الثلاثاء، 27 أكتوبر، 2009

كانت هناك ...




ببساطة رأيتها
كانت تجلس هناك
فى أحد الأركان
هادئة كعادتها
رقيقة
تخشى عليها من كلماتك خوفا من إزعاجها
كانت تجلس هناك
لا أدرى
ماحدث لحظتها
ولكن
توقف الزمن
مرت لحظات
عشناها مثل سنين
أحببنا وعشقنا وتحدثنا و سهرنا شهورا من نار الشوق
وحلمنا معا بتفاصيل عشنا الصغير
حقا مرت سنون فى تلك اللحظات الصغيرة
أدركت انى أعشقها منذ سنين
أدركت فقط تلك اللحظة أن لم يكن لها فى حياتى مثيلا من قبل
كانت جميلة
ليست شديدة الجمال
فقط جميلة
تسحرك كعطر وردة برية
لا تفكر وأنته تنظر إليها
فقط تغرق فى عينيها
هناك
حيث بحورا بلا شطئان
حيث شربت وشربت ولم أرتوى بعد
حقا هى
إنها حلم السنين
لم أدرى متى قابلتها ؟
هل كان منذ يوم
أو شهر؟
أم سنين مرت منذ ذلك اللقاء
حقا وصدقا
وحشتينى


منها سمعت كلمات الحب
سمعت حبيبى وأحبك
لم تكن تقصدنى
ولم تكن تحدثنى
كانت تتناقش فى صمت
وتشجب و تناقش فى رقة
يومها ادركت فقط ان عمرى قصير
وان عشقى لكى سيدفعنى للجنون
وربما للمستحيل
فأن ألقاكى فهى حقا صدفة
ولكن أن اكون معك يوما
فهذا هوا المستحيل
سأنسى أننا إلتقينا
سأمحو تلك اللحظات والسنين
وأنتظر إلى لقاء جديد
أراكى وأعود للحياة من جديد
قريبا

فقرى

هناك 59 تعليقًا:

فراشة يقول...

حقا مرت سنون فى تلك اللحظات الصغيرة


ليا الشرف انى اول تعليق
بجد حضرتك احساسك جميل وبيدخل القلب بسرعه
حقا من خرج فعلا من القلب فليدخل القلب

ماشاء الله عليك ... تعبيرات جميلة

بجد عجبنى
شكرا على الكلام والمدونة الجميلة
"فراشة"

adel يقول...

ايه ياواد الكلام ده :)

ايون كده مش كوكتيل البوست اللي فات اللي مبقتش عارف احمد من الحاج احمد

وبعدين بعد المشاعر و المحسوسيات دي مضي تحت فقري
يا راجل اكتب عبده القص اريح
:):)

البوست ده فكرني بفيلم
Eternal Sunshine of the Spotless Mind

لو مشفتوش اتفرج عليه هتفهم قصدي :)

Saso يقول...

ياواد ياواد يافقرى ياجامد
حلو ياعم الكلام الحلو دا
هاجى اعلق بعدين عليه بتدقيق وتمحيص حلوه تمحيص دى
سلام

الشعب لابد له من حكومه تشكمه يقول...

سبيشيال فور يووو:
ويارب ماحد يشوفها وانامعروف انى مش برد على اشعار ولا بحبها بس هرد عليك بكلمات كتبتها ردا على كلماتك واعتبرها نصيحه:) :

ياصديقى تمرد على هذا السجٌان
حطم هذا القيد واعلن العصيان
لماذا لازلت تراه فى كل مكان
ولازالت صورته محفوره على كل الجدران
وصوته يتردد فى كل الاركان
افق ,
لقد كان السراب الذى يراه الظمآن
ابتعد وارحل عن تلك الاحضان
ابتعد فقد فات الاوان
بعد ان ذقت كل هذا الهوان
بعد ان جعل الحزن لك هو الاوطان
بعد ان نسى الحب كانه يوماما كان

اما آن الاوان للنسيان؟؟؟؟؟؟؟؟؟؟؟؟؟

Angel يقول...

