السبت، 7 نوفمبر 2009

إلى أجدع مدونة فى الدنيا حبيبة قلبى


السلام عليكم ورحمة الله وبركاته

اليوم أنا هبوح لكم بسر خطير

مخبيه عليكم بقالى كتير أوى

اليوم أنا هتكلم عن واحدة مدونة معانا غالية قوى على قلبى

من الآخر بحبها :D

ومش حب عادى

بحبها من زمان أوى

بجنوووووووووون

(: (: (: (:

إستغربتم ؟؟؟

إستغربوا كمان وكمان

لأن البوست بالكامل هيتكلم عنها هى وبس ...!

طبعا ناس كتير سألتنى مجيتش ليه لقاء المنصورة
أنا كان الرد الطبيعى بتاعى إنى كنت جاى من السفر وتعبان
لكن اللى يعرفنى كويس يعرف أنى بستعبط جدا :)
لأنى لو عايز أطبق أربع تيام ورا بعض هطبق :)
وإنى لو عايز أسافر المريخ وأنا منمتش بقالى يومين
هسافر
طيب مجيتش ليه يا فقرى ( إسم مش شتيمة ) ؟؟؟
عشان حبيبتى مش هترضى تيجى معايه :((
وأنا قلبى مش هيطاوعنى أسيبها فى البيت وأمشى أروح أتفسح :((
أيوا يا جماعة أنا قلت لها ومش لقيت منها قبول بالإضافة لأنها ملهاش علاقات كبيرة بأصحابى اللى فى اللقاء
طبعا بعضكم يعرفها لكن مش كلكم وهى مش بتعلق عندكم أوى

هى بتدون بقالها تلات سنين تقريبا
هى اللى علمتنى التدوين
إحنا بدأنا فى الأول كل واحد بمدونة
بس انا كنت بكتب بوست كل كام شهر
وهى بقى الله ينور كانت كل يوم زى حالاتى دلوقتى كدا
أنا الصراحة بحبها من أول يوم

طيب مين الأمورة دى ؟؟؟

الأمورة تبقى أختى :)

واحدة فى المدونات اللى بيعلقوا عندى هى بس اللى تعرفها وتعرف اننا اخوات
بمحض الصدفة لانها ذكية أوى ولأنى كنت عايزها تعرف
وياما أختى كتبت فى مدونتها وقالت كريم وكريم وكريم وقطعت فروتى


ومن منبرى هذا أقولها مش هجيب لك آيس كريم السنة دى فى عيد الحب عشان بتتأخرى فى الدفع وبتدفعى مؤخر :D

الدفع مقدم يا أختى العزيزة

طبعا مش هقعد أشكر فيها وأقول إنها سر سعادتى
والأخوة اللى بينا عمرها ألف عام
وإننا ملناش غير بعض
وإنى بحبها والكلام الحلو دا كله
لأنها أكيد حاسه
وإحنا فاهمين بعض كويس

طبعا أنا مش هقولكم هى مين ؟
ومحدش يقولى هى مين عشان والله ما هقول دلوقتى خالص يمكن بعدين وانا حلفت أهوه
عشان الموضوع سر إلى يوم يبعثون

دعواتكم بقى لأنى مسافر بكره للدكتور(( مخ وأعصاب )) فى إسماعيلية
إنتم عارفين إن الشيخ البعيد سره باتع

تحياتى إليكم

بس خلاص

كان معكم

شاب فقرى
--------
ملحوظة
: مش هتبقى آخر مرة أعلن إنى بحب واحدة فى مدونتى ,,, باقى كمان مرة وخلاص ...

تلميح عن شخصية أختى : كاتبه بارعة جدا للخواطر والقصص القصيرة لدرجة تجعلك تبكى بجنون ....

هناك 62 تعليقًا:

الشعب لابد له من حكومه تشكمه يقول...

اوعى تكون بتعمل كده علشان اصالحك اصلى كنت ناويه اخاصمك على فكره.....

