الجمعة، 16 أكتوبر 2009

الطريق الطويل


نسلك فى حياتنا دروبا لا نملك منها إختيارات

لا أقتنع أبدا بتلك الجملة فأنا دوما أرى أننى انا من يصنع الحاضر والمستقبل بل ويمكن تغيير الماضى

دعنى أقنعك فى هدوء فلطالما أحسست بأننى أمتلك عمرى كاملا ماضيه وحاضره ومستقبله


دعنا نتحدث عن الماضى قليلا :


-أحببتها

أحببتها على غفلة من العقل والروح

لم أدرك هذا الحب إلا حين دب فى كل شرايينى يصرخ بالشوق وينطق إسمها فى احلامى

صرت حتى فى أحلامى لا أملك حرية الإختيار

كنت أتطلع فقط إلى لقياها

فقط أن ألقاها

وأحاورها ونظل نتحدث لساعات

آسف ... لقد نسيت البداية :(

كيف كانت بدايتنا

لم أراها فأعجبتنى وتبادلنا نظرات الحب من النظرة الأولى

أنا أعرفها من قبل أن ألقاها

من سنين

من أعمار أخرى قبل عمرها

أفكر فيها منذ دهور وأحلم باللقاء

إلى أن قابلتها ذات مرة

على غفلة من عقلى وفى غمرة يأسى ..

كنت فى تلك الفترة أشكو الوحدة بعد أن صارت جزءا منى وصارت تسكن روحى وقلبى

و

تحدثنا

ثلاث ساعات

لم أتخيل أننى للمرة الأولى التى أقابل فيها فتاة أتكلم بإستمرار ثلاث ساعات

أحسست فيها بأننا شخصا واحدا

فكنت كلما أحكى لها حادث من ماضيي

تكمل هى نفس الحادث فى حياتها

وإستمرت لقاءاتنا

لم نكن بتلك الجرأة يوما

ولم نعشق أحدا يوما

وما كان فى حياتى يوما فتاة أحدثها

لأننى وحيد

لا أدرك طعما لحياتى سوى بالوحدة والهدوء والصمت

ربما قليل من القهوة والغناء وكثير من العمل

ولكن لا فتيات

هكذا كانت مبادئى

سلمت قلبى لها

هكذا وبدون مقدمات

(( توتة أنا بحبك ))

لا أدرى كيف نطقتها

ولا أدرى كيف الزمن توقف فجأة سنين وسنين

ولا أدرى كيف فهمت الأمر

لم أجد منها سوى الصد

والبعد

ومن هنا إنطلقت

كالشهاب الحارق

أحرق نفسى فى سبيل الوصول

أحرق ذاتى وخلاياي

بنيت الكثير وتعلمت أكثر

إنطلقت من ما قبل الصفر

بنيت نفسى وتعلمت وأسست شركة قوامها عقلى

وزادت أعمالى

وإتسعت نشاطاتى

وإستمرت فى الصد

تتصرف وكأننا عاشقين

وتبتعد وكأننا أخوة

إلى أن جاء يوما

قررت فيه أن أكسر أى حاجز

أدمر كل الحدود

أبدأ حياتى

تقدمت لخطبتها

وعرفت أن هناك من سبقنى من ثلاثة أيام

حدثتها كثيرا

حتى ذاب الكلام على لسانى وتوقف نبض قلبى

وسكتت

صرت الآن كالشهاب بلا هدف

دمرت الكثير فى طريقى

والكثير الكثير حطمته

حطمت نفسى وخلاياى

إلى أن عادت من جديد

كانت تعود كل فترة

فلم يوجد لها فى الحياة غيرى

وليس لها سواى

أنا القلب الذى لا يشكو

وحتى نطقتها

أحبك

ضحكت وضحكت نفسى

لم يعد هناك مجال

يجب أن نبتعد وننسى ما فات


***


دعنا نتحدث عن الحاضر :


