الجمعة، 13 نوفمبر، 2009

وأوقات بموت قصادى


((
غريب يا حالى ... غريب ومش مفهوم
ساعات بلاقى نفسى عايش فى وسط هموم
وممكن بكون ورقة متقطعه ومرميه فى كل حته
وساعات قلبى يدق ....لكن من غير لزوم
أيام بلاقى نفسى بضحك فى عز حزنى
وأيام دموعى تبكى على نفسى فى عز فرحى
وأيام بتعدى عادى ....وأيام عن نفسى راضى

وأيام بموت قصادى

سحابة الغيوم زودت الهموم علينا

))

أغنيه راب
ل Priesto Ft Romel B
بإسم sha7's leh kayan

تحياتى
شاب فقرى

هناك 37 تعليقًا:

Angel يقول...

أول تعليق
P:

الشعب لابد له من حكومه تشكمه يقول...

انا مش بحب الرثاء على النفس ومش هقول قوووم ونفض هدومك
(دا بناء على طلبك,اه قريته)

علشان كده مش هطبطب ومش هتكلم واستمتع بحالتك كده لانها عاجباك كده..

انت فاكر انك الحزين الاوحد فى الدنيا؟؟انت فاكر ان مفيش حد اتوجع ادك؟؟انت فاكر ان مفيش حد اوقات بيحس انه بيضحك ومش عاوز يضحك؟؟

احب اصحح لسيادتك معلومه انك مش لوحدك اللى كده..بس فى ناس بتحاول تخرج من الحاله وناس بتغرق فى الحاله لدرجة انها بتستمتع بالالم.

لو فاكر ان الدنيا هتقف علشان زعل حضرتك,او قصه حب فاشله,تباه بتحلم,لو فاكر ان سعادتك كلها تباه متوقفه على شخص بعينه,اسمحلى اقولك انك محتاج تعيد تفكير فى حياتك.الحياه مبتقفش على بنى ادم,والا كان الناس كلها ماتت.

اغرق فى حالتك ومودك وارجع عيش لوحدك,واقفل الكومنتات..
بس تفتكر هتستريح؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

Angel يقول...


صباح الخير ..

كريم أنا هعتبر أن ده عمل أدبي وعلى هذا الأساس سأكتب رأيي

وربنا وربنا وربنا كمان مرة (:
لا أستطيع مجاراتك في حرفك
ولكن أرى بأنك حتى الحزن تناغم بين أنفاس حرفك (:

بس بجد حسيت بكل كلمة
ومش عارفه أكتب أكتر من أني حسيتها
):

Angel love

شاب فقرى يقول...

Angel

ولكم بأول تعليق :)

شاب فقرى يقول...

شيما

انا كدا بتضرب فى مدونتى

تفتكرى مسحت وكتبت تانى ليه ؟؟؟

شاب فقرى يقول...

Angel

بس دى مش كلماتى

دى أغنيه راب :$

تحياتى

فقرى

الشعب لابد له من حكومه تشكمه يقول...

متزعلش من كلامى انا عارفه انى اوقات بباه رخمه وكلامى بيباه جامد:(
بس انا اتعصبت من البوست اللى فات .بضايق اوى لما اشوف انسان كده,,
مهما كان حزنك والمك اوعى تكون ضعيف..او تيأس لانك مش هتستفيد منه حاجه.
اوقات بحس ان فى كتير مننا بيستعذب الالم..
متزعلش منى انا فعلا مقصدش واسفه اذا كان كلامى ضايقك..

شاب فقرى يقول...

شيما

مفيش حد هنا ليه حق يتخانق او يضرب غيرك :)

طبعا مبزعلش من اى كلمة تقوليها

لانى فاهم كل اللى بتقوليه كويس

لو كنتى قريت بوست كتبته قبل كدا

اسمه لحظة وعدت زى سنين

هتفهمى ايه اللى بيحصلى ناو

بس كدا :$

وعارف انك هتفهمى

الشعب لابد له من حكومه تشكمه يقول...

اه فاكراه شويه..
على فكره من حقك انك تزعل وتكتئب انا بس برفض فكرة الاستسلام وانى افضل لوحدى وسيبونى مع نفسى,لانك هتغرق اكتر فى الحاله دى..

اعرف ان مهما خططت لحياتك ومهما قلت على شئ مستحيل اللى مكتوبلك هو اللى هتشوفه....واللى مقسوملك هو اللى هتاخده,طبطب على قلبك وطمنه وقوله الاحسن عند ربنا ان شاء الله:)
فى حجات بتحصل فى حياتنا واحنا مش فاهمين حكمتها بس بعد فتره من الزمن بنعرف ان ده كان رحمه بينا..
مره قريت كلمه لعبد الوهاب مطاوع كان بيتكلم فيها ان الانسان بيصادف حجات كتير وحشه فى حياته..
وقتها قال:كن مؤمنا ان كثيرا من الاوقات ربنا يجعلك تصادف الاسوأ,حتى اذا قابلت الافضل تعرق قيمته وتحافظ عليه..