ده كان ردى عليك لما دخلت عندى عملتلى فيها مظلوم وصعبت عليا ,واهو اديك اعترفت باللى انا كنت مخمناه وانك طنشت..
نرجع باه لموقفنا الاولانى اللى هو خدلك ساتر منى اليومين دول وبينا فتره خصام قد تطول او تقصر على حسب مزاجى..

الشعب لابد له من حكومه تشكمه يقول...

فى حجات تانيه فى بالى بس اصلى زعلى وحش:(وبتجنن من اللى يأكد على حاجه وميعملهاش.

وبعدين انت بتناقض نفسك :) ال يقولى اتبهدلت على الدائرى ويجى هنا يقول اللى يعرف فقرى يعرف انه ممكن يطبق 4 ايام..
انت هتجننى؟؟؟؟؟؟؟؟؟؟؟؟

سؤال بس واعرف ان الخصام لازال قائما:
انت رايح الاسماعيليه ليه؟؟؟؟؟؟؟؟؟؟؟؟؟

شاب فقرى يقول...

شيما

ربنا لوحده اللى يعلم انى كنت تعبان قد إيه وإقرى البوست اللى قبل دا بتاع الفرح هتعرفى أنا إتمرمطت عالدائرى وطلع عينى قد إيه فى عز التلج
الساقعه كانت تقطع ديل الفار

المغزى من السطرين بتوع البوست انى بقول انى لو عايز اعمل اى حاجة هعملها يعنى عندى حماس وارادة قوية

وبعدين انا مرضاش ازعل اختى ودى حقيقة واسيبها لوحدها واروح انا

وبعدين انتى قريتى البوست الطويل العريض دا مجاش فى بالك تقولى حاجة غير هتخاصمينى

طيب يا شيما

مش هاخد منك شوكلاته

:((

فقرى

شاب فقرى يقول...

شيما
الشعب لابد له من حكومة تشكمه

أنا مرعتش فى كلامى انا نبهت الصبح

قلت لك اللى قلته فى البوست كناية عن الارادة القوية

وامبارح فعلا كنت تعبان جدا ومعرفتش ارد عالبوست عندكاو اصالحك حتى

رايح اسماعيلية عشان رايح لدكتور مخ واعصاب هناك

مش رايح اتفسح

فقرى

الشعب لابد له من حكومه تشكمه يقول...

ما انا قلريت الكلمه اللى قصدته رايحله لييييييييييييييه؟

شاب فقرى يقول...

مش رايح له لوحدى رايح له انا واتنين صحابى ومنهم واحد عنده مشكلة شبهى واكيد رايحين نكشف ونتعالج

وهوا عالج حالة زى حالتى انا وصاحبى قبل كدا

بس كدا

الشعب لابد له من حكومه تشكمه يقول...

لا خلاص صالحتك..عيبى ان قلبى طيب:(
الف سلامه عليك..وان شاء الله تكون كويس واباه طمنا عليك..خضتنى على فكره:(

شاب فقرى يقول...

إشطة

صالحتنى خلاص

هاتى لى شوكلاته بقى

وردى عالبوست اللى قايل فيه اختى وبتاع

لما تصحى هتقرى التعليقات

وطبعا كدا انا حققت لك امنية من امانى حياتك

حد يجيبلك وردة ويخضك

ادينى خضيتك

باقى الوردة

مقدور عليها :) :) :)

شكرا لسؤالك :)

شاب فقرى

الشعب لابد له من حكومه تشكمه يقول...

ليدى جابتلى بوكيه ورد تحفففففه وصلاح قال انه مش هيعرف يقف على ايده ههههههههه قلت فينك:)

انا حاسه انك بتستدرجنى لحد مصالحتك مش عارف ليه.انا حاسه انى اضحك عليا.
والخضه دى وحشه مش عاجبانى:(

ربنا يخليلك اختك يارب ويخليكو لبعض,بس كانت تيجى خساره بتوع القاهره كانوا مذهولين وادخل عند فاتيما هتعرف اد ايه اتبسطوا..
يلا خيير اللقا نصيب:)

اباه طمنا عليك..لما ترجع ان شاء الله

شاب فقرى يقول...

