الجمعة، 23 أكتوبر 2009

المسحور




لعلكم بخير
الموقف دا حصل معايه من حوالى ساعة إلا ربع

كان يوم طويل
خلص اليوم وجاى أروح مع واحد زميلى
دخلنا المترو وقالى إستنى يا جنرال عيب أنا هقطع التذاكر
قلت غريبة حركات الجدعنه دى مع انى مش بطيق الحوار دا بس سكتت
قام صاحبنا قطع تذكرتين
ناولنى تذكرة وعدى هوا
وأنا عديت بعده
جاى ببص عالمكن بتاع المترو
لقيت تذكرة
فبقول للناس بتاعت مين وافتكرتها بتاعت بنت ماشيه قدام
روحت أديهالها قالت لى لاء مش بتاعتى
المهم لقيت عيل صغير مش قاطع تذكرة وعايز يعدى إديتهاله
وعدى الطفل من الحرس بتوع المترو فى سلام
ونزلنا إستنينا المترو لحد ما جه
وركبنا
وبعد كام محطة
بحط إيدى فى جيبى
إيه دا
أنا ممعييش تذكرة
قام صاحبى اللى معايه قعد يضحك بشكل هيستيرى ويقولى :
(( إيه دا يابنى أنته مسطول ؟؟؟ ولا شكلك بتحب جديد؟؟))
رديت وقلت فى هدوء
أنا مش بحب يابن الحلال ...إنته إتجننت ؟؟
عشان لما أقولك أقطع لنفسى التذكرة
تبقى تتنيل تسمع كلامى
وطبعا أنا زى الشاطر زى الشاطر إديت تذكرتى للواد الصغير الغلبان
وكل مترو وإنتم طيبين :)
ومن هنا أخاطب كل شاب وكل فتاة
بأن الحب هيولع فى الدرة وكمان هيخليك تنسى تذكرة المترو
وربنا يستر عالجاى
شاب فقرى

هناك 57 تعليقًا:

محمود مخلص يقول...

عادي بتحصل في احسن العائلات

محمود مخلص يقول...

أكيد هو فعلا الحب ....:)

شاب فقرى يقول...

هههههههههههههههههههههههه

ياريت والله يا محمود

بس للاسف مش الحب

بقولك مسحووووووور :$

مسحور مسحور يعنى :)

شاب فقرى

мαησηα يقول...

هههههههههههههه معلش

اومال لو حبيت فعلا هتعمل ايه يا احمد

ههههههههههه ربنا يكون ف العون

من كتر بس ما دماغك مشغولة وبعدين

صاحبك اللى معاك مش يفكرك طيب ولا

بيحب ؟؟

ندا منير يقول...

هههههههههه

يعنى نقول مبرووووك

بشرة خير دى

Cute Kitty **sookra يقول...

ايه بقى دا
هو انت ناوى تحب ولاايه
لالالالالالالالالالالالا ماسمحلكش
انت كدا ومن غير حب امال لو حبيت هتعمل ايه
عموما تعيش وتاخد غيرها
وماحدش بياخد تذكره مرور غيره
تحياتى

promise is promise يقول...

الحمد لله انها جت على التذكره بس وما نسيتش نفسك انت كمان فى المترو يبقا
يا ميت ندامه على حب ومطاليش
هههههههه

مدونه جميله جدا
تقبل مرورى
تحياتى

Cute Kitty **sookra يقول...

هو ماحدش قالى ليه
هو ايه اللى بيحصل هنا وهناك
ياعم بطووووووووووووووووووط
انت فين
؟

بنت قلبى يقول...

ههههههههههههههه

اول مره ازور حد للمره الاولى والاقى بوست مفرح كده
كل الا بزورهم لااول مره الاقى لايما عزا بعيد عنك يارب
لايما انكسار مشاعر لايما حزن لايما مرض

بلاش بقا علشان انا فقريه اصلا وبنق بالكلام


وباين من الموقف دا انك اسم على مسمى
وبتقلى حتى انك مش بتحب
الله واكبر
امال لو كنت بتحب كنت عملت ايه كنت نسيت نفسك قدام المتور بقا
ولا يمكن علشان دى اول مره تحصل من صحبك وانت نقيت عليه
وبرضو يمكن يكون مسحور

ايه
قلى صح
يعنى ايه مسحور.؟؟

------ يقول...