* أشتاق للموت

تدفعنى أشواقى نحو الموت

أدعو الله أن يريحنى من تعب الحياة

أفكر فى صمت

أشعر بصخب الحياة من حولى

أنا لا أنتمى هنا

لا أفكر فى أى شىء سوى الموت

وإن لم يأتى

فالطريق مفتوح

حتى وإن كان طويلا

طريقا إلى الله

ترى هل يحبنى الله ؟

هل يقبلنى عبدا ويهدينى ؟

هل يرضى عنى فيغفر لى ما سبق ؟

هل نفسى تحمل كل هذه الخطايا ؟

هل أحمل كل هذى الذنوب وأسير كما يقول الناس ( عادى )

ويظل طريق آخر مفتوحا :

ترى هل أقابل من تأسرنى ؟

من تنتشلنى من وحدتى ؟

هل توجد من تمسح عنى غبار الموت ؟

من تنسى كل شىء وتتذكرنى ؟

تنسى روحها وتفكر فى ؟

سمه ما تشاء

فليكن طمعا فى حب بلا حدود

ويظل طريقا اخر مفتوح :

رغباتى فى الحياة

شهادات

مذاكرة

علم

بيت وإستقرار

والآن أشتاق إلى البكاء فقط

ولا أصل له


دعنا نتحدث عن المستقبل

*أشتاق لطفلة

تشتاق روحى إلى بيت وأسره

إلى طفلة تنادينى

(( أبي ي ي ي ي ي ي))

وتبكى تطلب منى أن أحملها

أحملها وأضمها

فهى حلم السنين

حلم الماضى والحاضر والمستقبل


وهنا دعنا نغير الماضى

فكر بهدوء

تجد أنه لم يكن حبا

لم تكن موجودة حتى تغيب

ببساطة

لم تكن حبيبتى

ونسيتها ونسيت من أنا حيت أحببتها


دعنا نغير الحاضر :

طريقى إلى الله مفتوح وبلا حدود

(( ومن جاءنى يمشى أتيته هرولة ))

حتما سألقى فتاة تلقى بى فى بيت سعيد وأجعلها حبيبتى


دعنا نغير المستقبل

فليكن ما يكون ولكنى أشتاق لطفلتى


شاب فقرى

هناك 36 تعليقًا:

Tamer Nabil Moussa يقول...

السلام عليكم

بجد كلامك اكثر من رائع

تسلم علية

الحب احساس جميل وطول ماهو صادق بيكون اطول عمر وبيعيش

مع خالص تحياتى

جمهورية شومبونجو العربية يقول...

السلام عليكم

التانى للرئيس

حد عندة مانع؟

جمهورية شومبونجو العربية يقول...

عزيزى شاب فقرى

منور والله

اسلوبك بجد رائع

والبوست ايضا راااائع

اختم واقول

خليك متفأل
وقلها تانى ( بحبك ؟؟؟؟؟؟)

مش عيب انك تجرب تانى وتالت

وان شاء الله هيجى اليوم الى تلاقى فية الانسانه الى تحبك وتحبها

بس خلييييييييك متفأل
.....

تحياتى
وديما متألق

رئيس الجمهورية

سماء يقول...

بقا تمشينى معاك الطريق الطويل


طب اختصرة شوية علشان منتعبش

هههههههه

بس طريق حلو وعاجبنى

ربنا يحققلك اللى انتا عايزة وتقابل حبيبتك فى اخر الطريق

دمت بكل ود

------ يقول...

والتعليق الرااابع

دا انجاز والله

مساء الخير يافقرى

------ يقول...

طب والخامس علشان الحسد بس

ونروح نقرأ ونرجع

------ يقول...

امممم

ليه موضوعاتك طوييلة :)

بس لذيذة والله

ولان القعدة هطول شكلها كدا
لانى بحب افصص كدا

فأنا هقعد وقت تانى

بس مش هتأخر على طول فوريرة هه

تحياتى لك

غير معرف يقول...

نستطيع ان نغير الماضي بالنسيان .... فنتظاهر بانه ما كان

ونغير الحاضر بالعمل

والمستقبل بالامل

جميله الكلمات ..... تسلم ايدك

تحياتي

أسما يقول...

