الاثنين، 23 نوفمبر 2009

متأخرتش كتير


النهارده يوم سعيد

النهارده يوم رهيب

النهارده يوم مش عادى

أخيرا نزلت فيدورا 12 يا جماعة

مش مهم عيان ولا كنت بتألم ومخنوق وبكح دم

مش مهم إن مشوار الدكتور كان متعب وتوهت حبه حلوين فى باب الشعرية

مش مهم إنى لسه متعشتش واخدت الدوا عالفاضى كدا

مش مهم إن مفيش شوكلاته مورو

المهم إن فيدورا 12 نزلت

اللى بيفهم فى اللينوكس هيعرف قصدى

:)

ياااااااااااااااااااه

أنا مبسوط أووووووووووووووووووى

وحزين إنى لسه عارف دلوقتى وإنى مش متابع بقالى أسبوعين ومقطوعة الأخبار عنى :(((

بس خلاص

هبدأ داونلود وهعملها تسطيب قبل الفجربعون الله :$

هنزل اللايف سى دى الاول سبمعميت ميجا فى السريع كدا

وبعدين اشوف الدى فى دى الاربعة جيجا بقى انزله من هناك

ونلتقى بكم بعد تركيب الفيدورا 12

وداعا ويندوز سفن إلهى يبتليك بإيرور يهد ميكروسوفت طوبة طوبة قادر يا كريم

مش عارف ليه عندى إحساس إنى رايح أقابل البت اللى بحبها :$

مبسوط وسعيد

آه صحيح

نشكر السادة اللى سألوا عليه فى البوست السابق وأحب أقولهم من موقعى هذا

الأغنيه الشهيرة اللى فى إعلان الحلاوة بتاع زمان

((

إن الواد كان عنده حق

))

يعنى لما قلت مروحش لدكتور كان عندى حق

أدينى روحت وكشفت عند إستشارى أنف وأذن وحنجرة ودكتور فى جامعة الأزهر

وعملى منظار فى الانف واكتشفت الحاجة اللى كنت متأكد منها

إن دا إلتهاب من ساعة العملية

من خمس سنين :$

متأخرتش كتير أوى :D

هههههههههههههههههههههههههههههههههههههههههههههه

اخدت دوا والمشوار كلفنى ميت جنيه

وأنا بناشد شيما وبنبونة وسكرة وأميرة على كوكب مهجور وجارة القمر وريمان

وكل واحد قالى روح لدكتور يشارك فى المبلغ دا


تمن الدوا والفيزيتا ولما أحسب المواصلات هبقى أضيفها

ما هوا انا مش هسمع الكلام وأدفع من جيبى كمان :$

ممكن تبعت الفلوس مع عيل زوغير

قولوا له هتروح القاهرة الدور التالت هتلاقى فقرى بيقولك سكلك أمك

سيب الفلوس عالسلم وإجرى

ههههههههههههههه

شكرا لإهتمامكم جميعا وسؤالكم ودعواتكم

مش عارف أقول إيه بس فرحت ومبسوط طبعا بسبب الإهتمام والسؤال والدعاء

مكنتش أعرف أهمية الفقرى هنا فى المدونة

وكمان مبسوط بسبب الفيدورا اتناشر

ياااااااااااااااااااااااااااااااااااه

أخيرا هفرمت الهارد من تانى :$

صبح صبح

الفقرى خلص وهيروح


شاب فقرى

هناك 28 تعليقًا:

أميرة علي كوكب مهجور يقول...

مفيش شكر بين الاخوات ياكريم دي اقل حاجة ممكن نعملها كلنا لبعض يارب تبقا كويس ويتتم شفاك ع خير يارب


بالنسبه للفلوس منيييييييييييييييين فلوسي عند الحكومه لسه موصيه الواد يجبلي دوا الضغط :( والعيد داخل كل سنه وانت طيب واللحمه غلت ومن العيد اللي فات بنستناها لكن اوعدك في اقرب فرصه ممكن اقسط المبلغ وربنا يدينا ويديك طوله العمر:)


ربنا يسعدك دايما ياكريم

شاب فقرى يقول...

:)

أميرة على كوكب مهجور

يارب يتم الشفا على خير يارب

:|

اللى عند الحكومة بيروح فى الزمن دا

ليكى ولينا العمر الطويل

بس مش تنسى فى العيد تبعتى أى نص كيلو لحمة كدا :$
ربنا يحفظك ويعزك يارب
شاب فقرى

Lady E يقول...

يا خبر !

انا مش باجي هنا بقى لي كتير :)

الف سلامه عليك وما تشوف شر

ومبروك ع الفيدورا 12

donya يقول...

صباح الخير
ولواني مش فهمه نص البوست لكن انا مبسوطه علشاني في حد مبسوط النهارده

وكمان الف حمد الله علي سلامتك وخد الدوا بنتظام
وان شاء الله خير

تحياتي

شاب فقرى يقول...

Lady E

خالص تحياتى وإحترامى لك

نورتى المدونة من جديد بتواجدك

الله يبارك فيكى ويارب دايما كلنا بخير

شاب فقرى

شاب فقرى يقول...

donya

:)

أهلا بيكى

هى حاجة خاصة بعلوم الكمبيوتر بيحبها عشاقها بس

شكرا لتواجدك ونصايحك ويارب تكونى دايما بكل خير

شاب فقرى

الشعب لابد له من حكومه تشكمه يقول...

