الأربعاء، 18 نوفمبر، 2009

سر الغياب


بسم الله الرحمن الرحيم
يارب دايما كلكم بخير
إزيكم جميعا
أنا بقالى تقريبا تلات أيام مكتبتش حاجة ولا حتى أظهرت التعليقات
ولا رديت حتى عالموبايل على حد غير الناس اللى إتعودت أكلمهم وبرده عددهم قل وبطلت أرد عالموبايل
ولا حتى كنت برد عالميل غير عالناس القريبين منى بس والحمد لله عددهم فى نقصان
وإيميلى الشخصى كنت مش بفتحه نهائى
دا طبعا إيميل تانى غير بتاع المدونة

ببساطة كنت بحقق حلم قديم
بس معرفتش أحققه زى ما حلمت بيه بسبب أكتر من حاجة


- إنى ولله الحمد جالى دور برد من يوم الجمعة اللى فات كسر عضمى وهد حيلى وكنت بنزل الشغل وانا بتألم وأحيانا كنت بدوخ ومش بحس بنفسى غير وأنا على كرسي وبحاول أجمع أفكارى
- الحمد لله رب العالمين اليومين دول كان فى طحن فى الشغل اللى بشتغله برا (( فى الورشة اللى بتعلم فيها )) فكنت متبهدل وطالع عينى بجد
- الحمد لله إنى كنت مشغول جدا لدرجة إنى إمبارح والله ما كنت قادر أقف على رجليه
-مش كنت بدخل نت خالص غير كل يوم تلات أربع ساعات بليل من واحدة لحد اربعة الصبح
ولما ربنا كرمنى ودخلت قمت داخل ناقل السيرفر وبقيت عمال أرد على أى حد بيكلمنى بكلمة طيب ويت

تلخيص للحالة : ( تعبان - عيان - بموت - مفروم فى الشغل - مش بخش المدونة ))
حاجات كتيرأوى منعتنى من تحقيق حلمى ومن قربى منكم مش عارف أفتكر منها أوى

***
أقولكم بقى على حلمى القديم
هوا ببساطة إنى أختفى
حالة ما بين الموت والحياة
يعنى لا ميت ولا حى لا راغب فى الحياة ولا رافض ليها
لا أنا بحب الدنيا ولا أنا عايز أخش الجنة أو النار
ببساطة عايز أختفى كأنى مكنتش إتخلقت فى أحد الأيام
ومش عايز حد يطلع يقولى حرام والحياة كلها أمل وبتاع
لأنى والحمد لله عارف كدا وفاهم كدا كويس أوى وكمان اللى أنا فيه مش من ظروفى دى حالة نفسيه انا عايش فيها ومبسوط بيها أوووووى
***

===== ردا على تعليقات مستشار إبليس =====

بالنسبة للبوست السابق أعزائى المدونين
هشرح ببساطة المغزى منه مع إن دى أكتر حاجة تحرق دمى بس معلش هحاول
مستشار إبليس
يعنى إيه إبليس كرمز
بعيدا عن إنه مغضوب عليه ومطرود
ولكنه مخلوق مؤمن بوجود الله يعنى أحسن من بشر كتير أوى مش مؤمنين بوجود ربنا أصلا
النقطة التانية :
إنه ببساطة بيوسوس للناس
بيقرب منهم وبيعرف نفسهم فى إيه (( كل شيطان بيعمل كدا )) بيعرف يحرك البنى آدم من شهواته ورغباته وأحلامه
بيخلى الواحد يشوف حاجات هوا أساسا مش فى حاجة ليها على إنها حاجة مصيرية ومهمة فى حياته
بيوسوس له بعمل الشر أو الحاجة اللى الشيطان عاوزها
طيب يعنى إسه مستشار إبليس
ببساطة كدا وبهدوء وبدون نظرة دينيه أو نظرة منطقية متخلفة
هوا شخص بيقدر يفهم الناس أوى
وبيعرف هوا عنده إيه مقوماته إيه
وبيفهم إحساس الناس وتفكيرهم وطريقة تفكيرهم كمان
وبيعرف حتى ماضيهم من إحساسه ومن تصرفاتهم وكلماتهم البسيطة
شخص ذكى ببساطة
دايما معاه ورقة رابحة يقدر يكسب بيها الطرف التانى مهما كان
أنا طبعا حاولت أوضح دا فى أول كام سطر
على إنه شخص شرير وبيحرك الناس للشر
بس مش دايما مستشار إبليس بيحرك الناس للشر
لأن من وجهة نظرى أى واحد يعمل كدا بشوف إنه شخص مش كويس لانه بيحرك الناس وبيلعب بعقولهم
من الاخر إفتكرت كلمة قريتها فى فيلم أجنبى كان بيسأل طبيبة نفسيه بيقولها وظيفتك إيه
قالت له (( we Fuck people minds ))
ومسمعتش قبل كدا حد قال كلمة مستشار إبليس دى بس أطلقت إسم إبليس على أعز صحابى كلقب غلاسه عليه
وأصحابى الحلوين قلت لهم إنى أنا المستشا لأنه مش بيتحرك غير برأيى :$
أظن المعنى وضح وبقى زى الشمس
بالنسبة للنقطة الخاصة ب الرد عالتعليقات السابقة
أنا مش رديت مش عشان أنا وحش وعامل فيها مشغول
والله فعلا مشغول جدا جدا جدا جدا
ولما بقعد عالنت بحس إن مخى واقف وإنى إنسان آلى
ومش مركز فى حاجة
عشان كدا هطلع التعليقات كلها وهبقى أرد عليهم بعدين (( دا لو فى حد مستنى رد على التعليق بتاعه ... فرض جدلى يحتمل الصواب والخطأ ))

