الموت أرحم من فراق الأصدقاء والأحبه
الموت أرحم من إهانة من أقرب الأصدقاء
الموت أرحم من غدر الأصحاب
الموت أرحم من بعد من أحببنا
الموت ارحم من البقاء والإستمرار فى وحدتى
----
صراحة أنا متعود على كل دا
فالموت بالنسبة لى مش حل ولا أرحم ولا حاجة
ولكنى كتبت كدا من حزنى على اللى شفته الفترة اللى فاتت
الساعة اللى قعدتها عالنت هقوم متنكد
وفعلا الموت أرحم
خالص تحياتى
شاب فقرى
هناك 24 تعليقًا:
؟؟؟؟؟؟؟؟؟؟؟؟؟؟؟؟؟؟؟؟؟
الموت ارحم من فراق من تحبهم!!
لو لم يختاروا هم الفراق لماذا انت تفارق؟؟
الموت ارحم من الوحده!!!!
ولماذا تلقى بنفسك للوحده؟؟؟لماذا تصر على انك وحيد مع انى متأكده ان فى ناس كتير جمبك وبتحبك؟
الموت أرحم من غدر الأصحاب !!!
كان زمانا موتنا من زمان لو كل مره هنتعرض للغدر نقول نموت.
الموت أرحم من بعد من أحببنا !!!
ادا هم من اختاروا البعاد ولازالوا احياء وسعداء فى حياتهم , لماذا نحن نختار الموت من اجلهم؟
الساعة اللى قعدتها عالنت هقوم متنكد
وفعلا الموت أرحم!!!!
دى مش فاهماها..
الموت قد يكون ارحم لك ولكن تأكد انه سيؤلم ناس تحبك لكن للاسف انت مش شايفهم لانك غرقان فى الناس اللى مش بتحبك..
بص حواليك واكيد هتلاقى انسان واحد بسسسسسسسسس على الاقل يستاهل انك تعيش علشانه..
المرادى هطبطب عليك,واقولك هون على نفسك,حزنك زاد اوى واكيد قلبك بيوجعك.براحه على نفسك .
ماتروق ياشاب ياخويا وبلاش تشيل نفسك فوق طاقتها
عارف اننا كلنا عندنا هموم ومشاكل .. فيه منها بيتحل والحمدلله وفيه منها بيتأخر شوية وفيهام منها جديد كل يوم وبيتحل برضه بعون الله
بس هنعمل ايه بقى .. دي الحياه
اتمنى تكون بخير
دمت في امان الله
ربنا معاك ويفك كربك ويفرج همك
ليس عشقاً للمـــــــــــــــــاتِ
ولكن
ضعفاً على استكمال الحياةِ
ليس عشقاً للعيش إنفراداً بالذاتِ
ولكن حزناً
حزناً على ثقتاً
باتت تخيب فيها الامالِ
ليس عشقاً للحزنِ
ولكن جرحاً
صار يحرق فى قلبى
وتوارت به ابتساماتى ِ
.............
الكلام دا انا اللى كتبته من اسبوع تقريبا لان كنت تقريبا بمر بنفس الحاله اللى انت فيها دى ويمكن اسوء بكتير بس ربنا بيعد كل حاجة وحشه
بس انت عارف انا قولت لنفسى كلمتين ان انا اشتريت معرفه ناس هما باعونى بارخص حاجة عندهم وهى التطنيش وعدم مراعاه المشاعر وممكن توصل للتجريح احيانا
يبق ابكى عليهم ليه وافكر فيهم ليه وخاف عليهم ليه
فكر فى اللى بيحبك بجد واختار الناس اللى تقدر معرفتك وكلامك معاهم
..............
الوحده بقى
انا بدات اكره الكلمه د من كتر ما بقولها لنفسها ومن كتر من انى مش عارفه اقرب من الناس واتعامل معاهم خوفا من الفراق وارجع للوحده تانى
مش هقولك الدنيا ياما فيها وزى ما قبلت الوحش هتلاقى الطيب والكلام دا
بس حاول تحذف الوحش دا من ذاكرتك خالص ومتفكرش فيه من بعيد او من قريب وحتى لو فى ذكرى جمعت بالحاجة دى تجاهل وجودها اصلا
...........
