الجمعة، 16 أكتوبر، 2009

دا إنتحار




أعزائى زوار المدونة


نشكركم على تعليقاتكم عالبوست السابق


ولكنى لم أستطع الرد وسأرد حين أفيق غدا ...


سأحاول الرد الآن أيضا قبل أن أنام


ما الذى يمنعنى ؟؟؟


بعد كتابة البوست الأخير بعد صلاة الجمعة اليوم


إرتديت ملابسى


وخرجت كما أنا بشعرى وذقنى ونفسى التى تذرف دما وتنزف دموعا


وصلت إلى الجيزة فى تمام 3:45 عصرا


تجولت كثيرا


وكثيرا


حضرت أربع ساعات ثلاث محاضرات وخرجت فى الجيزة مرة أخرى


ترى ماذا أفعل الآن ؟؟


أين فتاتى التى أبكى بين يديها؟؟


التى أرتاح بين أحضانها ؟؟؟


إن لم يكن فى الحياة شخص أحبه ويحبنى


سأبكى فى حضن حبيبى النيل


وخرجت من الجيزة


منطلقا وكان خط سيرى : الدقى - كوبرى الجلاء - الأوبرا - كوبرى قصر النيل - ومشيت أيضا الكورنيش بالكامل وحتى باب منزلى


نزفت كما أشاء


كان الطريق طويلا جدا


خرجت من الجيزة فى الثامنة و 42 دقيقة

ووصلت منزلى فى الحادية عشرة واثنى عشر دقيقة


من الجيزة وحتى منزلى


لم أتناول طعاما ولم أشرب حتى ولم أنام من الأمس


تعبت فى الطريق ونمت فوق العشب الأخضر


وقبل أن أصل لمنزلى شربت كوب ماء


ووصلت


ولم أستطع الرد


أصابعى تؤلمنى


الآن أنا جاهز لكل شىء فى الحياة


غدا أكتب لكم ونتحدث


بالتفصيل والصور


شاب فقرى

-----

ملحوظة :لم أستطع البكاء أيضا

حقا أحتاجك

هناك 27 تعليقًا:

دموع القمر يقول...

لا لا لا

اووووول تعليق

ماشاء الله

دموع القمر يقول...

بس ايه السرعة دى

دا انا لسة قارية البوست اللى فاات

هههههههه

دموع القمر يقول...

انتحار

هههههه

الاسم يخض كدا

نروح نقرأ ونرجع

دموع القمر يقول...

فاااصل قصير


ونوااصل

هو مش قصير اوى

على بال مااخلص

دموع القمر يقول...

ناخد الخامس بس علشان الحسد

ونروح نقرأ هوا :):)

هى الناس نامت ولا اييه

طب كويس ابقى حطه دايما فى الوقت دا

علشان نحتل شوية ههههههه

دموع القمر يقول...

لاحول ولا قوة الا بالله

هى الحالة صعبة للدرجة دى

المهم تقوم بالسلامة

تصبح على خير

وصدقنى والله والله هتلاقيها
وساعتها الدنيا مش هتكون سيعاك

Saso يقول...

اولا طبعا دموع القمر عامله احتلال
ماعلينا
شاب فقرى ماهذا الحزن الذى يملا كلماتك
وبوستاتك وايضا يملأ روحك
لاتحزن ........لاتحزن فغدا صدقنى سياتى من ترتمى فى احضانه وتبكى ..سيأتى .
اننى ايضا فى انتظاره.
ولكن ان لم يأتى فلا مانع من ان تبكى فى حضن نفسك وتربت على قلبك وروحك وتهدهما كثيرا حتى ترتاح
سأدعو لك فى الغيب حتى تكون مستجابه ان يبدل الله احزانك افراح وان يعطيك ماتشاء

ميرام يقول...

......
.......



):

dramaqueen يقول...

ربنا معاك وتقدر تخرج من الحالة دى بسرعة

اتمنى لك تلاقى اللى بتتمناه دايما

well يقول...

