الخميس، 26 نوفمبر 2009

حلوة الدنيا سكر



بحر الحياة غدار ...
وإحنا لفين رايحين ...
شايل معاه الأسرار ....
وإحنا معاه ماشيين
أيام تفوت وتروح وإحنا ولا حاسين
أحلام تعيش وتموت يا قلوبنا يا خايفين

الطير بيهاجر وبيرجع
الشمس بترحل وبترجع
الدنيا بتاخد وبتدى
الليل لو طول هيعدى

فى ليالى بنحلم وتعبنا
ورجعنا لوحدنا بعذابنا
حاول تتغير
ومسيرك تقدر
وبلاش نستسلم يوم للحزن مادام عايشين

بحر الحياة غدار ...
وإحنا لفين رايحين ...
شايل معاه الأسرار ....
وإحنا معاه ماشيين
أيام تفوت وتروح وإحنا ولا حاسين
أحلام تعيش وتموت يا قلوبنا يا خايفين


لو ينسى الواحد أحزانه
هيشوف الورد وألوانة
لو نفتح للدنيا قلوبنا
هتدق الأحلام على بابنا

فى ساعات الدنيا بتوعدنا
ونقرب منها وتبعدنا

حبها من قلبك

حبها هتحبك

إضحك للدنيا الفرحة هتيجى فى غمضة عين :)

الدنيا لسه بخير

فى حياتنا لسه كتير

أيام تفوت وتروح

بكره هييجى أكيد

أحلام تعيش وتموت

هييجى لنا حلم جديد

***
أغنية : بحر الحياة لمحمد منير
مش عارف ليه إفتكرت الأغنيه دى النهارده
يمكن هى محاولة إنى أخرج من المود اللى أنا غرقان فيه ؟؟؟
يمكن عشان شايف فعلا بريق أمل بجد ,,, بس مينفعش نقرب له ؟؟؟
وبرده إفتكرت الموقف بتاع حلمى لما كانت بتقوله غنى لى
قالها سكر حلوة الدنيا سكر
هههههههههههههههههههه
ربنا كريم ويعين ويخلينا نعيد فى سعادة وفرح
خالص تحياتى ليكم

هابى خروف
عيد سعيد
ويارب كل سنة وأنتم إلى الله أقرب :)


وبالمناسبة السعيدة دى
أحب أوجه كلمة لكل الناس اللى بتحبنى فى الدنيا :
(( شكرا ,,, نفسى أشوف نفسى بعيونكم أووووى ))

أما أى حد سابنى من غير سبب :
(( الباب يفوت جمل :D ))

شاب فقرى

هناك 29 تعليقًا:

الشعب لابد له من حكومه تشكمه يقول...

هههههههههههههههه دخلت لقيت العنوان حلوه الدنيا سكر ابتسمت قلت جميل كرمله خرج من المود اهو ,دخلت اقرا اول كلمه لقيت بحر الحياه غدار ..رجعت قلت ظلمتك ياكرمله:))


اه وسيبك من الاغنيه دى ,فى اغنيه اليومين دول لما بسمعها بتعملى مود حلو جدااا اسمعها كده يمكن تعملك مود حلو,اغنيه عدويه ورامى عياش:
وبحب الناس الرايقه اللى بتضحك علطول ,اما العالم المضايقه لالالا مليش فى دول:)

والنبى تضحك ياشيخ ,والنبى تبسم نجيبلك حد يزغزغك:)

كل سنه وانت طيب ياكريم وعيد سعيد عليك يارب وعلى كل اللى بتحبهم..

فتاه من الصعيد يقول...

كل سنه وانت طيب ... وكل الاسره بخير

دائما يوجد امل

تحياتي

moma1415 يقول...

اكيد مش اول تعليق

صح

الاخير ربه كريم برده

موش اشكال

moma1415 يقول...

كل سنة وانت طيب يا فقرى


ويارب يكون عيد سعيد عليك وعلى كل اسرتك نفر نفر

وعلى كل حبيابك
وعلى كل قرايبينك واصحابك وجيرانك وجيران الجيران

جارة القمر يقول...

كل سنة وانت طييييييييييييب

اولا فرحانة جدا انك نزلت بوست

ثانيا فرحانة لانك كتبت سهوا باللون اللى بحبه جزء صغير

ثالثا فرحانة انك حسيت ان فى امل بجد

ياااارب تكون بخير دايما و ان شاء الله يبقى عيد سعيييييييد جدا عليك

اه صحيييييييييح انا بحب الاغنية اوووووووى

خواطر شابة يقول...

كل سنة وانت طيب وبخير ان شاء الله
مع تحياتي

سماء يقول...

حلوة اوى الاغنية وكلماتها روعة

حاجة تخلى الواحد يتفاءل شوية بمناسبة العيد بدل الجو المرشوش نكد

ههههههه


كل سنة وانت طيب

عيد سعيد

Pink Dreams يقول...

كل سنه وانت طيب يا جميل

عيد سعيد عليك يا رب وعلى كل اللى بتحبهم

فراشة يقول...