طبطب على قلبك وقوله براااااااااحه لسه الجاى احسن:)

Angel يقول...


يا دي الكسفة
يا دي الجهل يا ولاد
مش توضح طيب

كسفتونا قدام الأجانب D:

حلوة بردو الراب دي (:

شاب فقرى يقول...

عندك حق

عشان نعرف نحافظ على بكره

وعاللى هيبقى معانا

فكرة سليمة فكرت فيها واكتشفتها لوحدى زمان لما كنت بكتئب وبفكر كتير اوى

ربنا يحفظك :)

دايما كدا بتيجى تهزقينى

ههههههههههههههههههههههه
قصدى تفوقينى :)

صباح الورد


يارب يكون القادم اجمل يارب

خليكى بس هنا تفوقينى كل شوية

:)

وهجيبلك يوسفى ولا يهمك :$

فقرى

الشعب لابد له من حكومه تشكمه يقول...

انتو كده متجوش غير بالعين الحمرا,او حد يفرغ ميه من الفريزر على دماغكو:)

لا مش عاوز يوسفى باكل لب هههههههه..

صباحك سكر زياده:)

تفائلوا خيرا تجدوه,لو خسرنا يوم السبت لاقدر الله هقول انك السبب,,اه انت ابتديت يوم الجمعه باكتئاب ادى الى نقل العدوى لحسن شحاته ثم الى الاعبين فحسوا باحباط وشافوا ان خلااااص مفيش امل فى اى حاجه.

شاب فقرى يقول...

عارفة

حلوة صباحك سكر زيادة دا

لانى لسه شارب قهوة

والنعمة برىء ومليش دعوة فى الكورة خالص

ولا حتى بعرف اشتريها منين :$

عالعموم كل الناس هتقول يارب

يارب :$

برده هجيبلك يوسفى

غباوة كدا :D

شاب فقرى يقول...

Angel

ولا يهمك

انا كاتب بلون مخالف فى الموضوع

هعمل ايه تانى :D

:D

ركزى بس :)

نورتى

شاب فقرى

Angel يقول...


أنت بتشتغلني يا فقري
أنت لسه كاتبها
ماليش دعوة ولا عشان عيانة يعني

ريمان يقول...

مش تقلق


ده حال الدنيا


والله مش انت لواحدك


كلنا كده برضه

بس فعلا شىء محيرنا لانه مش مفهوم

همســات عــلى ضــوء الــقمر يقول...

ياصباح اللى بتغنى

الله ايه البوست النونو دا

هو انا لسة مش قريت

اوقات بموت قصادى
لييييييييه يعنى

هروح اقرأ

همســات عــلى ضــوء الــقمر يقول...

انا بفكر انك تشيل احمد حلمى
وترجع تحط الواد ابو نظارة
بس وقتها يلبس انا مستسلم انا بائس انا يائس انا ...........

بص بقى علشان هتخانق معاك

فوووق شوية من الحزن دا
بقالك كام بوست كدا لالالالا

دا انت هيجيلك حالة اكتئاب ياابنى
وبعدين مش انت الوحيد اللى مطحون وحزين

ماانا قولتلك اللى يشوف بلاوى الناس تهون عليه بلوته

انت علمتنى انى مقفش لو زعلت
وارمى الدنيا ورايا لو حصل ايه
علمتنى انى لو وقفت هخسر كل حاجة
علمتنى انى لازم اتحدى كل الحزن واعيش
فيييييييين كريم بقى

ماهو احنا مش عايشين طول حياتنا علشان نفرح وناخد اللى احنا عايزينه
الحياه مش هيكون ليها طعم

وبعدين لازم تكون حاطط وعامل حسابك انك كل ماهتمشى خطوة هتلاقى حيطة فى وشك هتلف وترجع ولا تكسرها وتكمل طريقك

فكررررر كويس وشيل كل الافكار السلبية دى
وبص للدنيا بنظرة تانية وخلى عندك امل يافقرى

شيل سحابة الهموم قبل ماتمطر غم وحزن
اضحك وامسح الدموع
لملم ورقك اللى اتقطع وارجع زى زمان
قلبك لازم هيدق ومش معنى انه دق وخسر يبقى الدنيا خربت

الدنيا لسة قدامك ويوم هيدق بس فى ميعاده
واهى ايام وبنعشها
بس ياترى هنعشها بحب وتفاؤل
ولا بحزن وكأبه

الفراغ يقول...

