يفهم إن ما كتب هنا موجه ليه :)

شاب فقرى

هناك 39 تعليقًا:

فتاه من الصعيد يقول...

جميل مود التفاؤل ده

لا مشكله في ان نحزن .... ولكن المشكله ان نغرق في احزاننا

بحب اقول حكم انا :D

تحياتي

هيثــم رمضـــان يقول...

باشا ..كل سنه وإنت طيب كلمات الأغنيه جميله قوي ووجهة نظرك رائعه , إنت عارف في ناس اللي إحنا بنقول عليهم بيحبوا النكد هو أكيد ما فيش حد عايز يعيش في نكد لكن في شخصيات مقاومتها ضعيفه ضد الحزن وبيتأثروا بسرعة من أقل موقف ويزعلوا ويحزنوا بشكل مبالغ فيه وعلي النقيض في ناس مقومتها عاليه وبتكره مود الحزن ومهما إتعرضوا لمواقف محزنه بتعدي عليهم في وقت قليل وبيرجعوا لطبيعتهم المرحه المحبه للفرح.

تحياتي

Olive tree يقول...

اول حاجة احجز فنجان

ومش مشكله تمنه دلوقتى طيب


سلمت يمينك على الكلام دا
فعلا الانسان كل فتره من حياته بيحتاج
الى بعض الكلمات اللى تقويه وتخليه ينفض اى تراب للضيق او الزعل اتكونوا عليه فى الفتره دى

ممكن يكونوا الكلمتين دول نابعين من داخله بس بتبقى صعبه اوى تلاقى شهص فيه القوه دى
ممكن تلاقيهم من الصحاب ودول بقى نادريين اوى فى الوقت دا
ممكن تلاقيهم فى مدونه شاب فقرى :)

تحياتى ليك
ودمت فى سعاده وهناء
وراحه بال من كل هم



ان نسيت اقول الاغنيه جامده جدا

سلامى

خواطر شابة يقول...

انا كمان لاحطت هذا الموضوع وسألت شيما قلت لها ان حاسة ان فيه شوطة اكتئاب ضاربة كل المدونات وكنت بتساءل ياترى ليه.
حلوة طريقة معالجتك للموضوع والحل اللي طرحته عملي على الله بس يطبقوه انت بقى أرضيت ذمتك فقول بقه اللهم اني قد بلغت اللهم فأشهد
على فكرة مفولتش نسيب الرهن فين?

جارة القمر يقول...

كلامك فى الجوووووووووون

الاول صباح البنفسج

انا بحب الاغنية دى جدااااااا مش لان حلمى ضاع لالا انا الحمد لله حلم حققت جزء منه و بحقق الباقى و ربنا يقدرنى
لكن معبرة اوووى بجد عن احوال ناس كتير
بس تصدق الواحد اوقات بيعانى من اليأس
لكن الحمد لله بنخرج منها بسرعة

يارب تكون بخير دايما و مبسوط

ponpona يقول...

حد قال إنه هيفضل كويس وبخير

أناااااااا


يسعد صباحك يا كريم

غير معرف يقول...

الكلام حلو اوى
لكن تنفيذه صعب جدا
انا انونيمس

غير معرف يقول...

انا تعبانه اوى
دماغى هتنفجر من التفكير فى كل حاجه وموش شايفه اى امل
كل حاجه زى ماهى

غير معرف يقول...

سئمت يارب حياه الالم
وزاد همى الفقر لما ألم
ربى انتشلنى من وجودى فقد
جعلت فى الدنيا وجودى عدم

رباعيات الخبام
دا احساسى من فتره
وجودى عدم

donya يقول...

مساء الخير
البوست ده كان عايز يبقي معاه اغتية وبحب الناس الرايقه اللي بتضحك علي طول

ههههههه

عزيزي الفقري احييك علي هذا البوست

والأحلام ياعيني علي الاحلام ماحدش لابيمسك حلم حد والا بيحافظ علي حلم حد

كل واحد هو المسؤل الاول والاخير عن حلمه
بس خلاص

تحياتي

الشعب لابد له من حكومه تشكمه يقول...

