الجمعة، 13 نوفمبر 2009

هنكسب بعون الله




أول حاجة شوفوا الفيديو دا

http://www.youtube.com/watch?v=i-3tDB3w53M

اغنيه راب لاحمد مكى عن الماتش
----------

أول جريمة فى الكون كانت بين إتنين أخوات
قابيل هابيل
ياريتنا بنتعلم من كل اللى فات
تاريخنا عاد نفسه مليون مرة ومبنتعلمش
وبنسأل نفسنا طب ليه دايما طب ليه مبنتقدمش
قالها راجل حكيم زمان :
فى الإتحاد قوة وفى الفرقة ضعف
ياريتك تفهم معنى كلمة ضعف
عارف الغرب أتحول عالم أول ليه ؟؟؟
مشيوا بالظبط عاللى فى يوم جدودك قالوا عليه
الغرب إتعلم مننا فكرة الإتحاد
وترجم كل كتبنا للغتهم وإتقدم وإستفاد
وإحنا بقينا عالم تالت
وكرهنا لبعض زودها
خلانا عالم مكانه ثابت

يا مصر ويا جزائر
إنتوا أحفاد شهداء لرفع إسم العروبة فوق ...فدوها بالدماء
والله لو عملتوا نص اللى إتعمل ما بينكم ساعة ما أمريكا جت غزت العراق
مكتش دخلت
خير أجناد الأرض وأقوى وأعظم ثوار
لو إتحدتوا مع بعض صوتكوا هيكون جبار
قريت جرايد برا ... شفت اليوتيوب وإتنكدت
ياااااااااااااااه لما الحفيد يضيع جهد الجد

صراع الأخوات بقى مانشتات جرايد الغرب
كل المحطوط عاليوتيوب مش تشجيع دى إسمها حرب
تشجيع بلودك من حقك مش بس من حقك دا من واجبك
إهتف قوم إرفع علمك
وإوعى تخلى الأنانية والعصبية تشوه وطنك
الوطن العربى ما هو وطنى ووطنك
فيكم نفس الأديان
فيكوا نفس الألوان
نفس القارة
نفس الوطن
إنتم الإتنين أخوات
فوقوووووووا

-------------------
أنا مسحت البوست وكتبته تانى
كتبت الأغنيه عشان الناس كلها تفهم إننا مش بنهاجم الكورة ولا اللعب
بنهاجم التعصب والضجة الجامدة المعمولة عالماتش
بنهاجم الغباوة فى التشجيع من الجماهير للفريقين
بنهاجم أى حد ينسى إن العداوة دى لو إتزرعت هيبقى كأننا بنكرر قصة هابيل وقابيل
مش معنى اللى كتبته إنى مش بشجع مصر إنى مش وطنى ولا مصرى
الوطنية مش فى الكورة يا هندسة
وكمان فى ألف مليون حاجة تفرح المصريين مش الكورة بس
بس هى اللى قفلت معانا

يارب يكون الموضوع وضح وإتفهم


وأخيرا وليس آخرا
انا بشجع للمنتخب المصرى بالفوز
ويارب يجبر بخاطر المصريين ويكسبنا الماتش
ونوصل لنهائى كأس العالم كمان :)
مش بعيدة على ربنا
قادر على كل شىء

خالص تحياتى
شاب فقرى

هناك 34 تعليقًا:

Aиgel يقول...

أول تعليق
D:

Aиgel يقول...


فقري ..

شوف هتلاقي المهاجمين واللي مؤيدين
أنا عن نفسي اقولك اللي يمس بلدي بكلمة خلاص مش هحبه تاني ولو بعد حين
اه احنا اخوات والمفروض ده ميحصلش بينا والعروبة والبتنجان بقى زي ما بتقول بس
انا معاك ان كده زادت اووووووي
انا والله تعبت نفسيا من كتر الإعلام كل شويه واللي يقولوا فيه يعيدوا فيه
واغاني بقى وشادية وبتاع لما اعصابي تعبت وحسيت ان بلدي داخلة حرب
ومهربتش من ده ألا بالنوم
وقلت يارب عدي اليوم ده على خير

بس بيني وبينك وبلاش تكابر معايا
شعب الجزائر من أكتر الشعوب اللي معاملتهم سيئة جدا ومش ليهم اي ود مع اي حد غير يا سيدي تونس والمغرب والله دول شيء وهما شيء تاني خاااالص