شاب فقري ..

أولاً مسائك / صباحك ورد ..


خلف ذلك الوجع
كان الحب يغرد أنشودة العشق
ويتوج هذا العشق برباط مقدس
رائعٌ وحالم تحملنا ببوحك لغيمة
تندب بأعذب عبق للغرام
فقري ..

ومن الحب ماقتل وكنت رذاذ العطر
بأحضان جنة العاشقين
مشاعرك هنا فاتنه وعميقة جداً
كن بخير رجاءاً

Angel love


اعذرني على تأخيري ولكن أخشى أن تؤثر تقلبات مزاجاتي على ردودي (:


الفراغ يقول...

والله كلام جميل
حسيته لما بشوف ورده جميله فى بستان اجمل
وامشى واسيبها لانها خساره تتقطع من بستانها
كل هذا الاحساس ومسمى نفسك فقرى
يبقى انا فقريه زيك
تحياتى

اقصوصه يقول...

احاسيس رقيقه

وكلمات معبره

اسجل اعجابي :)

Pink Dreams يقول...

ايه دا
ايه الكلام الجامد دا بس

لا بجد بوست فى منتهى الروعه واحاسيسه حلوه

تسلم ايدك

همســات عــلى ضــوء الــقمر يقول...

صباح الخير يازعيم الثورة
هههه

ليه كدا تمسحه
طب والله كنت بددخل كل شوية اقراها
لانى حاسة ان فى كلامك حاجة عايز توصلها

بس انا فهمت قصدك على فكرة
هو صعب ان الواحد يحس انه وحش قدام نفسه بس والله انا ماقصدت ابدا ولا دا كان تفكيرى وانا كانت نيتى سليمة مجرد انى بضحك معاكو وبعدين انا معرفش يعنى ايه تورية دى اصلا والله فاكرة انى درستها قبل كدا
وانا عمرى مايرضنيش انى اظهر حد بمظهر وحش

وبعدين انت بتقول ادعو لسبيل ربك بالحكمة والموعظة الحسنة
هو انا كدا مسكت السكينة يعنى
ولا قولت ايه غلط

المسامح كريم واحمد ومحمود وياسر :):)
بس انا مزعلتش منك لكن زعلت من اسلوب الكلام لانك دخلت فيا شمال

وبطل رغى بقى علشان الحق اروح اقرأ البوست الرومانتيكى دا شكله زى اللى فات وهيطلع بؤس وكأبة :)

حلوة اوى الصوة

همســات عــلى ضــوء الــقمر يقول...

تسحرك كعطر وردة برية
لا تفكر وأنته تنظر إليها
فقط تغرق فى عينيها

ياسيدى ياسيدى
ايوا كدا

جميل والله كلامك ووصفك

شكل الفقر هيروح وهتيجى السعادة

كانت تتناقش فى صمت
كفاية انك تقرأ كل حاجة فى عنيها

ههههه
ليه كدا ماكنا ماشين حلو
صدمتنى :)

ولكن أن اكون معك يوما
فهذا هوا المستحيل

وأنتظر إلى لقاء جديد
أراكى وأعود للحياة من جديد
قريبا
مفهمتش دى
يعنى هتشوفها بس ولا ايه النظام هههه

انا رحت الجامعة النهاردة
وعملت زى ماقلت نزلت من 7وربع
ومحاضرتنا 9 ونص
والدنيا زحمة وربنا فرجها وجاب اوتوبيس شحنا كلنا اروح الساعة 9 الا ربع
الاقى المدرج مليان وقعدت فى البينش السابع :):)
وفهمت نص المحاضرة الاولى وخمس دقائق من المحاضرة التانية وطلعت السندوتشات واكلت ونمت لانى منمتش غير ساعتين وحالتى كرب
والمحاضرة التالتة اتلغت دا بس علشان ربنا بيحبنى :):)
طبعا الكتب لسة مش نزلت وانا مبكتبش فبرجع بخفى حنين :)
وبدأت فى البحث
مادة الحاسب الالى :)
بيقولك عايز اسماء الصحف فى العالم العربى كله
واسماء الصحف العربية التى تصدر فى
دول غير عربية
مع طبع اول صفحة من كل جريدة
وهو دا حاسب ولا ايه النظام هههه شكلى دخلت مادة غلط

