السبت، 31 أكتوبر 2009

إعلان هام

الفترة السابقة ظهر شخصية لمدون معروف بيرد تعليقات غريبة ومخالفة لكل ما كان بيكتبه فى مدونته

أحيانا تعليقات سخيفة وبيغلط فى الانبياء والرسل ومن الواضح من كلامه الإلحاد وإنه طفل صغير

وظهر تحت أكثر من إسم وأكثر من عنوان

والشخصية دى بتنتحل ال ( Nick name ) بتاع المدون

وبتقوم بعمل بروفايل يشبه البروفايل الخاص بتاعه بالظبط

وبتنزل تعليقات فى كل حته تحمل صبغة سخيفة عشان تشوش وتشوشر عليه

هتلاقوا بقى الشخصية دى بأكتر من إسم وأكتر من مدونة

أحيانا هتلاقوا تعليقات من مدون صديق بشكل قبيح ومدونته قلبت بقت حاجة تانية

أكيد مش هيكون المدون اللى كتب لكم وعرفتوه الفترة دى كلها ربنا يشقلب حاله ويبقى إبليس فجأة

فعشان كدا أنا قفلت التعليقات و دى الخطوة الأولى

وبعدين هخفيها خالص

واللى عايز يكتب تعليق يتفضل يبعته فى إيميل والإيميل موجود

وأنا مش كاتب كدا عشان الناس تضيفنى ولا غيره

لأن الموضوع ممكن يتفهم غلط

لأن ربنا اللى يعلم مفيش وقت عندى لأى شىء

هفوت على مدوناتكم وهقرا لكم وهيوصلكم تعليقى بشخصية تانية أو ب غير معرف

وعلى رأى صديقى المدون القديم (( أنونيمس و الإسم مش مهم ))

مش مهم الإسم ,,,,, المهم اللى بكتبه بيوصل ولا لاء

بس كدا أحسن حل

المدونة الآن للقراءة فقط

والتعليقات تحت الإشراف

وقريبا مخفيه تماما

تحياتى وإحترامى الكامل لكم جميعا

شاب فقرى

هناك 3 تعليقات:

mimi يقول...

الحمد لله
غمه وانزاحت

ربنا معاك

شاب فقرى يقول...

mimi

الحمد لله على كل حال

فعلا كانت غمه وتقيلة اوى كمان

الحمد لله راحت فى سلام

شاب فقرى

samhsezz يقول...

حسبي الله ونعم الوكيل