ياسيدى ياسيدى حكم ودروس وعبر:)

فى واحد اسمه كريم لو تعرفه اباه قوله الكلمتين دول بالمره:))

وبالمناسبه السعيده دى احب اسمع اغنيه رامى عياش وعدويه: وبحب الناس الرايقه اللى بتضحك علطول اما العالم المضايقه لالالا مليش فى دول:)(بحبها اوى الاغنيه دى)

*مش عيب اننا نحزن او نضايق,ربنا قال وخلقنا الانسان فى كبد, كل واحد فينا لازم تكون فى حاجه بتضايقه لااااااااااازم مفيش حد بيعيش حياته كده مبتسم 24 ساعه لكن المشكله اننا نغرق اوى فى الحزن والزعل وننسى اى حاجه تانيه حلوه.

_ مش بحب الكابيتشينو:( ولا القهوه ولا الشاى شوفى عصير لو سمحت او بيبسى:)

z!zOoOo يقول...

السلام عليكم

ازيك يارب تكون بخير

تصدق بالله يا فقري كنت لسه في العصر النهارده بتكلم مع اصحابي علي نفس الموضوع

الحاجه الي بتصيب الانسان عمرها ما كانت اخر المطاف ومش معناها إننا تخلي عن احلامنا وعن نفسنا للحياه

بالعكس انا كنت بقول إنها لازم تدينادفعه ونبدأ من عندها إنطلاقه جديده لحلم جديد

وإن الحياه مش بتسير علي وتيره واحده

فلازم نفرح بمقدار ونحزن بمقدار

فلا نفرط في الحزن ولا في الفرح

فالإفراط في الحزن يجعل القلب كالكهف المهجور او كالبيت الخرب

والافراط في الضحك يميت القلب

ولازم نكون زي ما قال ربنا عز وجل

" وجعلناكم أمه وسطا "

يعني لازم في كل شيء نبقي معتدلين

مانقدرش نقول ما نحزنش او ما نفرحش

لأننا في الحالتين هنبقي مش بنحس وساعتها مش هنبقي بشر

لكن الانسان الحكيم الي بيتحكم في نفسه
بيعرف يقيد مشاعره

وإنه يعرف يفرز مشاعر بالقدر المطلوب لا بالزياده ولا بالنقص

ومبسوط إنك موجه الكلام ده للكل عشان فعلا فيه ناس كتير مغمقاها خالص

ومش معني إن حلم ماقدرناش نحققه تبقي حياتنا إنتهت او ديه نهايه العالم

لازم نجدد الامل ونعيش بحلم جديد لأننا بدون أمل او حلم هنبقي جسد من غير روح

يعني مش عايشين

:)

انا بحب بلاك تيما بس ماسمعتش الاغنيه ديه انا بحب مكعب سكر لو كنت سمعتها

ديه اول زياره ليا عندك

وبإذن الله مش هتكون الاخيره

صحيح كان عندي سؤال

إنت ليه مالكش اصحاب
:(

كل سنه وانت طيب يا فقري

وفرصه سعيده

:)

كراكيب يقول...

يانهااااااار مش معدي
انا اكتب كومنت طويل عريض وفي الاخر مايرضاش ينزل ويروح
اشوط
اعيط
اشد ف شعري

طب مش قايلة حاجة بقى
هه
علشان انا اتنرفزت دلوقتي بقى

هقولك الاختصار المفيد من الكومنت في نقط
1/ يا ابني كنت اختار صورة عدلة عن كدة لبلاك تيما حبايبي.. دي صورة يمة خالص من زمان كدة دلوقتي ليهم صور فل جدا

2/ خليك كووووول ايها الشاب الفقري:)

3/ كل سنة وانت زي الفل وعيد يعدي عليك ليضفي مود عالي وتمام التمام -شفت ليضفي دي-:)

ومش فاكرة بقى كنت كاتبة ايه تاني
كانت تلك هي عناوين الاخبار وإليكم الموجز بعد الاعلانات

miro el niro kwanirooo

'' حطام (ك) بقايا '' يقول...