انا موجود والله

لا هروح هنا ولا هنا

:$

عيب برده يا شيما

بقى أنا أقدر أضحك عليكى :((

أبدا والنعمة

طيب بكره هبقى اقولك رايح ليه وايه اللى حصل هناك

هههههههههههههههههههههههه

خلاص هشوف لك خضو تانية

وانا عن نفسى وقفت على إيدى مرة واحدة بس فى حياتى كلها

هروح اشوف اخر الاخبار اهوه عند فاتيما

بس مش شايف صور يعنى زى لقاء أسكندرية

عالعموم ان شاء الله لما ارجع اكتب عن اللى حصل واحكى لك بالمرة وتصالحينى تانى

فقرررررررررررررى

فكرة من الزمن ده يقول...

انت بقى فقري؟
ده انا دعيت عليك دعا ربنا يجعله مش من نصيبك
معلش مكنتش اعرف ان مدونتك مسروقة وان التعليقات الزبالة اللي ملت المدونة عندي مش من عندك
باردون\

لكن شكلك كلامك مش بيصفى على الربع مرة تقول مودي وحش
ومرة تقول جاي وماتروحش ومرة تقول اختك على العموم ربنا يخليكم لبعض
تحياتي

------ يقول...

لااااااالاااااا

دا انا هتخانق بقى النهاردة
ليك اخت فى المدونة وبتكتب شعر وقصص
ومش تقولى عليها اخص

ربنا يخليه ليك
وميحرمكوش من بعض
ابدا ابدا ابدا

ونروح نقرأ البوست اللى فات يافقرى
علشان انت بتوهنى معاك
مش نتأخر شوية نيجى نلاقيك كاتب ميت بوست

وصباح الفل

------ يقول...

اخر حاجة وهمشى علشان متولعش فيا بس

ههههه
انا مش لاقية كلام اقولوا على البوست اللى فات غير انى عمالة اضحك على طريقة كلامك واضحك انى تخيلت منظرك

بس اسكت بقى بخصوص المشروب
انا عملت فيها البورم ورحت فى الثانوى
مسخنة لبن ها مسخناه
وطقشة فيه بيضة حلوة كدا
وشربت هههههه

انا مفهمتش ليه الحاجات الغريبة اللى لقيتها وشمتها
غير بعد فترة
ان البيض اصلا استوى ههههههههه

والحمد لله الصحة تمااام :)

يلا اسيبك بقى وابقى طمنا عليك بجد
لانى بتخض من لما حد يقول رايح لدكتور المخ والاعصاب :)

وبعدين لو طلع عندك حاجة فى فيوزات مخك يعنى اوعى تقول علشان الحيطان ليها ودانين وساعتها البت لو قربت توصل وحد دلها على طريقك هتلف وترج تانى مع اول فيسبة تلاقيها

ههههههه

Aиgel يقول...


صباح الخير ..
من أولها كده أسرار
طيب كنت هقولك قولي كده بيني وبينك
ماشي ماشي
سلامي أمانة لأختك اللي معرفهاش (:
........
حلو تبريرك أنك مروحتش المنصورة عشانها
والله برافو عليك
وتروح الاسماعلية وترجع بالسلامة إن شاء الله

Angel love

شاب فقرى يقول...

فكرة من الزمن ده

سؤال بس

عرفتى ازاى ان المود بتاعى مش تمام

وهقولك ازاى التناقض دا

دا العادى بتاعى

التغيير زى موج البحر

مفيش ناس كتير بتفهم النقطة دى

بس عادى

والله انا فعلا آسف عالتعليقات اللى كانت بتطلع فى المدونة عندك بس اكيد مش انا

تحياتى على تواجدك

متنسيش تردى عالسؤال اللى فوق

شاب فقرى

شاب فقرى يقول...