====================

فى الآخر أحب أوجه شكرى للشخص الوحيد اللى سأل عليه وكان متابعنى وبيسأل فى التعليقات :)

طبعا مكانش شخص واحد بس حسيت إهتمام بجد من شخصية معينه :$ ودا طبعا شىء يشرفنى

ومع خالص تحياتى

وإنتظروا إن شاء الله بوست تانى بس لما أصحى كدا وألف على كل المدونات وأشوف اللى بيحصل وأنا مش هنا


خالص تحياتى وتقديرى وإحترامى لكم جميعا
كريم
شاب فقرى

هناك 4 تعليقات:

'' حطام (ك) بقايا '' يقول...

تعرف اني و الله العظيم وقفت المداكرة و جاية بس عشان اشوف ايه سر الغياب المفاجئ ده فعلا واني فعلا بطلت ادخل النت او بمعنى اصح قللت المدة اللي بقعد فيها و حتى لما بقعد بتابع من بعيد لبعيد و مبردش على اي بوست جديد او تعليقات او حاجة بس لما قريت البوست ده كان لازم ارد لعدة اسباب منها اني فعلا كنت قلقانة جدااا على غياب اخ عزيز علينا كلنا خاصة مع البوست الاخير
و عشان اقولك ربنا معاك يارب و تقوم و ترجع لمدونتك و لينا بالسلامة يارب
الف حمد لله على سلامتك و منتظرين رجوعك
انا لسه عاوزة اتكلم بس مش عارفة
عموما ربنا معاك و يارب يوفقك و يوفقنا جميعا يارب

شاب فقرى يقول...

'' حطام (ك) بقايا ''

أهلا وسهلا بيكى فى المدونة

:)

ربنا يوفقك فى دراستك

هوا الرجوع كان صعب شوية لان همومى كتير ومش عايز اسيبها واشغل نفسى باى حاجة بس ربنا كريم

:)

ربنا يحفظك ويعزك :)

أسعدنى تواجدك وخالص تحياتى وإحترامى للسؤال والإهتمام والتواجد :)

شاب فقرى

๓คภ๏ภค يقول...

انا جه اييييييييون انا جه

هاقولك كلمة واحدة بس ان انا نجحت النهاردة وطول منا قاعدة امتحن كنت ف دماغى اوى وعمالة اقول لا مش هانزل ف المادتين دول

لانى ببساطة انا جدعة وجدعة اوووى كمان

شفت بقه انت سبب بعد توفيق ربنا طبعا ف نجاحى النهاردة رغم انى كنت تعبانة وبمووت وانا بمتحن

وبمتحن وانا مش مذاكراة الاكسس والاكسيل تخيل ولا حضرت شرحهم ولا عمرى اشتغلت عليهم لانى كنت تعبانة

فاظن بقه لو غبت تانى انا اول واحدة هتخاااااااااانق معاك خناقة كبيرة اوى ههههههههه

حمد لله ع السلامة والف سلامة عليك بجد والله كنت قلقانة عليك يلا خير

ع فكرة انا بحسدك اييييون بس ماتقولش لحد كل الناس كانت قلقانة وبتسأل عنك ايون ايون يا عم حدش قدك بقه هههههههه

طيب بذمتك ماوحشتكش مناقرتى فيك ودعواتى ليه ال وعايز يختفى ال ههههههه

ربنا يوفقك انا بجد مبسووووووووووطة بيك ربنا يحميك ويحققلك كل اللى بتتمناه قول اميييييييين شوف كنت هتنسى اهون ينفع بقه كده

๓คภ๏ภค يقول...

اه معلش معلش .. الاستايل ده بيعجبنى اوى انشكحت اول ما لقيتك رجعته

حسيت انى رايحة عند شاب مش فقرى اه والله

التانى كنت حاسة انى رايحة عند حد غريب
ههههههههه انت السبب علقتنا ف الاستايل ده