السلام عليكم و رحمة الله وبركاته

ازيك يا كريم اخبارك ايه
واخبار صحتك دلوقتي ايه
ان شاء الله تكون تمام
و تكون مواظب على زيارة الطبيب
هااا


متخفش يا كريم
رغم الياس و الاحباط اللي بيظهر على الواحد و بيبان عليه و انه مش قادر يكمل المشوار اللي ابتداه
جواه قوة من جووووه بتدفعه
الواحد بس ساعات من كثر ما بيسكت و مبيتكلمش بتيجي عليه فترات مبيحسش الا و هو منفجر زي البركااان و يطلع كل حااجة مضايقاه سواء قديمة او جديدة المهم انه يتكلم يقول بس اول ما يحس انه ارتاح و قال كل اللي جواه بيحس بروح جديدة كلها امل سكنته من ثاني و انه قادر على تكملة المشوار من جديد
واحنا رغم كل اللي بنمر بيه
مؤمنين بانها ليست الا اختبارات من ربنا عز و جل
و ان شاء الله بادن الله هنكون من الناجحين فيها
ربنا يوفقنا جميعا

بس اللي يالم بجد
لما تلاقي واحد من كثر ما هو متضرر و مجروح من الناس
بيعيد نفس السينايو على اشخاص ثانية بنفس الاحداث لكن باختلاف الشخصيات

ليييييييه
انت اكثر حد حاسس باالالم و الجروح اللي هتصيبهم و بالدموع اللي هيسكبوها طب ليييه بتعملها معاهم
ليه بتمشي بمنطق * ليه انا وحدي اللي انجرح خليهم هم كمان يجربوا*
يا بني ادم مين اللي قالك انهم مش مجربين
هم مجربييييييييين و موجووووعيين زيك زيهم بس اوعى تكون انت سبب في جروحهم دي

اتمنى اتمنى اتمنى اني موصلش ليها ...

وجعتني قويييي الحتة دي يا كريم :
**
لا هما هيكونوا آخر ناس الواحد يتخدع فيهم
ولا هيكونوا أول ناس الواحد يحبهم ويفارقوه
ولا هيكونوا أول غيمة تعكر صفو حياتنا
***
ربنا يستر


على فكرة انا مش بطلت اتابع مدونتك
باالعكس
انا بس بطلت ادخل النت زي الاول

عشان كده مبقتش متابعة لاي مدونة حتى مدونتي

اتمنى تكون في تمام الصحة والعافية

'' حطام (ك) بقايا '' يقول...

نستنيييييي اذكرك بالواااجب
التااج ياكريييم مش هتنااازل عنه
هههههه

أحن إلى ذكرى تقسو علىّ يقول...

السلام عليكم و رحمة الله و بركاته
كلامك جميل قوى شجعنى جدا خاصة انى مقدمه على حاجه كده عاوزه أعملها و نتيجتها يا اما انهيار عصبى يا اما حاله هيستريه و ربنا يستر
بس كده فى أمل يجى لى حالة عدم استيعاب للى حصل مع انى معرفش ايه اللى هيحصل
و انا اخدت واحد قهوه علشان مبحبش الكابتشينو
تصبحوا على خير

صدى الصمت - عاشقة الورد - يقول...

جميل قوى إن الواحد يتمسك بأحلامة لو كانت بالطبع مشروعة
وجميل قوى إن الواحد يتحدى نفسة ويتحدى ضعفة ويصمم على تكملة حلمة حتى لو هيواجة أى صعاب
بس مش جميل إنك بتقول إن ماليكش أصحاب
أمال إحنا داخلين هنا نعمل إية؟
لو ماكانش ليك أصحاب ماكانش حد تعب نفسة وترك ليك أى تعليق وله إنت مش معتبرنا أصدقاء
تحياتى

ريمان يقول...

هاكونا مطاطا



انسى الماضى اللى يغيظ


طنش تعيش تنتعش

ههههههههههههههه


بجد يا ريت كلنا نعمل بكلامك ده


يا ريت والله


كل سنه وانت طيب

فراشة يقول...

كلام جميل وكلام معقول

بص الكلام سهل جدا وانا عن نفسي كتير بنصح نفسي باية اللى المفروض تعمله

بس فيه حاجات مبقدرش اعملها عشان نش انا لوحدي اللى جوه الحكاية

الحمد لله احلام كتير اتحققت ولس احلام متققتش واحلام اكتر تاهت ف الزحمة
واحلام بنعافر عشان نحققها


كلامك جميل يا كريم
ربنا يقدرنا ونعمل بيه

واحجزلي فنجان لو سمحت من أبو رغوة دة

إحنا شباب النهارد يقول...