ومش بس معانا لأ مع كل الدول
وهما نسيوا اللي اتعمل معاهم وحرب المليون شهيد نسيوا ان مصر كانت بتدعمهم ماديا ومعنويا ودفاعيا بجيوشنا اللي كانوا بيروحوا عندهم

احنا طبعا مش عايزين منهم انهم يردوا كل ده

بس هي العين متحبش اللي احسن منها
وفي الأول والأخر اه فعلا عندك حق
أنت وأحمد مكي الموضوع مش محتاج كل ده وكل واحد مننا بدأ بالإهانة بس هما عملوا حرب بين دوليتين عشان مباراة

وربنا يستر وشكراً ليك وشكراً
لأحمد مكي العثل ده

Angel love

heba يقول...

السلام عليكم

انااول زيارة لياعندك بالنسبة لموضوع الماتش هو ربنا معاهم ونكسب بس مش لدرجة اننا نعادى بعض واحنا كلنا عرب امال الاجانب يقولو علينا ايه خلى روحنا رياضية وربنا يسهل واللى فية الخير ربنا اكيد بيكتبة

تقبل مرورى

heba

صمت المشاعر يقول...

اووووووووووووووووووول تعليق ليا في

المدونه علي الرغم اني متابعاها من

زمااان عموما قلت اول تعليق ليا

في المدونه لازم يبقي الاول في الترتيب

بردوه

صمت المشاعر يقول...

ههههههههههه واضح اني مش اول تعليق لانك عامل حفظ للتعليقات



عموما انا معاك في كلامك انهم عاطين الامور اكبر من حجمها وولعوا الدنيا علي الفاضي بين مصر والجزائر

عاشقه الرومانسيه يقول...

والله عندك حق فى كل كلمه قلتها ياكرملله
يسلم نوفوخك يا ابنى
(:
ومفيش مانع برضه اننا نكسب
انا زيك ماليش فى الكوره
بس لو كسبنا اكيد هافرح
ولو خسرنا مش هزعل
(:

Cute Kitty **sookra يقول...

اول تعليق بسرررررررررررعه

Cute Kitty **sookra يقول...

شيما هتيجى دلوقتى تزعق وتشجب وتعترض
اصلها كرويه صميمه
اه والنبى بس انا زعلانه منها

Cute Kitty **sookra يقول...

اوعى يكون احمد مكى دا
المغنى اللى انت موش بتحبه
واللى قلتلى هتتكلم عنه

Cute Kitty **sookra يقول...

انا سمعت الاغنيه
بجد كلامها حلو اوى
تحس انه بيكلمك كدا انت وانا
بجد عنده حق
احنا ناس ضعيفه اوى
دايما نقول كنا وكنا وكنا
موش عارفين نكمل مشوار الاجداد
وكمان حلو اوى موضوع العراق دا
كمان

الشعب لابد له من حكومه تشكمه يقول...

اممممممممممممممم هقول لاخواتى يقطعووووووووووووك او هم هيحبوا يعملوا كده لوحدهم:)

نتكلم جد,
محدش بيكره حد انت بس علشان مش متابع الكوره,انت لو متابع هتعرف ان اى ماتش لمصر مع دول المغرب العربى عموما بيحصل كده واكتر وبعد الماتش كل حاجه بترجع لاصلها.دى حرب اعصاب بين الطرفين مش اكتر,ضغط نفسى يعنى.

مش تافه صدقنى لما يباه شعب بالكامل بيتعلق بقشه علشان تفرحه ,يباه مش تافه..فرحه نفسه يفرحها بعد ما الحزن اتحفر على وشه..
امل ان وطن ممكن يقدر يرسم بسمه على وشه بعد مخلاص مبقاش فى مكان لاى بسمه فى حياته..

لما تحس ان البلد فاشله على كل النواحى وحتى الرياضه فاشلين,قمة الاحباط والله..

سيبك من اللى بيقولك دى حرب بين بلدين,تؤتؤ دى تقدر تقول عليها حرب اعصاب بتحصل قبل اى ماتش لكن مفيش حرب ولا الكلام الفاضى دا كله.لو كسبنا هتلاقى فرحه تنسى الشعب همومه,لو خسرنا متفتكرش ان فى حاجه هتحصل للجزائريين من الجمهور لان من كتر الحزن مش هتلاقى مصرى واحد قادر يتكلم..