صباحك سكر زياده:))

شاب فقرى يقول...

صباحك ورد يا شيما :)

حلم بيعافر يقول...

هههههههه

ايه الروقان ده؟

انت شكلك مش من هنا

ponpona يقول...

ولو اني مش عارف اصلا ايه فيدورا12 دا إلا انه مادام هو باسطك كده يبقي حاجه كويسه



"مكنتش أعرف أهمية الفقرى هنا فى المدونة "
ممممممم ...
تخيل المدونة مش هاتنفع من غيره أصلا ...
يوميات شاب فقري ... تاتاتاتاتاااا

تخيل بقي لو شيلنا الفقري مش هاينفع نقول مدونه الشاب الفقري :)

أنا ربنا فتحها في وشي وحطيت بوست .. ابقي تعالي

صباح الخير بس الاول

سلاااااااااام

غير معرف يقول...

ربنا يتملك الشفا باذن الله

ومبروك الفيدورا 12.... اللي انا موش فاهماها وافتكرتها الاول فيلم اجنبي :D

تحياتي

رحلتنا في الحياة يقول...

ايه ده جيت متاخرة انا ومكنتش اعرف موضوع انك عاين ده لو كنت اعرف كنت قولتلك وفر الفلوس ومش تروح لدكتور
p:
الف سلامة عليك ربنا يتمم شفاءك على خير
ومبروك على اللى معرفش ايه ده اللى فرحت بيه جدا ههههه مليش فى الامور دى اصلى وعقبال ان شاء الله ما تغير اسم شاب فقرى ده لشاب سعيد

حنين يقول...

سلامتك ياكريم وشفاك الله وعفاك انت عارف انا لسه مستجدة ومش عارفه انك تعبان ربنا يشفيييييك

سلمى يقول...

صباح الخير يا استاذ كريم
مبروك على اللى حضرتك نزلته اللى مش عارفه حتى انطق اسمه
والف سلامه على حضرتك ويارب دايما تكون بخير
تحياتى

Cute Kitty **sookra يقول...

صباحك شيكولاته
بلاش تبقى ساده زى كل يوم
هاغير واقولك صباحك شيكولاته باللين والمكسرات كمان
عامل ايه النهارده يارب تكون احسن
انا عارفاك اصلك مفترى وموش بيهمك لادم ولابتاع
المهم انا برده اسمى موش مكتوب وربنا هاضربك
ماشى ماشى عمرى عمرى عمرى ماهاكلمك تانى
صباحك اشطه

غير معرف يقول...

الف الف الف سلامه عللللللللليك

يارب تقوم بالف سلامه

R-H-S يقول...

الف سلامه عليك ياهندسه

ومبروك ياعم علي الفيدورا انت عارف عندنا في الكليه كنا بندرس ماده اسمها
operating system
كنا بعيد عنك بناخد فيدورا 8 حاجه بنت كلب مقرفه بس مبروك يابرنس علي فيدورا 12 اكيد احسن طبعا ومتشتمش ويندوز 7 علشان انا شغال عليه والراجل شغال وميه ميه ومهمن كان ميكروسوفت دي ليها فضل كبير علينا ههههههههههه
تحياتي يابو الشباب

شاب فقرى يقول...

حلم بيعافر

أكيد مش من هنا لو رايق

:)

فقرى

شاب فقرى يقول...

ponpona


صباح النور :)


نورتى يا بونبونة

فقرى :)

دقايق وجاى

شاب فقرى يقول...

فتاة من الصعيد

هههههههههههههههههههههههههههههه

حلوة حكاية فيلم اجنبى دى

الله يبارك فيكى ويكرمك يارب

شاب فقرى

شاب فقرى يقول...

آيوشة

أوفر الفلوس ومروحش لدكتور :|


واموت بقى :((

الله يسلمك يارب ويارب يشفى كل مريض :)

نورتى

شاب فقرى

شاب فقرى يقول...

حنين

ولا يهمك :)

حللتى اهلا ونزلتى سهلا بين المدونين :)

شاب فقرى

شاب فقرى يقول...

سلمى

الله يبارك فيكى يارب :$

هوا حاجة معقدة بس حلوة والله

نورتينى

شاب فقرى :)

شاب فقرى يقول...

sookra

ما الطيب احسن :)

نورتى

شاب فقرى

شاب فقرى يقول...

7annen

الله يسلمك يارب

دمتى بكل خير :)

شاب فقرى

شاب فقرى يقول...

جهاد

ياباشا انا مش بشتمه

ما انا كمان شغال عليه

بس بيطلع منه لحظات غباوة مش حلوة بتكرهنى فيه :$

وانا بعشق الفيدورا

اى اصدار منها

بس المهم تحاول تفهم هى شغاله ازاى وانته هتستمتع بجد :)

خالص تحياتى يا جميل

شاب فقرى

راء يقول...

مين ده ايه ده فين ده...

بص انا مش فاهمة مين البانادورا ده فهعمل نفسي فاهمة وخلاص ^_^

الف مليون سلامة عليك يارب انشالله اللي يكرهوك(بس مش اوي يعني ):P

سلامات

فراشة يقول...

الف سلامة وربنا يشفيك ويشفى كل المسلمين يارب

سلامتك وخلى بالك من نفسك