السلام عليكم ورحمة الله وبركاته

تسر رابطة هويتى إسلامية أن تدعوك للمشاركة فى قص شريط إفتتاح أحد أكبر وأهم مشروعاتها وهو مدونة " إحنا شباب النهارده " من خلال تاج هدية من الرابطة .

نتمنى قبول التاج ونشر إجابته بمدونتك مشاركة منك فى افتتاح المدونة

نرجو زيارة المدونة للحصول على أسئلة التاج والإطلاع على كافة التفاصيل حول فكرة المدونة

مع خالص تحيات
أسرة رابطة هويتى إسلامية
فريق عمل إحنا شباب النهارده

آيوشة يقول...

اوعى يكون الكلام موجه ليا ازعل اه
اصل انا اخر تفاؤل وبدافع عن احلامى لاخر نفس :)
الاغنية جميلة جدا وانا بعشق كل اغانى بلاك تيما وانت كبرتها فى دماغى وهدور عليها علشان اسمعها لمدة يومين متواصل
وياريت ينفع نعيش من غير نكد وياريت نقدر بجد ندافع عن احلامنا
كالعادة بوستاتك ماشاء الله متميزة جدا
غير اسمك بقى :)

wella يقول...

مساء الخير
اه والله نفسى فى كباية كابتشينوا


يبقى ليه نزعل مادام ممكن نفرح

يعنى هنعيش دور اللى بيخسر

ونعيش زعلانين

ونعيش لوحدينا

وقرفانين



يعنى احيانا الواحد بيبقى عاوز يعيش نفسة فى دور الكئيب شوية



بس كله كوم والصورة اللى انتة مختارها للفرقة كوم صورة تجنن
اية دة ياعم مش عرفت تنقى صورة غير دى حرام عليك

غير معرف يقول...

بتقول انك كنت مسلم وغيور على دينك
كيف لانسان ذاق حلاوه الاسلام ان يكفر بالله

كيف لك انت تهين رسولنا الكريم وتهين رب العرش العظيم

كيف تسير وراء الكفر والالحاد وتترك نور الاسلام

للاسف انت لم تكن مسلم متدين وغيور على دينك كما تقول

ولكنك كنت من اصحاب النفوس الضعيفه
التى اسلمت دون يقين
وللاسف هناك من امثالك من يسيرون وراءك

ولكنك لم تسطع محو الاسلام اؤكد لك ان فى بطاقتك الشخصيه ديانتك مسلم
ولكن للاسف انت وامثالك عارا على الاسلام

لو تدرى عن يقين كيف وصل لنا هذا الاسم الذى تجرح فيه

وكيف تعذب رسولنا ليحمينا ويضعنا داخل الاسلام الذى يدعو الى التسامح والامن

لبكت عينيك بدل الدموع دم على ما اصاب رسولنا الكريم من مهانه وتعذيب

لو تدرى عن يقين ماهو الاسلام وافضال ربك عليك
فهو الذى خلقك واعطاك كل النعم
ما اكفاك التعبد والتسبيح والشكر لله ليلا ونهار

ولكنك فى غفله وفى غمامه انت وامثالك
تختبئون وراء ستار الالحاد لتفعلون المعاصى والذنوب والعياذو بالله

واكبر دليل على ذلك انك تتحدث عن القران وتجرح فيه فقط
مع انك لاتؤمن باى ديانه اخرى
لا مسيحيه ولا يهوديه وكلهم ديانات سماويه من عند الله

وانت لا تؤمن باى رسول نزل من عند الله
ومع ذلك لا تهين الا رسولنا الكريم
محمد صلى الله عليه وسلم

لانك تعلم عن يقين ان الاسلام على حق
وانه دين الله فى الارض
وتعلم ان الله موجود وتعلم كل هذا
ولكنك مصاب بمرض النفور من التوحيد والعياذوا بالله

فكر قليلا وتأمل الكون واسال نفسك من خلقك ومن خلق هذا الكون
وانظر حولك ستجد كل شئ دليل على وجود الله سبحانه وتعالى
وستجد كل شئ يسبح بحمده

تذكر ايام اسلامك وانت تقف بين يدى الله فى الصلاه
وابكى على ما فعلته بنفسك

انا اعلم جيدا انك لم تنشر هذا التعليق ولكن هذا لايهم واعرف جيدا انك ستسخر من كلامى لان الشيطان للاسف غلبك لانك كنت ضعيف النفس والايمان
وهذا لايهمنى
ولكنى ارضى ضميرى امام الله واوضح لك الغمامه التى امام عينيك
وربى وربك الهادى الودود

الله لا اله الا انت سبحانك انى كنت من الظالمين

صوت من مصر يقول...