انا بتكلم بحماس شويه لان والدى بيحب الكوره جدااا وليا 3 اخوات شباب اعمارهم من 28_34 بيعشقوا الكوره كبرت لقيت نفسى انا كمان بتفرج معاهم على الماتشات.عارف بيتنا بيباه كله شباب العيله واعمامى والعيله كلهم بيتفرجوا على الماتش معانا.عمرك متتخيل نظرة الاحباط فى عنيهم لما مصر بتخسر..

لو حاجه بتفرح الناس ليه مستكترينها عليهم,ليه تحاول تتفه من حبهم..
وبلاش كلام الله يخليك عندنا مشاكل وعندنا مش عارف ايه منروح نحلهم,,لانهم لو عارفين يحلوها مكنش ده باه حالهم..
الناس نفسها
تفرررررررررررررررررررح..

انت ممكن تكون مش بتحب البتنجان ودا حقك,, بس مش من حقك انك تخلى الناس كلها تكره البتنجان او تتفه من اللى بياكل البتنجان..
انت مش بتحبه بس غيرك بيحبه بس خلاص انتهينا..انت حر وهو حر.طالما مش بياذيك ولا بياذى غيره هو حرررر.

أميرة علي كوكب مهجور يقول...

مع احترامي لكل كلامك يا كريم واتفق معاك في نقطه الاعلام
بس الماتش مش حدث تافه ولا اللي عايزين يشجعوا او بمعني اصح نفسهم يفرحوا تافهين
الناس بجد نفسها في اي تفرحها :(

الشعب لابد له من حكومه تشكمه يقول...

ساسوووووووووووووو جيبتى سيرتى ههههههههههههه,,ايه باه زعلانه منى ليه ياقمررر مقدرش على زعلك والله..
اوعى تكونى زعلانه علشان بحب الكوره:)
عارفه لو انتى اخت وحيده ل 3 شباب اكبر منك وكبرتى لقيتى الكوره هى اللى لازم تلعبيها علشان يوافقوا يلاعبوكى معاهم ,كانو بيقفونى جون فى المصيف واحنا صغيرين ههههههههه..
كل متكبرى هتحسى ان ده باه جزء من حياتك وحاجه بتحبيها غصب عنك وبتابعيها كمان:)

وبعدين حاجه انا بحبها مزعلاكو فى ايه,باذيكو مثلا:(
مش بعمل حاجه تضايق حد,ليه تزعلى علشان بحبها:(

♥نبع الغرام♥♪≈ يقول...

ربنا يستر برده الفرحه حلوة
انا عن نفسى زيك يا كوكو
وهقعد اسمع الاخبار من بعيد لبعيد

تحياتى ليك
ووالاغنية لذيذة

تحياتى
ايناس

دموع كابر يقول...

انا موش بفهم فى الكوره عشان كدا موش هقول حاجه
زى ماقلت عند
الشعب لابد له من حكومه تشكمه
تقبل مرورى

غير معرف يقول...

بلدى ثم بلدى ثم بلدى

غير معرف يقول...

السلام عليكم
بص الموضوع ببساطة كده مباراة ايا كانت مش موضوع ينسحب علي قضايا تنمية وتطور
انا معاك والله لأني مش باتبع كورة
بس مصر والجزائر تحديدا دايما يحصل بينهم كده ومش عارف ليه
زمان المنتخب ولا نادي اتضرب هناك شوفت اكرامي بيشيل راية الكورنر وهيضرب بيها ايام اخضر بلومي ورابح ماجر


تامر

غير معرف يقول...

علي فكرة يعني
الأهتمام بالرياضة مش عندنا بس
لو شفت هوس الأمريكان بدوري nba
دا بطولة المحترفين بس لكرة السلة تستغرب
يوم السبت في انجلترا دا اجازة اليوم دا عندهم مخصص للدوري الأنجليزي
ودوري الكاليتشيو في ايطاليا يوم الأحد
وفي مرة في نهائي بطولة اوربا كان في بروكسل فيه اعمال شغب وكان فيه قتلي
وبتوع امريكا الجنوبية دول مجانين رسمي وفي كولومبيا مسدسات علطول


تامر

Sameh Ezzat - (خواطر خاطر) يقول...

