السبت، 19 سبتمبر، 2009

حالتى حالة ...

محدثكم شاب فقرى من أمام الكيبورد
الحمد لله مطبق من إمبارح وعمال أستعد للسفر
طبعا عمال أجهز فى الحاجات اللى هنساها وأنا ماشى
بقلق جدا لما بنسى حاجة وانا طالع اى سفر
وخصوصا ان العبد لله كثير السفر وبيلف الدنيا
لفيت العالم كله ( صفط اللبن - فيصل -شبرا - التحرير دمياط -أليكس - بركة السبع -كفر الشيخ -طنطا )
وطبعا لان عملى عالنت بيفرض عليه اعرف أصحاب من كل مكان فى مصر
فكل أما يبقى ليه صديق جديد بنزل أزوره وألف معاه وأتعرف عليه
إيه اللى بقوله دا
معلش مطبق بقى
نرجع لموضوعنا
المهم انا من الناس اللى عندهم هوس بانى لو نسيت شىء يفضل فى بالى بشكل مزعج وكأنها دبانه رخمة مش عارف أهشها
يعنى لو نسيت فرشة أو برفان إن شاء الله تى شيرت بفضل قلقان وزعلان انى نسيته
وطبعا دا لو سافرت أى مكان
ماعدا مكان واحد بس بحس إن روحى ساكنه فيه
المهم
جهزت الحاجات اللى ناوى اخدها معايه
وفجأة وبدون سابق إنذار وانا صايم ومطبق كدا
من قلة التركيز وانا شغال
عملت مصيبة فى الجهاز
مسحت مجلد خطير فى السيستم
ولأن السيستم إبن حلال
مسح المجلد ولا همه
ودلوقتى هضطر أنزل توزيعة جديدة عالجهاز وقدامى كام ساعة على ما أظبطها زى اللى فاتت
أنا اللى غايظنى مش انها هتاخد وقت
انما اللى غايظنى ان مفيش وقت اعمل كدا فى حين انى نفسى اوى فى الموضوع دا لانه ممتع انى اقعد اجهز فى الجهاز واظبط فيه السيستم بتاعى
( فيدورا 11 ) طبعا لينوكس
نرجع لموضوعنا
النهارده وأنا باخد شاور جت فى دماغى فكرة جامدة جدا
طبعا ناس كتير سألت لماذا إنته شاب فقرى
التعليقات بتسأل
ومش مصدقين
عشان كدا أنا قررت أرد وأوضح الصورة
من خلال سلسلة مقالات بحكى فيها قصة الموضوع
وهطلق عليها (( السلسلة الفقرية )) وتحت شعار (( بعضها واقع والبعض الآخر حقيقة ))
وجهزت الأفكار ورتبتها وإن شاء الله هنزل بالسلسلة دى قريب أوى هنا فى المدونة
هبتدى أكتب من النهارده
وهستنى أى مدون صديق يعمل لى شعار للسلسلة
لو عجبتكم إن شاء الله
مع إن إسمها يوحى بمحتواها ... لكن ربنا يستر دا تاريخى وأنا حافظه كويس
لو ربنا بيحبنى هنزل منها أول حلقة قبل ما أمشى ..
وبالنسبة للبوست الماضى
يا جماعة انا مش معفن قصدى مش مهمل
هبقى احكيلكم فى السلسلة الفقرية بعون الله كل حاجة

والان كفاية رغى منى بقى عشان البوست كدا هيبقى طويل بلا داعى

لكم منى كل التحية والتقدير

شاب فقرى :)

هناك 21 تعليقًا:

حـــلـــم كــــان يقول...

اووووووووووووووول تعليق

مستنيه السلسه الفقريه

حاكم انا والفقر حبايب

ههههههههههههههههههههه

اوعى تنسا حاجه بقا وانت مسافر

كل سنه وانت طيب

شمس النهار يقول...

تسافر وترجع بالسلامه

ومستنين السلسله ان شاء الله


كل سنه وانت طيب

عيد سعيد وسفر لطيف

شاب فقرى يقول...