عارف لو بتحب بلاك تيما ويهمك جروح الوطن والمجتمع بجد
اسمع اغنية زحمه تحمل بكل المعنى ماهو يسمى مجتمع مصرى

شاب فقرى يقول...

Olive tree

لاء لازم تمنه دلوقتى :)


ههههههههههههههه

الله يسلمك

لا صعبه ولا حاجة

عادى جدا

أنا بدور عالشخص دا وفى الآخر ببص فى المرايه وبلاقيه
:))

احلى سلام واطيب مرور نورتى

شاب فقرى :)

===================
جارة القمر

الحمد لله جبنا جون

معرفناش نعملها فى الماتش نعملها هنا

سيبك من الماتش ربنا يجعل كلامنا خفيف عليه

الحمد لله إن الواحد بيقدر يطلع من اليأس دا :)

نورتى والحمد لله بخير ومبسوط وتمام

تحياتى

شاب فقرى
================
خواطر شابه

والله هوا رأى شيما على طول فى الجون وصح
مش عارف ليه

عندها حق فعلا فى حكاية المدونات اللى مليانة نكد دى

والله انا بقعد اتصفح النت بييجى لى نكد رهيب من اللى بقراه

كل سنة وانتى طيبة

الرهن ابعتيه على القاهرة الدور التالت شاب فقرى :)

بالهنا والشفا الفنجان

:)
فقرى
==================
هيثم رمضان

وانته طيب يا جميل
هوا فعلا موضوع المقاومة دا لان النكد عامل زى الفيرس ربنا يشفى كل المرضى بيه
ياريت تكون فعلا غيمة وهتعدى
:)
شاب فقرى
==================
فتاة من الصعيد
أى خدمة التفاؤل بالمجان فى مدونة شاب فقرى
والله عندك حق :)

أحلى سلام وتحيه :)
شاب فقرى
=================
ponpona
الله
الله
الله
الله
الله
تلاتة قهوة هنا يابنى للانسة بونبونة :)
صباحك ورد
=================
غير معرف
أنونيمس
ياترى إنته صديقى الدكتور أنونيمس ولا واحد معرفوش ولا حد من اللى جبت سيرتهم وإتكسف يتكلم
عالعموم كدا او كدا
الحوار سهل وجرب بنفسك
بالخنصر والبنصر وإديها :D
فقرى
=================
غير معرف التانى
الف سلامة
إن شاء الله خير
بس يارب نعقل بس ونبطل جنان
=================
غير معرف التالت
مش عارف إزاى ربطت الوجود بالعدم سواء إنته أو الخيام
قول عايز أختفى وخلاص وروح إشرب قزازة ميه ساقعة وعيش فى إنتعاش بلا هم الله يكرمك
================
كراكيب
مس مرام
أهلااااااااااااااااااااا
معلش
أنا هقطع المحرر بتاع الكومنتات دا
معلش
أيام سو سو سو مبسوط :P
عشان رضيتى تعلقى تانى
نرد بقى
-لازم تكون الصورة بتعبر عن الحقيقة المرة :P
-أنا سووووو كوووول :D
- وكل سنة وانتى كمان طيبة وبألف خير :)
عجبتنى أوى ليضفى دى :D
حلوة والله

يارب الإعلانات تخلص :D

تحياتى يا ميرو النيرو كوانيرو :P
شفتى كوانيرو بالعربى عاملة إزاى :D
فقرى
==============
نواصل التعليقات بعد الفاصل

شاب فقرى يقول...