مكنتش اتوقع مكنك كده
يااااااااا
انتا متستهلش تبقا مصري ههههههههه
ياعم دا منتخبا لازم نقف جنبه
ولازم نشجعه لما نشوف بكره ربنا هيكرمه ولا هيضيع كل التهئ ده ع الفاضي
انا معاك ان التعصب وحش بس لازم يبقا في حماس مش نشجع في سرنا يعني
سلام يا مصري سابقا

شاب فقرى يقول...

Angel

الهادئة دوما

مبروك اول تعليق

:)

بس برده انا مش بفتكر كل دا

انا بفتكر انهم اخوات

لو اخويا ضربنى بالجزمة هيفضل اخويا برده

لازم الناس تفهم دا

واحنا نعترف بدا وهما كمان

تحياتى

شاب فقرى
=======================
heba
هوا الصراحة هى مش اول زيارة

زرتينى زمان اوى لو تفتكرى

مفيش روح رياضية

بقى صراع ملوش لزمة

ربنا يصبرنا عليهم

نورتى واتمنى اشوفك تانى فى المدونة :)

شاب فقرى
======================
صمت المشاعر

مش مهم اول تعليق

المهم تشريفك لينا :)

ربنا يولع فيهم اللى ولعوا الجو بينا وبين الجزائر

نورتى
:)

شاب فقرى
=============================
عاشقة الرومانسية

والله انا زعلان جدا

بس هنعمل ايه

ربنا يصبرنا على بتوع الكورة

ربنا يكرمهم بمسمار

ونرتاح من الكورة اللى عامله لنا صداع دى

انا زيك بالظبط

هفرح لو كسنا ومش هزعل لو خسرنا
نورتى يا دودو

شاب فقرى
================================
sookra
شيما وصلت

بس ياترى زعلانة ليه

انا حاسس ان معاكى حق :D

انا جاى أهدى النفوس بس :$

انا بحب احمد مكى ولما علقت قبل كدا قلت لك انى بحبه

واضح انك بتنسى

:)
انا لو قت نكمل مشوار الاجداد هيفتكرونى ناصرى وهتبقى مشكلة

خلينا ساكتين

فقرى
=================================
نكمل التعليقات التعليق القادم

شاب فقرى يقول...

شيما

تعليق لوحدك

اقنعتينى يا بنت الإيه :)


بس برده انا كرهت حركات الاعلام الخيبان واللى بيعملوه عالفيس بوك واليوتيوب وعناوين الصحف وربنا يصبرنا

:)

وسؤال

كنتى بتتفقى مع حد من اخواتك وتخليه يجيب اجوان وتخلى الباقى يخسروا

لانى لو مكانك هعملها :P

هههههههههههههههههههههه

ربنا يفرحكم يارب ويبعد عنكم اى حزن :)

ولا يهمك حبى الكورة والماتش واللى يعجبك وكلنا معاكى بس مش مع التعصب بتاع الجماهير والاعلام :)

شاب فقرى

شاب فقرى يقول...

أميرة علي كوكب مهجور

احنا نفسنا نفرح

بس مننساش احنا مين وهما مين

واننا فى الاخر اخوات

ولازم هما يفهموا دا كمان

والله انا نفسى افرح البلد باى حاجة

بس مش عارف اى حاجة تفرح الناس

تحياتى يا أميرة

=============================
الأحــــــ إيناس ــــــزان

إيناس

يا ولكم يا ولكم

بقى لك زمن مش شفناكى هنا :)

نورتى والله :) :) :)

الحمد لله لقيت حد يقف فى صفى اخيرا

:)

انا هشوفه من برا او من البيت مش تفرق

ربنا يسهل :)

نورتى

شاب فقرى
=============================
دموع كابر :)

نورتى المدونة

احنا اللى ملناش فى الكورة والله بالنا مرتاح

دمتى بكل ود

شاب فقرى

=============================
7aneen

انا معاكى

بلدى ثم بلدى ثم بلدى :)

دمتى بكل ود ووطنية

شاب فقرى
=============================
Sameh Ezzat - (خواطر خاطر)