حلم كان
والله الفقر غالى عليه انا كمان
الحمد لله خرجت من البيت بالسلامة خلاص

تحياتى

شاب فقرى :)

شاب فقرى يقول...

شمس النهار

ان شاغء الله عن قريب

وانتى طيبة وسنعود قريبا بعون الله


تحياتى

ليس فقيرا من يحب يقول...

السلام عليكم

لفت نظرى اسم شاب فقرى

وبما انى فقريه فقلت ادخل استطلع الاحوال ههههههههههههه مستنين السلسله

كل سنه وحضرتك طيب

عيد سعيد عليك يارب وعلى كل حبايبك

7akwena يقول...

والله انا اول مره اجى هنا
بس شكلها سلسله جامده
انا هستنى يا معلم
ولو تقصد بحوار فقرى انك نحس فانا انحس منك هههههه
وعيد سعيد عليك وعلى كل الناس
ومطولش الغيبه

زى الهوا يقول...

Happy 3eed

بيطرية ومش بايدى يقول...

انا عشان الحق بسرعة جدا اقوم احضر حالى بقى للعيد وكده
هاقولك كل سنة وانت طيب يا جميل
وعيد سعيد عليك وعلينا
اعاده علينا واياكم بالخير واليمن والبركات
اللهم آآآآآآآآآآآآآمين
بس اكيد هاجاى واقول رايى ف كل البوستات اللى انت كتبتها

Mo7ammed يقول...

تيجي بالسلامة
ومتابعينك والله ياكبير

وصحيح بما انك نزلت بركة السبع
كنت عدى على شبين الكوم
محسوبك من شبين يعنى ^_^

كل سنة وانت طيب
ويارب ايامك كلها تبقى لزيزة

Sweet Violet يقول...

ترجع بالسلامة ان شاء الله
و طبعا منتظرين السلسلة اللى ربنا يستر و فعلا تنزل لان الاسم يقلق شوية
^_^

كل سنة و انت طيب

حرروف يقول...

طب ماانت مقلتش انت مسافر فين دلوقتي؟؟؟

د. ياسر عمر عبد الفتاح يقول...

كل عام وأنتم جميعا بخير

كل عام والأمة الإسلامية إن شاء الله منتصرة

كل عام ونحن جميعاً إلي الله أقرب وعلي طاعته أدوم

تقبل الله منا ومنكم صالح الأعمال

Angel يقول...


شاب فقري

كل سنة وأنت طيب يارب
وعيد سعيد عليك وعلى كل أحبابك

Ange Love

ghorBty يقول...

كل عامـ وانتمـ في قائمة الابرار الخاشعين

كل عامـ وانتمـ عون للضعفاء والمحتاجين

كل عامـ والسنتكمـ تلهج بذكر الله الجليل

كل عامـ وهناكـ ملك ينادي ان الله قد جعلكمـ من المعتوقين ..

كل عامـ وانتمـ بخير ..

غير معرف يقول...

كل سنة وانت طيب يا معلم
هههههههه

عامل ايه فى العيد ياترى

ترجع بألف سلامة

TWEETY يقول...

كل سنة وانت طيب ياعمو

مبسوطة انى زرت مدونتك

شاب فقرى يقول...

ليس فقيرا من يحب

يشرفنى الزيارة والتعليق انتظر السلسلة بعون الله

شاب فقرى

شاب فقرى يقول...

7akwena

شرفتنى زيارتك نزرتنى

ان شاء الله عن قريب اوى

شاب فقرى يقول...

هابى عيد

كل سنة وانته طيب يا جميل

بيطرية ومش بإيدى

شرفتينى بالزيارة

وكل سنة وانتى طيبة

محمد

ربنا يوفقك ولو فى اى حاجة عايز تستفسر عنها بلغنى

حروووف

انا فى اليكس

دكتور ياسر تشرفنى زيارتك

وكل سنة وحضراتكم جميعا طيبين

هكتب لكم البوست ناو

سلام عليكم وسنعود بعد قليل

fL0weR-giRL يقول...

كل سنه وانت طيب
وعيد سعيد عليك ياسندباد العصر

شاب فقرى يقول...

fL0weR-giRL
وانتى طيبة وبخير دايما يارب
:)