مساء الفن

والله انا جاية تعبانة من الفرح

وقولت لازمن اقرأ البوست


مسحور ايه يافقرى
انت معمولك عمل ولا اييييييه
هههههههههههههه

اكيد وراه مغزى
نروح نقرأ ونيجى

------ يقول...

هههههه

حلو انك تكتب على طول اول بأول

وكويس ان اليوم خلص
انا بحس يافقرى ان يومك 96954546ساعة

مش زينا كدا 10 ساعات الا ربع :):)

ههههههههه
الحب الحب
اللى واخد عقلك يافقرى
تتهنى بيه يااااارب
ونفرح بيك كدا

وحلو ان البوست صغير

بس انا زعلانة
التعليق صغير هههههه

------ يقول...

تصدق مش هاين عليا اقوم واسيب المدونة هههه

بس لازمن علشان هموت وانام
لان يومى بيبتدى من بعد صلاه الفجر

وبينتهى لما روحى تخلص ههههههه

اسكت بتصل على صحبتى النهارة بتقولى الدكتور طلب شيتات غريبة الاطوار
واسماء جرايد من جميع البلاد
ووكالات الانباء
وحاجات كدا تشرح القلب

وبتاع الحاسب خد الغياب
وشكلوا حطنا فى البلاك ليست

والتانية عايزانا نعمل بحث عن جميع الجرائد القومية والمعارضة والحزبية
مع التفصيص والتمحيص والتدقيق
وناخد اول صفحة من كل جرنال نقراه ونحلله وانت فاهم الباقى اللى انا مش فهماه هههههه
وبتاع العربى عايز عن القراءة
وعن الرواية المصرية طبعا انا هختار القراءة :) حاجة لذيذة كدا

وال انا كنت بقول هاخد الكتب واقعد فى البيت

زغرتى ياام احمد
لووووولووولى
وربنا انا حاسة كدا بشىء غريب داخلى
يبشرنى بأن السنة دى سنه لذيذة وعثل عثل والله

تصبح على خير

الشعب لابد له من حكومه تشكمه يقول...

لا تقلق انه الزهايمر:) دا منتشر جداااااااا بين اوساط الشباب وانا اولهم:)
انا رميت الخاتم الدهب بتاعى فى الزباله عااااااااااااااااتى عااااااااااااتى:) كنت المفروض انى راحه احطه فى الاوضه ايه اللى خلانى اتعاملت معاه على انه كلينكس الله اعلم :))

وذات يوم اخر عمى طلب كوب من الماء فيها حاجه دى؟جبت الكوبايه ووقفت ادام ماما وكله بيبصلى وانا باه اضايقت وقلتلها بقالى ساعه واقفه راح عمو قالى انا اللى عاوز اشرب:)

اخر موقف علشان مطولش لان مواقفى كتيره كنت ماسكه الريموت وبقلب فى التى فى مش راضى يقلب واعمل الحجاره واغيرها واركب جديده وبرضه مش بيقلب لحد متعصبت وبدات اتنرفز(كل ده واخويا وبابا بيتابعوا الموقف فى صمت) وبعدين قعدت ازعق باه يووووووووه هو فى ايه البتاع ده مش بيقلب ليه؟
اكتشفت انى موجهه الريموت ناحية المروحه :))

وطبعا كل اللى شايفين ده يتهمونى ان اللى واخد عقلى يتهنى بيه:(
ميعرفوش انه الزهايمر اللعين.

الشعب لابد له من حكومه تشكمه يقول...

على فكره مسحور دى فكرتنى زمااااااااان بالقصه بتاعة الضفدع المسحور اللى اتحول لامير:)
ايه باه مسحور دى لانى مش فاهماها ,محسود يعنى:)

------ يقول...
أزال المؤلف هذا التعليق.
غير معرف يقول...

هههههههههههه

معلش اهو اخدت ثواب في الواد الصغير

------ يقول...

تشكشك الطيور

فرحانة بالنور

تقول فى سرور

مااجمل الضياء

ايه رأيك ياعمو

اصلى لسه وخداها فى الكلاس

صباح حير طير يافقرى

شكل فقرى لسه نايم ولا اييه

ولا خبطة الميترو اثرت على دماغة

طويب

واد يادقدق جهز فطار كدا

وكوباية شاى صعيدى

على بال مااقرأ البوست دا تانى
هههههه

اصلوا ضحكنى خالص بالضفضعة اللى شبه السحلية دى
البتاع دا بيفكرنى بجاحة مش عارفة ايه هى

يلا انا همشى بقى
قولت اصبح

انا سايبة صنية الغداء هنا
بس دى متكهربه اوعى تيجى جنبها

انا اصلا داخلة اقول بيطرية بتصبح وبتمسى على مدونة فقرى
:):):)

يلا اقعد بالعافية

جارة القمر يقول...