حلوه الاغنيه دى
ومفهمتش دا مودك...ولا دا مجرد اعجاب بالكلمات
بس لو مودك دا دلوقتى
انا اعرف انك بتعرف تعالج نفسك كويس
مع تحياتى

ليس فقيرا من يحب يقول...

والله العظيم جات فى وقتها

بس مش لازم الاستسلام

الهروب من الهم والغم افضل وسيله

ربنا يسعد قلبك ويفرج كربك

أميرة علي كوكب مهجور يقول...

عارف مرة كنت زعلانه اوي بمعني اوي وعامله اقول انا شكلي في الموقف ده بجد وحش بجد انا صغيرة وصعبان عليا نفسي ومش عارفه اعمل ايه
وبقلب في القنوات لقيت برنامج ديني لمصطفي حسني والله بالصدفه لاقيته بيقول اللي مفكر ان الناس او شخص في حياته هو سبب فرحه او حزنه يبقا غلطان اللي يفكر ان فلان ساعدني ولا سابني هضيع يبقا غلطان ربنا هو اللي بيحطلك الناس دي في حياتك مجريات لتصريف امره وقدره معاك ربنا وحده هو اللي قادر يسعدك او يخليك حزين مش شخص او موقف ولو انت امنت من جوه قلبك بكده هتلاقيك اقوي محمي ان ربنا معاك ومش هيخيب ظنك فيه علشان ربنا الودود الكريم


بجد سمعت الكلمتين دول والحاله اتغيرت 180 درجه قولت خلاص الحمدلله ع كل حال والدنيا عمرها ما هتقف عند حد ابدا اه يمكن مش هنسي بسهوله بس كمان مش هخلي حد يخليني ضعيفه او يوقف تفكيري عند حد معين في حياتي


ياما هنقابل ناس وهنعرف ناس وهنرتاح ويا ناس عن ناس :)

الكومنت طويل اوي عارفه :)يارب تكون بخير وربنا معاك بجد

'' حطام (ك) بقايا '' يقول...

وثاااااالث تعليق

'' حطام (ك) بقايا '' يقول...

يااااااااه
قد اييه محسوووووسة الكلمات دي قويييي
بجد روووووعة
يا قلبي كنت فاكر نفسك لوحدك
اتاريه الحال من بعضه لبعضه

شدتني جملة قالتها شيما قويييييي
**وناس بتغرق فى الحاله لدرجة انها بتستمتع بالالم**

'' حطام (ك) بقايا '' يقول...

ايه ده ,?????

هو في الفترة اللي اغيب فيها انا
اجي الاقي بوست و مش شايفااااه
ده ايه ده **وش زعلان*

يللا نروح نرجع نقرااه ونعلق هناك

7annen يقول...

اااااااااه

وما اكثر الهموم لدينا

دا احنا بنفكر نصدرها


وما اكثر من يرثون انفسهم

مش احسن ما حد تانى يبكى عليهم

تسلم ايدك

Roqaya يقول...

صباح الخير :) معلش الصبح عندى بيتأخر شوية
وبعدين انت زعلتنى أوى بماتش الاعتزال بتاع امبارح دة
بس أول ما فتحت النهاردة قولت أدخل برضة (غلاسة) يمكن تكون غيرت رأيك
والحمد لله أهو :)
على فكرة الصورة اللى برة دى مرعبة, أنا من امبارح اول ما بدخل بنزل الصفحة لتحت بسرعة عشان مشوفهاش :D

وبخصوص الحالة دى ابقى اقرا كل الحاجات اللى انت كتبتها, هتلاقى حاجات كتير تزعل وحاجات تفرح... يعنى مفيش حاجة بتدوم مهما طالت
ربنا يوفقك دايما للأحسن

حـــلـــم كــــان يقول...

عندك حق يافقرى بتحصل كتير

بس لازام تحاول متخليش حالتك كده علطول

صدى الصمت - عاشقة الورد - يقول...

السلام عليكم ورحمة الله وبركاتة
الحقيقة من حوالى إسبوعين وصلنى أكثر من 10 تعليقات بإسم مدونتك وكانت للأسف كلها إعلانات مواقع إباحية ولكن عندما قرأت فى مدونة عاشقة الرومانسية إنها تهديك تاج وتنتظر قبولك له تنبهت لأن يوجد خل ما وسرقة حدثت لمدونتك بشكل أو بآخر وعاودت زيارة مدونتك اليوم لأنبهك لذلك ولأوضح لك إنى أتشرف بزيارة مدونتك الآن وإنها مدونة جادة وهادفة وتستحق التقدير
تحياتى

sookra يقول...

براااااااااااااااااااااحه

فتاه من الصعيد يقول...