ممكن اصفق لحد ما ايدي توجعني؟ عاجباني اوي المعاني اللي انت كتبتها... يا رب يرزقك بالبنوتة اللي نفسك فيها، و يرزقك قبلها بمامتها اللي تحبها و تحبك بجد، و بلا حدود
:)

ميرام يقول...

...........
.............
...........
لحد ماألاقي تعليق ....
هاجي أعلق ..
(:

دمت بخير

Cute Kitty **sookra يقول...

عاوزه اقول زى ميرام
لحد ماالاقى تعليق هاجى اعلق
لكن هادعيلك ربنا يحققلك امالك يارب ويرزقك كل ماتتمنى من الخير الكثير
تحياتى

بيطرية يقول...

جيت اطل واسلم واقول مساء الخييييييييييييييييييييييييييييييير

هاقول سلام وامشى على طوووووووووووول

دعواتك

ميرام يقول...

لا أقتنع أبدا بتلك الجملة فأنا دوما أرى أننى انا من يصنع الحاضر والمستقبل بل ويمكن تغيير الماضى

(:
أرفع قبعتي التي لا أرتديها ..(:
وأحييــك بصدق


أثق بشدة أن هذا الادراج كتبته بعقلك واستنزف كامل مشاعرك
لأنه لمس شغاف قلبي ..
وصلني بصدق جعلني أقرؤه أكثر من مرة ...

......
بعيدا عن المعنى ...وان كان جزءا لا يتجزأ كي تكتمل الصورة
لكن ماأردت التأكيد عليه هو كون أسلوبك أدبيا فيه رائع ...
(:

لن أناقش أي فكرة طرحتها ..
لأن المشاعر لاتخضع لثوابت العقل
غير أني تمنيت لو أن ماكتبته تحت عنوان الحاضر.. مختلف عما قرأته
(:

كعادتي ...
أتمنى لك التوفيق ..
وأنتظر الجديد
كل تقديري

------ يقول...

وسسسسسسسسسسسسسسسعععععع

البت دموع جت ياارداالة

بس كويس مااتأخرتش كتيرر

------ يقول...

نروح نقرأ ونرجع

فوريرة

------ يقول...

ودا تعليق

حجز لحبيبتى قلبى

بيطرية

شكل المواصلات صعبة عندها

ربنا معاها

ومن هنا
من مدونة الباشا الشاب الذى لم يعد فقرى بعد اليوم :) :)

انك بجد وحشانى

وتعليقك محفوظ :):)

Lady E يقول...

ايه الكلام الجميل ده

على فكرة ده تفكير شباب كتير مش تفكيرك لوحدك

وبعد تجربة قاسية مش شرط تكون في الحب بس بيبقى أسهل حاجة قدامنا اننا نفكر في الموت

الموت وبس لأننا فاكرينه سهل وفاكرينه راحه وناسيين خالص ان بعد الموت في حساب وفي جنة او جنة برضه ان شاء الله
:)

نسلك فى حياتنا دروبا لا نملك منها إختيارات

الجملة دي اتحققت معايا أحيانا في شوية حاجات
في دراستي مثلا كنت هدرس اعلام ودرست بدالها english art

البوست كله على بعضه جميل بجد وأحلامك مشروعه ويارب تحققها

-----------

ملحوظة : البوست اللي فات جميل جدا برضه

------ يقول...