دموع القمر

اه والنعمة ليه اخت عادى يعنى

زى اى بنى ادم فى الدنيا

ليه اخت بنت حلال مطلعه عينه

قصدى يعنى شايلاه فى عنيها

هههههههههههههههههههه

لا ميت بوست ولا حاجة

دا هوا كل يوم تلاتة بس

:D

بالنسبة لحوار الكوبايه

انا كنت بدفى اللبن بس :$

وطعمه مش وحش والله دا رائع

لما تعرفوا انا رايح ليه هيشتغل الضحك

بس مش ناو لما ارجع

رايح ولما ارجع هقول بقى

نورتى

شاب فقرى

شاب فقرى يقول...

Angel

صباح الورد

سلامك هيوصل طبعا

نورتى والله

وان شاء الله لما ارجع هرغى كتير اوى عن اللى حصل هناك

صباح الفل

شاب فقرى

ريمان يقول...

الله بقى


مش تقولنا هى مين وتعرفنا عليها



لا لا مالكش حق


على فكره كان ممكن اجى اللقاء ده بس لو مكنش يوم جمعه


ابقى قولهم بلاش موضوع يوم الجمعه ده اللى يختاروه للقاء


تحياتى ليك

Cute Kitty **sookra يقول...

اختك !!!!!!!!!!
اه منك انت ومن عمايلك
يعنى عاوز تكسب مصالحتنا ليك بفكره اختك دى
عموما ياعم رضينا عنك
واعتراف خطير بس لازم نعرفها قريب
وربنا يخليكم لبعض يارب وموش يحرمكم من بعض ابدا
وانا زعلالالانه ومقموصه كمان

------ يقول...

ماشى ياريس

تروح وترجع بالسلامة

ابقى طمنا عليك

واوعى تكون زعلت انى قولت فيوزات مخك ضربت ولا حاجة

بنت قلبى يقول...

ههههههه وانا اول ما قرائت البوست بتاع شيما
عن اللقاء
قلت ايه دا ما جبتشى سيره
توهان فقرى ليه
وقلت يمكن الاسم انطبع عليه ولا حاجه
ولما كتبت بوست عندى برضو على عدم مرواحى اللقاء دا فا شيما قالت
انك ما روحتش فا رفعت حاجبى واستغربت ومستنيا اعرف السبب عندك فى البوست الا هتنزله
والاخر الاقى عدم مرواحك بنوته وحبوبه كمان
لالالالالالا هنا سماح ليك
مهى بدال اختك بقا
وكمان لان فيها سر فا هسكت خاص
لانى انا مش بسمع اى خدعه
وان شاء الله كده
اللقاءات جايه كتيييييير

قلم رصاص يقول...

فكرتني ببركات ملك الحركات

هههههههههههههههههه

ماشي يافقري بتبرر موقفك

بصراحة موقفك السياسي صعب جدا

وطلب اللجوء السياسي للاسماعيلية ده مش هيحل القضية .. احنا لينا ضعوطنا برضه

على حاكم الاسماعيلية ولو مستجابش وسلمك

لينا هنحتل الاسماعيليية وناخد كل الجوافة اللي فيها هههههههههههههههههه


عموما ربنا معاك وابقى طمنا عليك اهم

حاجة .. دمت في حفظ الله

لو عرفوه هيحبوه يقول...

السلام عليكم ورحمه الله وبركاته

جزاكم الله كل خير ربنا يجمعكوا على الخير دائا

تابعونا فى الحمله ومع بدايه الشيقه فى الدعوه للاسلام

يسعدنا تواجدكم

غير معرف يقول...

ربنا يخليكم لبعض

بس ليه خايفين نعرف انكم اخوات .... دي حاجه لطيفه اصلا

تحياتي

Asmaa mahaba يقول...

ربنا يديم ديما بينكم المعروف يا رب

سلمى يقول...