والاعلام الدولى تقولك النهاردة عايزة تحليل مفصل لجريدة الشرق الاوسط
وتقعد قدام الجزيرة تفصصها جابت ايه وعن ايه من اول اليوم وازاى حللوا الخبر وتناولوه
وقناه سى ان ان :):)

وكان الله فى العون ورانا 9 مواد زى الفن

شاب فقرى يقول...

عن اذنكم يا جماعة

انا على سفر

طالع طنطا

هعمل شغل هناك

وراجع لكم ارد عالتعليقات فى نفس اليوم

عذرا للتأخير فى الرد

شاب فقرى

جارة القمر يقول...

حلووووة اوى بجد ... هو انت رومانسى اوى كدا ولا على الورق بس ؟؟؟

فتاه من الصعيد يقول...

حلوه الحاله الرومانسيه دي

خواطر جميله

تحياتي

7akwena يقول...

انت هتحب ولا ايه يا مان
كلماتك واحساسك جامدين جدا
تحياتى ليك

'' حطام (ك) بقايا '' يقول...

كلمات اقل ما نصفها به الروعة
حقا ليس غريب عليك
دائما ما تتحفنا ب لن اقول ما يخطه قلمك و انما ما يخطه قلبك
حقا عجزت امامها

بس يا ترى
لما هي " كانت هناك "
انت كنت فين
"-°

همســات عــلى ضــوء الــقمر يقول...
أزال المؤلف هذا التعليق.
همســات عــلى ضــوء الــقمر يقول...

تروح وتيجى بالسلامة

وربنا يجعلك فى كل خطوة نجاح ويبعد عنك الفقر

هو انت مسمى نفسك فقرى ليه علشان الحسد ولا ايه النظام

انا بحس كدا انك شخص ناجح والحمد لله
ابقى غير الاسم
لحسن بجد تبقى فقرى ومنحوس وانت عارف المنحوس منحوس ولو علقوا على راسه فانوس

دا طبعا مش انت دا منحوس بتاعى جوز فتكات هههه

انا كنت داخلة بس اقرأ البوست تانى لان بصراحة كلامة داخل دماغى اوى

فتاه من الصعيد يقول...

انا كنت طالبه خدمه لو امكن

لان مدونتي بتفتح بلفاير فوكس .... وبالكسبلورار بتفتح ملخبطه وممكن تشوف بنفسك

لو تعرف السبب رغم اني غيرت القالب ؟

شكرا ليك

يا ريت لو تعرف تبعتلي تعليق على مدونتي

تحياتي

ليس فقيرا من يحب يقول...

خاطرة رائعه

رومانسيه حالمه

ربنا يوفقك يارب

زى الهوا يقول...

احساس جميل جدا

عجبتنى كلماتك اوى

طوبه فضه وطوبه دهب يقول...

ان شاء الله تشوفها مره ومره ومره ومليون مره وما تزهق ولا مره ولو فعلا دا الحب اللى تتمناه نفرح قريب اوى اوى باحلى ارتباط

مسدس صغير يقول...

فلننظر ولننتظر
ونرى ماذا بعد اللقاء
كلماتك جميلة
معبرة
احييك عليها

شاب فقرى يقول...

فراشة

نورتى المدونة وشرفنى تعليقك وانك تكونى اول تعليق

:)

تحياتى لمرورك الكريم

شاب فقرى

شاب فقرى يقول...

adel
دلوقتى طبعا وضح كل حاجة

وعرفنا مين احمد ومين الحاج احمد

:D

هعمل سيرش عالفيلم وانزله ولو طلع وحش بقى

حسابنا يجمع يا دولة يا حبيبى

تحياتى لمرورك

فقرى

شاب فقرى يقول...

saso

نورتى

بإنتظار تعليقك

فقرى

شاب فقرى يقول...

