الجمعة، 18 سبتمبر 2009

كيف تصبح شاب مهمل ...


بسم الله الرحمن الرحيم

احب اقول مثل من الأمثال المصرية الشهيرة
(( بيت المهمل بيخرب قبل بيت الظالم ))
والنهارده هطلع سر رهيب وهحكى قصة رهيبة حصلت معايه بس خرجت منها
كيف تصبح شاب مهمل ...
انا صراحة كنت هكتب ( كيف تصبح شاب معفن ) بس قلت بلاش عشان شكلها مش هيبقى حلو
الإهمال من وجهة نظرى هوا التقصير فى أى شىء وعدم عمله بالشكل الكامل له
سواء فى العمل سواء فى الأكل سواء فى ترتيب الغرفة سواء فى الحياة أو فى الأصدقاء
أو حتى فى الحب والعلاقات
الإهمال يعتبر من وجهة نظرى كابوس رهيب لا يمكن الخروج منه لأنه أقوى فى الإدمان من النيكوتين

فى البدايه : ( الخطوة الأولى )
هتلاقى نفسك حد بينضف لك أودتك ويغسلك هدومك ويعمل لك اكلك فتتعود على إنك مبتعملش حاجة
عايش والناس بتخدمك
سواء كنت طالب أو موظف أو حتى بزنس مان أو وومان
حياة من وجهة نظرى ملهاش معنى
فمش معنى انك بتدرس او حتى بتشتغل وبتخرج وبتتعب أو بتتعبى إنك تبقى شخص عايش على تعب ورعاية الآخرين
ومعتبر إن دا حق من حقوقك فى الحياة

( الخطوة التانية )
هتبتدى تخرج كل حاجة من مكانها وتحطها فى المكان اللى يحقق لك أعلى معدل راحة ممكن
بمعنى غنك هتخرج هدومك من الدولاب وتحطها عالكرسى
اللى قدامك وتيجى من برا تحط الهدوم بتاعتك اللى قلعتها فى نفس المكان
لو بتقعد قدام الكمبيوتر كتير
هتلاقى المكتب عليه حاجات كتير ملهاش اى لزمة
( بكره لزق - دنانير فى صورة جنيهات -فلاش ميمورى - سلسلة قديمة - توك شعر حتى على مكتبى :( - بنس - كروت - عناوين - ماوس مكسورة - فانوس ميدالية صغير - ولاعة حتى لو مبتدخنش - فلوس قديمة مقطعة - كشكول فاضى وواحد تانى مقطع )
وطبعا هتلاقى كريمات شعر وخلافه مش فى أماكنها دا غير الميكب
وتبتدى تاكل فى اوقات غريبة وتعمل شاى وعصير فى أى وقت يناسب مزاجك وتبقى ماشى بمزاجك ودى أخطر مرحلة

( المرحلة التالتة )
تبدا فى البعد عن النضافة
مش تنضف أودتك ولا حتى هدومك
وهنا هييجى فترة من الإبتعاد عنك من قبل اللى بيخدموك
سفرية او اى حاجة تخليهم يبعدوا عنك
وتبدأ تسيب الكمبيوتر شغال بالاغانى او بيعمل داونلود وتنام
وتصحى الصبح على صوت الكمبيوتر واى اغنيه شبابية

( المرحلة الرابعة )
تبقى سوبر مهمل
مبروك عليك بقيت شاب مهمل

عشان تطلع من كل دا لازم تساعد نفسك وتحدد لنفسك وظسفة كل يوم تعملها ومش تعتمد على حد وتبدا تغسل شراباتك حتى اذا لزم الامر تغسل اى حاجة وتبتدى تنضف اى مكان بتقعد فيه وتهتم بمكان كل شىء وتحطه فى مكانه
ساعتها نفسك هتتفتح عالدنيا

تحياتى

شاب فقرى مر بمرحلة الاهمال
:)

هناك 12 تعليقًا:

Pink Dreams يقول...