السلام عليكم
اولا ربنا يخليكم لبعض انت واختك وميحرمكوش من بعض ابدا
ومستنيه اعرف هى مين
ثانيا براحه شويه فى تنزيل البوست علشان مش بلحق اقرى يعنى امبارح بليل رديت على حضرتك
والنهارده لقيت بوست بتعليقات كتير
ثالثا
انا عشان اوصل لمدونه حضرتك عن طريق مدونتى بلف على مدونات مصر كلها
والصراحه انا بحب اقرى فيها لشىء متعلقه بيه جدا واسمحلى مش حقدر اقوله لانه يحتاج الى شرح طويييييييل
فلو سمحت قولى طريقه سهله اوصل بيها لمدونه حضرتك
تحياتى

Cute Kitty **sookra يقول...

من البرج الى فقرى
انادى اين انت يافقرى
ايه دا هو انت هتروح لدكتور من غير ماتقولى كدا
طيب اجى معاك
غلاسه بقى
ايه ؟اجى؟

ريتاج يقول...

مساء الخير

ربنا يسعدك يارب ويوفقك
بجد قد اية سعيده بكلماتك اللى طالعه من قلبك على طول
ربنا يسعدك يارب ويوفقك

انا مدونه جديده معاكم
واتمنا منك زيارة مدونتى
ويبقا التواصل
تحياتى
ريتاج

Asmaa mahaba يقول...

لا بقى كدا حرام والنعمه انا علقت هنا من ييجى ساعتين تلاته انا عاوزه بقى تعليقى مليش دعوه هى :(
ربنا يرجعك بالسلامه

Asmaa mahaba يقول...

مش تقول يا راجل ان فى رقابه ع التعليقات:)) خضيتنى على تعليقاتى كل ما اعلق عند حد التعليق يختفى كان المدونات بتبلعهم
بصراحه يا فقرى انا نفسى الصوره اللى حاطتها دى تسرح شعرها مره واحده:)))))))))

Pink Dreams يقول...

ربنا يخليكوا لبعض يا رب


بس بقولك ايه لازم بردو تقولنا هى مين

عشان انت شوقتنا اننا نعرفها

ويا ريت تبقى تطمنا عليك عشان انت كدا خضتنا بجد

مجرد حلم صغنتوت يقول...

تروح وتيجي بالسلامة
بس لازم لما يبقى فيه لقاء بعد كده تعرف اختك على الناس قبلها وتجيبها وتيجي مينفعش كده

انا سمعت عن مدونتك امبارح ... معلش لسه جديدة فمش متابعة المدونات اوي بس الناس كلها كانت بتقولي انها مدونة جامدة... ناوية اتابع بقى ان شاء الله

الفراغ يقول...

ازيك يا فقرى
ايه البوست اللى مليان اخوه ومحبه ده
ربنا يخليكم لبعض

ومتهيئلى انك ليك تاج عندى
ياريت تقبله وتجاوبه
و ماتكسفنيش ...لانى بحبك ...مش عارفه ليه

Yusuf يقول...

ايه ده

يعني السلام موصلش

عموما ربنا يكرمك انت واختك

وترجع من الاسماعيلية بالسلامة ان شاء الله

والسلام ختام

أميرة علي كوكب مهجور يقول...

ليك تاج عندي تروح تستلمه :) والحمدلله ان المرحلة الاوله عدت ع خير عقبال الباقي يارب ونفرح فيك بقا:)

أختك ... حبيبتــــك يقول...

كيمو حبيبى

أنا مش عارفة اقول ايه بس فى الكلام الحلو اللى مكتوب فيا دا


انا كمان بحبك اوى والله .. وبرغم انك أصغر منى شويه صغننين مش كتير يعنى ( احسن حد يفهم غلط هههههه .. بس انا كتير بعتبرك مثل أعلي ليا .. وبحترم رأيك جدا فى اى موضوع فى حياتى ... طبعا كل المواضيع اللى بدوشك بيها هههههه تشهد على كده ..هههههههه واكيد مش بتبقى مدووش ولا حاجة

:)

ههههههههه بالنسبة لعيد الحب عدي اورديحى السنة دي ...