شاب فقرى دى بقى اول زيارة ليا
كل ما ادخل مدونة الاقى اسم شاب فقرى استغرب الاسم و اقول خلاص يعنى من قلة الاسماء حاجه غريبة و الله
اول ما قرأت البوست دا فهمت هههههههههههه انا بهزر اوعى تزعل منى
بس تصدق و الله صعبت عليا موقف رخم اوى تعيش وتاخد غيرها

سلالالام

ليس فقيرا من يحب يقول...

ههههههههههههههههههههههههههههه

اسألنى انا عن الزهايمر يا فقرى يا

اخويا لسه وحياه ربنا حله الرز ولعت

منى وامبارح باسلق بيض نسيته لما تفحم

على النار وغيره وغيره النسيان ده مشكله

فظيييييييييييييييييييييييييعه

ربنا يهون علينا بيسبب كوارث

الحمد لله يا فقرى انها جات على اد التذكرة

ههههههههههههههههههههههههههههه

TWEETY يقول...

ازيك ياعمو

ههههه
ضحكتنى خالص الصورة دى

انا اخدت اذن انى ادخل المدونة بعد المدرسة فقولت اجلى اسلم على حضرتك

انا ركبت المترو دا مرة
بس جميل خالص

بيطرية ومش بايدى يقول...

الحب بهدلة يا اختشى

ههههههههههههههههههههههههههههههههههه

بيطرية ومش بايدى يقول...

وانت ميكروباص يااخويا
قصدى وانت طيب وبخير

ربنا يكفينا شره
ويجيلنا من غير بهدلة


بس ده شيىء طبيعى جدا
انا من اسبوع مضيعة شريحة سعودية و134جنيه وورق وراثة
والحياة ماشية لاتقلق يابنى
احنا لسه بخييييييييييير


:)))))))))))
سلام انا بقى

بيطرية ومش بايدى يقول...

اللى جاب صورة الضفدعة دى هنا
ده انا لسه سايباها فى معمل الفيسولوجى
بس كنت سيباها مقتولة
اللى صاحها تانى
:((((((

أبــــو ضـــيــاء يقول...

ههههههههههههههه
لا فعلا
فقري فقري يعني

جمهورية شومبونجو العربية يقول...

يامساء الانوار

والتجليات

الواد الصغير دة امه دعياله
اه والله

بس انت اكيد يا بتحب

يا داخل فى قصة حب

ربنا يعينك
...............
تحياتى

رئيس الجمهورية

ميرام يقول...

(:

طوبه فضه وطوبه دهب يقول...

مش بيقولوا الحب بهدله المهم عديت ازاى اصلا من المترو وانت خارج دا كويس انها عدت على خير بس شهاده لله المترو رجع تانى الى حد كبير يتظبط ويتخلص من البلاوى اللى كان وصلها الفتره الاخيره ربنا يصلح حال بلدنا كلها ومرافقنا بحالها

------ يقول...

عييييييييب

اوعى تفهمنى صح هههههه

بص هتفهم مغزى البوست المرة الجاية

بس انت قربت على فكرة وليك بومباية وصاروخ واحد بس

بيطرية وهمس ليهم خمناااخشر

بس متحطش عينك عليهم علشان ميفرقعوش بس

------ يقول...

انا مسحت تعليقاتهم علشان

الغش والحسد بس هههههه

نعكشة يقول...

سُطّل

كتير بعملها

من غير حب ولا سحر

هههههههه

سلام عليك

شاب فقرى يقول...

๓คภ๏ภค

ولكم بيكى فى المدونة بعد طول غياب

هوا فعلا ان الواحد دماغه مشغولة بحاجات كتير

ربنا يستر فى اللى بعد كدا بقى

صاحبى تايه بالفطرة

:)

تحياتى

شاب فقرى

شاب فقرى يقول...