انه النيل ....قول له سرك وانا اوعدك انه لن يخرج هذا السر ...
عندما نمشى كثيرا ..المشى يدفع مزيداً من الاكسجين الى الرئة ...تنظم عقلك سواء اردت ام لم ترد..قد تكون نهاية المشى ان تصل الى منزلك ..واحيانا تصل الى حلمك ...او يصل حلمك اليك فى جميع الاحوال فهناك عملية اتصال ...حسناً سوف نصل
تحياتى..

الشعب لابد له من حكومه تشكمه يقول...

لسه شايفه البوست اللى فات وقريت ده بعده...

مش خلاص اتألمت واتوجعت؟ مش خلاص حسيت ان الدنيا سودا ومش قادر تستحمل وجع قلبك؟مش حسيت انك وحيد فى الدنيا دى؟
مش خلاص شايف ان قلبك مش قادر يدق؟مش خلاص حاسس ان محدش موجوع ادك ولا حد خاسس بيك؟

مش حسيت دا كله؟

قوم باه ونفض هدومك واحلق دقنك واعرف ان محدش بيموت من الحب ولا بيموت لو اللى بيحبه بعد عنه .اتوجعت علشان لما تقابل اللى بتحبك بجد متوجعهاش وتعرف قيمتها,

عبد الوهاب مطاوع كان بيقول:
اوقات ربنا يبعتلنا الوحش واللى يوجعنا الاول علشان لما نقابل الحلو نحافظ عليه.

ربنا يريح قلبك وبالك.

Isolde يقول...

امممممم... شكلنا كدة هنعمر مع بعض، ههههههه... تعرف انا عشت سنة في القاهرة، كنت باعمل التمهيدي بتاعي في جامعة عين شمس، و كنت باعمل زيك كدة اول ما تضيق بي اوي كنت بآخد في وشي و امشي و امشي و امشي لحد ما يبانلي صحاب... بس انا كنت بابدأ بدري يعني من بعد 4 العصر لحد 10 بالليل في اسوأ حالاتي و برده من غير اكل... لكن المشي صحي في كل الاحوال، بيخرج كل الغيظ و القرف اللي جواك، ببساطة لانك بتقعد تهلك في نفسك لحد ما تنام و ما تحسش بحاجة... بس انت هتصحي من النوم في حالة من اتنين، يا اما فريش ، يا اما مزبهّل و مش عارف ايه موقعك من الاعراب بالظبط و برده محتاجلها... مش عارفة اقوللك ايه، بس انا جربت اللي انت بتقول عليه ده... ربنا معاك و يريح قلبك

:)

شاب فقرى يقول...

دموع القمر
التعليق الأول والتانى والتالت والرابع والخامس والسادس والسابع

إيه الحاجات الحلوة دى كلها

نورتى المدونة :)

شاب فقرى يقول...

saso
إنها ردا على إحتلالنا السابق لمدونتها :)

الحزن موجود بكل البشر

ولكنى فقط أظهره وأقوله بوضوح وصراحة

ولا أخفى عليك

حزنى يتلاشى كلما فكرت فيه بهدوء

حتما سيأتى وستأتى

حفظك الله

شكرا لدعواتك المستمرة

شاب فقرى

شاب فقرى يقول...

مبرام

آلمنى حزنك :(

ما بك ؟؟؟

بإنتظار تواجدك

شاب فقرى

شاب فقرى يقول...

dramaqueen

نورتى المدونة

الحالة دى مش بتدوم كتير

بتروح على طول

تحياتى لتواجدك

وكل سنة وانتى طيبة يارب :)

شاب فقرى

شاب فقرى يقول...

well

عجبنى اوى اوى اوى اوى اوى تعليقك

لانك فهمتى قصدى بكل تأكيد

وشكرا للتعليق الرائع دا

تحياتى لتواجدك

شاب فقرى

شاب فقرى يقول...