يمكن ارهاق الشغل اللى انت فيه افضل بكتير اوى من الارهاق النفسى اللى ممكن تبقى فيه لو استسلمت للتعب والحزن
دمت فى سعاده
واسفه على الاطاله
ليه كده بس
انا لسه كاتبه خواطر شبه كده .... عن الموت والخيانه
بس عندي امل ان الاقي شيء في حياتي يخليني اتمسك بيها
يا ريت يكون عندك نفس الامل
تحياتي
السلام عليكم
دي اول زياره ليا هنا ومش الاخيره ان شاء الله
علي فكره انا كنت زي حضرتك كده
بس انت حب نفسك وحاول تسعدها ومش هتحس بوحده ابداااااا
حب نفسك وامورك هتتصلح بس متفهمنيش غلط انا مش قصدي الانانيه
سلااااااااام
مساء الخير
ايه ياعم الرعب ده
مش كده يعني
الحمد لله علي كل حال
علي فكره انا مت فعلا ولكن الله نجاني
والحمد لله دلوقتي كويسه اوعي تسيب لا دماغك والا قلبك لحد يلعب بيهم
ماتيجي تشوف الاخ اوشو قال ايه علي الحب وتريح نفوخك شويه
تحياتي
المفروض انى اقولك ليه الكآبة دى و الكلام دا بس مش هقدر اقول كدا لانى متفقة معاك فى كل الكلام
فعلا الموت ارحم ... ارحم بكثير جدا
الحمد ان غيابك مكانش لحاجه كبيرة انت قلقتنى عليك .. الف سلامة عليك من البرد و يارب اسمع عنك دايما سمع خير
شيما
الشعب لابد له من حكومة تشكمه
الوحدة خير من الضعف أمام الناس أو الأصدقاء أو فتح أى باب لأى شخص قد يكون غير مسؤل أو غير مهتم أو غير متفهم أو تافه
غدر الصحاب تعودت عليه لحد مبقاش ليه صحاب خالص نهائى
الساعة اللى قعدتها عالنت حصلت فيها مشاكل كتير وتكاثرت الهموم والمشكلات وخلاص مش طايق حاجة فقمت متنكد :(
ولما فى ناس بتحبنى انا مش شايفهم ليه
ومحدش مهتم ليه
ولا هوا الحب لازم يكون من ألف ميل ؟؟
لازم عشان أعيش عشان حد لازم يكون فاهمنى ودى مستحيلة
لأنى مش لاقى حد بيفهمنى من اللحظة الاولى
بقالى سنين محدش طبطب عليه
شكرا يا شيما :(
فقرى :((
الحاجات اللى مردتش عليها هى حاجات انا مقتنع بيها
تحياتى
وشكرا لإهتمامك :)
شاب فقرى
قلم رصاص
المشكلة العظمى فعلا ان هى دى الحياة :(
تحياتى لواجدك واهتمامك وتشجيعك ليه :$
بجد نورتنى واسعدنى انك رديت واهتميت
اخوك
شاب فقرى
7aneen
شكرا لاهتمامك وتواجدك :)
يارب يوفقنا كلنا
شاب فقرى
OllvE
كلماتك جميلة
ولكن انا قصدت كل كلمة كتبتها
بمعناها الحرفى
شكرا لاهتمامك ورايك
وانا بحب التعليقات الطويلة على فكرة لانى بعلق بيها على طول :)
خالص تحياتى وتقديرى
شاب فقرى
فتاة من الصعيد
للاسف الحال ميفرحش
خالص تحياتى واحترامى
شاب فقرى
zikooooo
انا موصفتش حالتى ومقلتش انا عامل ازاى
عشان كدا مظنش ان الحالة اللى مريت بيها هى نفس حالتى
انا مش بقول انى بكره الحياة ولا الكلام دا كله
المشكلة كلها فى النفسيه
وانا مش بكره نفسى وبالعكس بعتز بيها جدا :)
اسعدنى تواجدك ومرورك
شاب فقرى
donya
فين الرعب بس :$
الف حمدا لله بالسلامة من الموت
بس انا مش خايف من الموت ولا عايزه ولا بعتبره حاجة وحشة او حلوة
خالص تحياتى لمرورك
شاب فقرى
جارة القمر :)
فرحنى تعليقك وتواجدك :)
يارب تكونى دايما بخير
فترة وراحت لحالها وربك كريم بعون الله
:)
تحياتى لسؤالك واهتمامك :)
شاب فقرى
سلامتك يا كريم
ربنا معاك ويعينك
يارب تكون فتره وتعدي
يارب تكون بخير
يارب الجاي يكون احسن
أميرة على كوكب مهجور
نورتى
الحمد لله فترة وراحت لحالها
والفقرى رجع فقرى من جديد :)
نورتى وشكرا للسؤال والإهتمام :$
شاب فقرى
السلام عليكم......
يمكن يكون فى وقتها الموت ارحم....بس لما تاعد مع نفسك وتعرف ان لما حد يغدر بيك او يخونك او يهنيك مش يستاهل اساسا انك تندم ع فراقة حتعرف انه مش ارحم ....حتعرف انه مش يستاهل انك تتمنى لنفسك الموت عشانه وحتعرف اننا مش عملين حسبنا اننا نقابل ربنا عشان كده حيبقى اصعب من فراقة وغدره وخيانته....الحزن صعب بس بيعلم وبياثر وبيدى دافعه اكبر لقدام.....دومت بخير بعيدا عن الكابة والحزن...فى رعاية الله .
shemo
اوقات الموت بيكون ارحم من حجات كتير
لكن غصب عننا وده واقع
حاول متشغلش بالك بالناس اللى ممكن تدايقك
حمدلله على سلامه حضرتك
دمت بخير
انا برده مقلتش اني بكرهه الحياه ولا الكلام ده كله والله انا استشفيت الوضع بس من الابيات وكلامي كان بناء علي كده
سوري علي الفهم الخاطئ
((((
وانا مش بكره نفسى وبالعكس بعتز بيها جدا
))))
وانا كمان
أومال فين بقي انا جدع، ها؟
إرسال تعليق