'' حطام (ك) بقايا ''

أنا كنت زعلان

بس خلاص المسامح كريم وأنا كريم جدا وهحاول أنسى

:)

متبطليش تزورينا بقى :)

المنطق دا مجرد التفكير فيه بيحرق دمى
* ليه انا وحدي اللي انجرح خليهم هم كمان يجربوا*

يا ساتر يارب
أكيد فى ناس بالسوء دا
الحمد لله العبد لله بخير
بس نتمنى السؤال :)
ربنا معاكى ويقدرك على اى ابتلاء ويقويكى على التزاماتك
فقرى
====================
z!zOoOo

بجد عجبنى تعليقك وردك وبالذات لما جبت من الاخر وقلت المفيد

ولازم نكون زي ما قال ربنا عز وجل

" وجعلناكم أمه وسطا "

موضوع ليه ملكش اصحاب دا يطول شرحه

لكن الحمد لله عايش تمام :)

نورت يا جميل
وطبعا مش هتبقى آخر زيارة

فقرى
====================

الشعب لابد له من حكومه تشكمه

شيما

ياه منورة والنعمة :D

والله عن نفسى لسه ما سمعت الأغنيه بس شكلها جامد جدا :)

المشكلة فى الغرقان فى الحزن دا ربنا يكفينا شره

:)
مش فى عصير أو بيبسى
البيبسى بيتخن فمش بنجيبه هنا :P
فى كابتشينو
أهى كوبايةبقى وخلاص يا شيما
مش قصة يعنى :$
هههههههههههههههههههه

منورة
شاب فقرى
=======================
donya

أتارى الدنيا غداارة
بهزر :)
فى ناس بتحافظ على احلام غيرها طبعا

لما تبقى فى مصلحتها بس

ولا عزاء فى الواجب ولا الجدعنه
الدفنه هتبقى سكيتى

وكل سنة وانتى طيبة
فقرى
:)
================
'' حطام (ك) بقايا ''

حاضر عنيه

انتى بس تأمرى :)
بس ربنا ييسر كدا كمان شوية

فقرى

======================
wella
معلش بقى المسامح كريم

وربنا ما لقيت غيرها قدامى

يلا معلش :)

هههههههههههههههههههههه

مش عارف ايه الممتع فى ادوار الكآبة ؟؟

بس نو بروبلم

خليهم يعيشوا

ربنا يصبرنا

فقرى :)
====================
غير معرف الاخير

ياعم وربنا ما أنا

دا حد عامل أكونت زى بتاعى

وبيشتم فى كل حاجة

أنا ذنبى إيه

تقدر تسميه نوع من الإنتقام

ليه
لانى هزقته هنا قبل كدا

نرجع لموضوعنا

دلوقتى انته لو كنت دخلت على بروفايل الشخص دا ودخلت على مدونته كنت هتلاقيها غير دى

وشكرا للرمى بالباطل

ربنا يسامحك

شاب فقرى
====================
آيوشة :D
الكلام موجه للجميع

صباح الفل أبو ريحة حلوة
لأن فى فل بربع جنيه ملوش ريحة
إيه الكلام اللى بقوله دا :((

إزيك ويارب دايما بخير

طيب دلوقتى انا حاطط لينك التحميل فى المدونة

بس لو غيرت إسمى لازم أغير إسم المدونة ومحدش هيعرف يوصلى تانى :((

وبعدين إزاى أتنازل عن فقريتى فى الحياة :((
بلاش السيرة دى :)
نورتى
يارب دايما أقوى وبخير

فقرى
=================


نكمل التعليقات بعد الفاصل

شاب فقرى يقول...

ريمان

العاملون بمبدأ هاكونا مطاطا
أحسن ناس :)

بيفرحنى تواجدك :)
وكل سنة وانتى بألف خير يارب وبالصحة والسلامة وإلى الله أقرب
فقرى :)

=====================
أحن إلى ذكرى تقسو علىّ

طيب ليه البؤس واليأس دا

ربنا هوا الكريم واللطيف وقادر يلطف بحالك بعد اللى ناوية تعمليه وإن شاء الله خير

هوا فعلا القهوة حلوة أوى
إتفضلى نو بروبلم

نورتينا ويارب ما تكون آخر زيارة
وكل سنة وانتى طيبة

الفقرى
====================
فراشة

عنيه سهلة والله وبسيطة وممكن أوى أبعت لك الفنجان كمان
دليفرى

من ابو رغوة دا

بس هيتضاف تكاليف الدليفرى

ان شاء الله تبقى اقوى واحسن وتقدرى تعملى بيه :)