الشعب لابد له من حكومه تشكمه

شيما اهل المنصورة

يا ولكم يا ولكم

الجملة بتاعت ان محدش بيموت من الحب

ابويا كان بيقولها لى

كان بيقولى مش هتموت ورايا

انا فعلا مموتش وراه

بس موتت نفسيا

حاجات كتير فيه راحت

نفضت خدومى وغسلت وشى وقمت للفجر

ولكن مش حلقت

خليها للاسبوع الجاى :D

يمكن فعلا الواحد بيتعذب عشان لما يلاقيها يعرف يحافظ عليها

وتاكدى وكونى على ثقة انى بعرف أقدر الناس والحاجات المهمة فى حياتى كويس أوى وبحافظ عليها بل يمكن اكتر حاجة بعرف اعملها فى الدنيا
تحياتى ليكى

ومنتظرينك تانى

شاب فقرى

شاب فقرى يقول...

Isolde

اكيد امال ايه :)

هنعمر قوى قوى كمان :)

الحمد لله صحيت زى الفل فريش وتمام

كنتى فى القاهرة فى جامعة عين شمس

ربنا يكون فى عونك

انا عايز اسيبها كام سنة يمكن اعرف قيمتها

تعبت منها مدينة الضباب

عايز اقعد فى مكان سماه صافية :((

عشان اعصابى ترتاح عالاقل

والحمد لله اننا دفعة نكد واحدة :D

وجربتى اللى انا بقول عليه :$

تحياتى لتواجدك

ويارب نشوفك هنا دايما

شاب فقرى

نعكشة يقول...

ربنا يقويك
ويعينك

شاب فقرى يقول...

نعكشه

يارب اللهم امين :)


تحياتى لمرورك

شاب فقرى

ميرام يقول...

للحظة حسيت ان العين دي عينك
(:

شاب فقرى يقول...

ميرام

عينى ايه لاء طبعا


انا عينى احلى من دى بكتير

ههههههههههههههههههههههههههه
الحقيقة هى مش عينى واكتر سبب ميخليهاش عينى هوا انى مستحيل اعيط

مش بعرف
وبحسد اى حد بيعرف فى الدنيا :(

مثلما تمر علينا لحظات الفقر والفرح والتفاؤل
لابد أن يأخذنا الحزن مرة

تحياتى لإحساسك

شاب فقرى

ميرام يقول...

(:

Isolde يقول...

بص، هي اسوأ حاجة في القاهرة الخروج في عز الحر بالنهار... تراب و شمس و عرق و زحمة و كل القرف اللي قلبك يحبه... بس انا اكتشفت اني بحبها، اي و الله... انا بس باكره الصيف عموما، و باكره نهاره في القاهرة بالذات... بس باعشق وسط البلد... و كوبري قصر النيل، و ياما مشيت كوبري عباس ده رايح جاي... و علي فكرة انا احسن دراسة جرستها كانت في عين شمس، مش عشان كل الاساتذة عباقرة، لأ، هي واحدة بس و اتعلمت منها ياما، تسمع عن رضوي عاشور( هي كاتبة كمان، لو ليك في القراءة هتلاقيها كاتبة ثلاثية غرناطة، دار الشروق او سور الازبكية، او سوق الزعفران اللي قدام عين شمس) منها بقي اتعلمت اشم ريحة التاريخ في الماكن اللي الناس بتعجي عليها كل يوم و هي ماهيّة في العيال و لقمة العيش ... الخ الخ الخ... مش هاطول عليك، بس فعلا انت محتلج تبعد عنها عشان تعرف قيمتها... و ابقي جرب القاهرة بالليل، في الشتا و الدنيا بتمطر و ابقي ادعيلي ;)

شاب فقرى يقول...

ميرام

:)

:)

:)

تحياتى ليكى لاسعادى بمتابعتك :)

شاب فقرى

شاب فقرى يقول...

isolde

ياريت تبعتى لى كل مكان ينفع الواحد يتمشى فيه فى القاهرة
انا بكره الضباب

وبعشق الشتا والمطر اوووووى

انا من عشاق سور الأزبكيه

ياما كنت بنزل هناك

يشرفنى زيارتك

تحياتى لتواجدك وبإنتظارك

شاب فقرى