ربنا يخليك ليا يارب ياكيمو يا حبيبى

ترجع ان شاء الله من السفر ...:)

متنساش الهدايا بقى وانت راجع من البلاد البعيدة .. والحاجات الحلوة ... دا غير اكلة جمبرى جامدة طبعا .. مش هتنازل عن حقى ابدا .. انا قلت اهو .... يلا مش هتقل عليك المرة دى هههههههههههه

Tamer Moghazy يقول...

يااااااااااااااااااه..
ايه كمية الحب الحلوة قوي دي..؟؟
بجد فيه كده؟
ربنا يخليكوا لبعض.

Tamer Moghazy يقول...

انا جيت تاني
عارف ليه؟
عشان اقولك شوف الفرق في الوقت بين التعليق اللي فات والتعليق ده,....تعرف انا قضيت على مدونتك النهاردة وقت قد ايه.
مش بس قد ايه في الكم...
لأ...
وكمان قد ايه كان ممتع.
انت مش فقري..
انت حد كويس قوي..شبهي كده يعني ;)

بقايا انسانه يقول...

ربنا يوفقك يارب بأذن الله

وان شاء الله خير

شاب فقرى يقول...

ريمان

والله برده اللى منعنى إنه كان يوم جمعة

يلا معلش تتعوض المرة الجايه بعون الله

ساعتها بقى هبقى أقترح يكون يلام تلات

بس خايف محضرش برده :$

نورتى

خالص تحياتى لكى

شاب فقرى

شاب فقرى يقول...

saso

كدا كدا هتصالحونى ومحدش هيزعل منى لانكم عارفين فقرى قلبه طيب وميقصدش يزعلكم كلكم أبدا

بس ظروف والله وانا كتبت فى البوست اهوه

نورتى

خالص تحياتى

شاب فقرى

شاب فقرى يقول...

دموع القمر

معلش بقى خبيت عليكم الموضوع

بس كان لازم يستخبى

ولازم فقرى يظل فى الظلام

ولا يهمك فيوزات إيه

دا الترانزستور :D

والله خليتينى كدا أخد بالى بأن اللبن مش لازم يكون سخن

طيب كويس عشان مش يحصلى زى ما حصلك

لأنى ساعتها ردة فعلى هتكون غير متوقعه على الإطلاق

متخافيش هى مش بتركب فيزبا :)

تحياتى

شاب فقرى

شاب فقرى يقول...

بنت قلبى

والله الظروف كانت صعبه

بس معلش تتعوض

اللقاءات جايه كتير

والظروف أكترررررررررر:D

هههههههههههههههههه

نورتى

دمتى فى كل ود وسلام

شاب فقرى

شاب فقرى يقول...

عزيزى قلم رصاص

نورتنى وربنا اللى يعلم

يارب تكون بخير

متخافش أنا بستخبى فى المنوفية

يعنى لازم تدفع عشان أطلع من هناك

مفيش علاقات بقى ولا سياسة :D

تسلم يا جميل :)

وإن شاء الله نلتقى فى أحد الأيام

شاب فقرى

شاب فقرى يقول...

فتاة من الصعيد


كلامك خلانى أفكر فعلا فى الموقف

هى حاجة لذيذة

بس مينفعش الناس تتابعنا سوا

صعب :D

نورتى

دمتى بكل خير

شاب فقرى

شاب فقرى يقول...

سومه...مجنونه فى بلد عاقل

يارب يديم بينا كلنا دايما المعروف

آآآمين يارب

صراحة هوا أنا عامل رقابة عالتعليقات

عشان أعرف أشوف مين رد ومين قال إيه وإمتى بالظبط :$

عجبنى اوى الاوبشن دا

عينيه

هخليها تسرح شعرها قريب أوى وهحط صورة تانية ممتازة :)

ويمكن أحط صورتى وأخض المدونين :)

دمتى بكل ود

شاب فقرى

شاب فقرى يقول...