نورتى
يارب دايما بخير وسعادة

فقرى
===========
صدى الصمت - عاشقة الورد -
المفروض كلنا نتمسك بأحلامنا
طيب هسألك سؤال مادام بتسالى عن الصحاب
تعرفى أنا بفكر فى إيه دلوقتى ؟؟
لو عرفتى
يبقى أكيد صحاب قوى قوى قوى كمان

لان هيبقى فى معرفة وقرب واحتواء من كلا الطرفين
أكيد فهمتى المعنى :)

نورتى
شاب فقرى

=-================

إحنا شباب النهارده

شكرا للدعوة وتم رفض التاج

شاب فقرى
===================
صوت من مصر

أسعدنى وجودك ومرورك

وبجد انا بعشق الأغنيه دى هى واغنيه إنسان وزحمة :)

نورت يا جميل

شاب فقرى

حمامة سلام يقول...

رئيك مهم جدا نرجو التواصل اكتب تعليق على الموضوع قول رئيك بصراحة
http://ana-wa-nafsy.blogspot.com

MaraM يقول...

حلوه لاغنيه جدا بس عمري ما سمعتها....... مهي الدنيا كده سعات نجري وسعات نقع وسعات نقوم وسعات نزهق من الوقوع ومنقدرس نقوم تاني...بس بردو انا معاك الدنيا مش هتفرق معاها انت واقف ولا واقع ...الوقوف والوقوع بيفرق في حياتك انت ...آنت بس... وعلي فكره الاصحاب مش فارقه كتير ...دول اساسا هما اللي بيوقعوك .....اه يا رجلي وقعت كتير انا في الكومنت

Somaya Kamal El Din يقول...

ايه الحلويات دى والشيكولاتات والكوكاكولا هههههههههههههه

عجبتنى الاغنية

بس مش عارفة ليه لازم الواحد كل فترة يعيد حساباته
لازم يوقف ويعرف هو عاوز ايه والمفروض يكمل ازاى فى النفس الطريق ولا يغيره

لازم نزعل ولازم نتضايق ولازم نتالم ولازم نغلط لاننا بنى ادمين مش حاجة تانى
وكمان طبيعى جدااااا ان نمر بمواقف صعبة ونبقى مستعدين نتخلى عن كل حاجة
بس لازم نعرف وقتها انها مرحلة ومنتخلاش عن كل حاج

بس نوقف فترة ونراجع حساباتنا

وحبي لك لن يموت يقول...

جميل ان ينعم الانسان بالتفاؤل
وان يمارس طقوس السعادة
كأول وظيفة في جدوله اليوميَ (H)

كلامك جميل جودا :)

مش لازم نستنى السعادة تيجي
عشان احنا اللي لازم نقوم
وندور عليها
ولما نلاقيها نتبت فيها :)
ولو مش لقينا اللي يسعدنا
نحاول نسعد نفسنا
ومش نسيبها في الضلمة لوحدها

مع انها حتى لو كانت ف الضلمة
مش هتبقى لوحدها
عشان معاها ربنا :)

الحياة من حقنا احنا بس
ومش من حق الحزن واليأس ييجي
ويفرض شباكه عليها

احييك على كلماتك الجميلة
التي قد تزيل النضارة السوداء
عن اعين الكثيرين

دمت بسع ـآدة ;)

ponpona يقول...

ممممم

مش ناوي تحط بوست النهارده بقي ولا ايييه؟

:)

ponpona يقول...

حاجه كمان معلش .. ايه كان عندي حلم دي .. هاه؟ انا عارفه ان دا اسم الاغنيه بس ولو .. اسمها انا عندي حلم بلاش فيرب كان دا

كان فعل ماضي ماتسيبو في حالو .. ترارارام

معلش اصلي فايقه حبتين

سلام بقي

Tamer Nabil يقول...

كلام الاغنية رائع


وعندك حق فى كلامك

لازم الواحد يحلم ويدافع عن حلمة ويحاول يوصل لية

حتى لو فشل مرات يفضل يحاول وكلة امل الى ان يصل الى ما يحلم

ربنا يوفقك ويكرمك

مع خالص تحياتى

الزنارى يقول...

السلام عليكم
يارب يتحقق حلمك .
الموضوع رائع فعلا و طريقة الصياغة معبرة
مع خالص الاحترام و التقدير
أحمد الزنارى

Just Smile يقول...