الشعب لابد له من حكومة تشكمه

ولكم بيكى فى المدونة المتواضعه للفقرى الكبير

وكمان حاجة اسبيشيال

الله الله الله

حاجة من ايام زمان كدا مرة واحدة

بجد بفرح اما بتكتبى حاجة حلوة كدا

مش عارف مش بتنشريها ليه

بس صراحة

السجين عشق السجن والسجان

وعشق الأسر أدمن نسيان الوطن

وفى غمرة يأسه صادق الحب والأحزان

لأنه لأول مرة يشعر فى أحضان السجن بالأمان

البوست دا وصف لحالة حصلت لى

بس مرت

وفعلا مستحيل يحصل لقاء تانى

تحياتى

فقرى

شاب فقرى يقول...

Angel

نورتى المدونة

أعجبتنى كلماتك والتعليق الهادىء كالعادة

الذى تشعر وكأنه ماء بحيرة عذبه هادئة

تحياتى لتواجدك

زورونا دوما ولا تنسونا

فقرى
:)

شاب فقرى يقول...

الفراغ

تعددت الأسماء

ولكن جميع الطرق تؤدى الى روما

نحياتى لتواجدك ومرورك :)

فقرى

شاب فقرى يقول...

أقصوصة

تحياتى لمرورك :)

فقرى

شاب فقرى يقول...

Pink Dreams

أنقل مشاعرى للقلم

ودوما ما يعجز القلم

فأصمت

تحياتى لمرورك وتواجدك :)

شاب فقرى

شاب فقرى يقول...

دموع القمر

عشان مش تزعلى مسحته وعشان محدش يشوفه ويعلق عليه

وانتى عارفة ولاد الحلال كتير وفى ناس كتير بتحب تهدى النفوس
هكمل رد عليكى بكره لانى حاليا راجع من السفر اربعة الفجر وكنت شغال هناك فى سيرفر وطالع عينى ومش شايف قدامى
غدا ان شاء الله
تحياتى لمرورك

شاب فقرى

شاب فقرى يقول...

جارة القمر

القلم لا يعكس إلا الحقيقة

رومانسى حقيقة واقعة للأسف

وفقرى حقيقة أوقع

تحياتى لمرورك

شاب فقرى

شاب فقرى يقول...

فتاة من الصعيد

تحياتى لمرورك

لم يبقى لنا غير الرومانسيات لتأخذنا لعالم آخر ننسى فيه من نكون

:)

نورتينى

شاب فقرى

شاب فقرى يقول...

7akwena

ياريت ينفع أحب بس مينفعش

تسلم يا جميل على رأيك ومرورك

شاب فقرى

شاب فقرى يقول...

'' حطام (ك) بقايا ''

كنت هناك برده

بس هى من عالم وأنا من عالم تانى

فصعب اللقاء والتواجد سويا

فلا توجد أرض تجمعنا

تحياتى لمرورك وتواجدك

شاب فقرى

شاب فقرى يقول...

دموع القمر

بصى انا ناوى انى اقول ليه فقرى واحكى مواقف كتير

بس صدقينى الفقر ماشى معايه خطوة خطوة

تحياتى لتواجدك ومرورك وهكمل رد عليكى بكره تانى


شاب فقرى

شاب فقرى يقول...

فتاة من الصعيد

والله صدقينى انا اكتر حاجة مش بفهم فيها هى الديزين

حتى فى شغلى معايه ناس بتشتغل فيه ولما بحتاج حاجة هما بيقوموا بالواجب

انما انى اعرف مشكلة تصميم من الاكواد مقدرش

بالرغم من انى بفهم كويس اوى فى ال html
بس مش بحاول لانها مش دماغى صراحة :$

لو تقولى لى اقدر افيدك ازاى انا تحت امرك
:)

شاب فقرى

شاب فقرى يقول...