كل سنة وانت طيب يارب
وعيد سعيد وجميل عليك

حلوة الكلمات مسنعتهاش قبل كدا خالص

ويارب دايما تكون الدنيا حلوة وجميلة علي كل الناس

Just Smile يقول...

ههههههههههههه سكر حلوة الدنيا سكر

كل سنة وانت طيب يا كريم وربنا يسعدك ويهنيك :)


وبالمناسبة السعيدة دى
أحب أوجه كلمة لكل الناس اللى بتحبنى فى الدنيا :
(( شكرا ,,, نفسى أشوف نفسى بعيونكم أووووى ))

أما أى حد سابنى من غير سبب :
(( الباب يفوت جمل :D ))

عجبوني اوي الكلمتين دول هغشهم منك :)

أميرة علي كوكب مهجور يقول...

حاسب من الاحزان وحاسب لها
حاسب ع رقابيك من حبلها
راح تنتهي ولابد راح تنتهي
مش انتهت احزان من قبلها :)


كل سنه وانت طيب يا كريم وعيد حلو واحلي من كل اللي فات يارب عليك وعلي اللي بتحبهم :)

ليس فقيرا من يحب يقول...

ربنا يفرج كربك ويجعل ايامك

كلها سكر ويسعدك يااااارب

كل سنه وانت طيب

عيد سعيد عليك وعلى كل حبايبك يارب

sookra يقول...

الاغنيه دى بتوجعنى اكتر مابتريحنى
بعيط وانا بسمعها كتير
موش هاشيلك همى
كل سنه وانت طيب ويارب يارب العيد الجاى تكون حققت كل احلامك

حـــلـــم كــــان يقول...

فقرى

ياسبحان الله لسه كنت بسمع الاغنيه دى الوقتى اجى الاقيها عندك

يلا كل سنه وانت طيب

متنساش العديه بقا

wella يقول...

حلام تعيش وتموت

هييجى لنا حلم جديد




اولا الف سلامة عليك وربنا يارب يبعد عنك كطل الامراض الوحشة يارب
معلش جات متاخر بس انا اخحر مرة قريت حاجة فى مدونتك كانت انك لسة هتروح عند الدكتور فقلت اقول لك الف سلامة



حلوة الدنيا سكر الدنيامش حلوة على فكرة ولا سكر ولا بطيخ ولا حاجة
الدنيا عادية مرة كدة ومرة مرة

طظ فيها

طظ كبيرة كمان

اية الهبل والتخلف اللى انا بقوله دة

ماعلينا

كل سنة وانتة طيب يااستاذ مكتئب ودارب بوز الايام دى

adel يقول...

كووووول سنة و انتي طيب

وبعدين منير جامد في اي وقت

بس حلوة هابي خروف دي :)
LOL

انجووووي اللحمة بقي يامعلم

ريمان يقول...

حلو البوست جاى فى وقته والله


حلوه الدنيا سكر?


مش للدرجه دى خلينا واقعيين


بس اهو بنحاول نتغلب ع الحزن ونطله من مود النكد


كل سنه وانت طيب

فكرة من الزمن ده يقول...

كل عام وانت بخير وسعادة وراحة بال

donya يقول...

مساء الخير
كل سنه وانت طيب
تحياتي

سلمى يقول...

السلام عليكم
كل سنه وحضرتك طيب وعيد سعيد على حضرتك
وربنا يديم عليك الدنيا سعاده
تحياتى

مسدس صغير يقول...

كل سنة وانت طيب
عيد سعيد عليك وعلى الامة الاسلامية

اقصوصه يقول...

عسى كل ايامكم عيد :)

كيكى عوووووو يقول...

الاغنية حلوة اوى
وفكك من الناس الى سابتك او بعتك
(`'·.¸*¤* ¸.·'´) ¸.·'´)
♥*** happy feast ***♥
(¸.·'´ (¸.·'´*¤* `'·.¸) `'·.¸)
*************************

الشعب لابد له من حكومه تشكمه يقول...

اممممممممممممممممممم خييييييير راح فين؟

The illusionist يقول...

ميت مسااااااااااااااااااااء الخير

The illusionist يقول...

لالالالالا

معروضه ايه بس

ده العيد يا باشا

واحشنى قوى والله
دهالعيد

كل سنه وانت طيب
العييييييييييييييد

كـــــــــــــــــــــــــــــــــل

سنــــــــــــــــــــــــــــــــه

وانـــــــــــــــــــــــــــــــت

طيــــــــــــــــــــــــــــــــب

well يقول...

كل عام وانت بخير وعيد مبارك عليك وعلى الامة الاسلامية
تحياتى

جارة القمر يقول...

هو انت مش هتيجى بقى :(

يارب تكون بخير و يارب يكون اول يوم عيد كنت سعيد فيه

الأحــــــ إيناس ــــــزان يقول...

كل سنه وحضرتك طيب عيد سعيد عليك وعلى الامة الاسلامية جمعاء