تعليقك زعلنى اوى

مش معنى انى بفكر فى الماضى واننا اخوات اولا واخيرا مبقاش مصرى

شاب فقرى

===========================
غير معرف
متجيبش سيرة حد فى كلامك عشان كدا منشرتش التعليق التالت

انما بالنسبة لوجهات النظر

الامريكان وجنوب افريقيا

مش عرب ولا مسلمين ولا حتى نفس الحضارة والدم

يقطعوا بعض

بس مش معنى كدا اننا نقلدهم او نبقى زيهم فى احدى مظاهر التخلف والغباوة بتاعتهم

ولا ايه ؟؟؟

نورت

ودمت بكل ود وخير :)

شاب فقرى

مروة الزارع يقول...

مدونتك تحفة وأسلوبك أحلى

بس أكتر حاجة عجبتنى فى البوست دة

أنك مش بتحب الكورة

مية مية بجدددددد

:)

الفراغ يقول...

انا مش بحب الكوره
لانها بتيضيع مجهود الرجاله على الارض
ورغم انها رياضه بس التعصب بتاعها خلانى كرهتها
ايه يعنى مصر تفوز
او الجزائر هى اللى تفوز
المهم بعد الماتش
نسلم على بعض واحنا رافعين ايدنا فى ايد بعض
كفايه بقى شماتة العدا فينا
ولا حول ولا قوة الا بالله

حنين الذكريات يقول...

بتمنى صوتك يتسمع وبعض المتعصبين للكورة يفهموا ان دى رياضه وفيها غالب ومغلوب وبعدين انت بتقول ان مصر والجزاير أخوات طب نقول أيه لما بيكون الاهلى بيلعب مع المصرى وبيحصل كده برضه وكأن الفرقتين أعداء وبيحاربوا وهيحرروا البلد
ربنا يهدى كل الأخوات ويحبوا بعض ونتحد جميعاعلى الخير

------ يقول...

هههههه

احسن حاجة ان الواحد ملوش فى الكورة

ياابنى انا حاسة انها حرب مش مطش طورة

بس يلا هندعى ان مصر تكسب 2 1

سماء يقول...

يارب مصر تفوز ان شاء الله


وربنا قادر على كل شىء

غير معرف يقول...

يا رب مصر تفوز

يا رب الماتش يخلص ونخلص من الصداع ده

ده الدنيا بقيت صعبه .... والناس خلاص دماغها ساحت

تحياتي

الشعب لابد له من حكومه تشكمه يقول...

على فكره انا البوست بتاعى مكتوب قبل البوست بتاعك ب 7 سعات تقريبا:)
علشان كده سكره قالتلك شيما هتجيلك:)

يعنى دلوقتى انا اللى افهم ان انت اللى نزلت البوست ده ليا مش العكس :)
بي الفرق بينى وبينك انى كنت حسنة الظن بيك ومقولتش ان انت تقصدنى بكده..:)

شفت الفرق باه..مش تدخل تقولى منزلالى بوست مخصوص:( انا عمرى معمل كده لما احب اتناقش بروح فى مدونتك واتكلم لكن انزل بوست والاسلوب ده لا..

اومال بتقول تعرفنى ازاى؟؟؟؟؟؟؟
عموما روح شوف الوقت بتاع البوست والتعليقات شوف كانت الساعه كام:)

صحيح ظبط تواريخ وساعة المدونه بتاعتك:)

الشعب لابد له من حكومه تشكمه يقول...

همسات على ضوء القمر:
اوعى تدعى الدعاء ده ارجوووووووووكى كده مش هنوصل.2 -0 لاازم تكون النتيجه كده..

------ يقول...

ياشماااااتت ابلة ظاظا فياااااا

------ يقول...

مبروووووك الجوون الاول

تفتكر انها هتكسب

شوفت انا بتشائم اهه علشان نكسب ههههههه

لالالالا
استنى

وجووووووووون جوووووون جووووووون

مبرووووووك الجون التاااااانى هههههههه

ليس فقيرا من يحب يقول...

وكسبناااااااااااااااااااااااا


لولولولولولولولولوولولوولولولولى

وهييييييييييييييييييييييييييييييييييه

Aиgel يقول...


الله الله الله
ايوووووون كده براف يا كريم

كده تعجبني وانا كنت فهماك من الأول

(;