ليس فقيرا من يحب

ياااااااااااه

كلمة حالمة دى اخر مرة سمعتها من حد او حد قالها لى كان بالظبط من سبع سنين :D

اه والله زى ما بقول كدا :$

من ساعتها مش شفتها :) :)

تحياتى لمرورك وتواجدك

شاب فقرى

شاب فقرى يقول...

زى الهوا
بقالنا تير مش شفناكى

بحاول اعلق بس التعليقات عندك مقفولة

فمش بقدر ارد

بس عندى تعليقات من هنا للصبح عاللى قريته

تحياتى

شاب فقرى

شاب فقرى يقول...

طوبة فضة وطوبة دهب

ياااااااااااه


يكفى لحظات عشت فيها ألف عمر

تكفينى حتى الممات

تحياتى لمرورك وتواجدك

شاب فقرى

شاب فقرى يقول...

مسدس صغير

أخونا الغالى

:)

نورت المدونة

احاسيس لحظية وليدة لحظة مرت فيها ذكرة غالية على قلبى

تحياتى لمرورك وتواجدك الكريم

شاب فقرى

همســات عــلى ضــوء الــقمر يقول...

بغض النظر عن الحاجات الكتير اللى قولتها

ربنا معاك وتصحى كدا فايق ورايق

فتاه من الصعيد يقول...

شكرا بس هو في صديقه قالتلي ان البلوجر اتحدث فالاكسبلورار موش قادر يفتح المدونه كويس

بس اعتقد ان مشكلتي ملهاش علاقه بمدونتي .... وان المشكله ان الموقع تقل وموش بيفتح غير بالفاير فوكس او جوجل كروم

شكرا واسفه لازعاجك ..... بس دلوقتي المشكله ان الناس موش عارفه تدخل عندي .... لان الكل بيتصفح باكسبلورار

يا ترى لو نقلت المدونه على وورد برس هيكون احسن ؟

كمان التدوينات القديمه هينفع تتنقل للمدونه الجديده ؟

يا ريت اعرف الاجابه .... تحياتي

شاب فقرى يقول...

دموع القمر

نرد بقى عالتعليق الكبير تبعكم

والله الفقر شكله عامل معايه إتفاقيه مش عارف أهرب منه إزاى


مش هيبقى فى لقاء اكيد

ياه

سمعتى النصيحة

سبحان الله حالة إستثنائية

طيب اللى خلاكى تفهمى نص الاولى كنتى كملى وركزى

والله الطلبة لو تعرف الدكاترة قد ايه بيبقى عندهم خبرة هيباتوا فى المدرج لليوم التانى

ربنا معاكى ويقويكى

حاولى تركزى شوية وانتى هتفهمى اكتر
انا عارف انه صعب

لانى عن نفسى كنت بفهم محاضرة وانام احيانا فى الباقى واحيانا كنت بخرج واحيانا تانية بحضر ومش بفهم و غالبا ربنا كان بيكرمنى وأفلح وأفهم

سيبك من خفى حنين

اكيد فى مكتبات عندكم بتكتب المحاضرات
ركزى فى اللى بيقوله الدكتور واعملى notes ملاحظات صغيرة وهاتى ورق من برا

بصراحة دكتور الحاسب الآلى دا شكله فيه فى دماغه حاجة
بس الموضوع سهل وممكن يتحل

إستخدمى جوجل هيعمل معاكى شغل جامد أوى

هوا شكله عايز يخليكم تعتمدوا عالنت والكمبروتر شوية :D

يا سلام

وانا صغير كان بيبقى نفسى اذاكر من التلفزيون

اقعد اتفرج واذاكر

وييجى الامتحان (( وجيجى سابته فى الحلقة الكام من المسلسل ؟؟))

ربنا معاكى

خليكى اقوى من كدا

قولى يارب

تحياتى

شاب فقرى

شاب فقرى يقول...