هههههههههههههههههههههههههههه

ياسلام يا سلام على النصايح


لا مهمل مهمل يعنى مش اى كلام

ههههههههههههه

كل سنه وانت طيب يا جميل

عيد سعيد

تحياتى

شاب فقرى يقول...

والحمد لله كنت

بس إتخلصت من الكلام دا كله

وانتى طيبة وبألف خير :)


تحياتى

شاب فقرى

الست فرويد يقول...

:))))))))

كل سنة وانت طيب واقوى من نيكوتين الاهمال

وعقبال كل المهملين يارب

عيد سعيد

funckydoctor يقول...

الحمد لله الى حد ما مجبر أعتمد على نفسى وإلا فعلا هبقى سووووبر مهمل :)

شاب فقرى يقول...

الست فرويد

وإنتى طيبة وبألف خير

نورتى المدونة

تحياتى

شاب فقرى يقول...

funckydoctor

ربنا يستر علينا من الأهمال لانى خرجت من الوضع دا بالعافية

تعبت جدا لدرجة لا توصف

تحياتى

شاب فقرى

fL0weR-giRL يقول...

خلي في علمك

اجدع ناس المهملين

الواحد مابيعرفش ينام الا وغرفته مقلوبه رأسا علي عقب


وماله الأهمال احسن من مافيش


مش بيجيلي مزاكره الا واذا كانت جميع الكتب منتشره ومرميه في جميع ارجاك المكان والله اكبر فوق كل معتد وعظيمه يامصر

هههههههههههههههههههه

** تقبل مروري **

حـــلـــم كـــان يقول...

مع انى النصايح دى كلها موجوده والحمد لله بس قريت البوست

المشكله بقا ان الواحد ساعات بيبقا مهمل خد بالك من ساعات دى بس مبيعرفش يعد فى الاهمل ده

لقوم انظفها عشان ان مش طايقه اعد فيها وده طبعآ بيكون ع عينى لاسيب المكان كله واقوم

بس انت عارف المفروض كنت تكتب معفن دى مش مهمل بس

كل سنه وانت طيب

شاب فقرى يقول...

اكيد يا fL0weR-giRL أجدع ناس المهملين

مش انا كنت منهم فى يوم من الايام :$

تعرفى

أنا كمان كان عندى زمان هوس انى وانا بذاكر الم كل الكتب حواليه وممكن افتح اربع كتي فى المادة واكتب فى اكتر من كشكول فى نفس الوقت

كنت متفوق بقى ونابغة ومحدش زيى :p

نورتى المدونة :$

وكل سنة وانتى بخير

شاب فقرى يقول...

حلم كان

لازم الواحد يعيش فى الاهمال كام يوم ويريح اعصابه وبعدين يقوم ينضف كل حاجة ويخليها زى الفل

نورتى المدونة

وبانتظار عودتك للتدوين عشان اعرف اقرا مقالاتك

تحياتى

شاب فقرى :)

فراشة يقول...

اذا لزم الامر تغسل اى حاجة وتبتدى تنضف اى مكان بتقعد فيه وتهتم بمكان كل شىء وتحطه فى مكانه
ساعتها نفسك هتتفتح عالدنيا

اكييييييييييييييييييييييييييييد

انا عندي كده على طول اعمل وارجع منظمة

اهمل تانى وهكذااااااااااااا

بحب التغيير

وكنت زيك احب الم الكتب حواليا
هههههههه بس انا مش نابغة

غير معرف يقول...

فكرتنى بيا ايام زمان ودلوقتى لانى لسة ما غيرتش عادتى والموضوع بيبقى اسوا

بس المشكلة انى مش حاسه ان فى مشكلة لغاية دلوقتى عشان كده مفكرتش قبل كده اتغير
بالعكس ده انا بتفنن ازاى ابقى فوضاوية بشكل مبدع
بس اهمالى ده نتيجة لمحاولة اعتمادى على نفسى ومتسالنيس تيجى ازاى دى