يااسيدى ياسيدى

امال عمال تقول مش عارف ايه
وعايز اقابلها

وشوية وهتغنى لما قبلتك مرة صدفة :) :)

هههههه
انا حسدتك ولا اييييه ههه
بس تصدق صعبة

علشان كدا الواحد ميصرحش بمشاعرة قبل مايعرف مشاعر اللى قدامه رايحة فين
علشان مايحلم يحلم
ويصحى على كابوس :)

كويس والله حلو الكلام كدا
انك تتحدى وتروح تخطبها مع انها صدتك
(هو دا اللى بيقولوا عليه الحب )

ايو صح هى لعبة ولا ايه وقت ماتكون معاها غيرها ترميها ووقت ماتروح ترجع للقديمة

ايوة صح احب انا كدا ههه
راجع دلوقتنى ندمان
تقول نرجع زى زمان
ماخلاص الوقت فات
وكل اللى بينا مات

اهم حاجة فى الماضى انك ماتقفش عليه كتيير

وتبص لحاضرك وتتحدى مستقبلك

نروح للحاضر
ههههه
لاحول ولا قوة الا بالله

دا لسه بنقول نعيش الحاضر ونحلم بالمستقبل
ونتحدى الحياه

الاقيك بتقول اممووت
ولا انا قريت غلط

ربنا غفور رحيم
بيحبنا بس احنا اللى بنبعد عنه دايما
يقول هل من تائب فأتوب اليه
هل من مستغفر فأستغفر له

واحنا قاعدين قدام التليفزيون
والكمبيوتر او نايميين
او او او

هو بيحبنا
دا اول ما العاصى يقول يارحم الراحمين ياارحم الراحمين ياارحم الراحمين
فى كل مرة تحجب الملائكة الدعاء
فى الثالثة يقول الى متى ستحجبوا دعاء عبدى
ويقول لبيك لبيك لبيك

تخيل هو بيحبك ومستنيك تروح

انت بقى بتحبه
المفروض تسأل نفسك السؤال دا
متسألش ربنا بيحبنى ولا لا

انت بتعمل اللى ربنا عايزة ولا بتعصيه
انت بتذكره .........

اكيد ربنا شايلك واحدة جوهرة
بس انت صلح من نفسك
كن على لتكون هى فاطمة
مش بيقولك فولة وانتفسمت نصين

راعى ربنا واتقرب منه وادعيله بكل حاجة انت نفسك فيها من صفات من اخلاق من شهادة من من من

بالله يافقرى ليا صحاب بيقولولى والله يادموع كل حاجة دعينا بيها لقيناها
لدرجة
انى قولت ياربت دعيت بحاجات اكتر من كدا

ومنهم اللى خلاص دعت ربنا بكل حاجة وحسيت ان ربنا استجاب
دلوقتى بقى بتدعيله وهى لسه مش عارفة هو مين

ربنا يوفقه النهاردة ربنا ييسرله طريقة
ربنا يهدى قلبه ..........

بركة ان شاء الله تيجى
وتملى البيت حب وسعادة وتشيل عنك الملل
وتكون نسمة كدا فى البيت :)

ويرزقك بالطفلة والطفل والاطفاااااال
خمنااااشر كدا
ويوقول بااااابااااا
باااااااباا

بس اهم حاجة تكون حنين عليهم
اوعى تزعلهم
خليك صديق واخ وحبيب

اوعى تنفرهم نك بمعاملة

وربنا يحميك يارب وييسرلك كل لمورك


حلو اوى التحليل اللى فى الاخر دا
منتااااااااز منتااااااز

معلش انا عارفة انى لوك لوك

شاب فقرى يقول...

Tamer Nabil

عزيزى

إنها كلمات الفراق والنسيان

ليس الحب :)

تحياتى لتواجدك

شاب فقرى

شاب فقرى يقول...

عزيزى رئيس الجمهورية

مينفعش أروح أقول لواحدة مخطوبة لواحد تانى بحبك

أبقى عيل صراحة

وكمان انا مش بحبها عشان اقولها كدا :D

والله الواحد من كتر التفاؤل بقى بيحس ان الدنيا هتمطر فلوس


ولا يهمك خد التعليق التانى والتالت يا ريس

تحياتى

شاب فقرى

شاب فقرى يقول...

***.سماء.***

أهلا وسهلا بيكى فى زيارتك الأولى للمدونة

بجد نورتينا


اللهم آمين
:)

تحياتى

شاب فقرى

شاب فقرى يقول...