سلمى

دمتى يارب بكل خير على طول

اولا :
يارب يسمع منك :) اللهم امين

ثانيا :
والله انا مش بعرف أخزن بوستات أو أستنى شويتين فى تنزيل البوست
بنزل ورا بعضه البوستات عشان مش ينفع البوست يحمض ومش أنزله :$

ثالثا :
ضيفى لينك مدونتى فى المفضلات أو حطيها فى الريدر
فى قائمة زى اللى عاملها تحت خالص فى المدونة وهتوصلى بسهولة
ولو مش عارفة هكتب لك الطريقة

ومستنى أعرف السبب لأنه يهمنى أعرف المميز والوحش فى المدونة جدا

خالص التحية والتقدير

شاب فقرى

شاب فقرى يقول...

saso

من فقرى إلى البرج

تعالى وماله

بس لو جيتى مش تمشى فى نفس الطريق

عشان لو عملت حادثة مش تموتى :D

عاد فقرى من الإسماعيلية

تحياتى
شاب فقرى

شاب فقرى يقول...

ريتاج

إسم حقا مميز

أسعدنى تواجدك وتعليقك

اللهم إسمع منك آمين يارب

بالنسبة للزيارة

أكيد مع البوست الجاى

تحياتى

شاب فقرى

شاب فقرى يقول...

Pink Dreams


الحمد لله رجعت بالسلامة

ومسيرى فى يوم هقول هى مين وأوضح كل حاجة

:)

سلامتكم كلكم من الخضة

شكرا لسؤالك والإهتمام :)

شاب فقرى

شاب فقرى يقول...

مجرد حلم... صغنتوت

شرفنى التواجد

ياترى قالوا ايه عنى إمبارح

محدش جاب سيرة اللى إتقال

:$

عايز أعرف

نورتى

ويارب دايما فى تواصل وبخير

شاب فقرى

شاب فقرى يقول...

الفراغ

عينيه حااضر :) هرد عالتاج

بس أما الصداع دا يروح لأنه شكله هيستمر تلات أربع تيام

عن قريب بعون الله هرد

أحبك الذى أحببتينى فيه :)

شكرا للتواجد والكلمات الجميلة

شاب فقرى

شاب فقرى يقول...

يوسف

معلش بقى يا جميل

هوصل السلام المرة الجايه

أو تبقى توصله أنته بقى :$

صباحه ورد يا جميل

فقرى

شاب فقرى يقول...

أميرة علي كوكب مهجور

عونيا حاضر

هروح أستلمه حالا وهشيله عندى لحد ما أقدر أرد عليه :$

لان الصداع تاعبنى أوى

دعواتك

شاب فقرى

شاب فقرى يقول...

أختى حبيبتى

نسيت وربنا أجيب أى حاجة من هناك

معايه خمسين جرش

تنفع :D

ههههههههههههههههههههههه

طبعا مش هرد عالكلام الجامد دا لأن مفيش بعده كلام :)

صباحه ورد يا قمر

الفقرى الكبير أخوكى

شاب فقرى يقول...

Timo

أسعدتنى زيارتك الأولى للمدونة وأسعدنى أكتر إعجابك بيها

بس للأسف العبد لله شخصية مكلكعه فقرية مليانة عقد

وأنا متأكد إنك مش كدا خالص :)

الحمد لله ربنا يديم المحبة بين كل الأخوات والأحبه فى الدنيا يارب

تعرف

فى مرة زرت مدونة قعدت فيها تلات أسابيع :)

آه والله

حاجة كدا مش بتتكرر تانى :)

نورتنى وشرفنى تعليقك

أتمنى إستمرار التواصل

دمت بكل ود

شاب فقرى

شاب فقرى يقول...