حلوه الاغنيه

بس موش حلو المود .... يعني حلو بس موش قوي

تحياتي

طوبه فضه وطوبه دهب يقول...

حقيقى ممكن نموت الف مرهلما نعيش فى العمر مره وفجاه نلاقى الشىء اللى عشنا عشانه كان مجرد وهم موجود جوانا تسلم ايدك على جمال تعبيرك

wella يقول...

زيك يافقرى اخبارك اية

ان شاء الله تكون بخير يارب


على فكرة الكلمات دى عجبتنى اوى

وكتبتها وبعتها رسايل لصاحبى

اخدت اربع صفحات اهو نستغل خدمة الالف رساله المجانية بتاعة فودافون

ابو بلاش كتر منة


بس بجد كلمات حلوة

أبو العريف يقول...

مش عارف ليه اوقات كتير قوي

بحس بكل كلمه في الغنوه

هو الكلام فعلا صعب قوي

ربنا يصلح الحال

تحياتي

شاب فقرى يقول...

Angel

ألف سلامة :)

==========================
ريمان

حالنا وحال الدنيا غريب ومش مفهوم

نورتى

فقرى

===========================
دموع القمر

للاسف مفهمتيش اللى اقصده من وضع الاغنيه

انا مش بقول انى استسلمت ولا اى حاجة

ولا انا حزين ولا اى حاجة

بس مش حاسس بالرضا وتعبان نفسيا

بس كدا

فى امل والحمد لله

بس انا كتبت دا لانى مش مرتاح مش اكتر

عشان كدا مناقشتش شيما فى الرد بتاعها

لانه بعيد عن حالتى

نورتى

تحياتى
شاب فقرى
========================
الفراغ

دا مودى وبرده معجب بالكلمات

نورتى المدونة

خالص نحياتى

شاب فقرى
=========================
ليس فقيرا من يحب

والله عندك حق

ان شاء الله تمر على خير

شاب فقرى
========================
أميرة على كوكب مهجور

وجهة نظرك سليمة

بس اللى انا بمر بيه غير كدا للاسف

المشكلة ان الواحد حاسس بعدم الرضا

حزين على اشياء كتيرة ملهاش وجود او لم تحدث بعد

دا وصف مبسط لحالتى لما كتبت الكلمات دى :$

خالص تحياتى للتعليق الاتنين متر اللى كتبتيه :)

نورتى طبعا

شاب فقرى

==============================
'' حطام (ك) بقايا ''

امممممممممممممم

مش التالت :P

نورتى كنتى فين دا كله ؟؟؟؟

كلام شيما ما شاء الله عامل زى السكر :)


يإنتظار بقايا تعليقك

شاب فقرى :)
==============================
7aneen
حلو اوى الاسم دا

مش مهم الهموم كتير

بكره ربك يعدلها لنا

شاب فقرى

==============================
Roqaya

انتى شفتى االماتش بتاعى كمان

يادى الفضايح بتاعتى :(

معلش بقى بخصوص الصورة بس بحبها اوى

ربك كريم بيحل كل المواضيع

شاب فقرى
===============================
نكمل التعليقات التعليق القادم

شاب فقرى يقول...

حلم كان

ربك كريم والحالة دى بتبقى ثوانى

بس بموت فيها كتير اوى
دعواتك
نورتينا
تحياتى
=======================
صدى الصمت - عاشقة الورد

اسف عالتعليقات عالشخص اللى عامل مدونة بنفس الاسم والمعرف بتاعه هوا هوا

معلش بقى :$

نورتى ونتمنى تزورينا تانى

شاب فقرى :)
======================
فتاة من الصعيد

للاسف الحالة والمود وحشين جدا

بس الاغنيه روعة :)

تحياتى

شاب فقرى
======================
طوبه فضه وطوبه دهب

كنت اتمنى ان الكلمات تكون كلماتى بس للاسف دى كلمات اغنيه راب

المهم نفوق قبل فوات الاوان


تحياتى
شاب فقرى
=============================

ويلا

بقالى كتير مش بشوفك هنا :)

نورتى

اى خدعة شوية رسايل اخر جمال اهم :P

هههههههههههههه

خالص تحياتى

فقرى

=========================

أبو العريف

يارب يصلح الحال

انا كتير بحس بيها

بس بحاول امر بالحالة دى بسرعة

تحياتى لتواجدك

شاب فقرى

Isolde يقول...

الكلمتين دول جم عالجرح تماااام... تصدق بالله انا مش عارفة اعمل ايه فيا... ادعي لاختك يا فقري، و ما تزعلش لو قصرت :)

شاب فقرى يقول...

انا زعلان من حاجة تانية يا ايزولد

:((

نورتى

فقرى