دموع القمر

التعليق التالت والرابع والخامس ولحد العشرين انتى منورة من غير تعليقات :)

تحياتى لتواجدك وهرد عليكى فوريرة برده لما اوصل لاخر تعليق ليكى اللى فيه نقد البوست

ياترى انتى فين يا بيطرية
بعتتى ناس تحجز لك كمان :D

الله ينور :) :) :)

شاب فقرى

شاب فقرى يقول...

فتاة من الصعيد

يا ولكمات يا ولكمات

فعلا عندك حق فى اللى قلتيه

بس اللى مبيعرفش ينسى ؟؟؟

يفكر ويغير نظرته للأمور ويتعلم :)

تحياتى لمرورك

شاب فقرى

شاب فقرى يقول...

Isolde

صقفى بس مش كتير :$

مش عايز اخد قلم فى نفسى :)

أنا لسه بقول يا هادى

المعانى كلها حقيقية وحاسس بيها أوى

نورتى المدونة

مش تتأخرى علينا بقى

واحب اقول لدعائك دا اللهم امين ويرزقك انتى كمان يارب

شاب فقرى

شاب فقرى يقول...

ميرام

التعليق الأول

تنورى فى أى وقت :)

هرد على تعليقك التانى حالا بس لما أوصل له :$

هنا فى طابور :P

تحياتى واحترامى لتواجدك

شاب فقرى

شاب فقرى يقول...

saso

مفيش مشاكل


فكرى فى تعليق وتعالى نورينا تانى :)

تحياتى لتواجدك :)

شاب فقرى

شاب فقرى يقول...

بيطرية

أهلا وسهلا

منورة المدونة

حتى فى غيابك :)

والله بدعيلك بالغيب

شاب فقرى

شاب فقرى يقول...

ميرام

جاء دور الرد عالتعليق الثانى ...

بسم الله

شكرا لرفع القبعة :$

ما كتب بعقلى وإستنزف مشاعرى آلمنى كتابته وآلمتنى قراءته مرة أخرىحتى أستطيع الرد على الردود
حقا لا أستطيع الكتابة إلا فى وجود من أكتب له أو حالة نفسية ( mode )سيئة
أو أن أبحث عمن يلهمنى بكلماته

أسعدنى كثيرا أن الكلام لمس قلبك
ولكن آسفا لكل الألم الذى سببه لك

يمكنك مناقشة المعنى
ويمكنك مناقشة الفكرة
حتى وإن كانت لاتخضع لثوابت العقل
باب النقاش مفتوح معك فى هذا البوست ولم يغلق بعد

لماذا كنتى تتمنى تغيير الحاضر فى البوست

صراحة وأنا أكتبه بحثت عن معانى تصف أو شيئا لأكتبه فما وجدت :(
فنقلت واقعى نقلا إلى الصورة فشوهتها والله أعلم ؟؟
ماذا كنتى تتمنين أن يوجد فى الحاضر غير ما كتب
لم أفهم هذا الجزء

أسعدنى تواجدك ورضاك عما كتب
وشكرا لنقدك :)
وبإنتظار المزيد من النقد
تحياتى وإحترامى الكامل لشخصك الكريم
شاب فقرى

شاب فقرى يقول...

دموع القمر

الإهداء دا بعشرين جنيه :)

بس عشان لبيطرية هنخليه مجانا :) :) :)

وأضيف ليه إننا كلنا بإنتظارها ويارب ترجع بالسلامة ويعينها فى الكلية

شاب فقرى

شاب فقرى يقول...

Lady E

نتكلم بصراحة

انا صراحة مشفتش حد بيفكر زيى نهائيا

بالنسبة لفكرة الموت

فهى مش نتيجة حب سابق

ولكن نتيجة اللحظة ووليدة اللحظة

فقصة الحب المكتوبة مضى عليها سنين وسنين

إحنا فاكرين الحساب وفاكرين رحمة ومغفرة المولى تبارك وتعالى

المشكلة مش فى ان الحياة بتفرض علينا دروب معينه

ولكن لنفكر بهدوء

لو لم ترضى ب english art كان المفروض تكافحى وتتعبى عشان تدرسى إعلام

وشكرا لملحوظتك عن البوست السابق

ذوق منك :)

تحياتى لتواجدك

شاب فقرى

شاب فقرى يقول...