مش عارفة يا كريم..

ازاي حد يضيع حلمه وبعدين يقول لأي حد تاني يلاقي حلمه ده ويخليه معاه هوا.؟؟
اصلا الاحلام ديه عليها حقوق ملكية حلمي محدش ياخده غيري..اعتبرها انانية بس برضه ده بتاعي وبس

حلوة الاغنية بس حاساها شوية متناقضة زي ماقولت فوق

اه صح انا عاوزة فنجان كابتشينو من ده لان تاني مرة اكتب تعليق الاولاني منزلش :)

مساءك شوكولاااااا

أنصار السنة والسلف الصالح يقول...

اذا تمردت على الله فانت تتمرد على كل جميل فالله لم يامر بقبح ولا غباء .اذا تمردت على الله فلتتزوج المحارم ولتزنى بهن فالله لم يامر بهذا وتمردك عليه يعنى انت تفعل كل ما نهى عنه فلتزنى بمحارمك اتستطيع ؟ اقول لك لن تستطيع انها الفترة التى خلقك الله عليها فلتقتل اباك او صديقك فلتسرق فلتنهب فلتغتصب وانت اذ تفعل فانت تتمرد على الله لانه ما امر بهذا لتدعوا اقربائك الى امتهان الزنا والرزيلة لتثبت تمردك على الله فقد نهى عن ذلك ارجو ان تعيد التفكير فى كلامك وفى طريقتك

أنصار السنة والسلف الصالح يقول...

اذا تمردت على الله فانت تتمرد على كل جميل فالله لم يامر بقبح ولا غباء .اذا تمردت على الله فلتتزوج المحارم ولتزنى بهن فالله لم يامر بهذا وتمردك عليه يعنى انت تفعل كل ما نهى عنه فلتزنى بمحارمك اتستطيع ؟ اقول لك لن تستطيع انها الفترة التى خلقك الله عليها فلتقتل اباك او صديقك فلتسرق فلتنهب فلتغتصب وانت اذ تفعل فانت تتمرد على الله لانه ما امر بهذا لتدعوا اقربائك الى امتهان الزنا والرزيلة لتثبت تمردك على الله فقد نهى عن ذلك ارجو ان تعيد التفكير فى كلامك وفى طريقتك

شاب فقرى يقول...

حمامة سلام

شكرا للدعوة
=================
somaya kamal eldin

نورتى المدونة

طبع الحياة

ومش فى حد يقدر يغيره

دمتى بكل ود

شاب فقرى
===================
maram
نورتى المدونة

سلامة رجلك

خدى بالك بقى فى الكومنت الجاى

والصحاب هما احلى حاجة فى الدنيا دى

بس للى يفهم ويقدر

دمتى بكل ود

شاب فقرى
==================
أنصار السنة والسلف الصالح

والله ما انا

انته لو كلفت نفسك ودخلت عالبروفايل بتاعه هتلاقيه شبه البروفايل بتاعى مش اكتر
وعمال ريح جاى يشتم هنا وهناك باسمى
معرفش ليه

شكرا لمرورك

شاب فقرى
================
just smile

هما مليانين تناقضات :)

مفيش انانية فى الحلم

لامه فعلا ملكية خاصة ومن حقى اطمع فى ملكيتى الخاصة بيه

اتفضلى الفنجان مش يغلى عليكى :)

نورتينا:)

شاب فقرى
===================
الزنارى

:)

نورت

شكرا لرايك وربنا يحقق حلمك انته كمان :)

شاب فقرى
===================
Tamer Nabil

سنة الحياة

مهما وقعنا لام نقف من جديد :)

فقرى :)
===================

وحبى لك لن يموت

أسعدنى تواجدك اولا :)

ايضا

كلماتك تسلسلها جميل وفى محلها

دايما مش لوحدنا لان معانا ربنا :)

دمت بسع ـآدة ;)

:)

شاب فقرى
==================
ponpona

هوا فيرب رخم اساسا

بس بحبه اوى اوى اوى

عنده وفاء اكتر من اى كلمة تانية فى اللغة

بيفضل معانا على طول

دى ميزة الماضى :)

نورتى المدونة

ربنا يسعد ايامك

شاب فقرى

على فكرة فى بوست جديد :)

فقررررررررررررررى