غير معرف

جالى تعليق من غير معرفة بتقول بلاش ننشره

أدينى مش نشرته

بس أخدت بالى منه كويس أوى

الرد

لو حصل وواحدة حبتنى أو قلقت عليه من المدونة هنا

هخليها تفهم ببساطة إن المدونة مش فيها كريم بنسبة 100 %

اللى يعرفنى حقيقة هنا هى شخصية واحدة بس

البقية محدش يعرفنى

وهتحبنى على إيه

زى ما قلت ل Temo

(( بس للأسف العبد لله شخصية مكلكعه فقرية مليانة عقد ))

والحب قالوا لنا زمان إنه قايم على المعرفة والإهتمام والطاعة والإحترام بين الطرفين

لو قريتى هتلاقى إن مفيش ولا طرف فيهم إتحقق غير طرف الإهتمام

يبقى أكيد مش بتحبنى ولا إيه ؟

---------------
كلاكيت تانى مرة غير معرف

محتفظة بصورة أحمد حلمى

:)

والله حاجة جميلة

بس حلمى مش شبهى فى الشكل أوى

هوا بيقدر يوصل حاجات جوايا

أنا بقدر أوصلها برده بس بحب أشوفها منه

الجملة الخاصة ب

إن المرحلة الأولى مرت على خير وإنى خلاص معجب

بتدل على شخصية أنا بحترمها وبقدرها ومعجب بيها فعلا

خالص تحياتى وتقديرى لك أيا من تكون

المرة الجايه لما تكتب تعليق مش تقول مش يتنشر

شاب فقرى

بيطرية ومش بايدى يقول...

يا خراشى على الطعامة
لالالالالالالالالا
خمسة وخميسة فى عنيا
بخروووووووووووووووووهم
انا هاجيبلك خرزة زرقا يابنى تحطها على البوست ده
فاكر البوست اللى انا كاتبته عن الواد صاصا اخويا
بعدها بيوم اتخانقنا وزعلنا من بعضيشنا
بس عارف البوست بتاعك احلى م بتاعى
ليه بقى يا كوتش

بيطرية ومش بايدى يقول...

اقولك ليه بقى
لان البوست كنت بحضره على الورق الاول
وكنت وانا بحضره كل شوية اكتب وهو يدخل عليا فمكنتش باخد راحتى
فى الكتابة وفى حاجات كنت حاسة انى لو كتبتها مش هتبقى ظريفة بس كتبتها وخلاص تعرف يا فقرى البوست ده انا قطعت فيه حوالى خمس ست ورقات من كراسة رسم بيانى وكبيرة كمان
بس تاكد بعدها
ان احلى بوست اما يتكتب من غير تحضير
بلاقيه جميل وبسيط والاحساس فيه بيوصل للناس بسرعة
يعنى من كلبك الى الكيبورد مباشرة
ودمتم



بيطرية ومش برجلى

بيطرية ومش بايدى يقول...

يا اخوانا حان وقت رد الدعوة

فاكر البوست اياها برده
قولتلى ان ليك اخت برده

بجد بجد بجد ربنا يخليكم لبعض ويحفظكم من كل شر ويبعد عنكم كل سوء
وتفضلوا شيلين بعض جوه عنتينكم لحد اخر الزماااااااااان
ويااااااااااارب
بدعيها دايما لكل اللى بحبهم
ان يكون ليهم بيت فى الجنة ويتجمعوا فيه كلهم زى ما كانوا متجمعين فى الدنيا وياسلام بقى لو كان جنب الرسول صلى الله عليه وسلم
ربنا يستجيب يارب

وبلغ اختك العسولة الامورة القطقوطة
اللى انت حببتنى فيها اصلا من غير ما اعرفها انى بسلم عليها اوى اوى اوى
وبقولها فقرى بيحبك اوى اوى اوى

ويارب فى عيد الحب اللى جاى تيجب ليها محل الجيلاتى كله هه جيلاتى

دمتما فى حفظ الله ورعايته وامنه

حـــلـــم كـــان يقول...

ماشى ياعم

عشان كده مجتش والله انت واحد من اللى كنت مستنيهم

عمومآ ربنا يخليك ليها ويخليها ليك

ودايمآ تجبلها ايس كريم فى عيد الحب

نعكشة يقول...

دكتور مخ و اعصاب ليه؟؟؟

سؤال فضولي بحت
يمكنك عدم الرد عليه

سلامٌ عليك