ندا منير

لسه بدرى أوى على مبروك

ربنا يسهل بس

وأفوق الأول

تحياتى لتواجدك

شاب فقرى

شاب فقرى يقول...

saso
والله حاليا مفيش أى نيه للموضوع دا

متخافيش عليه من التوهان

لان تركيزى عالى اوى

بس احيانا ببقى عايز ابقى كدا

تحياتى

شاب فقرى

شاب فقرى يقول...

promise is promise

الحمد لله انى مش نمت لحد ما محطتى فاتت فعلا

ربك بيستر برده

نورت المدونة

شاب فقرى

شاب فقرى يقول...

saso

مش فاهم :D

بيحصل فين وإمتى ومين قال إيه ؟؟؟

فقرى

شاب فقرى يقول...

بنت قلبى

المسحور هوا واحد واقع تحت تأثير كلمات حد أو رأى حد أو سحر حد هوا مش قد التأثير بتاعه

بس كدا

وفى حالتى هوا اللى ماشى ومش مركز فى أى حاجة

ماشى فى سلاسة وهدوء وبيفكر فى صمت وبينسى حاجات كتير لأنه أساسا مش حاسس بيها فى العالم بتاعه

شاب فقرى

شاب فقرى يقول...

دموع القمر

ليه دايما لازم يبقى القمر :(

المهم

ليه مغزى كبير أوى أوى أوى

ناس كتير بتقولى إنته بتنام إمتى

لأنهم على طول فى أى وقت بيكلمونى عالموبايل او الميل بيلاقونى موجود وبرد عادى

وكمان عشان اليوم بيبقى مليان أحداث كتير

ربنا يستر من كل الطلبات دى

أنا عمر ما فى دكتور طلب منى حاجة وعملتها له أبدا

بحس بمتعه وأنا بنفض له :D

هههههههههههههههههههههههههه

الرواية المصرية أحسن وأسهل بس هتأخد منك وقت جامد وشوية روايات على شوية أراء نقاد عشان توصلى للمعنى وتفهمى الموضوع ماشى إزاى وتقدرى تتذوقى الرواية المصرية بجد وتقدرى تتفاعلى مع الدكتور

ومش تغيبى عن المحاضرة تانى

أنا فى عز أيامى كنت بغيب وبهيص وبعمل كل حاجة ويمكن حتى كنت ممكن ادخل المحاضرة وأنام :D

هههههههههههههههههههههههههههههههه
شدى حيلك فى الكلية

واى دكتور يحطك فى البلاك ليست ذاكرى مادته كويس أو حضرى للمحاضرة الجايه وروحى بعد المحاضرة إسأليه أسئلة جوهرية
هيمسحك من البلاك ليست فورا :D

المسحور هنا زى ما قلت لما بنت قلبى سألتنى فى التعليق

((
المسحور هوا واحد واقع تحت تأثير كلمات حد أو رأى حد أو سحر حد هوا مش قد التأثير بتاعه

بس كدا

وفى حالتى هوا اللى ماشى ومش مركز فى أى حاجة

ماشى فى سلاسة وهدوء وبيفكر فى صمت وبينسى حاجات كتير لأنه أساسا مش حاسس بيها فى العالم بتاعه

))
إشطة :)

تحياتى يا دموع

شاب فقرى

شاب فقرى يقول...

الشعب لابد له من حكومه تشكمه

صاحبى برده قالى زهايمر

بس أنا خايف من الحوار دا لأنى قريت إنه حقيقة فى الطب للشباب فعلا

ربنا يستر

هههههههههههههههههههههههههههه

الحركة بتاعت كوبايه الميه دى كنت بعملها كتير ايام ابويا ما كان موجود

وبالنسبة للخاتم الدهب

الحمد لله هى دبلة فضه ولو راحت هجيب غيرها

ههههههههههههههههههه

((
المسحور هوا واحد واقع تحت تأثير كلمات حد أو رأى حد أو سحر حد هوا مش قد التأثير بتاعه

بس كدا

وفى حالتى هوا اللى ماشى ومش مركز فى أى حاجة

ماشى فى سلاسة وهدوء وبيفكر فى صمت وبينسى حاجات كتير لأنه أساسا مش حاسس بيها فى العالم بتاعه

))

نورتى المدونة

ايه احوال المنصورة :D

شاب فقرى

شاب فقرى يقول...

نتوقف دقائق

ونعود لبقية التعليقات

شاب فقرى

شاب فقرى يقول...

فتاة من الصعيد

أهلا بأحسن ناس

بس انا فكرت لقيت ان النية مش قاصد اعمل خير يبقى ملهاش لزمة

فزعلت اوى عشان كدا

تحياتى

شاب فقرى

Yusuf يقول...