(( شكرا بس هو في صديقه قالتلي ان البلوجر اتحدث فالاكسبلورار موش قادر يفتح المدونه كويس))

لا شكر على واجب

مظنش ان البلوجر اتحدث
طيب اتحدث إزاى

على فكرة المدونة شغاله عندى على الاكسبلورر والفاير فوكس الاتنين معا ما شاء الله

وكمان انتى بتستخدمى قالب إفتراضى يعنى مش هيمثل أى مشاكل معاكى

صراحة الورد بريس عمرى ما إتعاملت معاها غير مرة واحدة بس ومكملتش
وبيتهيألى التدوينات القديمة مش هينفع تتنقل

كملى على كدا

مش مهم نقل ولا حاجة
وافتحى المدونة من اكتر من جهاز وشوفى إيه الحال
وغيرى المتصفح لو عامل مشاكل شوفى اوبرا ونت سكيب وانترنت اكسبلورر سبعة وتمانية

وان شاء الله تتظبط معاكى

تحياتى ويارب يحل لك مشكلة البلوجر دى

شاب فقرى

همســات عــلى ضــوء الــقمر يقول...

صبااااح الخير

ربنا يكرمك على الدعواية دى بس اقولك حاجة وتخليها فى سرك
قرب بس علشان محدش يسمع :)

انا بكتب فى قصة دلوقتى
ووصلت نصها هى طويلة ومش زى وانجلى الحزن دى فيها شخصيات وحوار ونظام تانى كدا
وسماسم وعدتنى انى لماا اخلصها هتقراها وتوديها لدار النشر وبصراحة هى اللى شجعتنى وقول يارب بقى
وتخلص على خير وساعتها هكون حققت جزء من حلمى :):)

بيطرية ومش بايدى يقول...

انا بقى كنت هنا
انا على طول كالعادة باجاى متاخر
بعد ماتكون الناس علقت وانت رديت وسافرت وجيت بالسلامة وكل حاجة تمت
المهم ماعلينا اتعود على كده بقى معلش
اولا ازيك عامل ايه
حمد الله على سلامتك واكيد هيكون فى لقاء
كلماتك رائعة واحساسك عالى يا اكبر فقرى ف عالم البلوجر
والله الكبير كبير فى كل حاجة
ربنا يحفظك يارب ويكرمك
ويحقق لك كل اللى تتمناه يافقرى يارب

نفسى الاقى لك لقب غير فقرى ده
عشان اكتبلك بيه

اقول سلامات بقى
تحياتى
بيطرية واكيد مش بايدى

بيطرية ومش بايدى يقول...

خياااااااااااااااانة
بقى كده يادموع يا خاينة
ماشى ماشى
طب ادى الو رنة اى حاجة ماشى
ياخاينة
امشى انا زحلانة منك
وقعدتى تقوليلى احكيلك ومشيت على طول
وياريت فهمت حاجة من المحاضرة اللى دخلتها
امشى امشى

بيطرية ومش بايدى يقول...

طووووووووووووووويب
عشان انا بحبك بس
هاقولك من موقعى هذا من عند احلى فقرى ربنا معاك ياجميل ويجعلك ف كل خطوة سلامة ويوقف لك ولاد الحلال ياضنايا
ايه رايك بقيت تيتا دلوقتى مش كده
اى خودعة
قول آآآآآآآآآآآمين يافقرى

بيطرية ومش بايدى يقول...

ممكن اقعد هنا لحد ما اوصل للتعليق54 اصل ده رقمى ف قايمة السيكشن
بعتز بيه عشان ف الاخر
اصل الاخير ربه كريم
:))))))))))))

همســات عــلى ضــوء الــقمر يقول...

نحن هنا ههههه

والله انا كنت متأخرة

وبعدين يوم ماادخل معاكى ادخل تشريح

قولى كلام غير دا
مع انى عملت عمليات قبل كدا وانا صغيرة للضافضع
وماتت طبعا هههه

كنت بحب اجرب اشمعنى انتو

وتتعوض المرة الجاية

همســات عــلى ضــوء الــقمر يقول...
أزال المؤلف هذا التعليق.
بيطرية ومش بايدى يقول...