دموع القمر والتعليق الأخير

على فكرة يا دموع

هى كانت بتحبنى ومازالت أكتر من روحها

بس هى بتؤمن بالظروف

وكمان بالرغم من حبها دا أنا رفضتها لأنى خلاص قفلت الباب

لأنى عندى مبدأ خطير

اللى بيخرج من قلبى مرة عمره ما بيرجع له تانى

:)

والحمد لله ان موضوع الخطوبة فشل

وانا راضى بما قسمه الله ومنتظر بنت الحلال انى اقابلها فى الوقت المناسب

بقول بموت
عشان مش عارف ارتاح من الصداع ومن التعب
مش بعرف ارتاح ولا انام
وكمان حالتى النفسية مش حلوة
ومتخافيش هى لحظة وبتعدى

فعلا بحاول اتعلم اقول يارب

يارب

يارب

وشكرا لدعواتك بالبيت والخمناشر عيل يا مفترية :D

ربنا يستر

ورايك بقى بيهمنى

شكرا لتواجدك

ونورينا على طول واحتلى براحتك

بكره بيطرية ترجع وتقفل التعليقات فى المدونة هنا :D
ومحدش يعرف يعلق لانها كل التعليقات

يا مسهل الحال يارب

تحياتى يا دموع

شاب فقرى

شاب فقرى يقول...

تعليق نعكشة

اتمسح بالغلط
-----------------------
نعكشة يقول...
عجبتني التعليق بتاع حضرتك على البتاع الاحمر

الله يوفقك لصنع مستقبلك و ماضيك

.......

اجل سيقبل الله بك تائباً إن عزمت على التوبة

........

ربنا يعملكوا انتو الاتنين اللى فيه الصالح ليكوا
يجمعكوا لو فيه خير
و يفرقكوا لو فيه خير
ربنا يعزكوا يا رب

.........

ان شاء الله ربنا هيررزقك بيها يا رب

هتبقى عسولة ان شاء الله

وش منشكح

............

سلام عليك

17 أكتوبر, 2009 01:02 ص
------------------

نورتى المدونة

شكرا لمتابعتك

واللهم امين ربنا يحفظنا يارب

وبرده مصر اعرف تعليق ايه بتاع البتاع الاحمر دا ؟؟؟؟؟؟

تحياتى

شاب فقرى

نعكشة يقول...

نسلك فى حياتنا دروبا لا نملك منها إختيارات


اهوه البتاع الاحمر

و عاجبني ان حضرتك مش موافقه

معرفش مين كوكي بس انا بقول كوكي على أى حاجة عسولة و كتكوتة و تكون رقيقة
مش قصدي حاجة

وحضرتك عادى مدونة حضرتك اعمل فيها ما تشاء يعنى

المهم ان الرأى اتقال

سلام عليك

شاب فقرى يقول...

تعكشه

بتشرفينى بزياراتك

:)

نورتينى

ولا يهمك

ومعلش عالتعليق اللى راح دا :$

تحياتى

شاب فقرى

r يقول...

دى قصه مش مجرد كلام
صادقه

ايمانك بتغير اى شئ حتى الماضى شئ ممتاز
لانه الوحيد اللى هيوصلك للمستقبل اللى عايزه

وان شاء الله توصل

دمت بخير

мαησηα يقول...

ياااااااااااااه بجد بدعيلك من كل قلبى ربنا يرزقك يارب بالزوجة الصالحة الطيبة اللى تكون سندك ف الحياةالتى ان نظرت اليها سرتك وتكون سبب دخولك الجنة ويرزقك الذرية الصالحة اللى تملى قلبك فرحة وتعوضك عن كل المك اللى حسيته ف البوست ده

قول امييييييييييييييييييين