ازيك

معلش مش متابع عشان ظروف الدراسة

بس ايه اللي حصل ده

انت فكرتني بيوم لما سبت المحفظة علي كنبة الميكروباص ونزلت

وقضيت يوم جميل بحثاً عن المحفظة المفقودة

بس الحمد لله لقيتها ف اخر اليوم

فعلا .. الحب بهدلة

شاب فقرى يقول...

دموع القمر

يا ولكم يا ولكم


هههههههههههههههههه

الصنيه متكهربة

طيب ليها حل

فى منيمم تشارج

ولا مفيش :D

وصباح الفل

وصباح الفل على بيطرية كمان

تحياتى للجميع

فقرى

شاب فقرى يقول...

جارة القمر

ولا يهمك :) :) :)

نورتى المدونة

بس والله مش من الحب

من السحر فى الأول

ربنا يستر والجايه تبقى اسهل من دى

تحياتى لمرورك

شاب فقرى

شاب فقرى يقول...

بيطرية ومش بإيدى

نورتى يا دكتور

طيب انتى ضيعتى الشريحة السعودية

انا نسيت اشحنها لحد ما وقفت ومبقتش شغاله :(

بس مش بعرف اضيع فلوس والحمد لله

ما هوا الضفدع دا برده هيخش المعمل بس لسه العامل مش جهزه كما يجب

تحياتى لمرورك يا دكتور
شاب فقرى

شاب فقرى يقول...

أبو ضياء

نورتنى يا جميل

:)

فقرى فقرى

شاب فقرى يقول...

رئيس جمهورية شمبونجو

صباح الفل

نورتنى يا ريس

يارب يكرمنا باللى يدعى لنا احنا كمان


مش عارف والله ياريس بحب ولا لاء
ولا حتى داخل فى قصة حب ولا لاء

المواطن فقرى

شاب فقرى يقول...

ميرام

:)

:)

:)

:)

مع انى لما فكرت شوية فى الموضوع كنت عايز أعيط

تحياتى وإحترامى الكامل

شاب فقرى

شاب فقرى يقول...

ليس فقيرا من يحب

صراحة انا كمان كنت بنسى حاجات عالنار

بس كنت بنسى حاجات زى براد الشاى وبس

ويتحرق وتبقى قصة

ههههههههههههههههههههههه

بس الحمد لله بطلت أنساه

تحياتى لمرورك
شاب فقرى

R-H-S يقول...

ياخبر ابيض
ودفعت العشره جنيه غرامه ولا لأ؟

شاب فقرى يقول...

تويتى

نورتى يا جميلة :)

وايه رايك فى المترو بتاعنا

زمان كنت كل يوم فى المترو اكتر من اربع مرات

دلوقتى بقيت بمشى ارحم

:)

تحياتى ودعواتى لكى

شاب فقرى

شاب فقرى يقول...

جهاد


لاء طبعا


انا لو طلع لى مدير الأمن فى المترو برده مش هدفع الغرامة

انته فاكرنا عيال سيكى ميكى ولا ايه

لاء احنا جامدين أوى :P
تحياتى ليك يا جميل ونلتقى عالميل بليل
شاب فقرى

شاب فقرى يقول...

طوبة فضة وطوبة دهب

عرفت أتصرف :D

فقرى مش اى حد :$

تحياتى

شاب فقرى

شاب فقرى يقول...

نعكشة

فعلا أبسط تعبير:)


السطل اللى انا فيه


بس برده فى سحر

تحياتى

شاب فقرى

شاب فقرى يقول...

يوسف

بقالى كتير مش اتكلمت معاك فى التعليقات

بجد والله كان ليك وحشة

:)

نورت المدونة

انا لو كان حصلى كدا كنت بهدلت الدنيا
يالهوى المحفظة

مستحيل :$

شاب فقرى

الميكروباص يقول...

طيب كويس انك ما اخدتش غرامه 10 جنيه

شاب فقرى يقول...

لورانس العرب

الحمد لله

ربنا كريم

تحياتى لمرورك وزيارتك الأولى

شاب فقرى

فراشة يقول...

لالالا المدونة دي موجودة وانا معرفش

لا بجد جميلة قووووووووووي

مش لازم يبقى حب صح يبيكون مركز ف حاجه او عقلك مشغول بحاجة

هههههههههههههه