يلا الخامس من تحت
برده خمسة وخميسة عشان الحسد والقر
بخرونا ياجماعة


لالالالالا بطلى يابت غلاسة
زمان فقرى مخنوق منك اصلا
كفاية عليه كده

اصل انا بعوض البوستات اللى فاتت


خلاص هابطل غلاسة اهو
ماشية

هاقول سلام واجرى
فووووووووووووو

همســات عــلى ضــوء الــقمر يقول...

لا لا

طب احجز معاكى

واكون 45

طب انا 63
نحجز



ههههه

احض انت يافقرى مخنوق منى لالا
البيت دى بتهدى النفوس كدا ولا ايييييه

طب خلاااص نمشى بقى
بكرامتنا ههههههه

بدل فى الاخر هنتطرد من هنا

بيطرية ومش بايدى يقول...

لالالالالالالالالالالالالالا
مش اقصدك انتى لا والله
انا كنت بكلم نفسى بس بصوت عالى شوية

لايافقرى انت تعرف عنى كده برده

اه انا بقول كده برده بدل مانتطرد
واهم حاجة وصلنا للتعليق54

اه يادودو انا مش معايا رصيد فينتو
معلث بقى مش هاعرف ارن عليكى
شوفت اعلنت افلاسى على البلوجر اهو
اى خودعة

فتاه من الصعيد يقول...

انا فتحتها على جهاز تاني ونسخه اكسبلورار حديثه وبرضه ملخبطه

شكرا لاهتمامك ......وهحاول اعرف السبب

تحياتي

شاب فقرى يقول...

دموع القمر

أنا بكتب فى بوست بقالى أكتر من تلات ساعات

وعمال أجمع أفكار لأنى فكرت إنى فى يوم لازم أنزله يتنشر ومش عارف ليه دا بالذات
ربما لأنه بيحمل ليه قيمة كبيرة ولأنه بيفكرنى بحاجات كتير ولأنى حاسس إنى تعبت فيه أوى

تحياتى ليكى وربنا معاكى يارب فى القصة اللى بتكتبيها
فى الكتابة حاولى تكونى نفسك بس وتطلعى أفكارك إنتى بس لا تتأثرى بحد ولا بإتجاه حد عشان تبقى بجد ناجحة فى الكتابة

تحياتى

شاب فقرى

شاب فقرى يقول...

الدكتورة البيطرية طبيبة الوحدة الصحية المستقبلية

صباح الفل وسلام حاير طاير

ياترى عاملة إيه فى الكلية

يارب بالتوفيق ومسيرها تبقى بمزاجك لما تعشقى مجالك بجد حتى وإن كان مش على كيفك

إنتى بتاخدى دموع تحضر معاكى ؟؟؟

طيب الله يكرمك دخليها محاضرات التشريح
عشان تبقى كاتبة قصص رعب بارعة بعون الله

ويمكن يغم عليها وتحلم بإنك هتبقى دكتورة كبيرة وتبشرك بالخير

كمان إعلان إفلاس
كمان إعلان

يبقى أكيد فى فلوس بقى هتدفع عالإعلانات دى كلها :$
ولا إيه
دموع الإشتراك بتاعها جددته ودفعت ستين جنيه
إنتى بقى هتجددى إمتى
إحجزى زى ما أنتى عايزة فى التعليقات

تحياتى لتواجدك والمهم نشوفك فى المدونة

إحجزى براحتك

تنورى فى أى وقت

تحياتى

شاب فقرى ومش بإيدى :P

شاب فقرى يقول...

فتاة من الصعيد

اعملى مدونة جديدة وادخلى خدى منها القالب كوبى وحطيه عندك فى المدونة يمكن تتحل

وبالتوفيق يارب

وانا فى انتظار النتيجة

شاب فقرى